http://www.imdb.com/title/tt0248654/ Six Feet Under е американска драмска серија која ја креирал и продуцирал Alan Ball ( истиот од серијата Лост ). Има 5 сезони и 63 епизоди. Главно дејствие е фамилијата Фишер која води погребална фирма. Главни улоги: Peter Krause, Michael C. Hall, Frances Conroy, Lauren Ambrose, Freddy Rodriguez, Mathew St. Patrick i Rachel Griffiths. Серијата имаше многу позитивни коментари,критики посебно во односот на сценариото и глумата а критичарите често ја зборат како најдобра серија на сите времиња. Добила бројни награди вклучувајќи и 3 Златни глобуса и 9 награди Emmy. Јас сум до втора сезона,морам да ја изгледам но неможам маратонски. Сите што ја почнале барем тоа го кажале,те преморува со една на ден и имала многу добар крај. Проклето се јако изработени ликовите, ќе си помислите дека ги знаете цел живот. Можеби на почетокот ништо не ветува серијава ама дајте и шанса. Омилен ми е Натаниел Фишер
Јас сум тазе заразена со серијава (тазе подразбира еден месец ). И во право си, единствена серија од мноооогуте што ги имам гледано и ги гледам што не може да се гледа маратонски (дури и Мед мен може донекаде да се тера маратонски). Барем јас не можам, секоја епизода е приказна сама за себе, па се фаќам како превртувам напред назад откако ќе заврши епизодата, пазам цитати, ловам моментим фацички, абе урнебес. Сношти ја почнав втората сезона и цела вечер останав само со првата епизода (Колку за илустрација, минатото лето изгледав 7 сезони на Криминал мајндс и 5 сезони на Декстер за нецел месец ). Ликовите се фантастични, приказната извонредна, оној црниот хумор е на врв, ма не знам што повеќе да кажам. Не можам да издвојам омилен лик, буквално сите до еден ги сакам, ма ги обожавам, сите се посебни на некој свој начин. Нејт е бонбона, со Бренда ми се пар-непар. Дејв е цар - тој со неговите трипови како ме смее, значи тоа е неверојатно Типов (актеров) мислам дека и природно си е таков летаргичен, стил мува не ме лази, и во Декстер и овде Ама толку му е легната улогата, тоа е чудо. Клер нешто ми е како во сенка во досегашниве епизоди, мислам дека допрва ќе има дешавки со неа, што никако не значи дека не е добра, напротив. Исто совршена е во улогата, многу добро го доловува оној момент на „осамено, подзаборавено трето“ дете, се гледа дека на некој начин и` фали татко и, поточно блискоста што ја немала со татко и` дур бил жив. Мајката е лудница - дефинитивно најсмешен лик. Женава плени, си го живее животот, прифаќа се`, либерте за сите пари, царица е Овој Николаи моменталниот и` дечко ми е многу смешен исто...Фредерико и жена му, двајцата будали опседнати со работата, јак момент ми е што жена му му е неверојатна поддршка и потпора, целосно ја сфаќа страста на маж и` кон работата и дури му се придружува во таа страст, знае да цени..а работава е повеќе од неконвенционална, мора да признаеме, па дури и за Америка Се` на се`, ми се потрошија веќе епитетите за серијава, а и смајлињава како што гледам Не знам што ќе правам кога ќе ги довршам сезоните, не се многу нели. И се` уште не ми е јасно како претходно не сум ја загледала серијава.
Серијава е фантастична, една од подобрите кои сум ги гледала до сега во мојот скромен серијоманијачки век. Сеуште сум на почетокот, ама ја гледам пополека нешто како Менталист, затоа што е навистина вредна да се гледа пополека. Рецензија кога ќе ја изгледам барем првата сезона.
Зашто мислам дека Алан Бол не е вмешан во Лост? Како и да е, серијава е вистинско совршенство. Секој што се декларира ко серијоман, мора обавезно да ја изгледа. Не е серија уствари него животот прикажан преку серија. Мал милион приказни, реални проблеми, сите среќни и помалку среќни моменти, прикажани без цензура и реално до коска. Не ми текнува на друга серија која што имала толку совршен крај. Кога ја завршив бев комплетно mind blown. Само ѕверев во мониторот плачејќи. http://www.youtube.com/watch?v=eNwARV9tPUw
Многу ветува ама и бара серијава, како што читам. Немам толку време, пре би некоја набрзинка да ја изгледам. И само ја чувам оваа, за некое подобро и послободно време.
И јас исто, ја почнав одамна и ми беше многу интересна, ама не знам од која причина тогаш ја прекинав. Сега се токмам пак да ја гледам ама никако да најдам време.