Декларации на козметички производи и анализа на состојки

Здраво драга, има повеќе состојки кои предизвикуваат една ваква реакција на кожата и се индивидуални за секого, така да според мене најдобро би било да побараш стручно мислење или пак да направиш тестови на потенцијални состојки на кои си алергична. И органската козметика доколку содржи некоја од состојките на која реагираш секако дека може да биде потенцијално алергенска. Поздрав.

 

@Biodevojka Не се разбирам толку добро, можеш ли да ми дадеш мислење за составот на маскава за лице. Мора да има силни хемикалии ако има ефект каков што читав дека има. Да напоменам дека се става на лице и се спие со неа. Па,што мислиш? Water, Butylene Glycol, Cyclopentasiloxane, Glycerin, Cyclohexasiloxane, Trehalose, Prunus Armeniaca (Apricot) Fruit Extract, Beta-Glucan, Castanea Sativa (Chestnut) Seed Extract, Salix Nigra (Willow) Bark Extract, Hydroxypropyl Bispalmitamide MEA, Salicornia Herbacea Extract, 1,2-Hexanediol, Glycogen, Glutamic Acid, Dimethicone, Dimethicone/Vinyl Dimethicone Crosspolymer, Dimethiconol, Lysine HCl, Magnesium Sulfate, Mannitol, Manganese Sulfate, Serine, Sucrose, Stearyl Behenate, Citrulline, Alanine, Arginine, Ammonium Acryloyldimethyltaurate/VP Copolymer, Ethylhexylglycerin, Inulin Lauryl Carbamate, Zinc Sulfate, Caprylyl Glycol, Threonine, Polyglyceryl-3 Methylglucose Distearate, Polysorbate 20, Propanediol, PCA, Histidine HCl, Carbomer, Tromethamine, Disodium EDTA, Phenoxyethanol, Fragrance, Blue 1.

 

Здраво драга маскава е на силиконска база (пронајдов 4 силикони) и секако има некои убави состојки како екстракти ама има и синтетички состојки. Го знаете моето мислење за производите со силикони така да јас лично не би ја земала. Секако изборот го оставам на тебе. Поздрав.

 

Фала ти многу на брзиот одговор. Јас ја земав веќе, малку испулсивно можеби, затоа што не можев да и го прочитам составот на лице место бидејки е на јазик кој јас не го разбирам па и поверував на девојката кога ме прелажа дека е на природна база

 

За кој производ станува збор? Да не е ноќниот третман на Виши? Баш ме интересираше тој третман, ама не знам кои се состојкие.

 

Не,не @LivingGlam. Станува збор за Laneige Water sleeping mask. Не верувам да ја има кај нас иако е многу позната и фалена во поголемиот дел во Азија и Америка. Ќе видиме како ќе се покаже☺️

 

@Biodevojka Да те прашам, сигурно ќе ги интересира и другите феминки.

Дали е важен изборот на кармин? Особено бидејќи се става на уста и со него и јадеме, а со тоа го внесуваме и во организмот.

 

Здраво драга цреша јагода, ти изгледа ми ги читаш мислите Спремам статија на оваа тема и секако дека е важно со оглед на тоа што во текот на животот (доколку користиме кармин секако) “јадеме“ голема количина од карминот. Понекогаш и органските кармини не се ок, особено ако содржат ланолин за кој веќе говорев. Баш пред некој ден разгледував разни марки на кармини со цел да можам да ви направам листа на убави кармини кои се и сигурни. Во моментов работам на три различни статии и спремам туториал за правење на сапуни во домашни услови, ама полека за сѐ ќе ве информирам овде. Многу сум среќна кога ме прашувате и еве јавно ви благодарам на сите што учествувате во оваа тема затоа што на некој начин со честото прашување ги повторувам работите и секако учам и по нешто ново. А и мило ми е кога си разменуваме мислења и искуства. Поздрав до тебе и сите девојки од темава.

