Дали религијата постои само за да се контролира народот?

Уште пред да почнам со дискусијава сакам да биде јасно дека јас не сум антихрист.Напротив христијанка сум ,не сум нешто посебно религиозна,но во граници на нормала верував и верувам дека постои некоја виша сила над нас,која ги движи работите,ги одредува донекаде нашите судбини.Редовно посетувам црква ,нормално како и секој верник ги славам нашите празници.Но,тука би сакала да се осврнам на една друга тема.Колку и како црквите постојат за да го контролираат народот и да го држат во канџи.Јас сум против веронаука во училиштата.без потребно децата уште од мали нозе ќе се контролираат и на некој начин против нивна воља ќе им се наметнува религија.Тоа што човек е родител не му дава за право да му каже на своето дете во што да верува.Дали ако не одам во црква јас ќе бидам етикетирана како антихрист? И ако е така .зошто? Одењето во црква никого не прави верник или добар човек.Зошто пример на атеистите се гледа други очи? Јас ги почитувам сите ,секоја одлука да верува во што сака.
Но она што ме иритира е самиот факт дека сите насилнички појави во светот потекнуваат директно од поделбата на религиите и црквите.Војните,омразата,делбата на народите...замислете само колку светот би бил убаво место без религии,кога секој би си верувал во она што сака,без да се влијае на него од страна на црквата.Јас сакам самата да одлучувам за себе,за својот морал или неморал,за своето однесување ,добро или лошо.Како може црквата или општеството да каже што е добро или што е лошо за мене? што е морал ,а што не е ? Сакам самата да изградам свој морал,самата да одлучам во што ќе верувам ....и добро би било кога сите така би се однеувале.
Гледам на форумов се отвараат теми со разни религии,и приметувам како народот се дели,се шири омраза,нервоза итн.
Дајте да ги отвориме очите .Имаме наука,технологија,развиена медицина.факти и докази ,имаме логика.Да престанеме да мислиме дека Бог ќе ни помогне да се справиме со болестите и војните и само да седиме со скрстени раце чекајќи го тоа.Бог е во секој од нас.Бог оној во кој јас верувам не ги дели луѓето и не шири омраза.

 

Те поддржувам 100%. Навистина е така, никој не станува поштен човек со одењето во црква, со постење без масло и со кажување молитви секој ден. Тоа што има веронаука во училиштата и не е така страшно, само што како што кажа да не им се наметнува со сила на луѓето.

Инаку факт е дека порано сите несреќи потекнувале од свештениците на чело со Папата. На пример, ќе и се запнат на некоја и ќе ја прогласат за вештерка, само затоа што одбила да спие со некој поп. Колку и да се правеле чесни, во минатото тие биле најрасипаните луѓе. Има цел куп други примери за ова, посебно во среден век кога луѓето биле речиси неуки и лесни за манипулација.

Денеска, ова и не е толку застапено (барем кај нас христијаниве) единствено благодарение на тоа што луѓето почнале да се описменуваат. Не сум сигурна за кој точно се рабореше, мислам дека Џордано Бруно, бил осуден од инквизицијата (црковниот суд) само заради неговите научни откритија; го запалиле жив само затоа што неговата теорија не се согласувала со црковната. Страшно!

Како и да е, секој има право да верува во што самиот ќе си избере. И да, мислам дека главната причина за развој на религијата е луѓето да се насочат кон нешто. Добра замисла, меѓутоа крајно лоша реализација.

 

Јас овде ќе го бранам ставот на мама: Црквите и Поповите се само празноверие, вистинската верба во бога доаѓа од самото срце. Не значи дека си христијанин ако секој ден посетуваш цркви и постиш секоја петок, вистински христијанин си ако внатре во себе веруваш и се молиш на бога!

