Дали верувате во Господ?

Е добро де, тоа не е многу одамна. А баш ме интересира кое од нивните научни ставови денес изгледа смешно? Единствено е ревидирана (апдејтирана) Њутновата механика со воведувањето на теоријата на релативноста од страна на Ајнштајн. Другите научни ставови на овие научници си важат до денес. Се уште важат Кеплеровите закони за движењето на небесните тела, се уште важи Болј-Мариотовиот закон за гасни закони, се уште важат равенките на Ојлер, се уште важи законот за биогенеза на Луј Пастер итн. Нема ништо смешно во нив.
Можеби си се помешала со хелиоцентричниот систем на Аристотел, сепак тоа е мноогу многу одамна.

Темната доба и инквизицијата на Римокатоличката црква завршува со протестантската реформација во 16ти век. Овие научници живееле подоцна, повеќето во времето на ренесансата кога немало прогонство на неверниците, кога секој можел да си верува во што сака. Еве земи го за пример Исак Њутн, кој иако живеел во Англија, сепак имал многу поразлични верски гледишта од Англиканската црква и никој ништо не му можел.

Комунизмот се темелел на атеистичка (Марксистичка) идеологија. Во комунизмот не било препорачливо ни да се биде верник. Верниците биле политички неподобни личности. Еден мој пријател кој живеел во време на комунизмот не му давале да стане асистент затоа што се изјаснувал за верник (христијанин). Случајот завршил на ЦК (Централен Комитет) и таму едвај му дозволиле. А кога требало да докторира, морал да оди во странство да брани докторат заради притисоците тука. Па еве денес е редовен професор на ПМФ (проф. д-р. Иван Грозданов).

И не е точно дека денес повеќето од научниците се атеисти (барем не светски гледано). Горната статистика што ти ја наведов за тоа дека 65% од добитниците на Нобелови награди се христијани, 22% евреи и 10% атеисти е релативно тазе статистика, бидејќи нобеловите награди почнуваат од 1901 година и нивната широчина и бројност се зголемува со годините.
На балканов (каде што не отепа комунизмот) можеби мнозинството се атеисти, но во светот не е така.

 

Само да се вмешам малку , тоа што некој прокламира верска припадност не значи ништо , повеќето луѓе не сакаат да одат против нивното воспитување . Така да оставете ја верската припадност на научниците .
Воопшто не е аргумент за тоа дали има Бог или не .

 

^^По излезот од едно мрачно време последиците си траат децении, па и некој век подоцна.
Еден сестран ум како оној на Леонардо Да Винчи изнесувал научни теории кои се сериозни лапсузи. Ама тоа било одамна можностите да се осознае повеќе биле ускратени и тие лапсузи како и неговата блискост со Црквата која била неопходна воопшто не е аргумент за да се оспорува неговата генијалност во други теории и области, да не зборувам за уметноста.
Јасно ми е се за комунизмот и атеизмот, само сакав да направам паралела помеѓу репресиите и гушењето на слободната мисла и како тоа влијае врз човекот; и да сакаш нешто да кажеш, што од страв што од воспитување, мозокот едноставно станува програмиран да не преиспитува некои работи и да ги остави такви какви што се.
Во врска со процентите не зборував за Македонија и за Балканот, зборував во светски рамки. Можеби треба убаво да си ги испиташ статистичките извори. Да ги оставиме настрана нобеловците како ам. претседател. Приближно 90% од научниците се атеисти. Додека тука во Македонија (и на Балканот) мнозинството од населението без разлика на занимање се верници.
А не би навлегувала во темата на долго и на широко затоа што претпочитам знаењето да го докажувам на друго место, не на форум. Освен тоа, единствено што ќе постигнеме е вртење во круг.

 

Нобеловците ги земам како пример на евидентирани научници на кој што некои им вршеле разни анализи и дознале интересни статистики за нив. Еве на пример најинтересна е споредбата меѓу евреите и муслиманите.
Евреите по бројност сочинуваат 0.25% од светската популација, а до 2012 година имаат освоено дури 185 Нобелови награди или 22% од вкупно доделените Нобелови награди до сега.
Муслиманите по бројност сочинуваат 20% од светската популација, а до 2012 година имаат освоено само 9 Нобелови награди или 1% од вкупно доделените Нобелови награди до сега.

