Дали Македонците се навистина сиромашни?

Iskreno ne, bogato drustvo sme nie makedoncite.

 

Сметам дека за муабетов со дипломи / без дипломи, има број на луѓе што и така и онака не им се работи, па не работат, поготово ако има кој да ги издржава. Не знам во голем број такви, но лично познавам неколку на кои им е испод чест да работат за ситна пара, минималец, иако ден работно искуство немаат во ништо. Тоа мене не ми е сфатливо, ама не се мој проблем таквите, паразити си се на нивните фамилии.
Во глобала, јас можам да жалам само ментално и физички болни лица, а секој друг што си е работоспособен, има начин некаков, бар да не умре за корка леб, да прави нешто со животот.

Муабетот за сиромашни, јас кенкање за пари искрено имам слушано од лица кои не спаѓаат во најсиромашни кај нас. Оние сиромашните што знаеш дека немаат, гледаш дека немаат, ептен ретко некој да се осуди да ти кенка. Јас знам дека и во најлоши времиња дур растев и моите беа на една мизерна плата со кредити и куп трошоци, не сум кенкала. А имав другарка што порасна во далеку поарна ситуација од мене, па после кога запреа малце изворите, кенкаше како и било криво што не можела сега со мајка и да одат на шопинг секој трет месец и да фрлат по 500 евра од ракав. Е сега, оваа не е сиромашна, само има грешка приоритети, барем според мои сфаќања. И ред такви, кенкаат за одмор втор немале, дури некој ни за сметки нема, или тебе те знаат дека нема да ги осудиш и да ги гледаш ко помалце сега, а пред други пред кои мора да ја задржат сликата, ги гледаш дека фрлаат пари на кафе / шетање, а со тебе можат на и лимонатка да седнат, пошто ти нели, не вреди на тебе парите за кафе да ги фрлат, не си битен за нивната слика. Почнав да се тргам од вакви фаци, сега вакви токсикалии ми се на минимум. Искомплексирани, празни души.

Сиромашен е народот, во финансии, ама и во се друго.
Се слагам со муабетот дека ни дух, ни среќа, ни радост, се е некако празно, за на фб и инстаграм ко само да сакаме да се покажеме, дури не се сакаме ни себеси, а камоли некој околу нас. Ама мора да се фејка. Не дека за ова ги жалам толку моја генерација, туку нашите родители и оние од 50-60 години и понагоре. Ретко, ептен ретко да најдеш некој кој не живее за деца ако има, и толку е. Никакви други интереси, ништо. Ко такво се мафтат, од ден за ден, без некоја надеж или желба, и да им дадеш пари за да уживаат, да појдат негде, да си купат нешто, нема да го направат тоа и нема да знаат што да прават со парите. Тоа е греотата реално, живи мртовци се многумина.

 

Пишале Македончето е богато во душа, не туку е сиромашно, секој гледа нож во грб да ти забие, брат со брат/сестра се караат за парче земја, што останало за другите.

 

Сега фатив неколку минути од емисијата Срце на дланка. Повозрасен човек со болна сопруга, кажа дека работи во сушара, во сезона земале минималец, а надвор од сезона ни минималец не земале. За која сушара зборува? Таа ли во Берово што тука на форумот беше спомената? Сопругата му беше од штипско село, од Истокот се. И како од емисијата го пуштија тој дел дека газдата не дава ни минималец? Што ако утре газдата му удри клоца на човекот оти јавно кажа дека не земаат некогаш ни минималец?

 

Мене таа водителката во Срце на дланка ми е ептен дебилна. Вчера ми излезе едно видео за тоа што ќе се емитува во новата епизода и на видеото една постара женичка, сигурно беше со некаков здравствен проблем и женава вика "да беше маж ми жив, немаше да ме остави вака да се мачам" и почна да плаче, оваа ја прашува нешто како "тешко ли ви е што умре?" и женава и вика "многу бевме поврзани, те молам не ме прашувај" и буквално плаче, оваа ко некој инспектор на распит во полиција " што ви рече пред да умре?" и упорно ја чека да одговори. Ги тера луѓето најболните работи да ги зборат, ко демек повеќе ќе допре до луѓето така. Ај што излегува пред камера ко од кревет тазе станата, ама и прашањата и се да земеш да ја акнеш.