 

Религијата е мудрост за животот,не учи како да живееме праведно,чесно,не учи на љубов,простување,да не грешиме,да бидеме доблесни..Религијата е книга за животот,со безброј поучни примери не учи за целта на нашето постоење,не усмерува како на правилен начин да го живееме животот-религијата е знаење кое нема цена,ако го стекнеме,ќе бидеме многу среќни..
Суштината на религијата е да ја вдоми љубовта во нашите срца а не да не контролира,а ако не постои моралот како дел од едно општество,тогаш би се вратиле во првобитна заедница.Имаме доволно разум за да ја разбереме целта на религијата...
АКО НЕШТО НА ПЛАНЕТАВА ГО КОНТРОЛИРА НАРОДОТ И Е ИЗМИСЛЕНО ЗА ИСТАТА ТАА ЦЕЛ,ТОА Е ТОГАШ ПОЛИТИКАТА.
Кинеска филозофија-Политика е моќта на владетелот да манипулира со народот а тие да не знаат како.

 

Една исправка, Џордано Бруно воопшто не бил осуден и спален од инквизицијата поради неговите научни откритија туку поради тоа што имал различни духовни сфаќања од црковните. Го обвиниле бидејќи верувал во реинкарнација и постоење на разновидни вечни светови, а ја отфрлал девственоста на Марија(која според црквата е Богородица) и бидејќи го отфрлал учењето за светата причесна т.е. дека лебот и виното по одредени ритуали направени врз нив се претвораат во крв и тело Исусово.

Самиот Бруно бил верник и еден од најголемите христијански мистици, но таквите искрени верници црквата во сите времиња ги прогонувала бидејќи покажувале дека за да се спознае Бог не се потребни посредници, следење на догми и ритуали преку што пак црквата ја одржувала моќта на контрола врз обичниот народ кој истата ја снабдувал со пари и разни други материјални добра сосема спротивно од Исусовото учење кое говорело за љубовта кон ближните и за законот моли се и работи.
Така да мислам дека треба да се прави разлика помеѓу нечие изворно духовно учење од една страна и учењето и постапките на институционализираната религија од друга страна(примери за ова има и во христијанството но и во другите религии на пр. тибетанскиот будизам кој нема врска со изворното учење на Буда и др.).

А кон темата ставам линк со препорака за читање:
Огледалце, оглдеалце што висиш на брестот, се наоѓа ли сега Бог на некое друго место? (Габриелино писмо бр.2)

Љубовта кон Бога и ближните и изобличеното христијанство (Габриелино писмо бр.3)

 

Дали сега е поразлично од некогаш? Но, црквата порано била и државна власт,значи не била само религиозна институција, што е денес, каде посебно е државната власт, а посебно си е црквата.Секако дека оние кои имале поинакви размислувања за религијата, ги казнувала, како што и спомнавте.Меѓутоа сосем друго било тогаш, а сосем друго е денес, кога црквата никому не наметнува нешто за да контолира.Крштевањето, не го измислила црквата, се знае кој го кажал тоа.Значи ритуалите не ги измислила црквата, со цел да го контролира народот.А и да сака, не може да го контролира.Бидејки денес секој прави по сопствен избор, онака како што смета дека треба.

 