А ме интересира од каде е оваа твоја бројка дека приближно 90% од научниците се атеисти? Дали познавач некоја агенција што им направила интервју на сите научници во светот по прашањето „Дали верувате во Бог?“ и потоа покажале дека околу 90% од нив не веруваат во Бог?

Ако си искрена пред мене, ќе признаеш дека со сигурност не можеме да знаеме, ни јас ни ти. Затоа ајде настрана научниците, објасни ни како тоа верувањето во Бог се коси со науката и логиката?

Еве јас се бавам со наука веќе неколку години, имам многу награди по математика и физика (каде што се бара исклучителна логика!) и воопшто не сум приметил косење на мојата верба во Бог со науката и логиката.

 

Па 93% од Американската национална академија на науките се изјасниле како атеисти, а приближно ист е бројот во Британската кралска академија (која не е за потценување нели).
Реков дека нема да коментирам веќе, ама можеш ли да ми објасниш која наука и каква логика го објаснува воскреснувањето? Јас колку што знам ниту еден научен метод се уште не може да врати во живот мртовец. А освен два во Библијата, таков случај надвор од неа нема и во реалноста чиј гроб и да се откопа таму сепак ќе се најде нешто - коски. Знам дека твојот одговор би водел во правец дека само Бог може да воскресне и да воскреснува други, ама би сакала научно да ми се објасни воскресението. Која е логиката тука?

 

Научниот метод се состои од набљудување, систематизирање податоци, претпоставување хипотеза, тестирање на хипотезата под различни податоци, и ако експериментот се покаже како успешен под сите вредности, се формулира теорија/закон.
Научниците се уште не успеале ниту да создадат живот, ниту да воскреснат веќе мртов живот. Она што науката го докажала е законот за биогенеза од Луј Пастер, а тој гласи вака: Живот настанува само од живот. И како последица од тој закон автоматски следи дека првата жива клетка или сл., каде и да била, морала да настане од Бог. Приказната за абиогенеза т.е. за случајното самонастанување на животот со помош на слепите сили на природата реален, објективен и информиран научник не ја верува. Дури и многу Дарвинисти не веруваат во абиогенезата.

Е сега, ако Бог можел да го создаде животот од ништо, тогаш зошто не би можел да го направи тоа пак? Нели самата природа на експериментот е дека тој е повторлив и дека еден ист закон би требало да важи со секое повторување на експериментот? Така што ако Бог можел на почетокот животот да го создаде од неживата материја, тогаш зошто да не можел да го направи тоа со Христовото мртво тело? Или зошто не би можел да го направи тоа во иднина со нашите мртви тела? Ете тука е логиката.

Се разбира, ако светот го гледаш чисто од натуралистички светоглед и априори го отфрлаш Божјото постоење, тогаш нормално е дека воскерсението на Христовото тело ќе ти изгледа бесмислено. Впрочем како што и мене ми изгледа бесмислено самонастанувањето на дигиталната ДНК молекула која во себе содржи информации еквивалентни на илјадници книги.


А Христовото воскресение можеш да го набљудуваш и од друг агол, чисто историски и како еден криминален случај. Сепак петокот пред Велигден било извршено убиство и телото на убиениот го снемало, така што ова е задача и предизвик и за детективите да откријат што се случило со Христовото тело. Значи ако Исус не воскреснал, пробај да дадеш некаква уверлива и издржана теорија за тоа што се случило со Христовото тело. Пробај да одговориш на следниве прашања:

1. Каде исчезнало телото на Исус на првиот Велигден?
2. Кој би имал интерес и мотив да го украде и скрие?
3. Што виделе првите христијани кои римската војска не можела да ги замолчи да не проповедаат за воскреснатиот Христос и стотици од нив биле маченички убиени, кој распнат, кој жив запален, кој фрлен во арена со лавови итн.

