Готвиме чекор по чекор

Баклава со вишни

Спојлер: ***

Пак вишни... Се надевам не Ви здосадив со рецептите со вишни

Баклава со вишни
500 гр кори
4 јајца
200гр шеќер
200мл масло
300гр кисело млеко / јогурт
Се матат јајцата и шеќерот, се додава зејтинот и јогуртот / кисело млеко и се убаво се воедначува.

Во намастена тава се ставаат две кори се премачкуваат со филот, повторно се става кора, фил, кора, фил... На три места помегу корите се редат вишни, што повеќе, тоа подобро. Со остатокот од филот се посипува наредената баклава, се сече на парчиња и се пече на 200 степени околу 30-40 минути, да добие убава румена боја. Оладената баклава се попарува со врел шербет.
Шербет
1кг шеќер
800мл вода
ванила

​

ПС Кога се активиташе темава мислев дека ке бидете поактивни

 

Бурек



Бурек
500гр дебели, потпечени кори за пита
250мл вода
120мл зејтин
1лажичка сол
Фил - пропржено месо со многу кромид, праз, спанаќ со сирење, блитва, сирење, урда, печурки, кашкавал и шунка со кечап...

Подготовка
Се помешуваат водата, зејтинот и солта. Тавата за печење се премачкува со маргарин. На дното се ставаат две кори, малку преклопени и со страните надвор од тавата. Следните две кори се ставаат „изгужвани“ врз првите две, се попрскува со течноста, се става фил... Истата постапка се повторува додека не се потрошат сите кори. Откако ке се наредат корите и филот, со краевите од првите две кори се се покрива, да се добие рамна површина... Се остава 20-30 минути за убаво да се впие течноста и се пече во добро загреана рерна. Кога е убаво заруменето се вади од рерната и се преклопува на даска, се сечат парчиња и се... ужива
Напомена
Најубав бурек се прави од дебели, потпечени кори*... Но, ако не можете да најдете баш такви, може да се користат и корите за пита.
* Ставив неколку фотки од корите, се надевам се гледа дека се дебели и потпечени

​

 

Разбрано.
Едино што не разбрав е дали ќе биде истиот ефект со обични тенки купечки кори. Тука кај нас има и дебели кори ама многу се суви и кога се печат доаѓаат баш суви и никакви. Не ми се допаѓаат или јас не знам да си ги направам. Овие твоиве од кај се и какви се не се гледа убаво на сликава.
Бурекот ти е жива стрв ми се плаче од гледање

 

Витаминче, само во МК има вакви кори
Малку се зезам... Корите се од „Душогупчани“, навистина се прекрасни за пити, бурек и гибаница
Можеш да користиш и потенки кори, и со нив е убав бурекот...
Кој не пробал бурек со подебели и потпечени кори нема да примети разлика

 

Јас баш поради тоа што веќе правам ваков со купечки тенки кора и не ми е тоа тоа те прашувам за рецепт оти искрено се гледа на сликава дека не е со купечки кори како што користам.
Ништо..
Ми останува кога ќе одам во мк да си купам вакви кори и да си донесам.
Фала ти.

 

Мене ич не ми е јасно какви се тие потпечени кори. Така да ги барам во маркет?
Еднаш пробав да направам бурек со кори како за баклава( јас за други и не знам) и заврши во канта. Ако ме упатиш и ми објасниш на попросто како да ги "познаам" овие кори ќе ти бидам многу благодарна

 

Имаат кафејави „дамки“ по цела површина...
Побарај во специјализираните продавници за кори

Еве сликО...

 

А суви ли се многу?
Не мене ми изгледаат баш сочни како сукани по дома.

 

А ти од кај ги купи? Во мојот град нема таква "специјализирана продавница.
Те напнав , ама да кажам да ми донесат од Скопје.
Ќе ти го сонувам бурекот,каков е

 

Воопшто не се суви и не се кршат... Даа, баш се како сукани по дома

Напишав погоре... Производител е „Душогупчани“

Цццц... колку ги изрекламирав кориве!!! Ке треба процент од продажба да барам

 

Хахаха. Абе јас помислив се зезаш со ова Душогупчани.
Ќе барам утре од маркет на маркет душогупчански кори со дамки
Фала

 

Бубче јас бурек правам секогаш со струмичките кори Дени-м кафена опаковка, сигурно и кај вас ги носат.
И нема промашај.

