Дали нешто не ви се допаѓа на форумот?

Не ми се допаѓа тоа што форумот е место со голем број луѓе кои не може да разграничат дебата од рекла казала муабети. И кога ќе се спротиставиш на нештото, кукаат по модератори како биле навредени. А всушност ако малку го зачиташ начинот на кој што се изразуваат ќе сфатиш дека вистинскиот извор на зборови кои се проблематични за една дискусија се токму нивните реченици.

 

Мене не ми се допаѓа што некои членови некои мислења си ги земаат премногу лично. Анонимен форум е каде што се дискутира на различни теми, ако се пронајдеш во некое мислење не значи дека е наменето конкретно за тебе па да дигаш прашина и да се расправаш.

Chill out малце реално. Премногу сериозно се сфаќа форумов. Дали озбилно толку многу ви значи во животот дали петранка од фемина форум се согласува со вашето мислење или не, колку и да е валидно.

 

Секако дека навредите не се во ред.
Ама,сите имаме различни гледишта.Тоа што за тебе е навреда,за друг не е и обратно.
Форум е,цитирања има и ќе има во темите кај што е дозволено.

 

Како не.
Ти знаеш за во секоја тема кој со кого се согласува?
Па јас со 40ка ако гледаме, во пола теми "очи ќе си ископам".
Ако се согласувам се согласувам, ако не - не.
И да, ништо не е чудно група на луѓе да имаат на повеќе теми слично мислење.
Или еве пример, со @WildMk на некои теми 100% се согласувам, на некои воопшто и? Ако ја поддржам кај што не се согласува со тебе пример, значи дека секаде делам исто мислење?

 

Има многу напади, ако имаш спротивно мислење, "не можи" да имаш спротивно од друг. Имам забележано едни исти личности ако немаат мислење со тебе ќе ти се нафрлат. Оти на форумот има експерти за се и само тие се разбираат, друг никој.

Друго има и привилигирани и здружени. Бришење на мислење без известување или мислење избришано кое немало основа за бришење.
И најјако од се ми е извртување на зборови и реченици, тоа е врвот.
Порано не беше ваков форумот.

 

Нека има цитирања ама нека е во склоп на фин начин,а не предрско и мешање личен живот. Убаво си пишува во правила за однесување на форум да не се пишува со дрзок тон. Никој не е должен да ве трпи ако не се согласите со некој,не мора да ја должиш дискуцијата. Тоа се вика почит кон член,а тоа е одамна изгубено овде. Почит!

 

Точно.Ама,или пријави го дрското мислење ако го сметаш за навреда или не се замарај.
Секако дека никој не те познава како ти самата,особено не странци на кои ни лице им немаш видено.

 

Да ама тоа нема да престане, во друга тема и да се согласува со тебе ќе те нападне за да ти врати. Од инат.
И така до недоглед.
Треба едни правила за сите.

 

Скоро секој што активно дискутира го има искусено ова. Не е привилегија, едноставно модераторите не известуваат и бришат се групно, некогаш без и да читаат.

 

Постојано некој за некого вади од ракав заклучоци.
Еве скоро за мене "заклучија" каков шофер сум, дека сум криминалец и личност без емпатија.
И?

Низ годините 100 пати тоа се случило и да, глупаво е, ама тоа нема врска со реалноста каква сум јас (или било кој што е метата на претпоставките).

Не може во секоја дискусија "секој има право на мислење".

Да, ама бидејќи е форум, смислата на форумот е твоето мислење да биде и цитирано, и да ти се побараат аргументи, да се води дискусија во која што има дебата.

Не е форум место кај што ќе си напишеш мислење и готово. Така се губи суштината.

Ако, лупам сега, Бубаче рече дека е против вакцини, јас ќе ја цитирам и ќе ја прашам зошто, па Бубаче ќе ми одговори, па јас ќе и' одговорам и други ќе се приклучат и така треба да биде.

Секој може свое мислење да напише, ама никој не е заштитен дека нема да се бара да го објасни и аргументира мислењето.

Или некој ќе напише абортусот е убиство, тоа е мое мислење, зарем треба да речеме - аха, па секако, твое право си е, нема јас што да те цитирам.

НЕ.

И уште една работа.
До ку*ца со луѓе што си земаат за право да кажуваат кој каде да коментира.
Сите имаат право секаде да коментираат, се' додека нели, не се оф топик и не се служат со навреди.

Ако не му чини на некој, нека не ја чита конкретната тема, толку е просто.

