Декларации на козметички производи и анализа на состојки

Фала многу, поздрав бек

 

Здраво драга, не те заборавив, еве што би ти препорачала за масна кожа:
1. доколку сакаш производ во вид на масло во тој случај маслото оил контрол од Др. хаушка кој ја нормализира кожата.
2. Доколку сакаш крем во тој случај одличен е себо контрол на Гамард
Другите креми што ги видов горе доле содржат алкохол на втора позиција евентуално ако сакаш таква крема мој совет ти е да ја користиш извесен период па да смениш со некоја без алкохол. Ако сакаш може да ти направам листа. Сепак напоменувам зависи од процентот на алкохол во самиот проивод може да има малку а може и повеќе, само што не може да бидеме сигурни.
Од виво олео гледав тие се без алкохол ама нема за масна кожа, колекцијата им е само за сува чувствителна кожа. Исто така и алоедермал само за сува кожа.
Од средства за измивање убав е гелот на Алверде со глина ако не се лажам за масна кожа, а исто така и оној на гамард себо контрол. Може да го земеш и пилинг кремот на Др. хаушка која нежно ја чисти кожата како пилинг за секојдневна употреба ама не е агресивен.
Ако сакаш ќе разгледам и други колакции па ќе ти дадам уште некој предлог.
Поздрав.

 

@Biodevojka значи премногу ти благодарам за твоите совети ке ги побарам на Гамард кремата и гелот или гелот од Алверде наредниот месец кога ќе одам скопје оти Битола тешко да ги најдам единствено во Зегин ако ги имат. и од пудрата се разочарав ко ми кажа колку штетни состојки има е дека е полна со силикони, дали има некоја добра пудра поквалитетна со средна покривна моќ што би ми ја препорачала па таман кога ќе одам скопје да ја земам и пудрата и да си имам целосна нега со квалитетни производи. Иначе за како подлога ја користем на Флоренц натуре кремата со алое вера и стварно мн е добра и баш ми беше мило што барем еден производ квалитетен сум погодила а цената беше 400 ден во Зегин значи и за да е добро немора да е мн скапо. Поздрав и уште еднаш многу ти благодарам за твоите совети и знаење кое го споделуваш со сите нас.

 

Нема проблем драга, точно кремата на флоранс е супер што ја користиш. баш убава цена има 400 денари и точно е дека понекогаш квалитетните производи не мора да бидат многу скапи. Еве на пример алоедермал како колекција мене многу ми се допаѓа особено гелот за интимна и кремата околу очи а најскапото е до 500 денари. исто и алверде имаат некои фантастични производи кои се ептен пристапни.
Во Италија има еден куп на органски лоу кост колекции да не знае човек каде да гледа. И не само тоа сега многу компании (италијански) кои произведуваа традиционална козметика ги променија формулите на производите што е за пофалба. Ај деновиве ќе ти пишам и за пудра. Поздрав и во секое време.

 

Ланолинот во козметичките производи и алтернативи

Здраво на сите, со оглед на тоа што имаше многу барање за оваа состојка се решив да напишам нешто што ќе ви помогне подобро да го запознаете ланолинот.

Што е всушност ланолинот?
Ланолинот претставува еден вид на природен восок со жолтеникава боја и многу интензивен мирис кој може да се неутрализира со процесот на преработка. Тoj е производ на лојните жлезди на овцата и се собира во волната од самата овца и има заштитно дејство. Човекот го добива ланолинот по пат на преработка на волната. Структурата на ланолинот е одлична за нега на нашата кожа и тоа не е спорно. Честопати се препорачува како нега на градите кај трудниците, меѓутоа има една многу важна работа за која би сакала да проговорам а тоа е чистотата на оваа состојка, а со самото тоа и сигурноста за нејзината употреба.

