Девијантни појави во училиштата - кој е виновен?

Поттик за да ја отворам темава беше следното:

https://www.fakulteti.mk/news/04122...na-instagram-grupata-vekje-broi-15-000-chlena
„Најлудите Школски Видеа. Доколку сакате и вашето видео да биде објавено, пратете ми го. Придружи ѝ се на армијата од 15.000 Багабонти“, пишува во описот на групата.

Спојлер

Група на „Инстаграм“ која се вика „Crazy.school.videos.mk“ објавува видеа од македонски ученици кои намерно дивеат во училници и кршат училиштен инвентар, се смеат и сето тоа го снимаат. Но, доведуваат во опасност и многу други ученици.
Групата веќе има 100-ина постови и 15.000 члена. Некои од видеата се позајмени од странски земји, но на некои веднаш може да се утврди дека станува збор за македонско училиште бидејќи учениците зборуваат на македонски јазик. „Ќе ги запали брат, ќе ги печи, нафора“, коментира ученик додека друг пали со запалка некоја црна материја на клупата. Проблемот е што групата секојдневно се зголемува, а админите повикуваат и други ученици да снимаат вакви видеа и да им ги испраќаат за да ги објават.

Групата брои над 15.000 членови
„Најлудите Школски Видеа. Доколку сакате и вашето видео да биде објавено, пратете ми го. Придружи ѝ се на армијата од 15.000 Багабонти“, пишува во описот на групата.
На видеата се гледа како ученици намерно кршат столчиња, клупи, ги фрлаат од прозорец, палат училишна клупа, со глава кршат врати. Се смеат додека снимаат.
На видео постирано на 11 ноември, додека група ученици ја пеат навивачката песна „Излези момче право на тераса“, во училницата е и професорка. Но, тие ги трескаат мониторите од компјутерите и тастатурите додека навиваат.

Во присуство на професорка ги удираат тастатурите од клупа додека пеат
На едно од видеата двајца ученици пеат песна, едниот игра, а во заднина се гледа професорка која продолжува да пишува нешто на таблата, како ништо да не се случува. На друго видео си играат погреб, еден е поп и пее на македонски јазик, има и замислен мртовец кој го носат на училишна клупа.

Кршат клупа и се смеат

Редат столчиња, па фрлаат едно за да паднат сите
На друго видео ученик фрла столче од прозорец, а на трето - цела клупа, кои се кршат на парчиња. На некои од видеата редат столчиња, па фрлаат едно за сите да паднат на подот. На друго видео една ученичка е пикната во самата клупа, друга е легната на горниот дел, а неколку ученици ја изнесуваат клупата во холот, па потоа ја расклопуваат за да може да излезат. На трето видео ученик пали училишна клупа, а снимени се и и како пушат во училница.

Ученик фрла клупа од прозорец во училишниот двор

Столчето за малку ќе завршеше над главата на некој од учениците во дворот

Две ученички ги изнесуваат во холот, едната е легната внатре во клупата

Разговаравме и со неколку директори на училишта за тоа каква е процедурата при вакви ситуации.
Директорот на средното „Михајло Пупин“ од Скопје, Димитар Ѓорѓиев, ни објасни дека тие немале ваква ситуација, но дека сите училишта имаат Кодекс на однесување.
- Во тој Кодекс е пропишано и какви се казните за учениците, од опомена до исклучување. За вакви дела какви што ми опишавте секако дека би следувале санкции. Но, проблемот со проблематичните ученици е тоа што практично знаат дека не може да се исклучат целосно од училиште бидејќи средното е задолжително. Ако треба да се отстрани ученик, ќе мора да продолжи во друго средно. Останува да се работи со нив, со стручен тим од училиштето, и да одат на советување заедно со родителите. Нашите кабинети во кои има компјутери ги сочувуваме така што самите наставници многу внимаваат и постојано се прави попис на сè што има внатре. По секој час наставникот прави извештај дали просторијата е во иста состојба. За евентуално ако се направи некаква штета, да се знае кој клас и кој наставник е одговорен - вели Ѓорѓиев.