Децата имаат две школи или насоки на воспитување-улична и домашна,Е сега,во современо општество е дискутабилно колку домашното воспитување е застапено поради брзото темпо на живот,работата,обврските кои се многубројни и исцрпувачки и не оставаат простор за солидно воспитување.Втората школа е уличната-децата се како сунѓерчиња и впиваат се што гледаат и слушаат и подоцна го копираат виденото и чуеното-а знаеме колку паметни работи се учат на улица.Е сега на ред доаѓа и телевизијата која нема мака,не цензурира и пушта секакви СРАЊА кои и те како ги учат децата,а бидејќи самите се "разумни" и не треба ништо да им се наметнува ќе си видат нешто и оппп ете ти НЕвоспитано дете,со вокабулар чие значење не го ни знае ама некоја фаца во некој филм го кажала тоа и детето "одлучило" да го користи,т.е.телевизијата му дала идеја дека треба да го користи.Порно филмови има на нашите телевизии после полноќ-менувајќи ги каналите сакаш,нејќеш ќе налеташ на таа изопачена пропаганда и ете ти после случка кај нас-второодделенци сокласници отишле кај девојчето дома,нејзините биле на пат и незнаејќи што прават го копирале она што го виделе.А најубавата и позитивна опција или школа е религијата-веронауката која учи на љубов,почитување,несебичност,ја дава филозофијата според која ќе бидеме суштетства кои си помагаат едни на други,кои не знаат за омраза,немаат искривена перцепција за нивното постоење на планетата.
Религија НЕ СЕ НАМЕТНУВА,СЕКУЛАРНА е власта од Црквата,да живееш во Русија можеш тоа да го кажеш а кај нас си малку грешка.Ти кажал некој дека мораш да постиш,да одиш во црква,да се молиш,да се крстиш,да го љубиш Бога....?НЕ.ЕПА ТОГАШ КАДЕ Е НАМЕТНУВАЊЕТО?
Телевизиите,интернетот и медиумите и те како наметнуваат како треба да се облекуваме,како треба да се изразуваме,како треба да изгледаме,каков дечко треба да имаме,кои пози во сексот се најубави за да ужива нашиот партнер... Сите вредности кои треба да ги поседуваме и не делеа од животните заминаа со разните емисии,списанија,филмови и интернетот кои и те како убаво си ја завршија работата.Ама тоа не се гледа така и не се зема во негативна конотација цело негативно влијание кое го носат со себе туку ја вртиме топката накај веронауката која не учи на вредности,позитивни емоции,здраво воспитување кое ќе не направи ЛУЃЕ,ЗДРАВИ ИНДИВИДУИ КОРИСНИ ЗА ОПШТЕСТВОТО,се спротивно од она што го прават медиумите,филмовите и интернетот.А војните не ги почнува религијата,туку политиката и човековата алчност да профитира додека други умираат..Томас Хобс-Човек на човека е волк.Сакајќи да успее и да се воздигне,човекот ги гази другите луѓе.

 

Грешка си ти.Значи не се проблем порно филмовите и списанијата.такви имало отсекогаш и ќе има секогаш.Сосема друга е темата овде.Како одговори ми може вероануката да не учи да и да не воспитува? И да направи од нас луѓе здрави и корисни за општеството? Па јас познавам најмалку 5 мои пријатели кои не веруваат во религија па се сосема здрави и начитани,и корисни за општеството.Докази за тоа дека сите војни почнале на религиска основа имаш еден куп.Прво земи ја војната кај нас од 2001,и се ќе ти стане јасно.
Додека сме кај политиката,политиката ја контролира народот ,ние.Политичарите се само луѓе кои НИЕ самите ги бираме да ни ја водат државата,и со самото тоа основата лежи во тоа дека политиката ја контролира обичниот човек.а од друга страна оние кои се на чело на црквата не ги бира обичниот народ,и тука е заклучокот дека тие не контролираат нас.
Земи го пример бракот.Каква врска има бракот со црквата.Бракот е чисто правна категорија и нема ама баш никаква врска со црквата.
Од една страна законот се залага за слобода на говор и изразување и човекови права,а од друга страна црквата гледа што е можно повеќе да не стави во канџи.Пази тука не зборувам за верување или неверување во Бог.Вербата во Бог е една работа а црквата е сосема друга

 

Под нормални луѓе корисни за општеството не мислев на финансиска и статусна формација,туку психичка-имаш успешни луѓе кои се педофили,имаат двоен живот и не почитуваат ништо -е тука е разликата од "слободниот дух" на воспитување и веронауката.
Еднаш се случија Крстоносните војни,а ако малку поубаво размислиме ниту Исус ниту Мухамед не проповедале омраза за различниот од нас,туку еднаквост,човекољубие,да си помагаме,да се љубиме,да ги почитуваме различните од нас,да ја поделиме корката леб со оној кој е гладен...Во ниеден миг религијата не пропагира војна,тоа е смешка и навреда.
А Црквата кај нас нема НИКАКВА МОЌ И ВЛАСТ и да сака да не опамети со веронаука,врзани и се рацете дефинитивно.Уште еднаш ќе прашам-те тера некој да одиш во црква,да се молиш,да се венчаш во црква,да се крстиш,да постиш??

