Готвиме чекор по чекор

Домашни сардини



Се чистат 4-5 килограми сардини, се мијат и се редат кружно во тенџере. Секој ред се зачинува со вегета и се попрскува со зејтин. Во средината на тенџерето се става многу сецкан магдонос, сок од 2-3 лимона и вода.



Се вари на тивко додека не се сварат сардините...



Се сервира со парченца лимон откако убаво ке се олади.
Овака подготвените сардини се исти на вкус како конзервираните

 

Супер, а од каде ги купуваш неконзервирани? Каде ги има?

 

И јас за грчките да се пожалам.Некако киселкав вкус имаат и како да се расипани,мајке ми.Само мене ми се чини или така е?

 

Такви се.
Последен пат цела баница заврши во канта од корите.
Од тогаш ако нема наши не земам никакви.

 

Се варат со бело вино!

 

Сардините ги купувам во рибарница, а мислам дека има и смрзнати во поголемите маркети.

Јас ги варам во вода, не сум пробала со бело вино. Мислам дека и конзервираните сардини се во вода...

 

Едно од моите омилени јадење.
Полнети модри домати со болоњезе сос.
За 4 особи е јадењево.

2 поголеми домати ги сечеме на половина и ги длабиме со нож и средината ја сецкаме на ситно и ја пропржуваме со кромид и лук, потоа додаваме 500гр мелено месо и пружиме додека порумени. Додаваме 500гр доматен сос и околу 300 мл вода. Поклопуваме со капак да се крчка на тивко додека испари водата и често мешаме. Зачини по желба.
Кога е готов сосот ги полниме доматите и наливаме околу 200 мл вода и ја покриваме тавата со фолија со ситни дупчина.
Пречиме еден час со фолијата потоа ја тргаме за да порумени од горе. Пред крај додадов моцарела а може и кашкавал. Одличен ручек и многу вкусен.

 

Омилено за ручек на сите

Пола литро или литро вода се става да зоврие со една коцка за супа, зависи од количината на оброкот
Во мојот случај е 1 кило вода



Со претходна направена смеса од мелено месо со јајце презла кромид и зачин правам кофтиња и ги редам во тава да се испржат на тивко



Вака спржените кофтиња се ставаат во тавата со претходно направената смеса или сос заедно со маслото



Во меѓувреме додека се пржат кофтињата се додава пола кило доматен сос заедно со зачин и се остава да крчка на тивко



Овде кофтињата се додадени па оставив да покрчкаат со се сосот.



На крај сервирано до качота.

 

Мусака од модри д. и тиквички.

Пржам една главица кромид и 3-4 чешниња лук. Додадов мелено месо колку 400 гр, пржев додека порумени месото и додадов доматен сос 500 гр и вода околу 300 мл. Зачинив и поклопив со капак да се крчка на тивко додека испари водата.
Модриот домат го исеков на кругови и го навредив долу во тавата и го додадов сосот. Од горе ги навредив тиквичките исечени на кругови, налеав вода околу 200 мл и ставив фолија од горе бидејќи тиквичките брзо горат. Пред крај ја тргнав фолијата за да се под печат тиквичките. Од прилика 40 мин печев со фолија потоа уште кратко без фолија. Од како се подпечија од горе ја потурив со 400 мл густ јогурт, 2 јајца и 250 гр моцарела сечкана на коцки. Вратив во релна додека порумени. Превкусно.

 

Еве го моето свинско со лук за денеска. Не ги гледајте сликите дали се убави плиз.

 

Сладолед

​

1 литар млеко масленост 3,2% или 3,5%​

(колку е помасно млекото толку подобро)
300 гр шеќер
Се вари. Откако ке проврие се остава уште 10 мин. да врие, да испари што повеќе вода.
Оладено се замрзнува.

2 кесички шлаг пена
2 кесички сладолед во прав - ванила
4 кесички ванилин шеќер
300 мл млеко
Во подлабок сад се ставаат прашкастите состојки, се додава млекото и се мати додека не се добие цврста смеса. Се додава, лажица по лажица свареното, смрзнато млеко (иако е длабоко замрзнато лесно се вадат парченца со лажица). Цело време се миксира!
Се добива убава, бела, хомогена смеса со мирис на ванила, која што кога ке се замрзне нема кристали!!!
Ова е основата за сладолед, околу 5 литри

​

Потоа... се прават вкусови по желба
Овошен - пасирана банана + сладолед; сецкани јагоди + сладолед; овошен сируп + сладолед...
Капучино - 3 лажици капучино + 1 литар сладолед
Чоколаден - стопено чоколадо + сладолед; нутела + сладолед; сецкано чиколадо + сладолед...
Потпечени лешници или ореви, суво грозје, кокос... Идеи 1001
Илии... основниот вкус на ванила прелиен со чоколаден прелив

​

Спојлер: ***

За помалку од 200 денари, со малку труд ке добиете 5 литри сладолед идентичен со индустриските
Плус... домашно си е домашно

 

Нема да веруваш ама цел ден те чекав со рецептот

Фала, ќе го испробам откако ќе ги изедеме кутиите што веќе ги направив

 

Еее... Колку што сум активна во последно време на Фемина можеше да чекааашшшш...
Иии, да... Да не бев означена во готвачката тема, ништо од сладоледот!
Маа, домашните те поздравуваат со едно големо благодарам

ПС Да означам и јас
Знам дека @mareane го испроба рецептот минатата година... Пааа, чекам впечатови за вкусот

 

Ааа,да лани го правев,навистина супер е .Со 3 различни вкуса 3 кутии за цел месец има.Без кристали и лесно за црпење од кутија .Арно ме потсетивте сека пак е лето да направиме...

 

Пита по барање на ќерка ми.

 

Кам рецептот

 

Ам рецептот одсеќавање и нешто од памет

2 и пол шољи брашно и 200 грама путер, 8 лажици вода, лажица шеќер, малку сол. Се меси и се дели на два дела и во фрижидер. Тврдо и тешко е, болат раце.

Додека седи у фрижидер, се лупат јаболка и се сецкаат, може и круша, јас стаив и вишни, брашно 1 лажица, мед ставив, ванилин шеќер, Цимет... се

Па се прави едниот дел со сукало и се става у огругло тавче од свекрвата па смесата се истура и одозгора лентите се редат.

Се пече на 200 додека не замириса. Одозгора Цимет и шеќер во прав. Моите и млеко пијат со ова.

 

Лиснати триаголници со готови кори.
Рецепт?
Само пишете така на гугл и првото.

 

Тиспиштија со вишни.
3 јајца се матат со вилушка со шеќер (по желба, треба 450 грама јас 50 ставам ама и лажица мед), па се додава 300 грама брашно, 200 јогурт, 2 ванили, пециво. На крај се ставаат вишните и се става се во сад за печење, околу пола саат на 170.

Поубаво личи со шеќер во прав на крај врз нив, ама ќера ми го лижи и го остава другото, затоа не стаив.

 

Јавно да пофалам дека рецептот е одличен. Јас комбинирав :
1. 5-6 лажици нескафе и малце рендано чокладо
2. Дробено орео и рендано чоколадо
3. Топено чоколадо, мелени бадеми, крупни бадеми, рум шекер и рум пола чашка - вкус превртување