 

И тие ли се такви потпечени?.
Јас правев еднаш со тие едни грчки што се во плаво ќесе.тенки многу.
У уста не се ставаше. Суво,тегаво,бљак

 

Не се потпечени.
Ама прекрасни се. И за баклави и за баници. Гарантирам.

Грчките се со чуден вкус. Не се убави.

 

Се мислев дали да го објавам тука, или во натпреварот, ама натпреварувачкиот дух ќе си го чувам за наредна прилика Интересно е што кај нас дома благо не се јаде и не се бара, ама од оваа баклава никогаш не им е доста Штета што немам повеќе време, би ја правела и почесто.
Баклава со кокос и сусам
Рецепт:
1кг кори
500мл вода
500мл масло
750гр шеќер
2 ванили
200гр кокос
200гр сусам
Подготовка:
во длабок сад се мешаат водата, маслото, шеќерот и ванилата, додека да се стопи шеќерот. Во друг сад на оган се потпекува сусамот.

Плехот се покрива со хартија за печење. Секоја кора се попрскува со течноста, првите две кори се попрскуваат со кокос, следните три со сусам.

На тој начин се реди баклавата до крај (две кори кокос, три кори сусам). Се сече и се пече во загреана рерна на 250 степени, 40-45 минути.
Шербет: 1кг вода и 1 кг шеќер, да зовријаат. Баклавата изладена, се полива со врел шербет.

Оваа баклава се подготвува брзо, а вкусот и е уникатен.
На сликите баклавата е подготвена од половина кг кори. Овојпат корите се од трио, вообичаено земам кичевски, но во последно време кичевските се мн влажни и не се убави за работа. Во рецептот нема гриз, но може секоја кора да ја попрскате и со него, нема да смени во вкусот, ќе смени во примањето на шербетот. Без гриз, спремна е за послужување за 40 минути, а со гриз пожелно е да отстои 12 часа.

 

@Jas! Изгледа превкусно.
Сликнија од друг агол и стави ја во натпреварот, мислам може

 

Гибаница со сирење



Гибаница со сирење
500гр. кори (за пита)
6 јајца
100мл зејтин
800мл млеко
1 лажичка сол
1 пециво
сирење
Се матат јајцата, солта и пецивото. Се додава зејтинот и млекото и се се воедначува.
Тавата за печење се премачкува со маргарин, се ставаат две кори на дното, се прелева со филот, се додава дробено сирење и се покрива со кора. Врз кората се става од филот, се става повторно кора, фил и сирење... Кога ке се потрошат сите кори се прелева со остатокот од филот, се сече на парчиња и се остава да одстои 30 минути.
Се пече во добро загреана рерна 40-45 минути. Откако ке се испече се попрскува со минерална вода.

​

 

Ajде некоја послободна домакинка нека ни постира ,како се прави пача или пивтии сеедно

 

Баклава со пудинг и ореви

​

​

Баклава со пудинг и ореви
500гр тенки кори
150гр путер

Фил
300мл млеко
1 пудинг од ванила
300гр мелени ореви
1 лажичка цимет
2 ванили

Шербет
600гр шеќер
400мл вода
2 ванили
сок од лимон
Се вари пудинг од млекото и пудингот, се додава 2 ванили и пола лажичка цимет. Кога ке се олади се додаваат 300 грама мелени ореви и се убаво се воедначува. (сл. 2 и 3)
Путерот се растопува. Се зема една кора, се попрскува со растопениот путер, се покрива со друга кора, пак се попрскува... И така се редат четири кори една врз друга (сл. 4). Наредените кори до пола се премачкуваат со филот од ореви и пудинг и се виткаат во ролна сл. 5 и 6). Се сечат мали парчиња, околу 2 сантиметри (сл. 7) и исправени се редат во намастена тава (сл. . Се пече до заруменување (околу 20 минути). Топлата баклава се прелева со оладен шербет (сл. 9).
Баклавичките се мали, секоја е едно залаче (сл. 10) .

 

@Val-Dim Браво !! =)