Даниел победи. Општо песните не беа нешто, мислам дека песната поубаво ќе звучи обработена, а не вака со оркестар и плус најдобро ќе е ако Даниел пее на англиски. Гласови ќе има од земјите кои го следеа иск фактор
Оваа е дефинитивно година на Даниел Кајмакоски. Мило ми е што победи. Не викам дека песната беше најдобра од сите таму, но мило ми е што тој ќе оди. А за целокупната организација на фестивалот не би сакала да зборам. Иако не го гледав од почеток до крај, се гледа дека некој се потрудил околу сето тоа, ама делуваше малку аматерски. За другите изведувачи? И за тоа не би должела многу Но едно не разбирам, од каде испадна па сеа меѓународно стручно жири? Ти бираш песна да ја претставува твојата земја. Твојот народ треба да си ја избере песната што ќе го претставува. Како и да е, далеку сме од стандарди и висок квалитет, али за тоа друг пат ќе расправаме... А сега, добра ноќ!
Стварно не е ФЕР, Даниел да иде на евровизија а песната ништо посебно не е. Викторија Лоба имаше многу поубава песна, ама ние кога сме го одбрале најдоброто Коментаров е многу точен на фејсбук страната на Евровизија ; Terrible song! He just won because of crazy teenage girls
Викторија Лоба ништо чудно да ја дисквалификуваа за плагијат. Мене ми се допадна победничката песна, певлива е, башка Даниел има многу убава енергија на сцена. Освен тоа во Виена ќе нѐ претставува, што подобро од тоа? Што се однесува до останатите песни, уште Ерзана им фалеше на сцена. После Тања Царовска, Вера Јанковиќ, Лена од Австралија, Марјан Стојановски и Јоце Панов, мислиш дека сѐ си видел. И оп - Верче Пандиловска на сцена. За момент помислив дека Тамара ќе победи и по којзнае кој пат ќе оди на Евровизија. А тој Билбилов знае еднаш некоја весела песна да направи? Ја утепа Тамара со жалопојкиве.
И мене ми е мило за Даниел. Песната ми се свиѓа, уште од првото слушање ми се допадна. Знаеме како одат работите на Евровизија, на сите ни е јасно, ама барем нека оди некој со харизма да се прошета.
Заслужена победа на Даниел дефинитивно, освен Тамара и Димитар реално и немаше некоја конкуренција. Ме изненади позитивно, мислам дека никогаш не звучел подобро на македонски.
Ова беше најглупава евровизија досега во историјата. Една до една сите жалопојки. Колку ми беше убаво кога ја слушав Каролина со две лири, милина. Аман не можевме некоја таква ? Не заради текст или нешо туку мелодијата е преубава. Како и да е, се знаеше дека Даниел ке победи, иако како што реков, ниедна песна не ми се допадна. Есенски лисја во Мај. И морав статусов од Фејзбук... "Оваја Нина од 4Play шо беше, ги имат изедено другите три или како?"
Очигледно беше дека ќе победи но мислам дека е премногу рано за него за на евровизија,настан на кој голем и искусен пејач и подлегна на тремата (Тоше) кога ќе се сетам на неговиот настап ми текнува дека од толку трема микрофонот мислам дека ќе му паднеше,а што ќе биде сега со Кајмакоски? Се убаво тоа но тоа е преголем залак за него,нема ниту година дека кариера да се каже,нема искуство во речиси никакви настапи.
Нека му е со среќа победата не дека ке смени нешто.. кого и да пратиме исто е. песната онака не е нешто нај нај
Резултатите од учеството на Евровозија со години наназад се познати. И покрај тоа, упорно се провлекува одлуката за континуирано учество.Препукувањата, кавгите и навредите се стереотип на ваквите избори, знаејќи ги нашиот менталитет и култура како некој е добар и успешен во кариерата, а другиот е неподобен за музички натпревар на една таква манифестација. Мило ми е што оваа година е избран Даниел Кајмакоски.Се друго е некако видено, слушнато и веќе познато на сцената. Енергичноста, харизмата и сценската изведба на пејачот се нешто што може да го потисне квалитетот на песната.Кајмакоски ги има сите позитивни особини за да привлекува публика.А и фактот што Виена е местото каде што ќе се одржи Евровизија е уште една олеснителна околност за него Со среќа!