 

А што било пред бракот да биде правно регулиран со закон, како бил регулиран бракот кога правните норми за бракот и воопшто за другите правни односи биле кодифицирани дури во 6-тиот век од страна на Јустинијан први. Тука секако се моралните норми на општеството кои ги обврзувале луѓето да живеат во брачна заедница, а кога зборуваме за морални норми мораме да признаеме дека голем дел од моралните норми како начин на правилно однесување на луѓето извираат од религијата независно за која религија станува збор, зошто секоја религија учи на морално однесување. Друго прашање е дали освен склучувањето на граѓански брак со кој исто така не сме императивно задолжени да го склучуваме (зошто слободно секој може да одлучи да живее во вонбрачна заедница ), некој својот брак ќе го склучи со благослов на религијата, тоа е слободен избор на секого.
Црковната или религиската власт е целосно одвоена од државната власт, значи религиската власт има свој административен апарат на управување, свои правила на уредување на власта посебно од државната власт, значи секоја власт посебно функционира на свој начин.

 

па доволно е тоа што ме крстиле во црква на 5 месечна возраст и со тоа ми ја одредиле верата без мое согласување/

 

Доволно возрасна си, ако не ти се допаѓа религијата во која те крстиле твоите родители и сметаш дека има подобра опција од тоа, направи промена. Не мораш да бараш од никого дозвола за да го направиш својот живот подобар, ако сметаш дека ќе бидеш посреќна на друг начин едноставо направи го тоа но не наоѓај вина за тоа во религијата ниту во твоите родители, тие едноставно го сакаат и го правата тоа што сметаат дека е најдобро за тебе.

 

^па доволно е тоа што ме крстиле во црква на 5 месечна возраст и со тоа ми ја одредиле верата без мое согласување

Бог да чува и да брани..ако веруваше во бога ко што пиша НЕ ВЕРУВАМ дека ќе се фатеше за ова ко слеп за стап.НЕ ТЕ ЖИГОСАЛЕ КО ДОБИТОК ТУКУ ТЕ КРСТИЛЕ.
Како што ти имаш право да не го учиш детето за верата и црквата,така твоите имале право да те научат бидејќи сакале.

 

Ритуалите секако не ги измислила денешната црква туку паганските свештеници како резултат на нивната одвоеност од Бога и духовното незнаење. Имено тие преку надворешни дејствија (на пр. ритуали, специјална облека и сл.) се обидувале да ги одоброволат божествата кои според нивното верување управувале со природните појави но и со судбината на луѓето - за таквите услуги наплаќале во пари и натура - на пр. највкусните делови од жртвуваните животни свештениците ги задржувале за себе.
Но тие ритуали во повеќе или помалце изменета форма станале дел и од она што црквата го усвоила бидејќи таа е продолжение на паганството во христијанско руво - така барем откриле современите историчари и научници. Таа преку тоа го контролирала народот - не можел да се случи брак, погреб, битка, градење градби итн. без нејзин благослов а таа секогаш тоа го наплатувала било директно било индиректно (преку разни договори со државните власти).
За разлика од тоа Исус и вистинските Божји пророци ја подучувале внатрешната религија каде акцентот бил на остварувањето на божествените законитости т.е. живот според повисоки етички норми. Меѓутоа голем дел од луѓето во тие минати времиња сеуште биле врзани за надворешните ритуали, па Исус до некаде тоа им го дозволувал (на пр. славеле одредени празници, посетувале храмови и сл.).

За жал таа се обидува да ги тера служејќи се со разни психо-манипулативни методи (на пр. отсуството од св. причест е смртен грев и сл.) - но за среќа денес народите не се во таа мера подложни како во минатото.
Тоа што црквата кај нас сеуште не е дел од државата може да им се благодари на политичките настани по 2.та светска војна. Сепак црквата се обидува на мала врата повторно да се сплоти со државата. Дали сте забележале дека високите претставници на разни партии честопати се во придружба на свештеници на официјални настани, дека низ годината верските празници се слават како државни, дека децата имаат веронаука во училиштата? Дека во градското урбано планирање се резервираат плацеви за цркви? и тн. Само случајно?

