Дали би удриле туѓо дете?

Онака. Ме интересираше.
А дечко имаш? Мажена си? Колку години имаш? Вработена си?

И тоа ме интересира

 

Женска имам моментално

 

Мразам невоспитани и лоши деца, размазени на таквите ако не и удреш васпитна нема да престанат со нивното дрско однесување, бидејќи со збор палаво дете не се разбира

 

Дали беше виц или нешто така, ама ние изгледа од "рајот" сме - зошто " ќотекот од рајот излегол".
Не можам да поверувам како се расфрламе со "залепи му ја", "плесни го" ко добро утро добар ден
Оди во некоја културна држава со нормални закони кои финкционираат па влепи му да те видам!! Па уште и на туѓо

Читајќи го ова се разочарав од мислење на една млада чичност!

А тек од ова се запрепастив

А сега, не знам по кои закони и по кое воспитување постојат сеуште луѓе кои поддржуваат " воспитување" на деца со ќотек и применуваат на своите деца, но длабоко сум разочарана што вакви има да ги риниш со лопата
Децата се како сунгери и впиваат тоа што гледаат, па чим се тепаат други деца, многу јасно е дека тоа однесување го копираат а најчесто го научиле дома - или биле " воспитувани" така или биле "воспитувани" гледајќи такви содржини на тв или нет.
Јас лично осудувам родители кои тепаат деца. Во себе. Не се дрзнувам да им се мешам во воспитување ма колку и да ми се блиски, ама ќотек и воспитување се сосем различни поими!
Макар и шамар е насилство.
И јас имам деца, темпераментни, палави, бесни Сум имала ситуации во кои те носат на раб на лудило, но наместо да плескам и шамарам јас практикувам гушкање, пеење, одвлекување внимание и да се смири ситуацијата почнувам со зборење.

Досега, не сум се нашла во ситуација да треба да реагирам на друго дете нити некој друг родител ми удрил дете.
И за колкаво дете збориме? Зошто не е исто 2 годишно, 5 годишно или 16 годишно. Но едно е исто - ќотекот не е решение за ништо.
Насилството раѓа насилство!
Имав среќа и чест да ме воспитаат прекрасни родители едниот психолог а другиот педагог и само за едно ме оставиле покусо - не знам што е ќотек!!

 

Боже,јас моето не би го удрила,а не нечие туѓо.

 

Да се едуцира и да се воспитува дете, не е лесно. Строгост, авторитет и респект кон родител и останати, не значи тепање и понижување на детето. Треба да им бидат всадени вистински вредности, но не со тепање, не со еден, два, три, десет шамари. Така имате пример на родител, кој дава сигнал дека шамарот/тепањето е во ред, детето да го употреби во ситуација која нема да биде согласна со неговите желби и интереси. Што мислите, дека едно шамарче не може да доведе до фрустрација и неправилно насочување на емоциите?! Во случајов, иницира агресија. Од една страна го учите оти тепањето не е во ред, а од друга, па што има врска ако мавнете по некое шамарче.

Шлаканица е телесна повреда. И тоа е напад. И е физичка злоупотреба. Зошто?! Кога има толку многу други начини и методи за правилно воспитување. Зошто да го бираме најболниот начин за детето, а за нас најлесниот?!

На жалост, од темава гледам дека ваквиот начин на воспитување е се уште на репертоар, како еден од воспитните мерки. А трагедијата е, тој тоа не е.

Ако сакате вашите деца да ве слушаат од страв да не бидат удрени, а не дека знаат зошто не смеат да го прават тоа и тоа и ако сакате вашите деца да го пренесат ваквиот начин на воспитување на нивните деца, тогаш продолжете со заостанати размислувања од времето кога ќотекот од рајот излегол.

 

У кое школо ќе работи девојчето од погоре да не го запишам детето таму.

