Тоа е семе за цвеќиња, на ќесичката пишува од кој до кој месец се сади, значи прво се прави расад, јас обично ги садам во мали саксии по неколку семки (десетина) и откако ќе изникнат се пресадуваат на земја или во саксија (исто пишува кој месец се прави тоа, во зависност од видот на цвеќето).
Имам прилично голем двор, составен е од 4 тревници и една поплочена голема тераса. Тревата во двата тревника ми е многу убава, редовно ја косиме и ја одржуваме, но третиот тревник не ми го фаќа сонце и никако не ни успева трева таму, имаме садено разни видови на трева, ништо не успева таму, џабе е ѓубрење и се, и стои така како земја, а во мал триаголник имаме разни цвеќеца, моментално порасанати се само кокичињата Во тој тревник има вишна но не е многу голема. Во најголемиот тревник имам големо дрво - кајсија, која е најубава во нашата улица и дава највкусни, најсочни и наголеми кајсии. Има мало јоргованче, голем црвен трендафил кој ми е омиленото растение во дворот, одоколу е заграден со жолти камења, има и мала зелена грмушка. Третиот тревник е празен, односно освен тревичка нема ништо друго, тој е најмал, само од едната страна има цвеќенца некои, а заграден е со ниска дрвена ограда, каде што поминува патеката за влезот дома. Таму има насадено уште еден трендафил кој е шарен, шолто со розево му се цветовите, тој ми е насочен да расте како полукруг и потоа по должината на оградата на скалите кои водат на вториот кат на куќата. Во четвртот тревник имам слива, големо дрво и мала смоква, многу сакам да имам жална врба, преубаво дрво ми е. На поплочената тераса летно време имам огромен чадор скопско кој ја покрива речиси целата тераса, масичка и столчиња, секога таму седиме со гости, навистина е преубаво. Планираме да ја заградиме со бамбус од едната страна таа тераса, за да не не гледаат комшиите намоќори Над терасата имам железни конзоли по кои расте лозница, ја покрива половина од терасата и ни раѓа убаво зелено грозје. Кога се влегува во мојот двор најпрво има скали над кои исто така расте лозница и ги покрива сите скали одозгора, а го опкружува и најголемиот тервник од две страни, таман да не гледаат сите од улица. Имам место за базен и голема желба имам да направиме, ама не се согласуваат домашниве Имам два балкони, горниот се простира по должината на цела куќа, а долниот е пола од него, летно време се украсени со кафени саксии со сардели во разни бои, многу убаво изгледаат. Позади куќата имаме мал простор, таму татко ми си направи бавчичка во фолија. Сади домати, салатки, краставички, кромидчиња и се највкусниот зеленчук што го имам пробано. Сега насади и тикви Мајка ми има многу други цвеќиња кои зимно време ги чува во подрум, а летно ги става на терасата, адами, фикуси, има едно не пипај ме се вика сите грижливо ги негува. Тоа е моето дворче, полесно ќе беше да го сликнев
Токму поради градина сакам да живеам во куќа. Имаме голем двор со трева, кој редовно го коси татко ми и единствено жали зошто нема син за да му помогне за косење. . Секако го косиме со косилка. Имаме три зимзелени дрвца кои се посеани во исти ред само на поголемо растојание. Од едната страна имаме жива ограда додека од другите три страни немаме. Во дровот имаме една круша, кајсија, вишна, три јаболка и јаготки. Имаме и лозница која се простира на еден кош во дворот, а веднаш после нејзе имаме посеано капинки. Како што е патеката по која поминуваме за да стигмене до домот имаме посеано цвеќиња од зумбили(кои сега цветаат),па лалиња,гладиоли,трендафили,до расни ситни цвеќиња кои не знам како се викаат бидејќи за нив е задолжена мајка ми. Исто така имаме и трем поплочен на кој имаме голема маса и слолчиња, и штом дојде пролет ние ја отвараме сезоната за седење во двор и така до доцна есен.Сите гости кои ни доаѓаат уживаат да седат во двор и затоа чуката ни е чиста .Колку е убаво да се изпие шоља утринско кафе во двор,ммм уживанција. Ние во тремот и си ручуваме.Оваа година татко ми планира да направи фурна за да правиме скара,мммм скаричка со пивце,оф мераци.