 

Ама ова не е научно туку слободно толкување. Живот од мртва клетка во пракса не може да настане. Едно клонирање може да се изврши само ако на располагање се имаат живи клетки, со мртви не се прави ништо, што останува за оживување на тело после маченичка смрт?
Детектив не сакам да си играм, а впрочем историјата за смртта на Исус кажува нешто друго од „официјалната“ верзија во Библијата.

 

Па и јас го велам истото (ако ме прочита внимателно), дека живот од мртва клетка не може да настане и тоа е доказ дека првата клетка настанала со Божја интервенција, а и сите останати клетки и живи организми исто така.
И затоа емпириски се надоврзувам на овој факт дека ако Бог можел тогаш од нешто мртво да направи живот, зошто да не може и повторно да направи нешто слично т.е. да го оживее мртвото тело на Исус?

Е баш ме интересира што различно кажува историјата за смртта на Исус која што е запишана во Библијата.

 

Ноуп,првите клетки настанале по хемиски реакции и со помош од прото Земјината атмосфера.
Нема тука бог.
http://en.wikipedia.org/wiki/Miller%E2% ... experiment

 

Дали ако исламистите или некои други психопати дојдат во твојот двор да вршат агресија ќе размислуваш исто вака? Што да прават луѓето што таму се тресат од страв и повеќе сакаат да се на друго место? Јас не можам да верувам додека не видам некој доказ и некоја правда. И околу последното, не е ни правда некој да грешел па да се покае и на крај да биде еднаков со тој што не е толку грешен.

 

Хах, добро познатата прикаска за прабиотичката супа во која што се готвел животот, мешана со кутлачата на ветровите и подгревана со громовите
Не ми се верува дека сеуште се раскажува оваа приказна во образовните системи. Се прашувам од кога фантазијата на некои креативни фантазери облечени во бели мантили стана аргумент за научни теории?
Милеровиот експеримент воопшто не е доказ дека животот настанал од неживите хемиски соединенија, ниту пак дека би можел така да настане. Се што Милер, Опарин, Широно и останатите добиле под високо контролираните лабароториски услови биле неколку амино киселини. А од амино киселина до живот е како од тука до работ на вселената
Но ајде да го разгледаме малку подетално Милеровиот експеримент, поточно неговите дупки....

1) Од околу 2000 познати аминокиселини, само 20 се користатат во протеините и сите од нив се левораки. Аминокиселините кои они ги добија беа половина левораки, половина деснораки. Односот бил 50 : 50. Тоа е смртоносна комбинација. Кога би се вметнала макар и само една деснорака аминокиселина, би го разурнала целиот сиџир од аминокиселини.

2) Милер, за да добие неколку амино киселини, користел константно електрично празнење. Значи тој замислил еден гром што непрестано свети и врши електрично празнење во некоја вода (бара, езеро, море). Таков гром човекот сеуште нема видено

3) 86% од материјалите кои ги добил Милер биле високо токсични. Затоа Милер морал веднаш да интевернира и да ги изолира добиените амино киселини инаку ќе биле уништени. Значи дури и спонтано да се создадат аминокиселини во природата (со помош на грмотевици), тие би биле уништени од останатите продукти на тие реакции. Но дури и да бидат заштитени на чудесен начин, сепак тие не би биле ништо повеќе од безживотни амино киселини. Како што кажав погоре, од амино киселина до живот е колку од тука до работ на Универзумот.

4) Постојат и концепски проблеми. На пример: нема причина да веруваме дека произволното соединување на аминокиселините ќе образува нешто корисно. Кога ќе размислите дека еден типичен ензим има синџир од можеби 200 врски и дека има 20 можности за секоја врска, лесно е да се увиди дека бројот на бескорисни комбинации е огромен, поголем од бројот на атомите во сите галаксии видливи со најголемите телескопи. Тоа е само еден ензим, а има преку 2000 такви кои служат за многу различни цели. Дури и да ги имаме сите потребни амино киселини на едно место (што е повторно неверојатно во природни услови да се самосоздадат и групираат на едно место) , веројатноста дека тие случајно ќе се подредеат во корисен ред е: 1 од 10 на степен 20 и пак целото тоа на степен 2000. Тоа е веројатност 1 од 10 на степен 40.000 дури и ако ги имаме сите потребни амино киселини на едно место. Ова е број со 40.000 нули после единицата и доколку сакате да го запишете во тетратка со кврадратчиња и пишувате по една нула во квадратчето, бројот би бил долг 200 метри