 

@Biodevojka

Јас би сакала да те прашам во врска со нанесувањето на парфемите.
Во една статија читам не е најдобар избор парфем да се нанесува на врат, односно на кожа,
друга статија вели спротивно, да се нанесува позади уши, на зглобови, на пулсирачки точки и сл.
Па ме интересира твое мислење во врска со ова?
Сигурно парфемите содржат некои хемикалии, но колку навистина тие можат да бидат штетни?

 

Здраво драга, подготвувам статија и за парфемите. Некои од нив содржат неубави работи а има и такви кои се добри. Што се однесува до тоа како се нанесуваат според мене на пулсирачките точки, меѓутоа ова не значи дека јас сум 100 посто во право, ова е мое мислење. Во последно време користам цврст парфем која сама го правам со шеа путер, пчелин восок, масла и етерични масла. Поздрав.

Инаку што се однесува до кармините и изборот, еве ви неколку интересни совети и податоци.

Карминот претставува еден од покомплицираните производи кога станува збор за формулата и состојките во него. Многу тешко се наоѓа добар производ, а особено е важно што има во него со оглед на тоа што го нанесуваме на устата и во текот на животот “јадеме“ поголем дел од него.

За да ја извршува својата функција, карминот во својот состав треба да содржи:

- комбинација на масла кои може да бидат природни или синтетички;
- масни густи состојки кои може да бидат разни путери (шеа, какао, манго) или ланолин;
- восок кој може да биде од растително (каруба) или животинско потекло (пчелин восок);
- боја која може да биде пигмент од природно или синтетичко потекло
- антиоксиданси
- конзерванси.

Маслата, особено рицинусовото, се корстат затоа што на карминот му даваат висок сјај кога ќе се нанесе на усните, путерите (особено природните) се користат за да дадат хранлив ефект на производот, пчелиниот восок служи за да го зацврсне производот и да му даде одредена структура. Во кармините на кои пишува long lasting, односно оние кои кога ќе ги нанесете на усните и траат 12 часа, а за да ги извадите поминувате два часа во вадење со најразлични млека и масла за чистење на шминка. присутни се силиконски деривати како на пример TRIMETHYLSILOXYSILICATE кој всушност претставува комбинација од триметилсилоксиликат со циклометикон.



Во голем дел од традиционалните кармини се користат синтетички масла кои се најчесто нафтени деривати во комбинација со рицинусово масло кое се користи за да му даде голем сјај на производот, силикони кои даваат измазнувачки ефект, ланолин, BHT како антиоксиданс и парабени. Секако постојат и традиционални кармини кои се добро формулирани и за тоа ќе говориме понатаму во статијата.

Јас лично би ви препорачала да ги избегнувате сите овие кои ги набројав, меѓутоа доколку во вашиот град постои мала можност да најдете добро формулиран кармин, во тој случај еве започнете одбирајќи кармин кој не содржи силикони, ланолин и нафтени деривати.

Обично (скоро секогаш) добро формулираните органски или природни кармини немаат трајност како оваа од 12 часа, меѓутоа сепак даваат убав изглед на усните на природен начин, притоа ги негуваат и што е најважно се сигурни, барем повеќето од нив, затоа што постојат и многу органски кармини со ланолин кои според мене треба да се избегнуваат без разлика на тоа што се органски.

За оваа статија прошетав низ продавниците за да ги разгледам најчесто продаваните кармини и да ви кажам кои кармини се ок од аспект на декларација, кои се органски, а кои традиционални марки на кармини се без силикони.

Најнапред да започнеме со оние органските кои лесно може да ги најдете кај нас а тоа се кармините на Alverde. Одлично избалансирани со убав микс на масла, путери, восок и природни пигменти. Оние кои јас најчесто ги користам и ги имам проверено се оние од линијата Color and Care во зелена опаковка. За жал има и кармини кои содржат ланолин (имаат сребрена опаковка) и тие ги избегнувам. Кога говорев за ланолинот кажав дека пожелно е да се избегнува дури и во органските производи со оглед на тоа што не може комплетно да биде прочистен од пестициди. Не велам дека сите видови на ланолин се исти, меѓутоа без лабораторискиот тест за пестициди не може да бидеме сигурни дури ни кога станува збор за органски производ затоа најдобро да се избегнува. Значи одлични се Color and Care во зелена опаковка како овој на сликата.



