Јас моментално користам гел стик на Олд Спајс и позадоволна не сум била никогаш. Не остава траги, нема непријатни миризби а мрисиот на самиот антипреспирант е пријатен и не пара ноздри. Мислам дека swagger го користам сега. Кај мене не спречува потење, или можеби малку, бидејќи јас природно многу се потам. Рексона спрејовите станаа историја и никогаш не би се вратила на нив.
Во сите подобро снабдени маркети претпоставувам, јас за прв пат купив во Кауфланд, беше околу 5 лева. Ева слика:
Во Лаш, Аромако е со супер состав, без алуминиум. Вршат и достава, имаше и опција за бесплатна достава со сметка над 1000 денари мислам.
Дали би ми препорачале некој стик за под пазуви на природна база. Доктор ми забрани да користам дезодоранси.
Јас ти го препорачуваам овој на Лавера: Преубав, со многу нежен мирис и заштитува од непријатна миризба. Производи на Лавера има во Космо, се надевам таму ќе го најдеш. Друга опција е овој на Алверде: Сличен на Лавера, само има малку почуден мирис. И поевтин е ама си ја врши работата. Го има во ДМ. Сега за сега овие два ти ги препорачувам. Имам купено и од Еко козметикс и Др.Органик, ама уште ги немам пробано.
Јас го имам користено кристалот и не ми помогна, не сум задоволна и не би го препорачала. Инаку го имав купено од ДМ околу 100-200 денари ако не се лажам беше.
Баш го гледав и јас во ДМ, и овој и уште една верзија на истиот. Околу 300 денари беше и баш се мислев дали да го земам ама па си реков да почекам некој да пише тука прво па после. Потрагата продолжува очигледно . Фала за мислењето!
Не е природен, кристалот е алуминиумова сол. Моја препорака е Аромако на Лаш. Презадоволна сум. Исто има природни рол они од Уртекрам во Белина, ама искрено, не сум задоволна. Овие од Алверде се така така, зависи, спрејчињата ми беа добри, ама откако го открив Аромако, не го менувам.
Првиов на Балеа е ок ама не држи многу на топло. Вториов на алверде е слаб. Кристалов значи е алуминиумова сол. Предлог стик што не содржи алкохол, парабен и алуминиум. Кои други состојки се штетни? Еве што содржи Аромако и малку скап е 550 денари. А овој на гарниер?
Аромако е скап, ама мене со месеци ми трае. Првото парче ми траеше година дена. Секој ден се мачкам. Последново парче го купив зимата, уште ми трае, сигурно до наредна зима. Одличен е, јас сум презадоволна. Потење не спречува, ама мирис нема што ми е најбитно.
Го имате ли видено некаде периодов дезодорансов? Порано го купував од Вајота или Стокомак, сега никаде не можам да го најдам. Толку ми се допаѓа мирисот, незаменлив ми е и доста трае во текот на цел ден.
Читав насекаде по темиве за друга алтернатива на антиперспиранти без алуминиум, но сите што досега сум ги пробала не давале некој изненадувачки ефект. Реално, никогаш не можат да бидат исто толку трајни како антиперспиранти со алуминиум, во последно време размислував да се вратам на такви бидејќи никако не можев најдам некој што е доволно траен. Го порачав Аромако на Lush и оставив неколку дена за да го тестирам и можам да кажам дека вреди за секој потрошен денар. Мирисот не ме воодушевува нешто посебно, но е навистина траен. Од класичните безалуминиумски дезодоранси како најдобар ми се покажа тој на Нивеа, но сепак сакав нешто поиздржливо. Друга позитивна работа е тоа што не се создава дополнителен отпад од пластика со Аромако како што беше случај со стикчињата. Можеби некому не му е важно ова, но лично мене тоа ми беше предност.
