Дали би донирале јајце клетки?

Дали би донирале јајце клетки?

Од една страна вашите јајце клетки би помогнале на луѓе кои не можат да остварат потомство, а од друга страна пак се соочувате со тоа да живеете со помисла дека сепак некаде постои ваше дете.

Како вие размислувате по ова прашање?

 

Јас искрено не...да се работи за друг вид на донирање на пример крв секако дека да но ова не без разлика што некому му помогнала не би можела да живеам со помислата дека некаде има мое дете а јас не знам кое е , како е, кој го чува и како, дали некој се грижи за него како што јас би се грижела и незнаејки како живее !

 

Прв пат се соочувам со вакво прашање и морам да признам, не знам, има тука доста за размислување, како и да е страшно добро прашање Unfaithful18, навистина јака тема.
Можеби се зависи од тоа дали сме мајки или сеуште не, шансите за раѓање, процени, аааа.....

 

Од една страна си мислам - да, зошто да не, кога можам на некого да помогнам да има барем едно дете, една радост во животот. Знам колку е тешко кога многу сакаш, а не можеш да имаш. Ама од друга страна како што спомнавте погоре, помислата дека таму некаде има мое дете, моја крв ќе ми ја јаде совеста. Баш е дилема, не можам да се одлучам стварно.

 

Дефинитвно НЕ.. Јас не би можела да живеам со помислата дека некаде во светот има мое дете а јас незнам ни како изгледа, уште помалку да дозволам некој друг да го одгледува и воспитува.. Може сум многу себична во врска со ова прашање, но едноставно не би можела, тоа е исто како да сум земала сурогат мајка и ембрионот од мојата јајце клетка да го стават во нејзината матка да го роди таа, и потоа да и го оставам, добро ти си го роди гледај го, а всушност тоа е мое дете.

Се е до карактерот на човекот, некој се одрекуваат од роденото дете од нивни причини и го оставаат на посвојување, но тоа за мене се јаки луѓе со цврст карактер, јас не би можела ни тоа да го сторам без разлика каква ми е сосотојбата, и за тоа давањето на јајце клетка го поистоветувам на некој начин со тој процес.

 

НЕ -и ова е конечно, никогаш не би донирала јајце клетка, само заради причината што денес можеш да си посвоиш дете. Значи ако толку многу сакате дете со сопругот можете да си посвоите новороденче, парите што ке ги датете и за првата процедура е еднакво исто со втората, а со втората да не заборавиме дека ке усреките некое дете, ке го извлечете од тоа да живее во дом и да се чуствува непосакувано, отфрлено - и тоа цел живот ке ви биде благодарно.
друга причина е тоа што мојата јајце клетка ке биде оплодена од човек што не го ни познавам

Спојлер

,(да не одам во крајности но замислете да е педофил , или сериски убиец, поточно тоа некако ми доага како не посакувана бременост)

јас се извинувам но мојата јајце клетка е резервирана само за човекот што го сакам со целото мое срце .
НО да не излезе дека сум толку многу себична во врска со темата, ке ви кажам дека би го дарувала своето тело- односно мислам на својата матка и тоа само на сестрами.Е сега некои сигурно се упатени а некои не , па ке појаснам. пр.ако сестрами неможе да го доноси плодот(па поради тоа има спонтани абортуси), односно и е потребен жив инкубатор,матка каде нејзината веке оплодена јајце клетка ке биде сместена односно наместо да се врати кај неа да ја стават кај мене ,така јас ке бидам трудна 9месеци но детето ке биде целосно нејзино и на нејзиниот сопруг.

 

Да, но само на многу блиска личност бидејќи подготовката за донирање на овоцити е долготрајна и прилично комплицирана. Како прво мораш да имаш родено свои најмалку две деца за да се избегнат сите ризици (не се прифаќаат јајце клетки од било кого) а плус хормонската терапија не е шега. Јајце клетките од еден донор не се употребуваат кај повеќе од 3 жени.
Пример, ако се работи за сестра ми или братучетка ми сигурно дека би го направила тоа за нив па успат и други нека користат не би ми било ниту шубе ниту жал.

 

Попрво би донирала еден мој бубрег отколку јајце клетка.
Треба ли да објаснувам зошто не би донирала јајце клетка?

 

Hе, си постои присвојување,мал милион деца се без родител

 

зависи како гледаш на работите.... тоа нема да биде твое дете, бидејќи тоа дете ќе си има свои родители...... тоа ќе биде само дете кое ќе носи половина од твојот генетски материјал......

