Дали верувате во Господ?

Не.

Ако почнам да разглабувам, нема да има крај.
Родена сум во христијанско (не премногу) верничко семејство, дома никогаш не сме терале адети и не сме имале слава, не сме славеле имендени..
Никогаш, ни како мала, не сум верувала, како пораснав сфатив и повеќе работи и уште толку сфатив дека е трагично да верувам во нешто непостоечко.

П.С.
Ајнштајни,
мозокот може да се допре.

 

да..верувам целата надеж ми е свртена во господ тој е тој што ни помага во тешките моменти што ни дава сила за да издржеме се во животот или накратко....БЕЗ ГОСПОД СМЕ НИКОЈ И НИШТО

 

Како бе вака размислуваш?
Јас сум некој и нешто, и тоа многу некој и многу нешто.
Дете сум на моите родители, сакана на мојот најмил, целиот свет во очите на моите миленици, сестра сум, колешка сум, внука сум, другарка сум, професионалец сум.
Како тоа никој и ништо?

Мене ти си ми некој и нешто, а не те ни познавам, сограѓанка си ми, можеби колешка или клиентка. Човек си.
Со самото тоа што си живо суштество си некој и нешто.
Религијата е факултативен дел од битието.

 

greska se razbravme da sme nekoj i nesto isto i jas sum kerka sestra tetka..duri i na gospod vo ocite sme najskapocenoto nesto sto postoe sepak mislam deka JAS ne bi bila JAS BEZ BOG mozebi za nekoj e fakultativen del za nekoi nisto nme znaci no kaj mene licno verbata vo bog e na prvo mesto licno jas ne znam sto bi napravila bez pomosta na gospod...sekoj ima razlicen nacin na razmisluvanje a ova e moeto

 

Абе не мора да бегате од дискусија со тоа ,,секој има свое мислење,,.
Да сите имаме свое мислење, на форум сме да го дискутираме.

Убаво што си веруваш, тоа не го спорам.
Само ете, барав начин да сфатам како вербата ти е поголем дел од битието, дури пред семејството? Децата, внуците?

 

можеби за тоа што вербата во бог ни даде прекрасна внука кога сите доктори потишаа дека сестра ми нема НИКОГАШ да бида мајка јас верував се молев и фала му на господ синоке станав тетка по втор пат а тоа направи уште поооовекее да верувам во чудата сто ги прави господ....

 

Нека ви е живо и здраво малото

 

фала @CameliaMiller господ нека ви дава се што ви душа сака

 

Жалам што проблемот е во генерациите на нашите родители,комунизам владеел а тука нема многу верба во бог...огромна е разликата на бабите и дедовците наши колку иделе во црква,знаеле адети празници отколку на нашите родители и затоа тие допринеле да си ја губиме вербата...додека разликата со муслиманиве е голема тие ги учат уште од мали децата да го читаат куранот..(Знам дека 80’% од нас ја немаат прочитано библијата) е тука е проблемот тука губиме.... Иначе да јас верувам многу во бог,како што он може да ги намести коцките никој друг

 

Јас верувам во Господ но имам и пријатели кои не веруваат кои се атеисти и мене тоа не ми дава право да им се мешам или да се карам со нив едноставно религијата е слободна воља и секој има право да верува во тоа што сака,што се однесува до читањето на куранот на муслиманите и читање на библијата на православните со верата нема врска,што ако читаа од мали тоа не ги прави поголеми верници од тие што не читаат па половина од нив стануваат џихадисти ,самоубијци убиваат луѓе и што дека го читале куранот и цло време биле во џамија исто и со православните колку познавам што секогаш одат во црква,постат и читале од библијата ама што дека кога во душата им извираа злоба,завист и газаат се пред себе,читањето библија,куран одењето во црква и џамија не те прави поголем верник,верата ја носиш во душата правеќи добри дела кога ти е совеста мирна кога си исполнет со душевна мир и љубов,храмот е душата,вистината е слободата и Исус тоа го кажал дека човекот има слободна воља да верува,така да незнам зошто би го терала моето дете да чита библија едноставно би му ги објаснила вистинските вредности во животот би го исклучила од празните верувања на бабини и деветини од типот на баба рога,мочање под дрво самовили,тресење трошки навечер, капење за празници и еден куп да не набројувам глупости е во тоа не треба да верува а другото му е слободна воља.