Од каде да знаеме дека не ја жигосале? Што е крштевањето ако не еден вид магијски жиг? При крштевањето во правило се издава документ. Зависно од сегашната или идната акутелна политика и државно уредување преку крштењавето таа била обележана. Во некои земји ако си крстена во црква од секоја твоја заработка автоматски ти се одбива црковен данок на пр.

Моментот со крштевањето мали деца има и духовна позадина.
Според Христовите објави преку пророчицата божја за денешното време отприлика беше објаснето дека во невидливите светови (тнр. астрални подрачја) кои се наоѓаат вон царството Небесно тој документ по смртта на човекот продолжува да важи во духовно-енергетска смисла. Тогаш врз таа душа можат да се обидат да полагаат право и да ја употребуваат за свои лични цели од заедницата на души кои се врзани за црковните догми.

Затоа би било добро оние луѓе кои така чувствуваат дека со крштевањето им било наметнато нешто, да побараат официјално да истапат од црквата - по закон, црквата е должна да издаде таков документ-истапница.

Правно гледано може да биде многу дискутабилно дали нејзините родители имале право да ја крстат само затоа што сакале. Ако се оди според Библијата во која повеќето христијани ја прифаќаат, крштевањето на 5 месечни деца не е во согласност со Исусовото учење кое велело „Првин подучувајте, потоа крштевајте!„ - можеш ли 5 месечно бебе да поучиш иако тоа е одвај свесно за самото себе? Потоа ако се оди според уставот на Р.М. исто не е во ред според чл.16 и чл.19. Сепак ќе се согласам со Makide дека не би требало родителите да се обвинуваат - толку знаеле или можеби биле под нечиј притисок (на пр. пријатели, роднини и сл.) тоа да го сторат. Но клучниот совет кој би требало да се даде во целата ситуација е како таа легално да истапи од црквата во која е крстена?

 

Кога мислев црквата, мислев општо за црквата, значи не само тоа што таа денес претставува. Крштевањето како ритуал, не го измислиле паганските свештеници, дури и Исус бил крстен, кој го одобрил крштевањето.Кои божества? Збориме за црквата, периодот на христијанството, не на паганството во кое имало разни божества за природни појави, кои тогаш луѓето за истите си дале некакво објаснување.Црквата нема врска со паганството.Затоа и прашувам, за кои божества станува збор.Во христијанството нема неколку богови, има еден.Што би значело дека црквата не го контролирала народот, моижеби така изгледа, бидејки како што кажав и претходно таа била државна власт.Додека за славењето на одредени празници, литургијата е конкретно токму она што Исус го рекол на Тајната вечера, каде самиот спомнал тоа да се направи во негова чест, а е токму тоа, она што денес се слават празници.Каде тука црквата го измислила ова? За посетувањето на храмовите, истото е кажано за храмовите, кои ја претставуваат таа врска помеѓу физичкиот и духовниот свет, затоа и се темел на христијанството, затоа и постојат и до ден денес.Дури има и случаеви,каде ако една црква некогаш била срушена, на истото место, се градела истата.Кои се тие измислени ритуали од црквата, која ги правела со цел да го контролира народот?

 

Во паганството уште далеку пред времето на Јован Крстител, била присутна идејата дека пред обавувањето на некаква дејност или при иницирањето на нови членови било потребно миење, полевање или дури потопување во вода.

Да, но бил крстен кога веќе бил возрасен! Освен тоа тој кога им говорел на апостолите за крштевањето тој говорел за крштевање со силата на Светиот Дух а не преку надворешни форми.

На пр.Изис и Хорус, Семирамида со Тамуз, Деваки со Кришна, Jaшода со Кришна - во тнр. христијанство се присутни како Богородица со Исус.


Спротивно од тоа Исус немал некој посебен однос кон својата мајка, ниту пак тој или апостолите ја нарекувале Богородица. Тоа е термин кој се влеал од паганството.

Ова добро си го забележала. Наспроти тоа во црквите има бројни светци на кои не само што им се искажува чест - иако само на Бога му припаѓа сета слава и чест, туку и им се упатуваат молитви за да тие се молат пред Бога за обичните луѓе. Што се тогаш тие ако не еден вид божества?