 

Ок ајде јадам јас деца за ручек

 

Многу пати сум била во ситуација каде буквално децата ми скокале на глава.тоа не е милост-тоа е невоспитување од страна на родителите.
Не,никогаш не би удрила туѓо дете,па макар и од кожа да ме извади.децата не се криви.
Се лутам на родителите кои не ги воспитале,не реагираат кога дете како дете ќе се размази и ќе урла по дома.на гости многу пати сме биле во ситуација.со мечеви децата да не удираат и демек колат-се е тоа од цртаните по мобилните кои ги гледаат.го прашувам зошто правиш вака-одговор:"ми дојде многу сила",ја преврте масичката и стаклото сол го сторине за друго.стакло се купува.не дај боже оно ќе се исече
Не го оправдувам тоа но не реагирам,советувам.Дете е.
Родителите се криви зошто го дозволуваат тоа.

 

Има многу размазени и невоспитани деца,но не треба да бидат тепани.Насилството не е решение.

 

Јас сум мајка на машко дете од 1,5 година. Посветена сум многу во осознавањето на детската психологија, но сеуште сум на почеток, па имам многу дилеми. Ставот по ова прашање ми е дека нормално деца не се тепаат и дека постојат многу начини за правилно да се воспита дете, ама ако сето тоа се започне навреме.

Мене ме интересира вие родители на постари деца (што го мислите истото и што велите насилство иницира насилство), како ги учите децата да реагираат кога некој ги малтретира и тероризира? Дали ги учите да му вратат на напаѓачот или сепак се држите до тоа дека насилството не треба да го практикуваат па по цена и да бидат здраво истепани?

Второ, имам случај во комшии, девојче од 5 години често знае да ги нападне децата на улица па дури и тие поголеми од неа. Ако нешто не е по нејзино директно мава на ќотек и хистериша (инаку е остроумно и интелигентно).
Мајка и ја казнува и ја тепа, меѓутоа нормално нема никаков ефект (а воспитниот стил и е таков и според неа тоа е правилно). Исто и девојчето во нервоза удира по своите родители и по баба и.
Јас кога сум била сведок на ситуација сум пробала смирено да разговарам со девојчето, ама не се разбира од збор. Скоро имав гостинка и си играа на улица и дојде гостинкава дома расплакана (8 години има), оваа и залепила шамар, ја подучив да не се закача, ама ако уште еднаш и го направи истото да и врати и таа.
Утре знам ќе дојде ден ќе го истепа и син ми, како да реагирам тогаш? Ќе разговарам со родителите, ќе ја истепаат.... ќе разговарам со нејзе, нема ефект.... да си го затворам детето дома, не планирам... ??? Ете не сум умна како би постапила, а размислувам уште од сега зошто знам дека ќе се деси и не сакам тогаш во афект да изреагирам неправилно.

 

Како што постојат насилници во помалите годишта, постојат и во постарите. Доколку удрам јас дете тогаш тоа ќе се смета за казниво дело, но доколку дете удри дете тогаш работите се сосем други.

Рецимо имате дете што е во 5то одделение и е малтретирано од неваспитано човече на негова возраст. Во 8мо одделение имате исто така неваспитано човече што малтретира други воспитани човечиња во негов клас. Се што е потребно е да пронајдете начин (а најчесто е со подмитување на фини материјални добра) да постарово го воспита помалово неваспитано чоече затоа што некогаш работите се решаваат на таков начин, односно за насилство мора да употребиш насилство за да добиеш мир, само од поинаков вид.

 

Не сум удрил и не верувам дека би удрил. Би го пријавил во полиција. Не планирам да се влечам по судови и да плаќам огромни казни.

 

Дете од 4-5 години ќе пријавиш во полиција?

 

Ако го удри, ќе реагираш кај родителите, ако не се поправи, ќе им кажеш дека ќе ги тужиш нив.

 

Во ред. Не сум ја прочитал убаво темата. Мислев дека не е прецизирано за која возраст станува збор.

За 4-5 годишно дете сигурно не би удрил.

 

Би го прекршил од ќотек

 

А тебе да те фати некој да те прекрши од ќотек? Што мислиш?

 

јас не малтретирам никого

 

И ако те малтретира дете, ќе го прекршиш од ќотек?
Па после татко му ќе те прекрши од ќотек?
Па некој татко му?
Па после тој некој ќе биде прекршен од некој близок на таткото?

И до кога?
Дури не шетате сите прекршени?