 

На пример?

 

Па на пример, јас досега неколку пати избегнав смрт. И мои блиски луѓе исто така. Во животов ми се случиле нешта кои едни со други се некако поврзани и во тоа дефинитивно нема случајност, тоа е дело на судбината а судбината ни е "средена" од Бог. И она дека порано или покасно секој ќе си го добие заслуженото, се остварило. Од мене е тоа, а имам и на Нет читано случки од многумина, како на пример за таа со јајцата што останале нескршени, не знам дали ја знаеш, ако има потреба ќе ја раскажам. Има и случаи кога светци се симнувале од небото и спасувале и им помагале на луѓе.

 

Не значи дека одма бог те спасил, ја би рекол дека тоа е чиста случајност без разлика колку и да ти изгледа уверливо, среќа, настан кој завршил така од самата ситуација и подреденоста на околните работи и никој не го диктирал тоа.Сите останнати приказни кажувани од човек на човек не се ништо друго освен измислици ,легенди. И крај краева сепак треба разум, еве јас лично сум сонувал многу светци, дури и од други религии и што сеа? Како сум бил во џамии, оџи.. ама сепак знам дка тоа не ништо освен игра на умот и потсвеста додека повеќето одма го сваќаат како некакви ,,појави'' и пораки.

 

Секој од нас е различен и различно гледа на животот и на Бога, на никого никогаш не осудувам и не дискутирам, секој си има право да верува и да сака тоа што нему му одговара.

Лично јас верувам повеќе од се на Бога и на неговите зборови, на неговите чуда и Библијата.
Голем верник сум и верувам во Бога со цело мое срце и душа.
Се молам, постам и често одам в црква.
Покајанието и запалента свеќа, оставениот дар и искрената молитва за мене значат премногу во животот, со сетоа тоа јас го наѓам мирот и спокојот и се чуствувам добро и убаво.

 

Океј, секој си има право да си верува во што сака, само се надевам дека си свесна за неколку работи.

1. Ако некого го фати слепо црево, доколку само се молиш, реално, нема шанси да преживее, без оглед на силината на молењето. Без операција, ќе си умре.
2. Морам да си прашам... сопругот твој е твој господар?
3. Дали живееш според библиски правила? Ама онака, искрено да одговориш, јас сум скоро сигурна дека не живееш, ама можеби и грешам.

Бидете сигурни дека колку и да се молите, носите зејтини, пешкири и хулахопки во црква, тоа нема да ви донесе ништо позитивно. Ако бре не се грижиш за здравјето, ќе си се разболеш, молел или не.
Е сега, ако не сте свесни дека е малце настрано во 21 век кога на еден клик од вас е целото знаење на светот, да верувате дека баш вашиот Бог е вистинскиот, дека сте настанале од нечие калливо ребро, дека мажот ви е ultimate газда по дома, ако не учите (оти жените библиски не смеат да учат), не знам што да кажам. Ако ви е само за релаксација, океј, сите си имаме нешто за релаксирање, јас на пример сакам кога мачката ми преде на уво.

 

Секој верник (разумен) е свесен дека молењето в црква од слепо црево не спасува меѓутоа постојат илјадници примери во кои вербата прави чуда. Изненеадена сум и би била изненадена уште повеќе доколку не сме свесни дека Библијата е СВЕТО ПИСМО и не е единствено свето писмо, меѓутоа различното толкување како на пример твоето за релацијата маж-жена, довело до различни секти, некои од нив прераснале во религии. Што се однесува до Библијата сите знаеме колку пати е редактирана, сите знаеме колку пати религијата е користена како едно моќно средство за манипулација со луѓето во нечија корист, што не значи дека вербата не треба да постои. И кога животот ќе те исправи пред огромен предизвик или проблем или загуба кому ќе му се обратиш кога ниеден човек не е во можност да смени ништо? Кому? на нетот? на комјутерот ???
На Бога, вербата во Бога прави чуда, ВЕРУВАЈ И ЌЕ ТИ СЕ ПОМОГНЕ !!!