Исто така во Скопје ја имам видено и органската марка на кармини LaveraTrend Sensitive иако малку потешко се наоѓа. И овие кармини се одлични како состав.

Една традиционална марка на кармини која за среќа не ставила силикони и нафтени деривати во производите е Essence, иако кармините содржат доста синтетички состојки. Доколку немате можност да купите органски кармин секако ова е помалку штетна варијанта од обичните традиционални кармини.

Другите марки кои се продаваат во Скопје (барем оние најпродаваните кои успеав да ги прегледам) содржат сите силикони и/или ланолин.

Во исчекување на некоја нова марка на органски кармини, се надевам дека статијава ви беше од корист. Ние се читаме наскоро. Ве гушкам.

Вики

 

@Biodevojka Ќе сакаш да ми кажеш дали има штетни состојки во оваа декларација?
Се работи за германски шампон Dulgon се вика фирмата.

 

Здраво драга, шампонов би бил ок доколку после Sodium Laureth Silfate во формулата го ставиле Betaine па потоа Sodium Chloride кој служи за да го згусне сулфатот (Sodium Laureth Sulfate). Со оглед на тоа што во овој шампон прво доаѓа солта (Sodium Chloride) а потоа бетаинот шампонов е малку агресивен за косата. Не знам какво е твоето искуство со овој производ ама ако темето ти е суво или ако ти се прави првут од шампонов е. Инаку другите состојки се ок не е комплетно природен или органски ама не е лош како производ. Какво е твоето искуство со производов? Дали ти одговара?

 

Го немам испробано сеуште

 

Ок ако си го купила пробај го па кажи ми. Во случај да е многу агресивен ќе ти предложам нешто друго со производов. Поздрав.

 

@Biodevojka Би те замолила да ги погледнеш состојките на овие две креми и да ми кажеш која од нив е поквалитетна и погодна за мојата проблематична кожа.

La roche posay duo effaclar duo


Avene Cleanance K

 

Здраво драга Ангел, најнапред не би знаела да ти кажам која крема е подобра за твојот тип на кожа затоа што за секого е индивидуално, а и не го познавам твојот тип на кожа.
Она што може да ти го кажам е дека и двете креми содржат силикони и нафтени деривати. Јас лично не сум фаворит на ваков вид на креми со оглед на тоа што силиконите даваат лажен ефект на мазна кожа, ама доколку сакаш да пробаш секако изборот е твој. Поздрав.

 

Имам комбинирана кожа со акни, комедони и проширени пори. Каква крема би ми препорачала со некоја достапна цена?

 

Дали може мислење за ова?

 

Здраво драга ќе ти пишам за нешто поекономично ако сакаш, дај ми неколку дена. Поздрав.

Здраво драга Кортисаки, кремава има многу убав микс на екстракти и интересни состојки, има хемиски филтер за заштита од сонцето Ethylhexyl Methoxycinnamate и со оглед на тоа што е само тој во формулата фотостабилен е, така да од тој аспект е ок. Има неколку синтетички бои, ама ништо страшно. Е сега, може ли да те прашам колку години имаш? Во кремава има една состојка што има ефект на ботокс ама е еден вид на посигурна варијанта а тоа е Dipeptide Diaminobutyroyl Benzylamide Diacetate. Процентот би требало да е мал, според она што го гледам некаде околу 1% ама прв пат ја гледам како состојка и најискрено не ја познавам ниту пак знам каков ефект има врз кожата. Ете тоа е она што можам да ти го кажам за производов. Поздрав

Здраво драга производов на трета позиција има силикон односно диметикон. Поздрав.