 

Човекот раскажа дека се оженил, добил две деца, жената имала проблеми со бубрези и водителката „а од што боледува“, па следно „а имате ли деца“, и прашање „зошто не ја доправивте куќата“. Требало да го исфрлат на монтажа тој дел дека земаат и под минималец. Утре газдата може да го шутне, затоа што е незаконски да се исплаќа под минималец. Ме маваат на психа емисиите, менувам канал.

 

Во последно време од кукачи што имаат и од фалбаџии што немаат неможеме да ја видиме реалната слика на немаштијата. Затоа и се поставуваат вакви прашања. Секој за се нешто лаже и преувеличува.
Да одговорам:- Да сиромашни сме, едни без пари, други во душа.

 

Поенатата на некои членки што им се нафрливте тука не им беше сфатена. Поентата е:
Ако не ми е наместено се според планот... а, планот бил: завршувам факултет, одма наоѓам работа и тоа за 1000 евра и сите среќни и весели.... е сега, ако не испаднало по планот имаш две опции: да седиш дома и да кукаш дека се нема ИЛИ да работиш што и да е, да се вади паричка оти гладен не се живее.
Тука доаѓа сиромаштијата во умот наш што се вика... поарно ќе седиме дома 20 години и ќе кукаме дека се нема работа и ќе чекаме од мама, тато, баба, па после и мажот итн... отколку да нуркаме да работиме било што, а во меѓувреме да не се откажуваме во потрага кон подобра работа, или тоа што ни било план/желба.

Тука е нашиот менталитет: како не, јас ќе работам онде со факултет.... како не, ќе си ја кршам кичмата за 20000, како не ова, како не она... а не забораваме дека тоа го правеле нашите родители и баби дедовци чии пензии ги лапаме на сметка на нашата желба да е или ко шо сакаме ние, или ич.

Читам се жалат членки, аплицирале во книжарница, ама не ги примиле, врски требало и таму. Ај реално размислете математички. Ако на огласот се јават 30тина кандидати, а треба еден.... знаете колкави ви се шансите? Околу 3%!!! Имате 3% шанса дека ќе ве вработат таму, а тоа е реалност. Затоа се аплицира на многу работи. Сум аплицирала во животот на преку стотици огласи, а сум вработила на 3 места. Читнете по светот како е, има на Редит искуства, ако кажете дека сте аплицирале на еден оглас и не ве примиле, ќе ви се изнасмеат.

И не мора де секогаш по струка. Јас ко завршив факултет барав и по струка и се останато: секретарка, во игротеки келнерка, во кафичи, аплицирав во туристички агенции , не знам, секој оглас шо го имаше. Сметав толкава крава не е фер уште од татко и и мајка и да срка. Таков е менталитетот по светот. Ако треба Мекдоналдс за ситно ќе работи, ама срамота е од дома да чекаш возрасна личност.
Јас кога завршив тогаш немаше минимална плата и првата работа ми беше за мизерни 9000 денари. Кефој бев, жими мајка, ко ги зедови тие први париња, цел свет беше мој. Ама никогаш не престанав да барам друга подобра работа. И најдов!!!

Е сега кај нас до 50 години мајка му шо го разбудва, доручек му прави и пари за на кафе му дава, оти тој нејки некој да го 'ебавал' за 20000, тоа е до менталитетот искрено.
Дали ќе е изборот странство, или фабрика, или кафич, никогаш не се оставајте без работа... секој денар е важен и олеснување за тие од кои чекате секој месец. Ако си ги сакате најблиските, заради нив ќе сакате да извадите некој денар. Секогаш ќе излезе подобра прилика, ама аплицирајте на многу места, од едно не е можно математички да сметате дека ќе сте избрани.
Да го смениме менталитетот треба...

 

Ама реално и стандардот.

 

Многу треба да се смени, многу работи, ама си велам од себе да тргниме секој.