Проблемот е во тоа што честопати ланолинот е полн со пестициди. Овците кога шетаат по полињата доколку истите се третирани со пестициди од најразличен вид, ги собираат пестицидите во волната која за жал не може комплетно да се прочисти при процесот на преработка. Голем дел од тие пестициди завршуваат во ланолинот, а секако и во козметичките производи кои го содржат. Мора да напоменам дека не сите видови на ланолин се исти и постојат и видови на ланолин кои се навистина чисти под услов овците да се одгледувани во органско земјоделство, ранети со соодветна храна и во услови каде земјиштата не се прскани со пестициди. Проблемот е што не може да бидеме сигурни за потеклото на ланолинот со оглед на тоа што производителите го купуваат од набавувачите кои го набавуваат од пазарот за голема потрошувачка каде го носат одгледувачите. Многу тешко е да се открие потеклото на ланолинот освен ако директно не се земе од одгледувачите кои своите овци ги одгледуваат специјално за оваа намена.

Во Италија хемичари направија лабораториски тест на три вида на ланолин кој беше купен од аптеките: едниот беше чист, вториот имаше мал процент на пестициди, додека третиот беше рудник на пестициди. Обично ланолинот кој има потекло од Нов Зеланд се смета за еден од најчистите, меѓутоа сепак пред употреба потребно е да го видите картонот од лабораторискиот тест а тоа е малку невозможно кога ги купуваме производите. Затоа никогаш со сигурност не може да знаеме за каков ланолин станува збор.

Да бидам најискрена јас избегнувам и органски производи во кои има ланолин (а ги има навистина многу), токму поради ова што претходно го напоменав, а верувајте ми голем број на производи за нега на брадавиците кај доилките или пак органски кармини содржат токму ланолин. Во САД постои закон според кој на производите кои содржат ланолин мора да биде напишано “внимание содржи ланолин“ кој се подразбира како производ со потенцијално алергиско дејство.

Многу луѓе го препорачуваат ланолинот како нега на брадавиците во текот на доењето, меѓутоа има и такви кои воопшто не го препорачуваат со оглед на тоа што дел од ланолинот останува во брадавицата и после миењето и бебето преку цицањето може многу лесно да внесе дел од пестицидите кои ги содржи ланолинот. Со оглед на тоа што многу мајки во послено време ме прашаа што да корстат за оваа намена, се одлучив да дадам неколку алтернативи за нега на брадавиците.

Како алтернатива бр.1 може да го користите чистиот шеа путер кој е одлична замена за ланолинот, меѓутоа во Македонија многу ретко може да се најде чист шеа путер, така да негова замена би можела да биде какао путер кој може да го најдете во сите продавници за здрава исхрана.

Понатаму валидна алтернатива се и чистите растителни масла како бадемово, масло од невен, кокосово, маслиново и др. кои одлично го омекнуваат тој дел од женските гради. Уште подобро доколку истиве масла се од органско потекло.

За оние кои сакаат да направат сопствен оригинален производ за нега на брадавиците може да пробаат комбинација од масло од невен со какао путер или пчелин восок. Во наредната статија ќе ви дадам еден многу лесен рецепт за масен крем од невен кој може да се користи и за илјада други намени.

Дали ќе користите масла или ланолин, изборот го оставам на вас. Важно е да знаеме со што се мачкаме.

Поздрав.

 

@Biodevojka ме интересира што мислење имаш за пудрата на Revlon за мрсна кожа? Поздрав и СРЕКНА НОВА СЕ НАЈУБО ВО НЕА

 

Здраво драга среќна нова на тебе и на сите други девојки на форумов. Нека ви се исполнат сите желби. Е сега што се однесува до пудрата, кажи ми како се вика или барем сликни ми декларација. Поздрав.

 

Најверојатно мисли на revlon colorstay, за таа пурда се зборува во последно време најмногу на форумот. Ако сум грешка сори

 

@Biodevojka te molam ako mozes da go poglednes sostavot na ova bademovo ulje,go stavam na kosata ednas nedelno,a zimno vreme koga mi e mnogu suvo liceto go stavam i na nego.Ti blagodaram odnapred

 

Здраво ова масло на прво место содржи бадемово масло и тоа е ок (база на производот). Веднаш потоа содржи парфем кој според мене е синтетички. Како алергени од самиот парфем ги има потоа назначено во декларацијата hydroxyisohexyl 3-cyclohexene carbosaldehyd и butylphenyl methylpropional. Доколку не ти создава алергии доврши го производот. Секако може да купиш и чисто бадемово масло кое е незаменливо и подобро во споредба со овој производ. Поздрав.

