Декларации на козметички производи и анализа на состојки

Здраво на сите, ајде да се самоцитирам .
Поради тоа што голем број на девојки од другите градови не се во можност да пронајдат од шампоните со убава структура природни или органски како на пример оние на алверде кои лично многу ги сакам, успеав да ги најдам оние на Гарниер Pure Clean ги има во Рамстор и Веро. Ги користам вече две недели и еве ги резултатите:
- шампонот одлично ја мие косата (оние со масна може слободно да го користат) има навистина доста убава формула не е секако органски ама без силикони и со 94% биоразградлива формула е бинго со оглед на тоа што станува збор за гарниер. Откако ќе ја измиете косата останува многу мека благодарение на омекнувачките состојки во самиот шампон. Јас го користам разреден во вода.
- балзамот секако е без силикони (инаку немаше да ги пробувам), одлично ја омекнува косата и доволна е мала количина за да го направи своето.
Значи доколку во вашиот град немате можност да најдете некои од другите шампони кои ги препорачав еве овие два се навистина добри. Секако има по некоја синтетичка состојка (две беа ако не се лажам) ама е чекор напред. Поздрав
п.с. други шампони од оваа марка кои се без силикони доколку неможе да најдете поприродна варијанта се: garnier ultra doux со манго, garnier ultra doux со какао и garnier ultra doux со камилица. Секако ова не се биоразградливи како оној кој претходно го назначива ама барем немаат силикони што е сепак подобро од обичните и може да ви служат како преод од традиционалните кон органските шампони.

 

Драга LollySky ја ставам овде твојата порака за да ја видат и останатите феминки кои можеби се заинтересирани за овие производи. Искрено оваа линија ја гледав често во Рим ама не купував производи затоа што не беа формулирани добро. Се гледа дека почнале да ги менуваат формулите за среќа. Шампонот кој е во првата декларација не е лош. Без силикони, убава формула, само што според мене со оглед на тоа што има поголема измивачка моќ повеќе е за масна коса отколку за сува.
Вториот шампон според мене повеќе е наменет за сува коса. Не е комплетно еколошка и органска формула ама се гледа дека бирале состојки кои се што повеќе биоразградливи. Формулата е без сулфати што ми се допаѓа. Ок е како производ.
Маската е со прифатлива декларација не е комплетно природна ама би требало да е наменета за многу сува коса со оглед на тоа што многу омекнува и храни. Одлична варијанта на силиконските маски со таа разлика што оваа навистина ја хидрира косата.
Балзамот за врвови исто така не е многу лош, има неколку синтетички состојки ама ете за оние кои сакаат постепено да се префрлат кон органското без шок може да биде ок. Важно е без силикони. Формулата е помеѓу традиционално и еколошко органско.
Морам да кажам дека производиве што ми ги покажа се доста прифатливи и дека се одлична алтернатива на традиционалните производи. Браво за Yves Rocher што почнале да ги менуваат формулите!!!
п.с. фала што ми ги покажа производиве да не беше ти немаше никогаш да ми текне да влезам во Yves Rocher со оглед на тоа што знам дека многу од производите им се традиционални. Некој ден ќе одам на “мисија“ таму да видам што друго може да откријам

 

Ти благодарам многу, баш ме израдува! И да кажам дека баш соодветно ги препозна производите, имам коса масна на коренот но со суви врвови па го користам шампонов за волумен наизменично со тој од маслинка и к'на на Алверде, а маската сакам да ја купам баш како потхранувачка за суви врвови. Крем шампонот ми се виде интересен ради концептот, low shampoo т.е. крем за миење на коса, ќе го пробам и него. Ти благодарам многу! Во спојлер ќе ставам слики од производите.

Спојлер: Yves Rocher

 

Здраво на сите, се надевам дека сте добро. Еве ви една интересна статија за алкохолот во козметичките производи со оглед на тоа што многумина од вас ме прашаа. Се надевам ќе ви се допадне. Поздрав.

Алкохол во козметичките производи: да или не???


Здраво драги мои,

еве уште една многу барана тема која се однесува на употребата на алкохолот во козметичките производи. За ова што денес ќе го прочитате истражував навистина подолго време и ќе се обидам, на најможен едноставен начин, да изнесам како факти од истражувања на стручни лица, така и свое лично искуство со производите кои го содржат. Употребата на алкохолот во козметиката од една страна има и свое зошто, иако сметам дека одредени производи не би требало воопшто да го содржат.

