Па сега дали мора, не дека мора, јас чував женка 10 години, не ја стерилизирв, само не ја парев и немаше мака се додека не и открија тумор на матка па секако мораше да се одстрани. Со стерилизирање превенираш тумори, карциноми на репродуктивни органи, но мене лично ми е многу тешко да стерилизирам животно, знам дека нема друго чаре особено за бездомните кучиња и нема некоја разлика меѓу стерилизирање и недозволување да се пари, ама ете етичка дилема е, ако тебе не ти пречи, таман е за возраста.
Mantub благодарам за одговорот Баш од таа причина и јас прашувам...Тешко ми паѓа стерилизацијата, од емотивен аспект нормално. Само стравот од развој на овие тумори и карциноми ме колеба...Инаку никогаш не би ја стерилизирала.
Првото куче не го стерелизиравме и не го паревме. Доживеа длабока старост 18 години од кои последните 6 години ги поминавме по лекари заради тумор на матката. Никој не сакаше да ја оперира дека стара па да не умре сите ми велеа колку проживее толку. Никогаш нема да заборавам колку се мачеше, едвај одеше, па крварење па некои инсекти ни се собираа по дома па миризби чудни.... Сега имам машко и женско куче. Едниот е кастриран, другава е стерелизирана. Подобра одлука не можеше да направиме. Чиста работа. Два дена и беше тешко после тоа како нова. Да ме прашува некој мене стерелизација и кастрација би биле задолжителни работи во грижа за еден миленик.
Немора да се стерилизира има и апчиња делуваат за 6 месеци и на секои 6 месеци треба да пие по едно апче.
Најдобро да си прашате н ветерниар каде што ќе ви ја прегледаат и ќе ви кажат. Со стерилизацијата освен што превенирате карциноми превенирате и СПБ кои може да ги добие од парк кога си игра со други кучиња, но исто така ја штитите да не ја напаѓаат мажјаци во парк на улица и сл. Јас моето куче несакав да го стерилизирам од причина што ми беше жал, но како растеше растеа и неговите нагони и постојано плачеше среде ноќ и кроеше планови како да избега, што еднашка и му успеа. Затоа ветернинарот ми рече само кастрација. Откако го направивме тоа веќе немавме никаков проблем.
Има и за мачки (за женки), ама и за мачки и за кучиња подобро е кастрација. Со апчињата не престануваат со парење туку при парење неможат да останат трудни, исто како контрацептивни таблети за луѓето. Може и покрај апчињата да се случи некогаш да имаат мали, и често ако се употребува може и да се разболи мачето(кучето), сепак стерилизација е подобро според мене. ( Не сум ветеринар, ова од што имам слушнато од еден ветеринар и од интернет)
Се подразбира дека стерилизација е најдобар избор, но во случај да не може да се стерилизира животното во моментот, а е сезона на парење.
Кога веќе зборувате за кастрирање.... Моето бишонче има година и пол, сакав да го кастрирам, меѓутоа излезе дека нема видиливи тестиси т.е или се уште не му се излезени или нема да излезат воопшто. Ветеринарот ми рече дека постои опција оперативно да се отстранат тестисите кај вакви случаи. Дали некој правел ваква интервенција? Како поминавте? Исто, ме интересира дали постои опција сами да му се спуштат тестисите кога ќе биде поголем? Читав некаде дека до 2 години можело да не му бидат спуштени. Доколку постои опција, тогаш подобро е да почекам сами да му се спуштат, па да правиме класична кастрација. Секако сум решена да го кастрирам и не планирам да го парам.
До 2 години не се парат кучињата, така што можеш и да почекаш да наполни 2 години па ќе видиш дали ќе му се спуштат.
Јас имав ваков случај, но со мачор. Некои се така родени и во некои случаи е наследно. Појавата се викa крипторхизам. Кај мене мачорот имаше еден тестис, а другиот беше во стомакот, не спуштен. Го кастрираа и со многу мал рез му го извадија неспуштениот тестис. Процесот е малку покомплициран отколку нормална кастрација, но ништп страшно. Добар ветеринар без проблем ќе ја изврши интервенцијата.
Незнам да објаснам точно ама имав читано некаде дека тие апчиња и не се така наивни.Тоа се хормонални апчиња.Докторите повеќе препорачуваат кастрација стерилизација и тоа од најмала возраст.
Па исто како кај луѓето. Млади девојчиња ко бонбони зимаат норлево и прават хаос во хормоналниот систем. Тоа се хормонски бомби и исто како кај луѓето не може секој да ги зема. Што и да правите консултирајте се со ветернинар, ако треба и кај двајца, тројца прашајте за мислење. Не си играјте, греота се
Во врска стерилизација, особено кај женки ( и кучиња и мачки) не одлагајте туку прајте шо поскоро. Јас сум со машки па кастрирав/м како шо се потребите и со водење од ветеринар цело време за тајмингот. И уз муабет ми спомна за важноста на стерилизација кај женки. Накратко женка која не се пари, е под поголем ризик за туморозни маси во матка, јајници и слично за разлика од женка која се пари. Ова лаички кажано. Ветеринарот стручно кажа ама искрено не сум некоја шо памти премногу. Онака сакав само да го фрлам ова како информација шо беше споделена со мене.
Ние го прашавме ветеринарот дали да и купиме храна за стерилизирани. Тој ни рече еми ако ви се даваат повеќе пари купете.. Немала врска храната..
Мене па ми рече дека мора за стерилизирана, зошто се склони кон дебелеење, а таа е специјална без многу маснотии. И не се поскапи од обичните, има на Пурина со нормална цена.
На стерилизирани мачки им треба отприлика 30 посто помалку калорична храна одколку на нестерилизирана. Многу е лесно со регуларна храна да се здебелат и да си направат проблеми со срце, дијабет, карциноми и со зглобовите на нозете. Посебната храна е прилагодена со калории. Плус, поголем ризик имаат од уринарни проблеми, камчиња во бубрези ако се хранат со регуларна храна, а се стерилизирани. Тоа ќе пишев. Тука негде се со цените.