Размисли логично, зошто би била таа власт ако не сакала да го контролира народот?

Ако гледаме така на тоа, дури и тогаш се работи за еден празник а не за празници. Нешто не штима тука...

Но каква врска има тоа со Исус Христос кој објаснил дека во нас е царството небесно.
Забележи дека Исус најголемата молитва на заедништвото која почнува со токму со зборовите Оче наш кој си во Небесата...(значи не оче наш кој си во храмовите од камен...) ја кажал при својата беседа на гората т.е. на отворено - во природата, нешто што не го ѕидала човечка рака!

Сите. Ритуалот има наводно некаква магична моќ да ги промени работите во корист на подобра судбина на човекот (на пр. душата да не му заврши во пеколот) - но ритуалот за да вроди со плод не може секогаш секој да го направи туку е потребен некаков повисок авторитет (на пр. свештениците). Самата размисли какви последици има тоа врз психата и начинот на однесување на обичниот неук човек, особено во минатото.

 

За кои надворешни форми на крштевањето?
Изида, Хорус, египетските божества немаат тотална врска со христијанството, како и останатите кои ги кажа, а нити се претставени како Богородица со Исус.Прво ритуалите спрема нив се различни од оние на Богородица,Исус, второ различно се претставувани Богородица со Исус, Исус, а сосем поинаку египетските божества.Паганските не постојат веќе, пропаднале, поради неавтентичност, но останале како дел спиритуализмот општо.Светците, не се еден вид божества, тие помагале, на обичниот народ, правеле добро, поради тоа биле прогласени за светци.Но, не се богови.Второ, во христијанството немало божества за одредени природни појави, тоа го имало во паганството.Значи во паганството, постоело вреување во повеќе богови, а во христијанството верување во еден Бог.Црквата била државна власт, не затоа што сакала да го контролира народот, туку добар дел од свештениците, биле државници, ако добро паметам така било до 17 век, после веќе 18 отпаѓа доминацијата на црквата како државна власт.Храмовите, односно, конкретно се спомнува во еден дел од Библијата, кога Исус му ги предал клучевите на Св.Петар, го кажал значењето на црквата.Зарем не може секој човек да се крсти кога се моли? Зарем не може секој човек да оди на литургија? А дали е сигурно дека не може секој? Незнам за какви ритуали мислиш, за кои велиш дека некакво влијание би имале врз психата на човекот.Зарем некој свештеник, постојано доаѓа кај некој човек за да го крсти, со цел дека само свештеникот има право да го врши ритуалот? Зарем човек сам не се крсти или тоа свештеникот наместо него го прави тоа? Зошто да не може обичниот човек да се крсти? Зарем треба да има некаков авторитет за да го изведе ритуалот, па и за да влезе во црква на пример? Дали на свештениците, туку им текнало за начинот на крштевање, за литургијата како се изведува и за што истата значи? Па за истото да се рече дека се работи за измислени ритуали?

 

Добро бе луѓе како можете да не си сакате религијата па вие сте страшен поим за луѓе
Ај сега да бидеме сите неверници
да бидам искрена ми се гаде од луѓево и овие нивни постапки
каkо мене дома да се ме воспитувале да верувам во господ
никој не ме воситуваше туку сама почуствував дека има некој на небото што ме чува
вербата во Господ треба сама да си ја вродеме во нас
затоа уште многу ке страдеме на оваа земја
Господ не може да не трпе веке.

 

Не, туку постојат доволно луѓе да ја злоупотребат религијата за тие намени. Да убиваат, измачуваат, крадат, злоставуваат “во име на религијата“ нели, за да се нашминка и истото да не изгледа толку страшно и грозоморно како што е.

А за веронаука, мислам дека е изборен предмет така што никој не го наметнува сосила. Доколку некое дете сака подобро да се запознае со својата и/или другите религии, зошто да не? Искрено, јас би сакала да имав таков избор во школо затоа што сум си побожна, не премногу но доволно и се имам зачудено од тоа колку работи не сум знаела за истата и колку работи допрва треба да научам и сум се засрамила дури што сум се нарекувала верник.

