Дали ги поддржувате пластичните операции?

Да,кај Пеев.
Правев блефаропластика на долен и горен очен капак и трансфер на сопствени масти (на образите ,брадата устата)
Брчки немав ама ме нервираше малку вишокот кожа на очниот капак кој ми се створи од голема варијација на тежината во бременостите и отпосле.
Презадоволна сум од резултатот.
Ништо не се приметува од лузна на очен капак.
Со локална анестезија, си отидов после операција,немав болки .
Една недела изгледав како претепана
Конци вадев по 7 дена.Време на целосно заздравување (значи ништо да не се приметува ) 2 месеци.
Мислам дека трансферот на масти е далеку подобар од филерите.
Изгледа сосем природно (бидејќи е) немаш компликации во смисла на неприфаќање бидејќи е од твоето ткиво,нема издишување па повторно пумпање на секои 3-4 месеци како што е случај кај филерите.
Можеби ќе ја повторам постапката ама после 2-3 години.(ова е за трансферот на масти)
Блефарото е трајно како фејс лифтингот.

 

Која е тогаш целта на естетската хирургија хирургија ако те направи погрд од претходно?

 

Малку ти е смешно прашањево, со оглед на тоа што е многу очигледно зашто е сега така, а кај вас не било.

 

Може претерал со желбите
Сакал да личи на Бред Пит ама излегол како Квазимодо ....Реков јас докторите не се магионичари...Кога нојот сака да стане лебед се добива ова....
Треба да се биде реален во желбите.
И жабата ја кренала ногата кога видела како го потковуваат расниот коњ.....па посакала да биде како него....ама платила со живот

 

Мене не ми е смешно, прашав пошто не ми е очигледно. Дека сите ги прават?

 

Порано,порано,порано.....Аман бре луѓе....порано вашите прадедовци се возеле во запрежни возила сега се возите со коли...
Порано носеше нокиа 3310 сега носиш самсунг или ајфон или што знам уште каков не....
Порано луѓето живееле во глутници и пештери...
Сега го топлите газот на парно во вашиот удобен дом

 

Убаво беше кажано тоа. Се потенцираше зошто се обрнува внимание повеќе на изгледот, а се запоставуваат внатрешните квалитети на кои треба да работи жената.

 

Можеби не приметувате ама времето во ко сте растете вие, во кое растев јас и во кое растат денешните тинејџерки растат е сосема различно.

Вие сте имале некоја по некоја манекенка, сте се воодушевувале на насловни корици, на жени од филмови и серии, ама тоа било тоа, надвор од тие неколку примери сите други изгледале нормално.

Денес, да речеме девојче што има 15 години, уште од прв контакт со интернет(кој се случува многу рано) расте со слики од совршени фаци насекаде. Модели со пластични операции, модели со фотошоп, филтри кои автоматски ти ги менуваат цртите на лицето, совршена кожа итн итн. Тоа што во ваше време сте го сметале за исклучителна убавина и било реткост да се види, денес е просек затоа што е лице на секоја втора жена која има некакво влијание, без разлика дали е само виртуелно, и е земена за пример.

Денес стандардите се мнооогу повисоки и сите тинејџерки и ние како помлади живееме под многу поголем притисок да се изгледа на одреден начин отколку што се живееле вие.

И затоа гледате толку млади девојки на милион третмани, затоа што целата индустрија во последните години има креаирано многу несигурности.Тие што се опседнати со пластични зафати можеби не се во право ама самите се жртви на околностите, тоа е.

Во ред ви се мислењата, само што осудата е насочена на погрешно место.

 

Точно.
Ние го 'дизајниравме' општествово, па после последиците биле криви

 

Каде виде осуда во мојот коментар? Прашањата не се за потсмев, туку се вистински, не се реторички. Не се сложувам со "стандардите" бидејќи не се тоа стандарди на одредена професија, туку шизофренија на социјалните мрежи. Што ќе се случи ако не се оперираш? Нема да те примат на работа или нема да ти стиснат лајк? Децата денешни имаат родители кои се отприлика моја возраст, нивната улога која е? Инстаграм ли ќе ги расте децата? Зошто тие не се репер за своите деца? Пред да биде во контакт со светот, детето е во контакт со својата околина, и тука мислам дека почнуваат проблемите.

