Дали во бутиците се продаваат веќе користени производи?

Се извинувам доколку ваква тема постои, доколку не, еве за сите тема за дијалог.

Имам забележано дека некои етикети а и материјалот на облеката е чуден и како да се распаѓа, како да има прашина. Етикетите на некои парчиња облека се нови и сјајни, на некои се изгужвани, обоени, како да таа облека е претходно користена. Дали ви се случило да сретнете машка или женска облека со слични "симптоми" и како да знаеме дека некоја облека не е препродавана и дека е од квалитетен материјал?

 

Јас мислам дека тоа е бидејќи долго време им стојат во магацин, некои парчиња и со години. Пр можам да кажам во Евроазија има некои работи што им стојат повеќе од 3 год и секоја сезона ги вадат истите и изгледаат како да се распаѓаат.

 

Ми се случува мене со козметика, откако ќе го купам гледам дека е залепено со салотејп или етикетата одлепувана. Или продаваат и тестери.
Ама коа ме мрзи да одам да им враќам....
Гардеробата мислам им се валка бидејќи често паѓаат на под парчињата и не ги креваат муштериите шо ги бутнале. Пример Ваикики и поголемите продавници. Тоа ако стои на под цел ден, нормално да е валкано и гужвано.
Може и без етикета да се најде, ако е враќано итн.
Ама у глобала мислам не се носени.

 

Мислам дека нема такво нешто како препродажба на користени производи. Факт е дека луѓето кога ќе разгледуваат или пробуваат облека, ја расфрлаат. Па и цели испотени си ја ставаат и затоа можеби изгледа гнасна. Од друга страна, квалитетен материјал се знае што е, не можеш да бараш секаде квалитет посебно не во Македонија. Лично, јас не шетам веќе по бутици. Може малце оди во друга тема, ама почнав да селектирам што вистина ми е потребно. Сфатив дека некогаш само се трупиме со облека, а некои немаат ни што да носат.

 

Бидејќи ме чуди, некои етикети се стварно како да облеката е перена десет пати.
Еве јас што научив, сѐ што се изложено или рекламирано да не се купува, а здиплената облека е по тазе од онаа на закачалки.

 

Да, целосно се согласувам.

 

Еве завчера пример, во Ист Гејт од тоа косоварите, без навреда, хаос беше сторено.
Преполни гардероби со алишта, расфрлани така парчиња долу, по закачалки, ништо да не се вратено на место. Хаос.
Нормално да се издрпаат коа не се води сметка.

 

Во Ваикики секогаш има расфрлана облека по пресоблекувалните, по подот, надвор пред пресоблекувалната, хаос е.. Затоа никогаш, скоро па никогаш, не одам да пробувам облека, туку од око земам, па ако не одговара, ќе го сменам за бројче, ми е гад, а ако ептен дојде до тоа да мора да го пробам, секогаш земам од последното парче на закачалката, како најмалку фаќано..

 

Пред некој ден си купив фармерки од Манго. Бројот што вообичаено го носам некако многу поголем ми делуваше ама не обрнав многу внимание. Т.е помислив некоја покрупна девојка ги пробувала. Дома ја тргнав етикетата и ги ставив во перална, како што правам секогаш. Наредниот ден за да ги носам земав ножици за да ја исечам и внатрешната етикета. Но, внатрешната етикета веќе беше исечена. Знаете онаа на која пишува производство, матрејал, упатство за перење и слично. Прв пат ми се случува ова. Па прашањето ми е дали јас купив носени фармерки и си ги платив како нови?! Искрено човек да се подзамисли што прави нашиот народ. Јас разбирам да се предомислиш ама да ги исечеш внатрешните етикети и да ги вратиш ми е малку премногу. До сега ги поздравував оние 30 дена можност да го вратиш производот ама сега од овој агол искрено се разочарав.

 

Во Ваикики видов една убава бела кошула и сакав да ја пробам, кога го најдов соодветниот број видов дека имаше пудра на нејзе. Оставив.
Во Mymoda сакав да пробам комплет едноделен и повеќето им беа скинати.

Тоа мора да е некој маркетиншки трик за да се израмнат во каса или не знам. Секако не сум луда да плаќам за скинати парчиња или валкани. Затоа секогаш детално гледам да не има фалинка.

 

А што мислеше дека прават со производите кој ги враќаат?

 

Па незнам што прават останатите луѓе. Знам за себе, дека никогаш до сега не сум носела нешто па после да го вратам. Знам да се предомислам. Пр. Да си дојдам дома и да видам дека не ми стои како што треба или во меѓувреме да најдам некој подобар фустан. Ама во никој случај не сум вратила нешто што веќе сум го носела.

 

А, и како враќаат веќе носен производ не знам, се приметува кога е носено, што прават со етикетата ја пикаат ли внатре, ја вадат па ја ставаат

 

Незнам, ама ова му доаѓа како да си ги носат 30 дена фармерките па ги враќаат. Што не шета во нашата земја, секакви чудаци имаме.

 

Никогаш не сум купила сомнителни алишта, а можат да се сретнат во продажба, но ретко. Имам забележано на закачалки избледени блузи со испрани етикети, цена 1000+ денари, лол.

 

Пред да земам нешто 100 пати го проверувам. Многу се нервирам кога ќе видам бела маичка извалкана со пудра, кармин мислам стварно како не им е неубаво да ги оштетуваат производите. Иначе погоре спомнавте за еуроазија, да дел од производите им делуваат дека се носени затоа што со години стојат на закачалки и само трупаат роба која не им се продава, иако сум нашла убави парчиња, мислам дека тие што им се нови им се изложени на влезот. Во waikiki самите купувачи прават хаос им паѓааат алиштата не ги креваат. Во сооблекувалните ги оставаат каде ќе им текне воопшто не внимаваат и заради тоа можи нешто да се извалка. Без етикета досега не сум зела ништо али пак ќе речам многу внимавам го проверувам пред да го купам

 

Невоспитано до невоспитано. Треба луѓево да посетуваат курсеви за да научат да се однесуваат.

 

Некоја членка која работи во продажба да почне да пишува што се се случува во бутиците и кои малверзации се прават би било интересно

 

Досега само во Еуроазија и Принцип сум се посомневала. Етикета немаат, не се во најдобра состојба, се наоѓаат парчиња од скапи брендови и од се' имаат по едно парче. И да се од магацини сепак би имало повеќе од едно. Од друга страна во Принцип имам видено џемперче што сум сакала да си го купам пред 10 години од таму, па затоа не знам, вечна дилема.
Ако се веќе користени би требало да напишат, не е ништо страшно, но би сакала да знам.

На други места немам сретнато вака.