 

Здраво @Biodevojka ако може накратко да ми кажеш за составот на оваа пудра, нова ми е, е немам сеуште употребено па ме интересира дали е добра
И за овие два производи ако можеш погледни ги, крем за околу очи и хидратантен гел-крем за лице

 

Здраво драга ги погледнав сите три декларации и станува збор за три производи кои помалку или повеќе имаат силиконска база (особено пудрата). Поздрав.

 

Здраво на двете, доколку станува збор за оваа пудра која ја кажа папилонп која е наменета за комбинирана до масна кожа еве ја декларацијата од сајтот

Active Ingredient:
Titanium Dioxide 7.3%
Other Ingredients:
Aqua (Water), Cyclomethicone, Trimethylsiloxylicate, Butylene Glycol, Boron Nitride, Dimethicone, Sd Alcohol 40-B, Peg/Ppg-18/18 Dimethicone, Nylon 12, Tribehenin, Isododecane, Polyisobutene, Sodium Chloride, Cetyl Peg/Ppg-10/1 Dimethicone, Bisabolol, Serica ((Silk Powder) Poudre De Soie), Tocopheryl Acetate, Retinyl Palmitate, Malva Silvestris (Mallow) Extract, Lilium Candidum (Lily) Bulb Extract, Lactobacillus/Eriodictyon Californicum Ferment Extract, Cymbidium Grandiflorum Flower Extract, Serica (Silk), Alumina, Polydimethylsiloxane/Polymethylsilsesquioxane Copolymer, Ethylene Brassylate, Methicone, Trisiloxane, Sorbitan Sesquioleate, Tetrasodium Edta, Methylparaben, Propylparaben.
May Contain:
Mica (Ci 77019), Titanium Dioxide (Ci 77891), Iron Oxides (Ci 77491, 77492, 774999), 20659.

На самиот сајт пишува дека бојата на оваа пудра е трајна, не избледува на лицето и не се пресликува на облеката. Е сега за трајноста сигурно трае затоа што силиконите се лепат на лицето, меѓутоа според мене не е точно дека не се пресликува на облеката затоа што како прв силикон е присутен Cyclomethicone кој е потежок и помасен силикон (односно да бидам попрецизна со средна масленост) за разлика од Dimethicone на пример кој е полесен. Пудрава ја немам пробано (секако) ама еве доколку некоја од вас ја користи нека ми каже дали оваа моја претпоставка е точна можеби и грешам, зборувам врз база на состојките а не врз база на лично искуство. Како и да е станува збор за традиционален производ на база на силикони и нафтени деривати. Поздрав.

 

@Biodevojka што мислиш за составот на кремава за очи? Имам проблем со подочници откако знам за себе. Како би делувала?

Organic Curoxidant™ Blend [(Organic Euterpe Oleracea (Acai) Berry, Organic Rubus Fruticosus (Blackberry), Organic Rosa Canina (Rosehips), Organic Punica Granatum (Pomegranate), Fair Trade Organic Aspalathus Linearis (Rooibos)], Organic Aloe Barbadensis Leaf Juice, Fair Trade Organic Theobromo Cocoa (Cocoa Seed) Butter, Organic Carthamus Tinctorius (Safflower) Oil, Organic Cocos Nucifera (Coconut) Oil, Glyceryl Stearate SE (Vegetable Derived), Vegetable Glycerin, Organic Helianthus Annus (Sunflower) Oil, Infusion of Organic Calendula in Olea Europea (Olive) Oil, Organic Chlorella Pyrenoidosa (Chlorella Growth Factor) Extract, Leontopodium Alpinum (Edelweiss) Stem Cell, Ubiquinone (CoQ10), Organic Argania Spinosa (Argan) Oil, Glucono Delta Lactone (Fermented Sugar), 100% Natural Vitamin E, Organic Oenthera Biennis (Evening Primrose) Oil, Potassium Sorbate (Food Grade Preservative)