 

Јас како живејам не треба воопшто да те интересира.
И ќе те замолам да не ме цитираш и да не се ругаш со мојот пост како што пиша, а ти знаеш што си пишала и со што и како си споредила.
Не сум должна да ти одговарам на твоите ниски прашања а ниту најмалку да ти се објаснувам тебе.
Јас сум пишала мој став и мое верување, а притоа сум индиферентна на твоите верувања и никогаш нема да се симнам на ниво како тебе да убедувам и да бидам иронична како тебе, а уште помалку да ти поставувам прашања за твоите верувања бидејки не ме интересираат.

 

Витамина, мене не ме интересира личноста Витамина како живее, Петра Петрова како живее. Од вернички аспект си прашав, ако ова ти е одговорот - океј, ќе сфатам дека немаш поима како да дискутираш за нешто што не ти чини.
Не смеам да пишувам 2 поста еден под друг, вториот дел се однесува на сите верници од сите вероисповести, сигурна сум дека и тоа го сфати, ама ајде.

Ни мене Витаминке ич не ме интересира твојот личен живот, ама ако дискутираме, ајде де, ако не, не знам зошто постои воопшто можноста да реплицираш некому. Само овде изгледа форум е секој да си каже што сака, а другите само да лајкуваат, пази случајно некој да не се спротистави.

Ич не ми е гајле ако тебе не ти чини мојот начин на изразување, запазени ми се сите форумски правила, ако мислиш дека не си способна да одговориш и да дискутираш, твој избор.
И како права рисјанка, треба да си го свртиш другиот образ. Јас вака, грешна, повеќе ви ја знам верата него вие самите. Страшно.

Во на пример кои случаеви, СО СИГУРНОСТ знаеш дека вербата направила "чудо"? Сфаќам да не знаеш нешто, ама не сфаќам да не ни пробаш да дознаеш. Вербата треба да постои, верувајте си во себе, во своите способности, зејтинот нема да ви помогне, како сакаш наречи го тоа. Имам загуби ехее, не се секирај, во една година тројца од блиско семејство ми починаа, сеуште не почнав да верувам во бајки. Немам потреба да се молам за да ми биде подобро, сама ќе направам да ми биде подобро.
Не ја сфаќам потребата да се понижувам и молам, наместо да фатам "лопатата" и да си ја подобрам ситуацијата (ако ти умрел близок, молбата нема да го врати, ама ако свесно знаеш дека и смртта е дел од животот, полесно ќе се помириш - што не значи дека нема да ти недостига личноста, ама нема ни ти да очајуваш и црнини да носиш и врагови).

Ете до сега се немам молено, и глеј ти ЧУДО!! Супер ми е животот, со сите неубави и убави работи во него.

 

Камелија можеш да мислиш што сакаш, твое лично право е тоа.
Не планирам ниту да дискутирам ниту да се докажувам, па каква ли ја год била според тебе.
Изјаснив мое верување за прашањето на темата а твоите под прашања не би сакала да ги дискутирам од проста причина што разбирам и сваќам дека секој има свој став и свое верување.

 

И јас сфаќам дека имаш свој став, кој јас го критикувам затоа што сме на форум.
Тоа е смислата на форумот, не да си се бендисуваме меѓусебно. Или нешто не ти е јасно околу неговата поента.

Смешно ви е бегањево од дискусија ,,јас така си мислам,,. Страшна работа ако ти така си мислиш, сите нешто си мислат. Обиди се да го аргументираш тоа што си го мислиш, освен ако не си пишуваш онака, во дневник, само за себе.