Кога се влегува кај мене во двор од едната страна под мојот прозорец има мал простор кој има лалиња, кокичиња, ружа и уште некои цвеќиња кои не знам како се викаат. Од другата страна има патека која е широка околу половина метар. На неа има се и сешто. Неколку рози, еден огормен трендафил кој расте голем и се шири, цвеќиња кои јас ги викам ѕвончиња, но не знам точно како се, божур имаме итн. На терасата имаме неколку големи цвеќиња и неколку саксии со петунии(мислам дека се петунии). Над дворот имаме 3,4 лозници кои држат преубава сенка на лето. Грозјето е многу убаво и вкусно, но за жал некој ни ги изгорел со нешто и минатата година едвај некоја роди. Позади имаме бавча, за да не се гледа многу од улицата мајка ми ја загради со огромни цвеќиња. Јас побарав коренчиња, но ете не помнам како се викаат. Во истиот ред со цвеќињата има пролаз за бавчата и имаме смоква. Смоквата на мајка ми и е слаба точка. Посади неколку и оваа едвај се фати. Во бавчата имаме пак 2 лозници на еденот крај, а под нив јагоди. Покрај оградата со соседите имаме малини. Мајка ми во бавчата си сади домати, пиперки, тиквици, кромид, лук, цвекло, марула... Имаме и краставици кои минативе 2 години беа големи и повеќе од 60 см. Мајка ми многу беше горда. Низ бавчата имавме и 15тина дрвца, но повеќето моравме да ги извадиме и сега останавме со 6,7. Но, за жал соседите се гадови, па користат шанса кога не сме дома да ни ги уништат плодовите. Мајка ми едвај чека сега да се раскопа се за канализацијата и кога ќе се пополочува дворот да си го среди по свој вкус. Има добри идеи само им треба реализација. Домашните цвеќиња си ги изнесува надвор од март до октомври и на нив премногу внимава. Има едно Не пипај ме кое и е слаба точка. Цвета два пати во годината и особено му се радува. Кога ќе го средиме ќе добиете и некоја сликичка. П.С. Јас каде и да одам си барам коренчиња од цвеќињата што ми се допаѓаат ама некои се циции и за коренче
Moeto hobi se cvekinjata.....Gi obozavam ,kade i da odam samo zagleduvam i si baram korence....A i posledniot denar ke go dadam da si kupam nekoe novo cvekence Ziveam vo privaten stan i imam sreka da pozadi zgradata imame golem prostor...Veke nekolku godini,kopam ureduvam;taka da sega imam dosta cvekinja vo dvorot;lalinja,ljubicici,trendafili,karanfili,bozuri.....Mini -Mouse-cvekinjata na prvata slika se petunii....Gi ima na zelen pazar(3saksiicki za 100den)Tie cvetaat do kasno naesen;a vtorite se sardeli i niv gi ima na z.pazar po 30-40den edna saksiicka...Lani probav so seminjata vo kesicka i ne sum zadovolna...nisto ne izleze i zatoa poveke kupuvam rasad barem nacisto sum sto kupuvam(go gledam)A najmnogu mi pravi keif prkosot koj ima PREKRASNI cvetcinja vo site boi i e mnoooogu otporen Pozdrav do site [mod-kirilica:2urjxfhs][/mod-kirilica:2urjxfhs]
Серафима Фајловите ти се фантазија!!!!За жал во Македонијава не се мозе финансиски да се постигне тој колорит!!!(барем јас)цвекињата не ги пуштаат поефтино од 3за 100ден а толку многу жардињери имам за полнење и аранжирање Ке почекам да помине уште време да поефтинат и ке се турам во акција А сега само ги гледам и бирам (во мислите)Имам купено љубичици,за кои ми рекоа дека цветале и во зима??????????и мини гербери за кои дефинитивно знам дека се едногодишни иако продавачот ми вика дека ако ги засадам во градина и следната година сами ке си никнат??????Многу се убави Најзадоволна сум од чпркосот(сам се расадува)сарделите и оние мини бегонии(воденичиња сто ги викаат)Тие кога ги садев во жардињери ми траеа една сезона ,но сега ги садам во градината и се множатко луди!!!!!ПОЗДРАВ ДО СИТЕ!!!!!
Спојлер http://www.kafepauza.mk/zanimlivosti/romantichnoto-cvetno-kralstvo-vo-japonija/ малку офф но го сакам овој Јапонскиов Градинар да ми среди по дома цвекето
Знае ли накој од каде можам да купам ваков држач за саксија и колкава му е цаната Втората слика е мала ама се надевам дака знаете за што станува збор
Такви држачи можат да ти направат по нарачка, тие што прават ковани огради...Има еден на стара рампа(до кинеската продавница) Однеси му слика или опиши му какви сакаш СИГУРНО ќе ти направиб ПОЗДРАВ
Ох, ај да ви ја опишам мојата градина Имам навистина голем двор и пред куќа и зад куќа. Напред имаме тревник со борови покрај ограда од улица, чисто да ги задржуваат прљавштините од колите што поминуваат. Покрај тревникот по текот на патеката имаме цвеќиња засадено, долж целата патека и колчиња на 10цм (оти кучката партал ќе ги направи, гази кај стигне). Од двете страни на дворот има жива ограда засадено и покрај тоа што сме покрај улица, кога си седиш во двор делува баш како да си во некое свое катче опкружено со зеленило. Од едната страна на оградата покрај улица има засадено ружи кои се бесат по оградата и се многу убави кога цветаат. На патеката покрај куќата напред и на терасата имаме саксии со петунии и сардели и цело лето цветаат и се преубави, ги обожавам петуниите. А позади куќа, уфф..што да ви кажам . Во прв ред се едни цвеќиња што растат високо и имаат големи црвени цветови(стварно незнам како се викаат), а зад нив еден куп зеленчуци и овоштија. Кога сега ќе се сетам колку и се противев на мајка ми да сади земјоделие сум била навистина многу глупава, ова е подобро од било кој базен. Нема поголемо задоволство од тоа да гледаш како расте тоа што сам си го посадил. Имамееее сливи, кајсии, вишни, бадем, лешник, орев, праска, дуња, круша, јаболко, киви и капини (кои никако да родат плод ), марули, домати, пиперки, краставици, моркови, ротквици, лубеници, дињи, јагоди, магдонос...и незнам уште што на половина од дворот позади, другата половина е само со трева и дрвца за да може кучката наша слободно да се рекреира. Убава комбинација ми е, напред е катче за гости, одмор, релаксација, а позади нашето здраво изобилство на храна (браво ме мамо )