Исто така ме интересира и за кремичкава за апсорпција на маснотии


Organic Curoxidant™ Blend [(Organic Euterpe Oleracea (Acai) Berry, Organic Rubus Fruticosus (Blackberry), Organic Rosa Canina (Rosehips), Organic Punica Granatum (Pomegranate), Organic Calendula Officinalis (Calendula), Organic Matricaria Recutita (Chamomile), Fair Trade Organic Aspalanthus Linearis (Rooibos),] Organic Aloe Barbensis (Aloe Vera) Leaf Juice, Cetearyl Alcohol, Fair Trade Organic Theobroma Cacao (Cocoa) Seed Butter, Organic Carthamus Tinctorius (Safflower) Seed Oil, Glyceryl Stearate SE (Degetable Derived), Vegetable Glycerin, Organic Helianthus Annuus (Sunflower) Oil, Infusion of Organic Calendula Officinalis Flower in Organic Olea Europaea (Olive) Oil, Glucono Delta Lactone (Fermented Sugar), Organic Chlorella Growth Factor, Syringa Vulgaris (Lilac) Leaf Cell Culture Extract, Marrubium Vulgare (White Horehound) Stem Cell Culture, Echinacea Stem Cell Culture, Fermented Resveratrol Extract (Probiotic), Organic Argania Spinosa (Argan) Oil, Ubiquinone (CoQ10), Olive Leaf Extract, Organic Oenothera Biennis (Evening Primrose) Oil, Potassium Sorbate, Essential Oils of Sage, Lavandin, Lemongrass, Spearmint.


Благодарам

 

Здраво на сите, можеби поголемиот дел од вас користат или сакаат да користат сапун за нега на кожата, а не знаат на што да обрнат внимание при изборот. Сапунит доколку е квалитетен и добро направен, може убаво да ја чисти и негува кожата без да биде агресивен. Во продолжение ќе ви дадам мали совети на што да внимавате при изборот на сапун.

Најнапред да разјасниме што всушност претставува сапунот. Станува збор за еден производ кој настанува како резултат на хемиска реакција на природни растителни масла (или масла од животинско потекло) со жива сода во соодветен сооднос. При самиот процес на сапунификација се создава и глицерин. Ph вредноста на сапунот е базна што значи дека не е воопшто во склад со нашата кожа која има киселкаста ph вредност, меѓутоа доколку се земе предвид дека станува збор за производ кој е на измивање и во здрави услови кожата по кратко време може да ја поврати својата ph вредност, може да се користи без проблеми.

Како што веќе напоменав постојат многу видови на сапуни меѓутоа не сите се природни или нежни за кожата. Но како ќе ги препознаеме? Преку декларацијата секако. Во самата декларација каде се испишани состојките треба да стои зборот sodium и до него латинското име на маслото кое е користено на кое се додава наставката - ate. На пример:

Sodium Olivate: од маслиново масло
Sodium Palmate: од масло од палма;
Sodium Cocoate: од кокосово масло:
Sodium Shea Butterate: од шеа путер;
Sodium Ricate: од рицинусово масло итн.

Доколку во декларацијата наместо sodium стои зборот potassium не грижете се. Значи дека при процесот на сапунификација користен е потасиум хидроксид. Ако во сапунот има микс од повеќе масла во тој случај самиот сапун е поквалитетен со оглед на тоа што разни видови на масла имаат и различна функција врз кожата, а доколку во сапунот има само едно масло, во тој случај сапунот би можел да биде и агресивен за кожата (со исклучок на маслиновото кое може да стои само и одлично ја негува кожата). Секако потоа одлично е доколку сапуните се збогатени и со други вредни состојки како на пример козјо млеко, витамин Е, етерични масла, или пак разни семки, житарици и иситнети растителни делови за пилинг ефект.

Доколку производителот сам го прави сапунот во тој случај во декларацијата ќе ја стави следнава ознака: најнапред латинското име на маслото кое го користел па потоа sodium hydroxide. На пример olea europaea, sodium hydroxyde. Доколку производителот купил веќе готова смеса за сапун, во декларацијата ќе го стави името на сапунот односно sodium olivate. Значи доколку јас сум го направила сапунот со маслиново масло и жива сода сама ставам olea europaea, sodium hydroxyde, а доколку сум купила готова смеса од некој производител ставам sodium olivate.

Кога во вашиот сапун ќе видите состојки како sodium lauryl sulfate или cocamide DEA, во тој случај не станува збор за вистински сапун туку за еден вид на синтетички производ (syndet) кој има ph вредност сличен на оној на нашата кожа, меѓутоа е многу поагресивен од вистинскиот сапун.