5) Милер, користејќи интелект и лабараториски услови, не можеше да ги создаде сите потребни амино киселини. Епа ако не можел тој со својот интелект и интелигентно срочени лабораториски услови, зошто да веруваме дека слепата природа во неекспериментални услови би можеле да го направат тоа? И зошто би верувале дека тие би се подредиле баш по тој редослед кој претставува една шанса од огромниот број кој има 40.000 нули зад единицата?

6) Интересно е продолжението на првобитната драма и супата. Милеровите следбеници велат дека аминокиселините се создале во атмосферата (во која немало слободен кислород, туку само метан, амоњак и водород ), а потоа паднале во морето и тоа морале да пропаднат длабоко под водата за да не бидат разградени од ултравиолетовите зраци. Но од друга страна пак, под површината на водата немало доволно енергија за понатамошни рекации, па затоа тие за секоја наредна рекација морале брзо да патуваат горе на површината на водата, да влезат во рекација и пак да се скријат под водата

7) Исто така несфатливо е како е можно понатамошната синтеза (од попрости кон посложени) да се вршела во водата, кога е познато дека водата е најголемиот и универзален растворувач кој ја помага деполимеризацијата (разложувањето на поголемите молекули во поедноставни), а не полимеризацијата (поврзувањето на помалите молекули за да формираат поголеми). Така што во таква средина, спонтантоо распаѓање/разградување на молекулите е многу поверојатно отколку спонтаната синтеза.

Ете тоа е фамата околу Милеровиот експеримент: еден жалосен обид да се објасни создавањето на животот согласно натуралистичкиот светоглед, во отсуство на Создателот. А Тој пак натажено ги гледа овие ентузијасти како се обидуваат да го имитираат.
Но ете, 60 години поминаа од Милеровиот експеримент, гласовите замреа. Милеровиот експеримент остана историја. Оттогаш стотици интелегентни умови се надвиснати во лабараториите и од петни жили се обидуваат да создадат живот од неживи хемикалии, но без успех. Единствена жива клетка што ја добиле е со генетски инжинеринг од веќе постоечка жива клетка. Живо од неживо - јок. Франкенштајн остана во филмовите.

 

А зошто луѓето во светов се тепаат, иако знаат дека не е тоа добро што го прават? Човекот е тој кој војува, без разлика за што и за кого станува збор.И само човекот може да одлучи дали ќе промени некои работи или не.Зошто во Африка да има луѓе кои патат, наместо оние од другата страна, големците кои можат да помогнат, да си гледаат што се дешава во светов, без око да им трепне, да помогнат или некакво зло да спречат.Колку ли само луѓе во светов страдале и страдаат, а колку ли само луѓе има во светов кои биле и се моќни финансиски.Не велам дека немало некој што помогнал, ама тоа е игла во сено.Колку ли само време поминало за луѓето и се уште да се прашуваат дали го има Бог или не, па и каде е, да разбереле, до сега милион пати поинаку ќе било.Мислам општо, за на глобално ниво.

Имаше една интересна мисла „ Каде има слога, таму има и Бога“. Сосем јасно и разбирливо.Како што човекот знае да сака, така знае и може да уништува, но негово право за кое ќе се одлучи.

 

http://www.youtube.com/watch?v=wa55s9Gs_Eg
Дел 2 и 3 ти го одговара прашањето.
http://www.youtube.com/watch?v=OJPGCB0-JSk
http://www.youtube.com/watch?v=ut-ZwWVotls
http://www.youtube.com/watch?v=rEoWsfforUk

 

Гордана, сега ми измеша баби и жаби. Вие велите дека господ постои, ако господ навистина постои тој треба да воведе ред меѓу луѓето што се колат и тепаат, како можам јас? Јас па можам да те прашам зошто господ не им дал на тие во Африка, ама им дал на тие другите кои не сакаат да помогнат?

