Дали инстинктот на мајката за грижа за своето потомство е посилен од тој на таткото?

Мор не сме.
Дали мажот не може да е воспитувач оти е помалце грижлив природно или општествено е чудно и неприфатливо?

И мојата работа во скоро време доста мажи ја работат, ако е традиционално женска.
Од друга страна мене сон ми е традиционално машка работа

Нема врска, прееееобемна тема е, зошто де факто сме погрижливи, ама коренот дали е биолошки или научен, е тоа веќе...

 

Кратко, сметам дека да.
Прост пример, самото тоа што жените поинаку реагираат на high pitch звуци отколку мажите што е последица на предиспозицијата да се грижат за бебиња е само еден од многуте биолошки предиспозиции дека мајката има посилен инстикт отколку таткото за грижа. Колку и да сме либерални не можеме да игнорираме дека детето има физичка потреба од мајката на почеток, најврзано е со неа, утеха бара во неа, што не е ни чудо со оглед на тоа дека тоа дете 9 месеци поминало споено во истото тело со мајката.

Тоа апсолутно не значи дека развојот на детето зависи исклучиво од мајката или дека тоа ги апсолвира мажите од грижа за децата, на секое дете апсолутно му се потребни двајцата родители и хармонија меѓу истите, без разлика дали се заедно или не.

Исто така не значи дека секоја мајка најдобро знае што е најдобро за нејзиното дете, можеме да кажеме дека најмногу го сака детето, ама на крај мајката е само човек кој секако ќе прави грешки во одгледувањето на тоа дете, исто како и таткото. Тоа не е врзано со биолошкиот инстинкт за грижа за деца во суштина.

 

Не мислам дека можеш да научиш да сакаш тоа што сакаш, што знам. Или да не сакаш тоа што не сакаш. Ко јас и мојот однос кон работа со мали деца, не сакам и тоа е.
А за моето дете сум најдобра, и некој да ме лиши од породилно отсуство ради тренд, па уште и преточен во закон, и да го оставам на маж, мислам дека едино ќе се деси ако ме решат со затворска казна . Тоа е тој мајчински инстикт што го зборите?

 

Абре избор е. И кај нас може Познавам една само што се врати на работа, 1 месец ради себе и свое закрепнување мора да е она, после може татко. Така направија де. Ене ги 2 деца подоцна, супер се

Ќе видиме, ама на став сум дека се' повеќе ќе се измешаат традиционалните улоги, со тоа и перцепцијата за што е нормален одговор на дадена ситуација на жена, а што на маж.

Не можеме да знаеме, нема доволно голема група за експеримент, на мажи што се на породилно

Дали долгорочно ќе останат примарните грижачи или сепак не

 

Што е избор?

 

Кој ќе биде на породилно

Во Македонија може таткото законски, само еден знам што го искористи.
Може било кој родител да биде на породилно освен првиот месец кога се смета дека родилката закрепнува

 

Е добро, во Норвешка не е избор.
По закон 6 месеци породилно за мајка +6 за татко (тејк ит ор лив ит)
Ќе видиме што ќе биде од експериментот.

 

Ама ако, и треба.
Лично мислам дека мајката треба да е таа која прва ќе се врзе со бебето, нејзиниот мирис, глас, бебето веќе ги знае кога ќе се роди. Никаде во ни еден животински вид мајката не се одделува од новороденчето, напротив, таа му е најпотребна (пред се' за да преживее, со хранење нели).

Добар експеримент на Норвежаниве, и мислам дека татковците треба да имаат поголема инволвираност.

Ако судиме само по форумов, татковците ПОМАГААТ, но мајките се главните носители на одлуки - што ќе јаде, кога ќе јаде, како ќе се облече детето, напредување висина/тежина (колку татковци знаат ова?), кои пелени ќе се користат, која козметика и милион други теми... имам впечаток дека се намерно исклучени од сето ова, а на нив тоа исклучување не им пречи.

 

Ама 90% од татковците во скандинавија и досега одеа на родителско отсуство. Знам пошто на секое по некој заминуваше, едно дете, второ дете трето дете. Импресиите од жените таму? Помагаат. Вклученост не значи дека се нешто особено корисни, верувам дека се исто бескорисни.
Мене ќе ми беше лично фрустрирачки да делам породилно со маж, поинаку им работи мозокот бе, не се учи тоа. И до 3 години детето беше пијавица за мене, не оти немало присутен татко туку оти чувствувало потреба од мене. И сега да му ја кршам таа потреба ради експеримент, со првенствено економски мотиви? Не со моето дете

 

Затоа викам, нема да сме ние тие што во таа мера ќе експериментираат.
Ќе бидат жени како дотичната премиерка, и други професии каде што самите ќе сакаат час поскоро да се вратат.

 

Да, посилен е. Кај мајката е вродена, кај таткото се создава.

 

Па добро вие мајките златни сте нас татковците само за во кревет нѐ бивало.

 

Па да....не дека е таткото труп невиден,дека ништо не разбира ама мајка си е мајка.

 

Да не пукниш
Ме изнасмеа

 

Па стварно така викаат бабите пред банка.

 

Мислам дека е индивидуално .
Мајките сме поповрзани природно но до негде.
Еве мм многу сакаше да го храни иако го доев. Дури за мерак еднаш се измолзив му дадов шишето - пресреќен беше.
Поосетливи сме дефинитивно и на допир и на звук ,ама за се е тоа не само во однос на детето. Ако земеме во предвид па природната можност за хранење е доделена на мајката - според тоа би можеле да кажеме дека биолошки сме предодени.

Не би превземала и не превземам се напротив гледам да го вклучам колку што ми дозволува а фала богу многу сака и знаеше се од ред за вакцини , кога и што почнува да јаде , хранење , пелени , козметики...
За третово се надевам нема да сум иако уште сега сум посесивна. Рано е да се каже , сметам дека е индивидуално.
Егото , блазеси му на тој што успева да го тргне на страна

И уште би рекла кога се ,,натпреваруваат " мајката и таткото е ок.

Но што правиме со потискање на мајката од други членови во семејството ?
Дали искуство на нив е поголемо од инстинктот на родителите ?

 

Да. 9 месеци расте во нас, се поврзуваме со бебето и имаме посебна врска. Првите денови во болница и кога си дојдовме од болница, само во мои раце се смируваше, плачеше и од татко и. Потоа се навикна и со татко и, остварија врска и поврзување како што имавме ние веќе створено во тие 9 месеци. Не дека нема инстинкт и тој, да станува навечер ако плаче, да се грижи за неа ама со нас мајките е некако поинаку...

 

Жените стануваат родители, кога ќе забременат; мажите, кога ќе се роди детето.

 

Токму така. Во нас расте, мајчината врска е нешто посебно.

 

Еволутивна придобивка е.
Ако не постои, кога не сме биле цивилизирани, ќе сме си ги оставале децата да умрат од глад и жед