Дали државата треба да овозможи бесплатна контрацепција за жените од ранливи категории?

Мајко мила
Тоа се болки бре, ако абортусите се правени без анестезија. А ако се со анестезија тоа се навистина многу 'непотребни' анестезии.

 

За кај ова, за Германија?
Сте се сретнале вие лично со такви луѓе да видите како размислуваат?
Не за сексот, за животот општо? Сте чуле лично вие мислење од луѓе баш од ранливи категории?
Тие луѓе најчесто немаат никакво образование, немаат пристап до основни услови за живот, не се едуцирани за многу пострашни болести, и за крај, таквите не ни знаат што значи зборот “контрацепција”.
Државата, ако веќе фантазираме, треба прво да им овозможи простојни и достоинствени услови за живот. Ако им дава социјална помош, таа да изнесува некоја пристојна сума, да им обезбеди апсолутно бесплатно здравство и лекови, да ги едуцира и нив и децата, да им ја подигне свеста со сето тоа, е тек тогаш ќе дојде на ред контрацепцијата. Ама за ова да се случи, тие луѓе треба да соработуваат, да сакаат да го прифатат тоа што државата би им го нудела. Да сакаат да се променат и да го променат начинот на кој живеат.
А кога тоа ќе се случи, тие луѓе би имале пристојни примања и не би имало потреба од бесплатна контрацепција. Конкретно со спиралата, океј е да е бесплатна за секого, не само за нив. Океј е и контрацептивни таблети да има на рецепт за секого, сите сме исто жени, и јас, и некоја од ранлива категорија треба да сме еднакви пред здравствениот систем.

 

Аман бе оваа геноцит извршила. Што совест има...

 

Џабе да им дадат срества за контрацепција кога нема да ги користат. Зошто како што пиша Чка повеќето се неписмени кој ни името не знаат да си го напишат. Треба во болница кога ќе отидат да се породат, доктор да направи разговор со нив и на што може попрост начин да им објасни дека има начин да не раѓаат ако не сакаат. Можат да им направат "подврзување" на јајниците.

 

Неедуцирана жена за спиралата ќе мисли чип дека е исто како за вакцинава што мислат.

Во мое село, а ни во тие до градот не сум видела кондоми во ниедна продавница. Освен ако не ги чувале скриени во фиока ама сепак сите се познаваат меѓу себе па не верувам дека некој би купил кондоми. И улошките стоеја позади каса и одма ни ги пакуваа во хартија па ни ги даваа. Од тој момент имам сфатено дека улошки е всушност нешто срамно.

Убаво е се погоре напишано ама не е едноставно и не верувам дека би се реализирало во блиска иднина.

 

Сум за едукација ама како? Идеи има си постојат ама реализација тешко. Не знам ете на кој начин и со каков пристап би се едуцирале луѓе кои не завршуваат ни основно образование. Не навредувам или потценувм,ниту е некоја предрасуда, но ете од многу причини некои се спречени и не го добиваат ни основното образование, а не пак да бидат едуцирани за други работи.
Една моја професорка велеше : "Да Македонија има потенцијал за развој на туризмот, но нема пари, па кога некој ќе ви рече дека има потенцијал вие само ќе му се изнасмеете бидејќи џабе е цел потенцијал на светот ако не можеш да го искористиш." Така и ова со бесплатна контрацепција е супер идеја, и тоа за едукацијата, ама е џабе, нема начин за да се реализира и дури и кога би се пробало не би било со голем успех.

 

Едукација треба пред се .

Исто како и членката погоре , кога почнав да купувам улошки , веднаш ми ги пакуваа во хартија , и јас сфатив дека е срамота да купуваш улошки . Па на мајка ми и велев да ми купи од град , да не морам во дуќан , срамота било .. Будалетинка .

Откако се омажив , и почнав сама да си купувам улошки , плус по маркети не стојат зад каса и не ги пакуваат во хартија , се опуштив и сфатив дека е срамота да лажеш и крадеш , а не да купиш улошки или кондоми .

Исто важи и за кондомите . Побогу , 21 век , кај нас кондомиве се табу тема во одредени населени места , што останало за другото .

Конкретно за темава , треба едукација пред се . Треба да им се објасни на жените дека не мора да раѓа се што ќе се фати . Дека постои начин да не се фати .