Дали државата треба да овозможи бесплатна контрацепција за жените од ранливи категории?

Се мислев каде да ја отворам темава и се решив да ја отворам тука, имено има многу жени кој потекнуваат од сиромашни семејства или по сплет на околности сега се од сиромашно семејство, дел од нив необразовани, а земајќи го и фактот дека најголем процент од луѓето кој имаат премногу деца се всушност сиромашни, размислував на темата како државата може да им помогне на овие жени, односно на еден начин да спречи да се создаваат премногу деца онаму каде што нема услови за нивно чување. Па прашањето ми е дали државата треба да овозможи бесплатна контрацепција, односно контрацепција од типот на спирала, или слични методи за овие лица со цел да спречи да се раѓаат многу деца кој потоа би живееле во сиромаштија, или едноставно да ги заштити самите жени.

 

Што ако обезбеди државата контрацепција, ако тие не знаат како или не сакаат да ја користат?

Државата треба да ги едуцира.

 

Што си правите бајрам на памет. Убаво рече @WildMk државата треба да ги едуцира.

 

Да, точно дека треба да ги едуцира но што ако немаат финансии за некој од методите за контрацепција, само едукација колку ќе биде корисна?

 

Без едукација и да добијат бесплатни кондоми или контрацептивни пилули, нема да ги користат.

Многумина само ќе ги земат, за да ги продадат.

 

Добро тоа се исклучоци. Зборуваш за луѓе кои имаат само за да се прехранат па државата треба да им мисли за нивниот интимен живот. Јас мислам дека има многу приоритети.
Многу би било подобро државата да се опраи, да даде образование прво, да обезбеди работа. За контрацепција самите ќе си обезбедат после. Проблемите треба од корен да ги решиме. Ова е исто како да ставаш фластер на скршена коска..

 

Нема зијан од бесплатна контрацепција за економски ранливи категории.
ама за да биде ефективно, треба прво да се едуцираат.

 

Не дека има зијан туку сакав да кажам дека проблемите со такви луѓе треба од корен да се решат. Да се едуцираат на секаков начин не само за секс, па да може сами да си заработуваат и да си обезбедат се потребно не само контрацепција. Луѓе за леб немаат, државата не дава ни леб бесплатно а ние за контрацепција зборуваме. Има еден куп други проблеми кои треба да бидат решени со приоритет.

 

Прво, да се заштити нероденото а непосакувано. Бесплатна спирала за жените.

После едукацијата ја за полови болести. После кондоми.

 

Џабе државата и да ги едуцира, кога они едноставно така функционираат. А и до некаде се свесни дека нема да можат да им овозможат услови, ама ете си раѓаат.

Не сум за државата да им овозможува.

 

Треба ,да бидат подостапни па зошто да не и бесплатни ,секако со едукација. Пример едукација па давање.
Но уште повеќе треба ова за луѓе не спремни за деца или со психички нарушувања.
Пример од мојот живот:
Роднина се ожени за жена , наследник на повеќе имот ,но со психички нарушувања и епилепсија,секако тој во моментот не знаел ништо , бидејќи од еден крај во друг. Со тек на време епилепсијата ја забележал потоа и останатото. Додека беше жива мајка и ги контролираше со тоа што имаа едно девојче ,кое ги наследи болестите на мајката. Имаше 4-5 абортуси.
Откако почина мајка и забремени пак и го зачува ,второ девојче.
Пак ги наследи болестите на мајката која што веќе сосем забега па ги зема децата замина со еден друг кој што сакаше само да и ги земе становите и нивите.
На децата им давала диазепам за да спијат по цел ден,а ако не заспијат ќотек... Мислам дека тука уште поважно е да се поработи на тоа да нема дечиња кои сосем невини би страдале....

 

@Осе тука треба социјалните служби да реагираат, ама они дремаат партиски. И детето од Охрид што го згрижија едвај (дури не се крена јавноста на социјални мрежи, телевизии), си почина. Такви лица треба веднаш (да бидат брзи и крајно одговорни) да ги згрижат во семејства каде ќе се почувствуваат сигурно.

Од друга страна, колку семејства се за посвојување деца во државава? Ама тука не знаат како, затоа после касно е и само се зголемува појавата на идни деликвенти (за жал).

 

Абе најголем проблем е што им се посакувани тие деца иако немаат услови за да им овозможат еден пристоен живот. Мислат дека децата се богатство и ги раѓаат без да мислат колку деца родиле. А особено ако првите им се погодат женски, тераат додека не добијат машко дете. Така да џабе контрацепција, ако останат со ист менталитет пак ќе си тераат по старо.

 

Баш читав еден текст за гладните луѓе низ Африка и Индија. Тие гладни и жедни по 10 деца имаат, а замисли што ќе биде ако бидат сити. Образование и едукација од мали, на тој што веќе начукал 30-40 години и создал 5 деца и нема да ги прехрани неможе да му туриш во глава со сила ништо, ама баш ништо.

 

@eliesaab реагираа.. можеби малку доцна но реагираа.
Сепак тоа не го менува фактот дека децата се оштетени за цел живот.
Ете пример детето од Охрид ,почина за жал.
Значи веќе крајно беше во моментот...

 

А како ќе ги едуцира државата? Иде на училиште, не учи ништо, чека една 2ка да му/ѝ пишат, ако не ќе паѓа и по 2,3 години, додека не кренат раце професорите и ги пуштат.
Кога основна едикација не може и не сакаат да им се овозможи, како сексуална понатака?
Какво решение гледате?
Ете задолжително средно ставија, па јас не гледам промена во однос на такавата група, исто си тераат како претходно. Едноставно, некои и сами не сакаат да си помогнат.

 

Мислев на бесплатна контрацепција од типот на спирала, за наместо 15 деца да имаат само 2-3, но да, ако идат со мислење дека децата се богатство и колку повеќе толку подобро тогаш џабе е и бесплатна да им е.

 

А што, демек они не знаат како се прават деца? Па државата ќе им покажува како да родат само 2 а не 15 деца..

Секој треба да си се грижи за сопственото тело, не да чека државата да му ја мисли.

 

Убава тема Нина.

Дечки, ќе скратам.
Да не се лажеме, не живееме во XIV век или во Зимбабве за жените да знаат како да имаат сексуален однос, а да не знаат зошто се користи заштита.
Океј, жените во руралните средини немаат пристап до гинеколошки услуги, па до некаде логично е и да не знаат што се таблети за контрацепција. Но, да не знаат што е кондом а се жени помлади од 50-та година!?
Без навреда ама нема логика.

Државата е должна да обезбеди средства за контрацепција за да се намали наталитетот кај овие луѓе и на тој начин да се елиминираат последиците од сиромаштија и страдање на тие дечиња, кои би требало да растат во такви семејства.
А, дали државата се замара?
Не.

 

Не е дека не знаат.
Не користат, оти не ја сметаат за 'толку битна'.
или 'поубаво' им е без нејзе.

Ова сто пати го имам повторено:

Кога донесоа закон за првиот ПАП во годината да биде бесплатен за сите жени, разговарав со тогашниот ми гинеколог и ја прашав, дали се зголеми бројот на пациенти.
Ми кажа: Не. Тие што и претходно си посетуваа гинеколог, си посетуваат. Оние кои претходно не одеа на гинеколог, сеуште не одат.