Јас мислам дека паѓа и едноставно куповната моќ се намалува. 1.000 денари се ништо кога ќе влезете во маркет и купувате за дома. Малку по малку цените скокаат, а платите тешко ги стигаат. Што мислите вие?
Прееска бев во маркет и за 1000 денари купив само гел за туширање, шампон, дезодоранс, паста за заби и влошки. А имам братучедка во Германија е и баш за ова зборувавме и ми прати слика полна количка и вика види јас за 1000 ден.колку имам земено, а јас и пратив слика од 5 работи само. 1000ка за најосновните работи не стасува, многу лошо, треба оскар да ни дадат како преживуваме цел месец со 200 евра плата.
Оддамна е паднат мак.стандард...нокаутиран, егзитус леталис. Мислам дека реанимација, реинкарнација и триста салтанати, НЕ ПОМАГА...КРАЈ!
Јас се помалку давам пари за шетање, затоа што тие пари ги пренаменувам или за секојдневни потреби или за да ги штедам. Помалку можам да си дозволам од порано.
Чекајте, тек следат нови бранови поскапувања. Погледнете што им се случува на Хрватска, Грција и Бугарија. И нас не чека исто сценарио, ние ќе си се селиме од тука и ќе работиме за западњациве, кај нас ќе доаѓаат од исток други што ќе преживуваат со 200 евра и така...
во моето семејство само татко ми работеше со плата од 17 000 ден. Абе и во ресторани на вечери сме оделе и останувале. Сметки подмирени. Ама во тоа време немавме трошок за интернет и имавме само еден телефон - фиксниот. Со телефоните +3 сметки од 600 ден = 1800 и интернет 500 = 2300 ден непотребен трошок. Т.е дополнителен. Лебот беше 20 ден кило сега е 20 ден 470 гр. Со два леба цел ден го врвевме 4ца а денес еден леб на еден човек во еден оброк. И да не правам споредби долго ќе биде. Парите не вредат денес. Мајка ми ми кажуваше вујко мој продал кола за да направи куќа а денес со пари од една кола можеш да купиш само влезна врата за куќа,а за да купиш кола треба 10 години да работиш за да ја исплатиш.
Македонскиот стандард е паднат, но не е тоа ново или од сега. Порано, пред 15 години и повеќе, со 1.000 денари во Веро/Тинекс 4 ќеси ќе наполнеше, а сега со 1.000 денари само една ќеса можеш да наполниш. Мислам дека цело време си паѓа стандардот. Но по малку, за да не се осеќа кај народот. Платите за цели 5 години се покачени за 500 денари. Со 200 евра плата живееш на шкрги.
Не можеш ни на шкрги со 200 евра. За самец ако се притесни ок, ама семејство нема шанси. Тешко, претешко.
За од човек зборам, а за фамилија теоретски шанси нема... За цела фамилија од 4 души да се издржи, требаат минимум 1.000 евра за колку да живееш, без да шеташ, излњгуваш на кафиња и тн...
Чекај малку да не претеруваш 1000 евра месечно за четири члено семејство без шетања, кафиња и слично? Па знаеш ли дека има многу семејства со 200-300 евра што го поминуваат месецот, ама најскромно, најдомаќински, без шетања, кафиња. А за малку повеќе опуштеност, нормално дека 200-300 евра се малку. Ама во нашава држава премали се платите за жал и плус не се наоѓа лесно работа. Па така за 1000 евра месечно многумина можат само да сонуваат.
Со 200-300 евра многу, многу тешко ќе поминат месец. Сметка за струја во зима може да биде 12.000 денари ако се греат на струја, а и дрва да се купат не е евтино. Ние дома имаме над 40.000 денари, па колку пати фрижидерот кога ќе го отворам, внатре само најносновното го има. Не се луксузираме. Шетање и кафиња на минимум. Станува тешко за живот.
Кога ќе видиш трошоци вода, струја, парно, паркинг, превоз, храна и други работи што случајно ќе ти испаднат, а мора да ги купиш...толку ќе испадне. Збориме за 4 члено семејство со поголеми деца. Вкупно за секој кога ќе собереш, 1.000 фаќа па и повеќе.
Точно, сметки, храна, облека, некој непланиран трошок, да се отиде на свадба, роденден, школување на деца итн. Скап е животот, се собира.
Тања, добра тема. Што се однесува до македонскиот стандард, тој не постои како категоријален поим во економијата. До толку сме очајни.
Разликата од тоа кога јас бев со пубертетски бркови и сегашниве деца со пубертетски бркови е што се отворија многу молови, дуќани, многу скапа гардероба низ продавниците, многу скапи гарнитури, бела техника со европски цени, а македонска плата. Преплавени сме со роба на секој агол, а едноставно човечкото љубопитство и незаситност за материјализам си го прави своето, но со 300 евра тоа не се заситува до некое разумно ниво, па ни се чини дека стандардот ни опаѓа.
@Swatt Македонскиот стандард е до толку паднат, што едно семејство не може да си дозволи во месецот да си го наполни фрижидерот од-до, а ти зборуваш дека стандардот си е океј, само шопингхоличари сме Кој материјализам човеку? Па и плус, ако сака човек да си купи нешто ново, зарем тоа е луксуз? Луксуз е јахта и приватен авион, а не да се купува нешто што се подразбира дека е нормално и вообичаено да го има просечниот човек. Бела техника и гарнитура, мај ес.
Не е паднат кога се во прашање плати. Цените за живот поскапуваат. Плус увозничка земја сме. Да паѓа стандардот не би се возеле така скапи автомобили и не би се кревале згради на секој агол. Значи има побарувачка.