Нека му е со среќа победата на Даниел. Само мене песнава ме потсеќа на Counting Stars (OneRepublic), посебно на почетокот од песната?
Ауу па јас не знаев дека имало бирање за претставник. Сега видов на почетната страна на Фемина. Многу ми е мило што Даниел победил. Заслужено. Дечкото нема којзнае колку искуство, ама знае да се однесува на сцена многу подобро од многу други наши самопрогласени пејачи. Барем знаеме дека ќе имаме достојно претставување, без фалширање, и добар сценски настап. Па сега другото не е во наша моќ. Со јазикот исто така нема да се брукаме, многу добра случајност е што Евровизија ќе биде во Виена, ќе се чувствува како на домашен терен и нема да му биде се' толку непознато. Англиски знае совршено, така што по мене, Даниел е таман претставник за Евровизија. Аман веќе и од Тамари, Јоце Панов (нигде без него), Верица Пандиловска, Нина... Аман веќе. На секој Божји фестивал се први. Не дека немаат талент, може имаат, ама се презасити веќе публиката од нив. Се едни исти песни, се едни исти изведувачи. Треба освежување малку, треба некој што има вистински квалитет. Мене Верица Пандиловска ама ич не ми е за на Евровизија. Која харизма ја има таа? Тамара колку пати беше на Евровизија? Не и' е срам пак да се натпреварува? Испукани пушки се сите тие, сме виделе од нив и квалитет и квантитет, и скандали и свашта, повеќе од ова што се сега не можат да бидат, толку им е максимумот, затоа нека остават малку и на новите потенцијални ѕвезди да се докажат. Не мислев дека ќе дојде ред Евровизија да ја чекам. Последниве години не сум ни гледала, ама оваа година и тоа како ќе се гледа.
Со среќа нека му е, ама мене песната воопшто не ми се допаѓа... Судејќи по ова и оваа евровизија нема да ја следам.
Да, и кога ќе дојде време за Евровизија само да се промени насловот во Евровизија 2015. Песната не ми се допаѓа, но Даниел убаво пее.
Подбро Даниел, отколку Тамара За малку пак таа ке одеше (трет пат ако го вклучиме ланскиот настап на сестра и, а таа како пратечки вокал), како да немаме друг човек во земјава. Не сум некој фан на Даниел, ама ако, ќе го извежбаат, ќе го стросаат, па ќе биде добар. Го сакаат младите, а тоа е најважно
Мене искрено најмногу му се допадна оваа песна зошто сите други беа балади а мене лично ако ме прашувате подобро е некоја весела, разиграна песна него жалопојки. Незнам од каде Тамара второ место . Ова ти се вика успех, прва авторска песна и оп на Евровизија. Прекрасен е дечкото и осеќам дека ќе имаме добар пласман (да разбијам ова песимизмов)
добра е песната ама не е нешто посебно, со оглед на тоа и дека немаше подобри песни поарно Даниел да не преставува отколку некој друг со многу потрагична песна, бидејќи реално гледано немаше ни 1 убава и певлива песна. Јас незнам дали сме го изгубиле чувството за убавина или нешто друго е проблемот. Инаку сега ја прочитав веста дека било наместено http://press24.mk/priveden-sopstvenik-na-poznata-produkciska-kukja-za-skandalot-na-skopski-festival
Едвај чекаме евровизија да дојде па да ги истакнеме нашите музичи способности преку критикување. Сите се преобразуваме во стручњаци. Ко млади моми на чешма галама креваме.Прашина де. Напишав и вчера вака како стручњак и јас,очаен избор. Сепак со среќа на Кајмаковски.
Како сум го пропуштила фестивалов?? Даниел...ја ислушав песната ми се чини дека мора да претрпи преработки зашто вака ми е премногу бледа. Рефренот мора да биде појак,да има вокали позади себе.Да е нешто wow песнава не е,да се надеваме дека ќе влеземе во финале.Жално е што само толку имаме да се надеваме.