Значи право е на психопатот ако му текне да те уништи, право е на бог ништо да не преземе, а каде е твоето право тука?

 

Не измешав баби и жаби, реков дека само човекот може да смени се.Не реков за тебе, не те ни спомнав, значи мислев на тоа дека луѓето се тие кои војуваат, повредуваат, уништуваат...Мислам дека ме разбра што кажав.Само човекот може да воведе ред, се знае како.Човекот како поединец не може сам ништо да направи за да смени, може само луѓето заедно да сменат.Затоа и го реков тоа каде има слога, таму има и Бога.Нормално дека ќе е хаос ко се тепаат и не може да се очекува дека Бог од никаде ќе се појави, за да се види дека постои и дека ќе среди се.

 

Логичка контрадикција е да постои Господ и тој да се води по советите на луѓето. Ако луѓето се попаметни од Господ, тогаш тој „Господ“ не е Господ. Тие што го замислуваат Господ како некој сенилен старец и го седнуваат на обвинителна клупа и го караат зошто вака постапува, зошто тоа дозволува, зошто овие не ги казни, зошто овие не ги спаси, зошто доцни или зошто избрзува итн. тие луѓе имаат тотално погрешна слика за Господ, барем за христијанскиот Господ.
Христијаните не веруваат во таков сенилен старец на небото кој би постапувал според очекувањата на поединците или би спроведувал правда според советите на оние луѓе кои низ вековиве апла се докажале дека не ги бива за правда. Да, зборам за нас луѓето кои сменивме еден куп општествени системи и не стигнавме до утомиското „златно доба“.

Ние христијаните веруваме во суверен Господ кој што одлично знае што прави и, што е најважно од сè, сè му оди според планот кој (нецелосно) однапред ни го покажал преку пророштвата во Библијата. И кога гледам како сè она што Бог го ветил завчера, се исполнило вчера и се исполнува денес, имам разумна доверба да му верувам дека и сè она што го ветил за утре - сигурно ќе биде. Признавам дека не разбирам многу работи, не ги разбирам Божјите мисли и планови за воведување правда, средување на луѓето, финиширање на злото и страдањето и сл. но му верувам дека тоа ќе го направи маестрално и во вистинско време како што ветил во Библијата. Бог е праведен и Божјата правда ќе биде 100% задоволена во праведно време. Сепак да не забораваме дека ако Бог денес реши да му пресуди на светот дека кој знае колку од нас ќе преживеат Во Библијата пишува дека Бог не задоцнува, туку дека е трпелив и чека уште луѓе да се покајат и да се спасат. Така што Божјото чекање гледајте го како акт на љубов и милост, и кон вас и кон вашите ближни кои се уште не се помириле со Бог. Кога на Божјото трпение ќе му дојде црвената линија, тогаш ќе настапи судниот ден и нема да има можност повеќе за покајание, туку ќе има вечно уништување на непокајаните. Ова е според христијанската објава се разбира.

1. Не дебатирам со Youtube клипчиња. Обично на Youtube клипчиња реплицирам со други Youtube клипчиња (а верувај дека има илјадници такви), но овој пат и тоа нема да го направам, за да не се загуши дискусијата и да се претвори во размена на Youtube Клипчиња кои verojatno никој нема да ги гледа.

2. Не се сеќавам дека некаде поставив прашање. Јас само наведов неколку аргументи со кои верувам успешно го разобличив Милеровиот експеримент како некаков „доказ“ дека така настанал животот.

