Дали би биле во врска со дечко што е бисексуален?

Не спомнав нигде брак? Ама сеедно, дали брак или врска, муабетот ми е тој, кај нас не се разграничува помеѓу би и хомо. Би го/ја привлекуваат сексуално двата пола, а хомо само едниот, сопствениот. Тоа што геј личности се во хетеро бракови е друг муабет, кој го водиме во другата тема, и кој нема допирна точка со би.

 

не не, хипотетички, така дојде прашањето како тебе да те прашувам. не беше тоа целта, генерализирав.

прашањето - дали цел живот откако ќе стапи во брак ќе се посвети на неа/него ?

 

Па ако си со хетеросексуалец ќе љубомориш само на девојките, а ако си со бисексуалец и на машки и на девојки , бедејќи тој ќе фрла око на се околу него .

 

Хаха, реално е ова смешно ама и вистина.

 

На мене како машко некој што е геј или бисексуалец ми е иста работа, затоа што и тој што е геј и тој што е бисексуалец можам сексуално да го привлечам, и не знам дали можам да бидам другар со вакви луѓе, бидејќи некогаш можат да дојдат и да ми кажат: I love you .

 

Е ок, тоа е друго, и е реално вистина, ама пак не го побива фактот дека ако е во посветена врска нема да изневери, а ако е говедо, тогаш не е битно машко/женско, пак ќе му мрда опашот на страна.

На твоево прашање истиот одговор може да се даде. Геј во несреќен хетеро брак е друго, ама би кој е во среќна и посветена врска/брак со личност од друг пол ќе е посветен само на таа личност.

 

Хахахах ова му доаѓа како мислењено дека нема вистинско пријателство меѓу машко и женско. И еве мене другаркава никогаш не ми рекла I love you хахах нити пак ќе ми рече, оти знае дека мене сексуално не ме привлекува истиот пол, и тоа е тоа, само малку здрав разум, разговор и разграничување.

 

Па добро, убаво би било кога сите така би имале здрав разум и би ги разграничувале работите, ама постојат секакви луѓе и ретки се тие на кои можеш да им веруваш .

 

Не, не би била никогаш со такви

 

еве јас сум маж и можам едно да ви кажам, познавајќи професионално и лично неколкумина
без разлика хетеро, геј, ајде и би

мажите од овие три сексуални ориентации на крајот се сепак мажи и ништо друго.
верувајте нема разлика. истото е.

 

Не.

 

Дури иако ова некогаш би било прифатено од страна на населението, луѓето, не би била со бисексуалци. Фуујј еднаш се "јадеа" двајца пред диското, а јас погадна гледка од машко со машко никогаш ама баш никогаш сум имала видено, а сигурна сум дека нема ни да видам.

 

Малце надвор од темава, но сепак поврзано со бисексуалноста.

Скоро прочитав податок дека бисексуалците се најдискриминираната група на луѓе од ЛГБТ заедницата – имено, дискриминирани се дури и од хомосексуалците.

Ми беше чудно, а по малце и иронично, како и зошто, хомосексуалците, кои и самите се предмет на дискриминација би можеле да дискриминираат некој друг ама ете, вистина било. Имено, кај повеќето хомосексуалци владее мислењето дека такво нешто како „бисексуалност“ не постои, односно дека бисексуалците се у суштина хомосексуалци кои уште не расчистиле самите со себе во однос на својата хомосексуалност и поради тоа на нив се гледа како на предавници на хомосексуалната кауза.

Каква невидена глупост! Прво, зошто бисексуалноста не би била нешто што реално постои и од каде идејата дека едноставно не е возможно човек да го привлекуваат и двата пола? И второ, зошто толкава потреба некој да се етикетира и смести во одредена категорија?

Дали маж кој целиот живот имал девојки и кој е женет, но во животот имал и едно хомосексуално искуство е: бисексуален, хетеросексуален или можеби хомосексуален?

