Дали некаде запишувате кои книги ги имате прочитано?

Јас си ги запишувам книгите кои сум ги читала уште од прва средно. Машала имам скоро исполнето еден нотес

 

НЕ! Ама знам дека имам прочитано мн книги.

 

Си ги запишувам во тетратка, и покрај името пишувам и кратка содржина. Еден период само имам прекинато со пишување, 4-5 книги ми се скокнати. Ретко да заборавам наслов на книга што ја имам прочитано, ама детално не ги паметам. Некогаш си ги листам и се потсетувам

 

За жал не. Порано запишував цитати кои ми оставиле впечаток (со последните книги изгубив таква навика). Сега, многу повеќе сакам да ја впијам приказната, отколку да размислувам за тоа дека нешто треба да запишам за да запомнам. И онака, ретко после тоа се навраќав на истите. Во последно време, пак, имам навика да ја сликам корицата на книгата која ја читам во даден момент. Ми се допадна предлогот на RainBow така да апсолутно ќе го земам предвид.

 

Девојки, ви го препорачувам сајтот Shelfari.

Сличен е на Goodreads иако мене повеќе ми се допаѓа, позабавен ми е. Можете да ги сортирате книгите по тагови, потоa Favorites/Own/Wishlist, да поставувате цели и слично.

Инаку јас ги бележам книгите што ги имам прочитано од 2011 наваму, засега 65 (иако имам прочитани уште неколку македонски книги кои не се поставени на сајтот).

 

Не сум запишувала кои книги сум ги прочитала никогаш, а имам многу прочитано. Скоро сите ги памтам и ако ја погледнам веднаш знам дали сум ја читала и што се работи во книгата. Не е лоша идејата сепак да почнам да си запишувам

 

Не ги запишувам, ама ќе почнам и јас.

 

Запишувам кои книги сум ги прочитала од пред две години, а идејата за тоа ми се роди кога една иста книга земав да ја читам непрепознавајќи ја по насловот (Читачот од Бернхард Шлинк). Тогаш седнав и ги запишав насловите на сите книги што претходно сум ги прочитала, а кои ги паметев по содржината и насловот. Останаа многу книги незапишани а прочитани во претходните 35 години... или повеќе...

 

Не водам евиденција, ама пред некој ден седнав и напишав листа на книги што сум ги прочитала стриктно на киндлот. Чисто за да направам една пресметка дали ми се исплатела инвестицијата и да си знам колку книги веројатно и не би ги прочитала, затоа што не можат да се најдат изданија во нашиве книжарници, а читањето пред компјутер е многу напорно. Е-книги имам многу на компјутеров, скоро секој ден читам рецензии и симнувам нови, па се надевам дека ќе го искористам киндлот максимално

 

Kога ја прочитав темава решив да започнам да си ги запишувам.Cе на се до денес имам прочитано 76 книги. имам уште 3 непрочитани така да ке порасне бројот
Mи се допаѓа идејава со запишување книги.

 

Јас си ги ставам на goodreads.com
Порано ги запишував во тефтерче, ама често заборавав.

 

Сите книги кои ги имам прочитано ги запишувам во едно тефтерче и многу си го сакам по 100 пати на ден можам да си го разгледам и најмногу сум среќна кога ќе запишам нова книга

 

Лани читав многу книги. Нон стоп бев со книга во раце.
Имав прочитано (да не се фалам) ама над 50, ако не и повеќе. Книгите во еден здив ги читав, со таква љубов, абе не трепнував.
Сега се сетив колку ми е криво што не запишував кои ги имам прочитано.
Запишав неколку, на повеќето не се сеќавам на насловите, сега си пукам од мака.
А имам листа за филмови, за книги не ми текна.

Доколку често читате книги, запишувајте си ги!

 

Никогаш не ми дошла ваква идеа.
Сега е веќе касно да запишувам...

Но, кога ќе се спомене некој наслов, за 1-2 секунди ми текнува дали го имам читано.

Сепак книгата остава некое сеќавање во нас, а посебно добрата книга никогаш не се заборава.

 

Почнав да читам многу книги, и поубаво ми е кога ќе си запишам некаде.
Запишувам на компјутерот, и во тефтер бидејќи таму ми е посигурно.

 

Многу пати си имам речено дека ќе ги запишувам, ама ништо од тоа.Секогаш заборавам.Се надевам дека ќе почнам.

 

Не запишувам,туку прочитаните книги ми стојат на највисоката полица во мојата мини библиотека

 

Во посебна тетратка вадам цитати од книгите ... и кога ми е досадно и немам шо да правам, си ги читам

 

Запишувам уште од 2005 година. Која книга, од кој автор, на која дата сум почнала да ја читам книгата.