Готвиме чекор по чекор

Да ја размрдам темата

Тегнети банички

800 гр млака вода
1200 гр брашно
4 лаж зејтин
1 лажичка сол

Се замесува тесто, тестото се меси 10 мин.
Од тестото се прават околу 10 тина топки може и повеќе.


Се оставаат да одстојат 20 мин.
Потоа се сучат мали корички се ставаат под подлога направена од смеса од путер и зејтин (150 гр путер и 150 гр зејтин) со оваа смеса се премачкуваат корите, под и над, малку засуканите корички се мачкаат исто со оваа смеса па и тие се оставаат да остојат 20 мин.


На чаршав се развлекуваат корите (јас ги кинам тестата од страните бидејки не ми успева да ги развлечам на масата)


Се става фил по желба и се попрскуваат малку со смесата од путер и зејтин јас ставив јајца и сирење па се мотаат во пужајчиња и се печат на 200 степени.




Кога се вадат од релната се
пропрскувааат со водичка и зејтин.

 

Тортелини со месо.
Прво се пропржува кромид и морков.

• Се додава меленото месо, мешавина од телешко и свинско.
• Се додава еден патлиџан ситно сецкан, лажица пире од домати, млад лук, зачини ( сол вегета црвен пипер бибер)
• Се варат таљателите у исто време,додека да сменат боја, да се ал денте
• Се сервира, украсено со млад кромид и босилок.
• 

 

​

Полулиснати триаголници
900 гр брашно
1 квасец
1 пециво
250 мл млеко
250 мл вода
9 лажици зејтин
2 лажици шеќер
2 лажички сол
* 1 маргарин / путер

Се замесува тесто од сите состојки (освен маргаринот), се дели на 4 парчиња. Од секое парче се развлекува кора, се премачкува со омекнат маргарин, по цела површина се става издробено сирење ( може и друг фил, спанаќ-сирење, кашкавал-шунка) и се витка ролат.

​

Ролатот се сече накосо, како триаголници.

​

Триаголниците се редат во намрсена тава, се премачкуваат со жолчка, се наросува сусам (ким), се става парченце маргарин.

​

Откако ке стасаат триаголниците се печат на 200 степени околу 30 мин, да заруменат.

​

 

@Val-Dim откако ќе се замеси и подели на 4 парчиња, треба да стаса или веднаш се сукаат 4те парчиња, па стасуваат само накрај пред печење?

Може бош прашање, ама не сум вешта ни малку со тесто...

 

Руби прашањето си е на место, сум испуштила да напишам
Замесеното тесто одма се обликува, не стасува, полесно е за работа. Обликуваните триаголници се оставаат да стасаат и се печат.

ПС Малку каснам со одговорот...

 

Под прашање: дали од ова тесто можам пола (2/4 топчиња) да ги направам вакви триаголници,а другите две во кифли?

 

Може Риби, а што не би могло
И јас често правам така... имам еден дечко дома што само кифлички признава од месено, па од секое тесто оставам по малку и виткам... обликот е важен
Од овој рецепт куфличките се ОК, стави сирење, завиткај, премачкај со жолчка, нароси сусам, стави парченце маргарин и кога ке стаса печи

 

Еклери
500 мл вода
200 мл зејтин
300 гр брашно
1 прашок за пециво
прстофат сол
6 јајца
Водата, зејтинот и солта се ставаат да зовријат. Се додава брашното и убаво се воедначува смесата.

На оладеното тесто се додаваат јајцата, едно по едно со постојано матење.

На крај се додава пецивото и цела смеса убаво се воедначува.

На тава за печење обложена со хартија со шприц се формираат облици по желба.


Се пече во загреана рерна на 200°C 20 минути без отварање на рерната. Потоа температурата се намалува на 100°C и се оставаат уште 15 минути да се "исушат" од внатре.
Готовите еклери се засекуваат и се полнат со крем.
Крем
1 литар млеко
18 лажици шеќер
10 лажици брашно
4 жолчки
4 ванилин шеќер
Се матат жолчките, се посипуваат со млекото и им се додаваат измешаните на страна шеќер и брашното. Се добро се воедначува и се вари со постојано мешање. Кога ке зоврие кремот се додава ванилиниот шеќер.
Готовите еклери се посипуваат со чоколадна глазура.
Глазура
10 лажици млеко
4 лажици шеќер
2 лажици зејтин
2 лажици какао


ПС Ова е првото блакце што сум го направила сама... пред ххх години
Бара малку повеќе време, но вкусот е извонреден
Има и еден недостаток... времето на подготовка е подолго од времето на дегустација... Ги снемува за час

 

Dali moze so zamrznati visni?

 

Да, јас замрзнати ставам

 

Смее ли да се замрзнува готов пинџур со зејтин турено и лук и дали е вкусен одкако ќе се одмрзне?

 

Тирамису со нутела

4 жочки
100 грама шеќер
500 грама маскарпоне
Пишкоти
Нутела
Какао


Најпрвин се вари какото за да се потопат пишкотите при редење на тортата.

јајцата се матат со шеќерот, (има опција да направите врел сируп од шеќер и вода, па лека полека да потурате при матењето на жочките ако не сакате живи жолчки).



Откако ќе направите густа смеса се додава маскарпонето матеејки.
Се до соединување на жолчките со маскарпонето.


На крај се редат пишкоти (потопени во какао) па се мачка со нутела па со кремот од маскарпоне па постапката се повторува вкупно 3 пати.




на крај се наросува со какао.

 

Мусака со модри домати
1 се пржи кромид лук морков пипер

2 модрите се сецкаат и се потпопуваат во вода
3 компирите исто
4 се додава месото, еден домат, сос од патлиџани, зачини
5 се редат ред компир ред модри ама пржени
6 се става месото
7 ред модри ред компири
пред да се допече десетина минути пред крај се става јајце или бешамел. Денеска по желба на ќерка ми баше со јајце, ќе ставам како личи и со бешамел

 

Еве со бешамел