Играат брканица скокајќи на клупите

Пеат песна, професорка пишува на табла

Фрлена маса од прозорец
Профилот на групата не е јавен, па видеата се достапни само за членовите.
Од Министерството за образование и наука велат дека не се информирани дека постои ваква група на социјалните медиуми, но потенцираат дека за редот и почитувањето на Кодексот на однесување во училиштата се грижат директорите. Ги поттикнуваат, ако се сомневаат во вакви вандалски чинови, да пријават во Министерството за внатрешни работи и да ги преземат сите законски мерки, како и да ги информираат општините.
Прашавме и во МВР дали некој го пријавил овој инстаграм-профил и какви мерки се преземаат во вакви случаи. До објавувањето на текстот не добивме одговор.

Вина за девијантото однесување се и родителите и наставниците.

Потребна е под итно реформа на педагошкиот систем, бидејќи ваквото однесување на учениците завзема замав.

Дали некои наставници неможат да го организираат часот или се недоволно авторитетни па дозволуваат деструктивни дејствија или најголем товар паѓа на родителите и емоционалната и социјалната незрелост - незнам.
Се почесто слушаме за малтретирање на деца во школо, давење, носење оружје и слично.

Какво е Вашето мислење за ова?
Дали е до родителот или до образовниот систем ?

 

Јас сум од ,,старото време'' кога важеше она дека воспитувањето произлегува од дома. Ако дома родителите не успеале да се справат со 1, 2 еве и 3 деца како да очекуваме наставник да се справи и воспита 30.

Наставниците не ги обвинувам во никој случај, најмал дел од вината носат тие, има забушанти и од нив, не дека сите се баш педагози на ниво и знаат да се справат со секаков карактер, но во нашиот систем треба реформи, итно. Недопустливо е да се носи оружје, физички да се малтретира соученик, да се поставува надмено над наставник, да се урла постојано, да се оди на школо кога се сака и да се седи само колку што се сака, на крај да се помине само со опомена. Треба казни и тоа ригорозни. Не зборам за одобрување на наставниците да тепаат, но да се прекине под итно да се толерира секоја девијантна појава кај младите и соодветно на тежината да се добие и казна.

 

Има наставници кои само гледаат да ги истераат тие 45 минути.
И во мое време имаше такви.На нивниот час хаос беше и тоа се од едни исти неколку деца.На друг час не смееја да мрднат, зашто наставникот не трпеше неред.
Имаше бунтовници , ама не до толку.

Мислам дека родителите се најголемиот виновник за ваквото однесување.
И дома да го воспитам да е најмирно и најкултурно, не верувам дека ќе вреви во првите хулигански редови, ама нема ни да остане рамнодушно, зашто децата на таа возраст ги понесува магуплакот, мислат дека се многу интересни.

Казни треба.
И за родителите и за децата.

 

Бидејќи сите не засегнува овој проблем, било да имаме или немаме деца во училиште, зашто болна младина не не носи кон сигурна иднина.
Ова за Кочо Рацин , се повеќе се збори дека е преувеличено и дека се работи за домско дете од дом во Штип кое сака да се врати назад и дека против негова воља го држат во Скопје, па манифестира со правење нереди.

 

@prominent ....во мое време (пред точно 35 години) имаше и вакви деца (додуши неколку) ама имаше и наставници кои тепаа.
Од некои ни беше страв и кога ке ги сретнеме на улица.

Спојлер: Деца...

За ваквите појави и родителите....да кажам дека сум имала вакво искуство со едно од децата.
...си седам на работа, ми се јавува класната (основно школо) и ме вика да дојдам.Одам, таму уште 6-7 родители.
Се собрале 8 деца со камења ги испокршиле сите прозорци во целото училиште
Таму се воздржав, ама мислам срцев удар ке добиев.
Син ми доби намалено поведение, и сите деца исто.
На прашањето ЗОШТО го сторија тоа, имаше таков глуп одговор што се изнервирав уште повеќе.
Ние родителите го обновивме училиштето со нови прозори.
Дома сите добија казна и ќотек.Да, ќотек

Незнаев, дома беше како јагне, надвор ете што правел
Ама казните и укорот беа доволни да поведеме сметка со татко му каде оди, со кого се дружи, како се однесува на училиште.....
И, строга контрола.

 

Да.
Татко му му удри шамарИ.
И остана жив, не збесна и не му текна веќе да скршне.
И, не е фалење, туку ИСКУСТВО

Ама тоа е МОЕ дете и дадилка и татко да удри нема иста тежина.
Не споредувај баби и жаби.
Детенцето има 3 години.Моето детенце имаше 14 години, не беше малтретирано и тепано за да има трауми па да крши прозори.Едноставно се нашол во друштвото и бил понесен од хајката.