Јас мислам дека премногу размислувам за како луѓето ме перцепираат и дали со некоја постапка сум повредила, изнервирала некого или направила некој да има погрешно мислење за мене. Така што, да, често чувствувам грижа на совест. Ми се случувало да не можам да заспијам затоа што сум свесна дека сум повредила некој. Јас сум секогаш таа што прва се јавува и што се извинува, затоа што ме убива грижа на совест, понекогаш дури и кога делумно вината не е само кај мене. Не го гледам како позитивна особина секогаш, би сакала да сум погруба понекогаш, особено со луѓе за кои знам дека не би размислувале толку за мене. За блиските, нормално е да имаме сите грижа на совест, нечовечно би било свесно или несвесно да повредуваме луѓе што ги сакаме без око да ни трепне.