А за во нашата земја конкретно, мислам дека е чудно да се прави муабет за наметнување на религија...не треба да објаснувам зошто...секој може да си биде што сака...тоа е факт.

И не, никој не гледа на атеистите со поинакви очи...во голем број случаи баш атеистите се тие “бунтовници без причина“ кои религиозните луѓе не ги вадат од уста и им даваат секакви (непожелни) епитети, наводно ги обвинуваат за дискриминација, а тие самите дискриминираат. Секоја чест на исклучоците.

 

Такво какво што се изведува во повеќето христијански деноминации (католичка, православна, протестантска, јеховини сведоци и тн.) - имено се прави нешто во надворешното, на пр. бебето или возрасниот го потопуваат или мијат со вода.

Сликата што ја постирва кажува многу. Нормално дека има некаква разлика во ритуалите, но идејата за тоа дека на бога му е потребна мајка, идејата за големата мајка, заштитничка и тн. постоела со милениуми порано.

Култот на Марија како мајка божја настанал во Ефес 431 н.е. кога за време на првиот собор фанатизирана толпа од народот барала култот на божицата Дијана да се преточи во култот на Марија како Богородица.

Зарем нема пагански религии низ светот? Освен тоа тие постоеле со милениуми. Ако мерилото за автентичност е колку време пости или пред колку време престанала да постои некоја религија тогаш од каде знаеш дека и тнр. христијанство кое го проповедаат црквите еден ден нема да пропаднат поради својата неавтентичност? Можеби за неколку децении, векови или милениуми?

Ако се запознаеш подобро со учењето на црквата ќе видиш дека постојат светци со разни функции, заштитници за ова или она. Сите тие имаат свои празници. Секако дека црквата не вели дословно дека тие се богови, но во крајна линија тоа е тоа - врат или шија.

А зошто биле државници тогаш? Во бирото за вработување им рекле немаме друга работа за вас освен да бидете владетели

Според црковната теологија не може секој. Постојат одредени предуслови кои мора поединецот да се исполнат. На плоштад или во некоја од црквите купи календарче, мислам околу 50 ден. дека е, таму се објаснети некои елементарни правила.

На пр. за крштевањето Лутер(од кого се разви протестантизмот) велел дека низ тоа детето се оттрга од канџите на ѓаволот и затоа требало што е можно поскоро да се направи. Е сега замисли си неуки луѓе кои од некоја причина не биле крстени како деца но ја дознаваат таа информација - какво чувство се јавува кај нив?
Или пак стави се во кожата на некој на пр. бугарски војник од балканските војни или од првта светска војна кој штотуку присуствувал на благословување од страна на военото свештенство? Како влијаело тоа врз неговата психа, на неговата совест? Таа е замолчена, тој е подготвен да оди да убива и повредува низ на пр. Македонија затоа што (мисли дека) знае оти гревовите му се простени, тој се бори за некоја „повисока„ цел, за царот, за „татковината„ , конечно и за Бога. Доколку совеста (која Бог му ја дарил на човекот за да може да одмери помеѓу доброто и злото) сепак би се активирала и тој би почнал да поставува прашања одново би бил замолчуван со низа теолошки фрази дека секоја власт е од Бога, дека светските збиднувања и судбината на народот и поединците се божја тајна и тн.

Спротивно од тоа Исус предупредил оти кој за меч се фаќа од меч и ќе загине бидејќи што човекот сее тоа тој и ќе жнее и тн. Тој не нудел ритуали за замолчување на совеста туку јасни упатства за живот според Божјите закони за да на луѓето им стане подобро.

Според црковната теологија обичен човек може да ја изврши св. тајна крштевање врз дете само во итни ситуации (на пр. војна) кога не постои можност тоа да го направи свештеник. А инаку крсниот знак (прекрстување со 3 прста) може сам да го прави, особено на пр. ако види црква.

Бидејќи теолозите сметале дека се повисок авторитет од самиот Христос па воведувале разноразни забрани и правила иако Исус зборел само за едноставни но генијални животни правила чија есенција ја наоѓаме во негoвиот говор т.е. Беседа на Гората.