3. Ако ти е желбата по секоја цена да ме „побиеш“ со аргументи или да „победиш“ во дискусијата, ок, еве ти пружам рака, ти си победникот. Секоај чест, навистина добар дискутант си и задоволство ми беше да дискутирам со тебе за овие суштински и важни прашања. Сепак ти оставам пријателски аманет да ги прочиташ уште еднаш моите коментари и да истражуваш на оваа тема. И пробај да го одвоиш чистиот Бог од оние кои тврдат дека се негови портпароли (свештениците), оние кои во негово име убиваат, вршат бизниси, купуваат џипови, хотели и сл на сметка на верата. Бог нема ништо со тие валкани работи што се прават у Негово име. Дај си шанса себе си барем да претпоставиш дека Бог би можел да постои и да го испиташ Неговото постоење. Еве ако сме кај видеата, би ти го препорачал следново видео (кое веројатно наскоро ќе биде преведено на македонски јазик)
http://www.youtube.com/watch?v=VWvS1UfXl8k&list=PL9F238BF1EB056938

Поздрав и секое добро. Настрана нашите различни ставови, те поштуем како пријател

 

Дали веруваме во Господ...??

Прво, ова е приватно прашање, за кое на никој не си должен да објаснуваш или се правдаш... Ете, сепак, јас ќе кажам, дека верувам.
Можеби не сум го видела со очи, но го чувствувам, едноставно знам во мене...

Потоа, многу ми е глупаво кога некој се убедува. Ниту јас ќе го убедам некого дека постои Господ, ниту тој ќе ме натера да не верувам во него.
Секој си има право на слободен избор и си има право да си верува во нешто или не.

Трето, горе прочитав некое препукнување, зошто Господ вака, зошто така... Повеќето луѓе се учни да прават се и сешто во животот и потоа целата вина да ја префрлат на Бог.
Прво погледнете се себе си, дали сте луѓе, какви ви се срцата и душите, па потоа обвинувајте го Бог за нешто...
А, Господ, ни дал слободна волја на сите. СЛОБОДНА ВОЛЈА имаме сите луѓе и тука тој не ни се меша. А, дека ние сите граници ги имаме префрлено, во сите сфери, што ни е тука Бог крив....???
Сите сме се родиле со негов благослов, сите сме биле невини мали деца, сме се родиле како луѓе, а сме пораснале како нелуѓе, бетер од животни.
Што е тука Господ крив...

 

Ама според христијанската, а објави ги има еден куп. Јас не замислувам никаков сенилен старец но има голема разлика помеѓу бог од стариот завет, бог од новиот и реалноста. Значи три различни приказни а вие се повикувате на таа што ви одговара. Јас знам да разликувам добро и лошо, ама доброто не го гледам надвор од библиските митови.
Јас го поставив ова прашање

И не добив никаков одговор, затоа што и вие не сте ги разбирале добро овие работи. Јас гледам малку реално за разлика од вас. Одбивам да си го залажувам умот со приказни од средниот век и да го чекам господ додека се случуваат неправедни работи во светот.

Проверено е, знаеме какви сме и можеме да се гледаме во огледало, ти не се секирај. Сега ти биди вистинска христијанка и не подбуцнувај индиректно, па после ќе зборуваме за добри личности .

Ако не постои и не е семоќен не е крив as simple as that.

Не ве убедувам во ништо повеќе од вие мене што ме убедувате, да не ми го наметнете тоа, само си го пишувам мислењето.

 

Значи, ти одговорив на тоа што ме праша.Никој не се залажува себе си со некакви приказни од среден век и незнам ти уште од каде, барем не ми текнало мене на некакви приказни, за да кажам она кое го кажав претходно.Сметам дека реалноста сама по себе е доволна за човек да ги разбере сите овие работи.Човек, не би требало да се замижи пред она кое што се случува во светов ( уништување) и целата вина да биде на сметка на Бог.
Инаку, ако луѓето не чекаат Бог да се појави, па до сега, мислам дека светов ќе беше подобро место за живеење, а што очигледно е дека е така малку троа во хаос.
Сигурна сум дека ме разбра доволно добро


Не е работава за убедување, а и никој не може никого да убеди

 

Azriel ми е мака да те читам погоре, стварно не знам што си ме цитирала, јас општо си пишав...
Изгледа ти си зајадена со некого, па сега цитирај на сите...

Само едно ќе ти кажам...ако сакаш нешто да смениш на подобро, почни од себе си.
Не очекувај од Господ, не очекувај од другите луѓе...