 

А ти што мислиш? Сум аплицирала на еден оглас и толку? Чекав од небо работа? Имам аплицирано на преку 50 огласи кога ми требаше работа, само на едно место ме примија и тоа катастрофа работно време, постојано притисоци и паузи никакви, плус прекувремена работа. За книжарницата беше една од многуте, ете за продавачка, па тешко е да се влезе, само тоа сакав да го доловам. Факт е дека во нашава држава за убава работа треба да частиш.

 

Се согласувам дека не треба да се чека за работа и само да се жали и ништо да не се преземе, но во Македонија, буквално работиш за да преживееш, а во странство работиш за да имаш пристоен и достоен живот. Во Македонија само платата за сметки и јадење и толку, а во странство кога ќе исплатат сметки и ќе купат за јадење им останува дел од платата.
Тоа што во Македонија може да се постигне за 25 години во странство може за 10. Е па сега ти види дали се исплаќа само да се работи за да се преживее. Исто така, иако реков дека донекаде се согласувам со тебе, целосно ги разбирам луѓето зошто се револтирани и зошто не сакаат да работат за мизерни 300 евра.

 

Во контекст на ова, јас правам интервјуа за работа, и мои блиски за во нивни продавници/фирми прават интервјуа, и заклучокот од сите е дека доаѓаат луѓе кои се понашаат катастрофално на интервјуата, лажат по CV-ја - што со две-три прашања се откриваат сите работи, изгледаат незаинтересирано за никаква позиција, бараат само пари а не нудат ништо од искуство ни пак се заинтересирани да се дообучат за нешто. Тие што идат со години искуство палат цигара на интервју и се со ставот: „Прашај слободно што те интересира.“ Едноставно не знаат да се продадат ни за минимално, а не пак за платата која ја бараат. Се сеќавам 2013/14 година кога една пријателка бараше продавачка во детски бутик, даваше 15к плата за дво-сменска работа (во мал град) кај што сите други продавачки беа платени максимум 11-12к, никој не сакаше да работи пошо: „Е како не, продавачка, ма бегај таму.“ - Демек што, срамно е? - Ама после пак, мамо дај за кафе...

Коа идете на интервјуа за работа, имајте во обзир дека не сте само вие, дека некој друг доаѓа со ентузијазам (може е само глума за на интервјуто, ама проаѓа 90%), дека некој ги прифаќа условите што се нудат, си побарува свои услови, а не е само да се појавите и еве ја дојдов и мора мене да ме земете, ако не ќе викам дека само со врски вработувате. И да, има места кај што си примаат со препораки свои луѓе, ама не секаде....

 

И да работам да преживеам, баш уште една причина да работам. Ако треба ниви ќе копам, па ќе вадам за леб, да не морам од на баба ми пензијата да чекам.

 

Супер што правиш интервјуа, но земи ја во предвид и вашата страна. Знаеш колку фирми и работодавци не ги пријавуваат вработените или ги пријавуваат на пола работно време? Знаеш дека на луѓе со високо образование им се нудат минимални мизерни плати кои не стигаат буквално за ништо?

Е па гледаш, не секој сака само да преживее, секој човек заслужува да има пристоен живот, а не да работи по 10 саати на ден и пак да нема доволно.

 

Ама за тоа сите се сложуваме, тоа секако. Греота е кафе да ни е луксуз, се сложувам. Ама збораме за две различни работи. Јас велам возрасен работоспособен човек не смее да се остави без пари и да чека од мајка/татко без оглед кај и да живее.

 

Џабе бистрите монетарна политика.
Има и богати и сиромашни, ама средна класа не постои и тоа е проблемот.

 

Одамна изумре средната класа. Ми текнува дете кога бев... Со плата од 500 евра четиричлено семејство полнеше фрижидер за цел месец, одеше по одмори. И плус остануваше некој денар настрана.

 

Ма кои 500, со 200 евра се живуркаше пристојно, скромно, без луксузи. Месецов истите овие пари само на тоалет папир ги дадов еве искрено вака.