И конкретно за тебе Бубаче, во некои теми се согласувам, ти лајкнувам мислење, во некои не се согласувам и те цитирам или лајкнувам некој што веќе те цитирал и го делам мислењето.
Нема врска тоа со тебе лично, него со моето право на мислење, нели.

 

За разлика од Вас, јас секогаш си стојам на своето. Имам луѓе со кои се дружам, различно мислење имаме ама дискусијата секогаш е во граници на нормала. Поздрав. Има место за секого.

 

Па ова е тоа што го зборувам.
Не се срамам, си напишав мислење на темата што не ми се допаѓа на форумот.

Вака кога ќе размислам поубаво би додала и дека некои луѓе се премногу егоцентрични и желни за внимание. Добар дел од денот го поминуваат на форумов споделувајќи премногу детали од приватниот живот, а после ако некој нешто каже (нормално различно од нивната перцепција за пожелно внимание) одма е мешање во приватноста.

 

Се сложувам со тебе, но муабетот ми беше општ за сите теми.
Јас со луѓе кои сум спротивставила во некоја тема, во друга лајкнувам и тоа е ок.
Ама, не мора сега ако јас сум пишала “Америка е остров,не континент” да дојде некоја да каже “бре, Америка ти е најголемо животно достигнување”.
На што личи ова однесување?
Или пак “ Бреее, мислиш многу си постигнала”?
Не е у реду Каме без оглед кој и да е, да биде третиран на дрзок начин.

 

И да не ми се допаѓа нешто, и да ми се допаѓа нешто ако кажам ќе се смени нештото?
- Па знам дека не. Опуштено.

 

Мене ме интересира какво е тоа објективно мислење и како заклучувате дека вие сте објективни, а другите не се? Ако објективно мислење значи факт, тогаш запрашајте се дали навистина вашето мислење е универзален факт како што е на пример факт дека постои гравитација? Според мене, никој не дава објективно мислење на социјално-друштвени теми и не може да се вели ме цитираат затоа што сум објективна и ги кажувам работите како што се. Како утврдивте дека работите се универзално такви какви што ги мислите? Зарем не е преценување да се мисли дека јас (или било кој друг) ја знам „единствена" вистина, а другите не можат да го поднесат тоа, ми љубоморат??

 

Па форум е да споделат,а не некој да го земе тоа у предвид и да му го пукне под нос во тема каде не се сложуваш со него. И ти споделуваш Пепе ама јас никогаш не сум ти пукнала под нос ако не се согласиме. Немам никакво право тоа да го правам,а и која сум да ти го спомнувам. Тоа важи и за тебе.

 

Муабетов ми е ко коментарите на пресветата Миа. Исплукај па после оти мене вака.
И јас си стојам зад своето, не го акомодирам врз основа на толпата, така се губам јас како личност со карактер и размислување градени со години. Уште еднаш се навратив на твојот пост за да видам што точно те цитираа. Всушност, тоа се вика многу врева за ништо. Друг пат, може и да го елаборираш своето мислење, затоа што на начинот на кој што стои, алудира дека паровите без деца треба да се фрлат од камени мост, пошо за друго и нема за што да живеат. Така да, кога пишуваш таква несоодветна констатација, биди спремна на реплика. Btw, со никој не сум здружена ниту пак знам од форумов, аватари со мислења.
И дискусијата беше сосема цивилизирана, го кажувам ова затоа што лично јас не те цитирав, туку од страна на набљудувач кој смета дека е невкусна таа реченица. Мисли ти и понатака така, твоја работа, но не може да очекуваш сожалување ако самата всушност имаш напишано нешто што некому може и да го здоболи.

 

Во темите за врски кога некој ќе побара совет, секогаш велиме: разговарајте смирено и убаво објаснете што ве мачи.

Зошто не можи тој совет да се искористи при дискусија на форумот? Јас многу пати се воздржувам од коментирање, баш поради таквиот надмен однос. Секој можи да згреши, треба да се посочи грешката на убав начин, а не најглуп си, ние другите најпаметни. Верувам дека во живо ако некој погреши или има различно мислење убаво ќе се објасните, без да му рипните со омаловажување.
Има тука дебелокожци шо ќе заборават или дупло ќе ве навредат, ама има и луѓе шо ќе си го врзат во крпче.

Пишувам општо, тргнувајќи од мојот страв да дебатирам. Не знам за шо се карате сега.

 

Со некои луѓе не може да се води дискусија, секој аргумент против нивното мислење го сметаат за личен напад. Тоа што не можат да си ги хендлаат емоциите низ дискусиите не е наш проблем, главната поента на форумов е да се разменуваат различни мислења ( дркаџиите нема да се сложат со ова оќе).