 

Немам ништо против пластична хирургија, се додека е умерена. Гледам девојки кои од убавици се претворија во накази буквално.
На себе би си поправила нешто што лично мене ми смета. Да си го сменам личниот опис под притисок дека само така општеството ќе ме почитува повеќе, не би.
Повеќе би инвестирала во квалитетен живот, вежбање и исхрана и правилна квалитетна козметика отколку да легнам под нож.
А за комплекси за изгледот си имам, ама си имам и самодоверба истите да си ги носам.

 

Тоа е еволуцијата. Што е еволутивно во тоа да не изгледаш старо, освен негување на егото. Не е во прашање продолжување на животниот век, не е во таа смисла подобрување на квалитетот на животот. И да, постојат многу други начини како да се подмладиш и да бидеш витален. Квантна хармонизација, квантни матрици, фитнес, исхрана, такви работи. Јас се запрашав зошто инстант решенија?

 

Во ред сѐ, ама апсолутно никој не може да биде имун на општествени влијанија и движења затоа што е такво времето.Освен ако не си мормон, не знам. Не викам дека не си во право туку дека денес има огромен притисок за разлика од порано, како канцер е проширен во секој сегмент.

 

Девојче од 20 години нема потреба од ова. Нема. Едноставно е. Ботокс ако почнеш да боцкаш, мораш да продолжиш да боцкаш. Тоа докторот може не ти го кажал. Зошто 20-30 годишна девојка, па еве и од медицински или естетски аспект би имала потреба. За какви брчки збориме.

Не знам ја, може стварно дека немам Инстаграм и стварно не се осеќам притиснато воопшто.

Ама признавам дека супер ја продале причата, супер, ќе те напраам да изгледаш "природно", а уствари имаш 50 години и после зафатот изгледаш како да имаш 30 години, и што е тука "природно". Не сфаќајќи дека "природниот изглед" е всушност чист оксиморон, и дека всушност во природата такво нешто не постои, односно постојат исклучоци, но не и правило.

 

Јас филери немам ниту планирам да имам.
За другите не знам и не ме интересира.
Секој кој е возрасен има право да одлучува што ќе прави со себе.
Ако некој има 20 г не значи по дифолт дека е убав и дека има совршени црти.
Не се секогаш брчките во прашање.
За фитнесот се согласувам и јас го практикувам .
На крајот на краиштата ДА и од аздис и ако сакам да си го нахранам егото ќе си го нахранам.....Се што ќе ме направи среќна и задоволна . ..Не реков дека сите треба да се з'гнете и да направите корекции....

 

Јас почитувам пластична хирургија за лузни, за незнам ајде ќе речам претерано клемпавинуши, ако на личност тоа и претставува комплекс, ама од уста напумпани како кокошки гз да ви кажам ми се повраќа, да е тоа умерено ајде, ама се претерува, па јаболчници, па незнам ти што, сестро ако не си научила да се сакаш и почитуваш себе си пред пластиката нема да го промениш тоа и после пластика, ќе најдеш нешто др на себе шо ти фали.
Некој погоре убаво пишал се сервира совршенство преку инста филтри и фотошоп и после некој друг ни е крив. Дајте ви се молам.

 

Филер и ботокс не помагат баш за некој да добие "совршени" црти. Мене таквите одлуки ми делуваат "изнудено", а не вистински став и ќеиф нешто да се смени. Ама ако е аздис и его ко што викаш ти, тогаш да не се убедуваме дека тоа се корекции што некого ќе направат среќен, може привремено. Тие термини се комплетно контрадикторни.

 

Да , еве како обичен смртник направив корекција затоа што јас сакав ...И да позадоволна сум од аспект кога ќе се видам без опуштен очен капак. ...
Не дека претходно не се сакав себеси ..
Полни усни ,големи очи со долги трепки и дефинирани јаболчници се нешта кои ги имам отсекогаш (се она што сега од петни жили сакаат да го постасат со филери)
Другарка на брат ми ме викаше плавата верзија на lauryn Hill.
И да сакам да ми потрае убавината...ете признавам ...Виновна сум

 

Колку те чинеше тоа задоволство,во државна,баш паметно си направила.Бев во козметички салон на депилација,и кога видов еден леѓен голем со мали игли и шприцеви се зачудив,и прашав.Немав поим дека толку жени се боцкаат со ботокси,а мене комплекси ми се појавуваат што се овие толку млади и убави.

 

Околу 1500 евра