Греење во домот

@Kasiopaja221 , таков систем не сум видела искрено.

Зборувам за ваков собен


Најчесто што би се користеле т.е се користат барем овде во Мк. 1-1,5 вреќа собира, што значи барем еднаш до два пати во ден мора полнење.

 

Мислиш со ваков поврзан со радијатори низ цела куќа?
Ќе треба на секој саат да дотураш пелети

 

На околу 120-130кв куќа, 5-6 часа трае една вреќа. Сме пробале од лично искуство ова.
За поголеми котли и системи, ќе проучам дополнително. Не знам во Мк какви опции се нудат.

Поентата ми беше спрема разликата меѓу дрва, пелети и топлотна. Пелетите не се толку мачни како дрва, ама за нијанса поевтин систем и греење, од топлотна. Спрема моменталните цени на пазарот тоа.

 

Се разбираме.
Градирано би било вака некако:
Топлотна>пелети>дрва.

 

А геотермална опција постои ли? Гледав од Даикин има опција, да се користи земјата како извор на енергија, па тоа ми изгледаше некако најпримамливо…

 

Сум слушнала дека постои, ама не знам зошто не ја разгледуваме воопшто таа опција. Да го прашам "шефот" дома, па ќе пишам ако си заинтересиран

 

Немам топлотна пумпа, во стан живеам.
Ама, кај моите кога живеев бев во куќа, без изолација, се греевме на дрва. Една соба, макс две, другите смрзнувачка
Затоа и зборам дека кога се гради куќа, треба да се размислува долгорочно. Викаш 20.000 евра, во квадратура колку е тоа? 40-50 м2? Епа, ќе напраиш помала куќа, ама ќе инсталираш асолно греење.
Кај нас овој момент е последен на списокот кога се гради куќа и секогаш се нема пари. А се има пари за 300 квадрати да се градат. За скапи кујни, паркети и чуда, ама за греење не! Некако обратно се поставени приоритетите.
Да не зборам што кај нас при толку сончеви денови, се уште слабо е застапено соларното греење.

 

Ние се грееме/ладиме веќе 4 години на топлотна пумпа + во секое време си имам топла вода. Опција за новоградба е да се стави подно греење наместо фен-кулери, ама тоа си е ваш личен избор. Кај нас дека реновиравме и немаше можност за подно, а многу сакавме... Подобро нешто здравје, секаде низ дома ми е иста температура лето-зима. Ние грееме/ладиме околу 150м2. Сметките за струја зима се малце повисоки а нa лето пониски, меѓутоа сме презадоволни. Ја имаме LG Therma V.

 

Колку ви се сметките отприлика? Не мора тука да пишеш ако не ти е згодно, можеш во порака

Прашувам бидејќи и јас имам една таква слична за греење, додуша малку поголема е ама ете појака пумпа би била ако треба, до сега на дрва се грее ама јас сум голем дрвомрзач

Е сега, кај нас за да е топло мислам нема да е доволно нешто што ќе дува, туку нон стоп треба да зрачи топлина бидејќи нон стоп е ладно ама еве ги преиспитувам сите можности

 

@Dust , со топлотните пумпи за најголема заштеда ја вклучуваш пример октомври и гасиш со мај. Дење, ноќе си работи таа и е топло. Максимум што е прилагодливо во секоја соба да си регулираш потопло или поладно сакаш или да затвориш вентили за одреден простор воопшто да не се топли.
Не е препорачливо вклучување и исклучување постојано.

 

Не сум знаела за апликацијата за поврат на средства, ти благодарам многу!

 

За нашиот простор прашавме мајстор, ни рече цена помеѓу 7-9 илјади. Мислам дека цената од 20.000 евра е нереална и неисплатлива.

 

Сметката за струја на лето се движи околу 6-8.000 денари, а на зима одприлика околу 12.000, со тоа што нели нормално тука не е само топлотната пумпа, ние грееме/ладиме околу 150м2, имаме 2 кујни + летна кујничка и нормално апаратите за домаќинство од кои што нон-стоп си работат роботот, електричната хранилка и фонтаната за миленици, прочистувач на воздух итн итн да не редам сеа, сето тоа си троши струја...
Имаме 2 големи бојлери за греење на вода и топла вода имаме нон-стоп, со тоа што имаме и соларно, на лето се користи водата од соларното и затоа сметката за струја на лето е пониска.
Кај нас пумпата си работи нон-стоп, освен во месеците кога и надвор температурата е нормална, односно април/мај и септември/октомври.
Температурата лето/зима си ја подесуваме како што ни одговара и можам да кажам дека апсолутно низ цела куќа имаме постојана температура во сите простории...
За топлотната пумпа не знаевме, меѓутоа пред да земеме соларно дознавме дека во НЛБ може да се аплицира за ГЕФ кредит (за енергетска ефикасност) кој може да се земе и за топлотна пумпа и за термо-фасада итн, а со истиот има поврат на средства 20% од вкупната сума. Нас соларното не чинеше околу 60.000 денари, а повратот ни беше околу 12.000денари што воопшто не е лошо...

 

Значи за 100кв е горе доле 8К евра
Тука е пумпа и плус подно,радијатори,или само пумпа
И кај мене за 100 кв ми побараа 9к

 

Нас исто не чинеше горе-доле околу 25.000 евра (пумпа, бојлери, фен-кулери, работна рака)...
Ова се цени пред короната, монтажата е правена на есен 2019 година.

 

Да Алиса . Ние моментално поставуваме. Толку некаде испаѓа. 35-55еквадрат е за поставување на системот т.е цевките од подното плус пумпата, од 4000-8000е . Зависно каква ќе ставиме.

Може ли да ми пишеш повеќе за ГеФФ? Нели е тоа кредит? Па после прават поврат? Или ние грешка разбравме.

 

Така е, се работи за кредит за енергетска ефикасност. Може да се искористи за термо-изолација на фасада, кров, топлотна пумпа, соларно итн. и има поврат на средства 20% од вкупната сума.
Кога ја купувавме пумпата немавме поим за кредитов, ама подоцна кога дојде ред да ставаме соларно, луѓево од фирмата за монтажа ни спомнаа за кредитов. Пошо сум клиент на Нлб отидов таму да се распрашам и одма аплицирав, а меѓудругото, беше потребна и детална про-фактура од фирмата која ќе ја изведува монтажата на соларното. Мислам дека за одприлика 10 дена ми беше одобрен кредитот, со тоа што средствата веднаш се уплатуваат на сметката на фирмата-изведувач, па после тоа бев да потпишувам нешто како што се сеќавам и после 1 месец добив поврат на средствата.

Еве тука прочитајте си подетално: https://ebrdgeff.com/macedonia/mk/

 

Дали може само пумпа да се постави, и тоа кредитот што го зборувате дали може само за пумпа да се купи да се искористи?
Подното е инсталирано, цела куќа е со подно, само не е поврзано. Прво као на струја ќе беше но ништо така остана.

 

Фала. Ќе разгледам.

Мислам дека може. Се приклучува на било каков систем за греење.