Мојот одговор, односно прашање на ова прашање е – Зошто е воопшто битно? Се што треба да направиме е да им овозможиме на сите луѓе да имаат партнери од било кој пол, без да ги осудуваме и да им овозможиме еднакви права како и на хетеросексуалците. И тоа е се. А дали тие луѓе ќе се доживуваат и идентификуваат себе како хетеросексуалци, бисексуалци или хомосексуалци е потполно неважно.

 

Бендер, ич нека не ти е чудно што се најдискриминирани и во ЛГБТ. Нели имаш читано за дискриминација на потемнокожите од посветлокожите темни луѓе во државите каде темниот тен всушност доминира.. е природна карактеристика за популацијата таму? Индија пример, таму е и највисока продажбата на креми за избелување. Ју ноу уај.
Ко игрине „тебе шуга“. Мора некој да е шугата работава. Кој ќе е последен.

Одговор.. ни под разно.
The ultimate turn off ми е...when a man does to a man what a man does to a woman. Jајкс.
И нема везе со дискриминација во мојава глава, има везе со сексуална привлечност или одбојност.
But you go girl/boy/boy/girl..

 

За среќа 90% од Македонците мислат дека не треба да имаат исти права хетеросексуалците и ЛГБТ популацијата.

 

Ne bi bila, skraja da e. Osven ako ne go prepoznaam kakov e haha

 

јас го имам ова мислење

 

Не знам од каде ти е потребата да ме цитираш у случајов и како ја поврза твојата реплика со моето мислење, кога ја зборев за дискриминација на бисексуалците во рамките на ЛГБТ заедницата, а не за дискриминацијата од страна на хетеросексуалците. Нејсе.

Викаш, за среќа, ама не разбирам зошто и за чија среќа. На припадниците на ЛГБТ заедницата сигурно не. Тогаш, сигурно за среќа на хетеросексуалците. Ама, не сфаќам зошто. Што останатите хетеросексуалци и конкретно ти у случајов, добиваат од ускратувањето на еднаквоста на сите останати кои не се хетеросексуални?

Зошто ти е тебе животот подобар додека нив им се ускратени правата што ги имаш ти, и како би ти станал полош во случај и тие да ја добијат еднаквоста која ја бараат?

Ти, колку што разбрав (ако грашам – слободно исправи ме), си хетеросексуалец, како што сум и јас – па поради тоа, нашиот став на темава е барем донекаде субјективен и не можеме да збориме од лично искуство.

А инаку, не си единствен, ова мислење го дели и голем број хомосексуалци – што и не е толку голем проблем, проблемот е што поради своето (не баш основано) мислење, ги дискриминираат бисексуалците и им вршат притисок да се изјаснат како хомосексуалци.

Мојот став е следен – ако некој тврди дека е бисексуален или се чувствува така, кој сум јас, или ти, или било која друга група на луѓе, да му кажеме дека не е во право? И од каде ни е правото за тоа?

Ако се свртиме кон науката и природата за докази за ваквата теза, ќе наидеме на сосема спротивното – токму кај тие +/-1500 животински видови кај кои е забележано хомосексуално однесување и кои се користат како аргумент за природноста на хомосексуалноста, во најголем дел хомосексуалноста не е ексклузивна; односно, истите имале и хетеросексуални односи. Што, во суштина, ги прави да бидат бисексуални.

Постојат и студии за човечката сексуалност кои го потврдуваат истото – бисексуалноста не е некаква фаза на транзиција, збунетост и себепронаоѓање, туку е сосема легитимна сексуална ориентација. Сосема е возможно човек да чувствува сексуална привлечност и кон двата пола.

Вистината е дека човечката сексуалност е комплексна и не може толку лесно и едноставно да се дефинира. Анкетите во САД покажале дека иако процентот на луѓе кои се изјасниле како хомосексуалци е околу 3%, над 30% од машката популација во животот имала барем по едно хомосексуално искуство. Од друга страна, голем број на жени кои се декларирале како хетеросексуални, имале повеќе од едно сексуално искуство со друга жена.

Поентата ми е дека кога се работи за сексуалноста, работите не се црно-бели и не е секогаш едноставно на некој да му се стави етикета стрејт, геј или би. Но, во секој случај, не гледам ниту една причина зошто бисексуалноста не би била легитимна сексуална ориентација.