не е родител тој што ќе го створи детето туку тој што ќе го одгледа, ќе му пружи се што му е потребно....

можеби и би донирала...... а и секако не е 100% сигурноста дека тој ембрион ќе преживее или ќе биде прифатен од матката на жената на која ќе и донирате јајце клетка....

 

Не. Зошто веќе некоја година по новите закони каде живеам, нема анонимност, доколку човек се создаде со донирана јајце клтека (и со донирана сперма исто), тој човек може еден ден да го побара донорот, и има законско право за достап на информацијата. Дека некој би носел пола од мојата генетика некаде не би ми било шубе воопшто, ама да ми се нацрта еден ден некој на врата и да ме праша... пример што музика слушам, за да знае дали поради мене нешто го тера да се треска од земја на Бон Џови - не фала.

 

тоа да.....доколку се почитува анонимноста... затоа што различно е да ти дојде на врата детето кое си го дал на посвојување (значи дете)....а сосем друго е да ти дојде на врата „јајце клетката“.....

пример треба да имаа историја на болести и слично, бидсејќи тоа е важно ..но да нема податоци...

http://tocka.com.mk/1/75917/donator-na- ... na-43-deca

 

Добра тема ја би донирала пошто крв не можа(анемилна сум) само не знаам каде да се обратам за јајце клетките?

 

НЕ. Иако, можеби би направила исклучок некогаш за некого.

 

Никогаш не би "дала" генетски материјал туку така. Некој со мои гени кој нема да биде мој, препуштен во раце на непознати... е незамисливо за мене.

Посесивна личност сум, иако немам против доколку некој се одлучи на ваков чекор, не ме засега мене, сепак не верувам дека некогаш ќе процесирам зошто некогаш една жена ќе одлучи да направи вакво нешто.

Гледам дека и за жив инкубатор се дикутирало на почетокот, па ќе кажам и јас свое мислење покрај фактот дека не гледам никаква поврзаност. Едно е да носиш нечие дете во стомак 9 месеци и после да го предадеш на биолошките родители, сосема друго да носиш заедничко дете на некоја машка едника и после да дадеш дел од себе на друг засекогаш. Или некој друг да е "жив инкубатор" за твојата донирана јајце- клетка и сперматозоид на непознат, за повторен ист резултат- некој пар да добие дете со пола твоја генетика.

Некогаш можеби би била жив инкубатор на пар кој зад себе има повеќе спонтани абортуси и жената не може да го задржи плодот во своето тело. Затоа што знам дека тогаш можам да го исполнам неисполнетиот услов од нивна (нејзина) страна, а тоа е да израснам во себе нечија друга жива единка. Но само и единствено доколку случајот е под вакви околности. Тоа би претставувало шанса да почуствувам како е во мене да израсне живот без никакви обврски околу истиот понатаму како за свое дете. Не верувам дека некогаш ќе се убедам да имам свое, па ова би било идеално.

П.С. Видов дека темата е во Општи дискусии. Нема да биде посоодветно да се премести во Бременост?

 

За сурогат мајка зборувате ?

 

Мислам дека не е исто..

 

Па може некој подетално да објасни ? Не ми е познато ова

 

Тоа погоре што го пишале под термин жив инкубатор се мисли на сурогат мајка, всушност само тело, или буквално инкубатор, во кој плодот ќе се развие и ќе се роди, но потоа ќе си го земат вистинските, биолошки родители. Значи жената која ја носи бременоста не е во роднинска врска со плодот во неа, туку во нејзината матка само вметнуваат оплодена јајце-клетка за да забремени и да го износи плодот.

А процесот на донирање јајце-клетки е друго. Исто како и банките за донирање сперма, во некои држави (не сум сигурна дали и кај нас) може да се донираат јајце-клетки. Жената која сака да ги донира одредено време прима хормонска терапија, за после да извадат од неа јајце-клетки кои ќе бидат донирани на некој друг пар кој не може да има свои. Постапката е всушност слична со онаа кај ИВФ само што таму вадат јајце-клетки од жената, ги оплодуваат и ги враќаат во неа, а овде само ги вадат и тоа е тоа.

Мислам дека објаснив во најкратки црти.

 

Аман бе, само јајце клетки донирате, не бубрег

Јас би донирала .. во некој друг живот...