Запомнете дека конзервансите обично не се користат во сапуните (оние вистинските) со оглед на тоа што имаат базна ph вредност.

Прашањето е како може да знаеме дали еден сапун кој не е индустриски (рачно изработен) е добар за нашата кожа, доволно пени или го дава посакуваниот ефект? За жал не може да знаеме од самата декларација, може само да го увидиме ефектот користејќи го. Во декларацијата не е назначен точниот процент на масла и доколку во еден сапун има на пример поголем процент на кокосово масло сапунот ќе има поголема измивна моќ, со повеќе маслиново масло ќе има поголема хидратантна моќ итн. Единствен совет кој можем да ви го дадам е да гледате колку реално сапунот има измивачка моќ и колку пена прави. Тоа е единствено нешто кое прави разлика помеѓу еден сапун и друг.

Во последно време се појавија и сапуни кои се проѕирни и имаат внатре парченца од овошје или кора од овошје и изгледаат прекрасно. Мој личен совет ви е да ги избегнувате затоа што не се баш вистински сапун. Претставуваат еден вид на глицерински сапун кој внатре може да содржи и состојки кои се премногу агресивни за кожата. Подобро е да земете убав обичен сапун кој ќе биде деликатен за кожата отколку убав модерен сапун кој претерано ќе измива.

Секако најдобро нешто е доколку си ги правиме сапуните сами дома и знаеме што сме ставиле внатре. Провесот на правење сапуни не е лесен ама не е ни тежок еднаш кога ќе влезете во игра. Кога ќе почнете да произведувате сами сапуни и да ги правите по сопствен вкус нема да престанете, верувајте ми. Да набавам уште некои состојки кои ми се потребни па доколку ве интересира ќе ви направам еден туторијал за домашен сапун за сува кожа со огромна хранливост (секако и за масна доколку сакате), со точен процент на состојки и начин на сапунификација. Поздрав.

 

Здраво Био девојка! Токму сакав да прашам за декларацијата на сапунот што го користам исклучиво за лице. Имам комбинирана кожа, па понекогаш откако ќе се измијам со сапунов ја чувствувам кожата многу позатегната и морам да нанесам хидрататен крем бидејќи почнува малку и да ме чеша во горниот дел од челото. Според состојките ми изгледа дека сапунот е во ред, но би сакала да го слушнам твоето мислење.
Ти благодарам многу однапред.
Поздрав и секоја пофалба за темава Хх

 

Пишувајте од кој производ се декларациите, да не се повторуваат.

 

Здраво драга, ова не е баш вистински сапун затоа штој освен маслата и живата сода има и други состојки како sodium lauryl...betaine, Ме чуди што ги ставиле и двете заедно Tetrasodium EDTA и Tetrasodium etidronate со оглед на тоа што се иста работа, EDTA не е биорзградливо додека etidronate е биоразградливо и претставува замена за EDTA . Овој производ има пх вредност слична на нашата кожа ама има голема измивачка моќ и е малку поагресивен па затоа ја чувствуваш кожата затегната. Поздрав.

 

Здраво драга, прости ми што не ја видов пораката. Декларацииве која ми ги постираше ми изгледаат малку чудно (во смисла на декларација не на состојки) како само да се наброени состојките а не и нивниот редослед по кој се употребени во кремата. За состојките може да ти кажам дека сите се супер, е сега не знам која во колкав процент е употребена затоа што на почетокот нагласува дека има органски микс па после почнува со алое вера гелот кој можно е да е база на производот. Да не станува збор за некој американски производ? Тие се малку чудни во пишување на декларации, сигурно имаат друг принцип кој не е во склад со европскиот. Значи повторувам како состојки се сите супер. Поздрав

 

@Biodevojka сакам да те прашам дали си запознаена со контактен дерматитис и дали знаеш кои состојки го предизвикуваат? Мене ми се јавува по употреба на некои козмеритички производи (најчесто од шминка и креми за раце). По твоја препорака од поодамна ја пробав шминката на алверде,но пак ми се јавува реакција. Доколку си запознаена,би те замолила да ми посочиш декоративна козметика која би можела да ја користам. Поздрав и секое добро!