Најнапред да разјасниме нешто важно: станува збор за етил алкохол кој во декларацијата се пишува само како алкохол и кој не е воопшто иста работа со останатите имиња во кои ќе го најдете зборот алкохол како: cetyl alcohol, cetearyl alcohol, myrisyl alcohol, кои имаат сосема друга формула и функција во самиот производ:

- myrisyl alcohol: има омекнувачко/смирувачко дејство
- cetyl alcohol и cetearyl alcohol: се еден вид на масен восок со омекнувачко дејство
- benzyl alcohol: алерген од парфемите
- stearyl alcohol: има омекнувачко/смирувачко дејство

Повеќето фирми (особено германските) алкохолот го користат најнапред како конзерванс во комбинација со етеричните масла, а потоа и затоа што некои екстракти се растворливи само во алкохол. Никогаш со сигурност не може да дознаеме во колкав процент е употребен алкохолот во козметичките производи, меѓутоа може горе доле да претпоставиме во согласност од состојките кои се наоѓаат пред него или после него. Алкохолот во козметиката често пати претставува и валидна замена за лесните силикони ако се земе предвид дека самите креми ги прави полесни. Проблемот е во тоа што алкохолот прави денатурација на протеините и можеби на почеток нема да даде никаков проблем или пак може видно да ја подобри состојбата на кожата (особено ако е масна), меѓутоа со редовна употреба во текот на времето од масна кожа на пример може да се најдете со сува кожа.



Меѓутоа како што веќе нагласив алкохолот различно се однесува на кожата и зависи пред сѐ од формулата на производот и состојките употребени во него, затоа во продолжение ќе ја разгледаме употребата на алкохолот во разни видови на козметички производи и соодносот со останатите состојки.

1. Алкохол во кремите за лице

Во многу креми за лице, особено оние за масна кожа се забележува присуство на алкохол и тоа на доста високи позиции како на пример втора позиција во декларацијата, веднаш по водата во самиот производ. Како што реков тешко е со прецизност да сфатиме во колкав процент е употребен од самата декларација, затоа што зависи од состојките со кои е комбиниран и/или присуството на други конзерванси во самиот производ. Пред да проговориме нешто повеќе ајде да ви кажам што се всушност содржи една крема:

- Фаза А или водена фаза;
- Фаза Б или масна фазa;
- Фаза Ц наречена фаза на ладно каде се користат најразни екстракти и масла кои не се термостабилни и доколку се загреат го губат своето дејство.



Ова е исто за сите креми за сите типови на кожа, она што се менува е процентот на секоја од состојките и фазите во една крема. Во некои креми за лице, веднаш по водата доаѓа алкохолот (може да не биде баш веднаш по водата туку да се најде и како четврта или петта состојка). Обично производителите кои во кремите ставиле алкохол, ја зголемуваат масната фаза на производот така да на некој начин дејството на алкохолот може да биде лимитирано, иако секако се чувствува неговото присуство и има одредено дејство врз кожата. На пример ако процентот на масла е 2 до 4% масленост во една крема за многу масна кожа, или 5 до 8% масленост за масна или комбинирана кожа, компаниите ќе стават повеќе и потоа со алкохолот ќе ја “ублажат“ таа масленост во производот.

Доколку алкохолот се користи како алтернатива за лесни силикони во кремата неговото присуство е обично околу 5% и на кремата и дава убава структура, ја прави полесна и подобро се размачкува. Како конзерванс процентот на алкохол е најмалку 15%, меѓутоа возможно е да се користи и помал процент за конзервирање доколку производот содржи одредени состојки кои го дозволуваат тоа. Исто така многу е важно да напоменам дека голема улога во процентот на алкохолот има и опаковката на производот. Не е исто крем во туба и крем во кутивче со оглед на тоа што производот во кутивчето го земаме со прстите директно и можноста за бактерии е поголема.



Меѓутоа, ова што го напоменав секако не е за да ве исплаши, затоа што алкохолот во комбинација со водата во производот губи голем дел од агресивното дејство со оглед на тоа што се зголемува испарувачката моќ. Сепак делувањето врз кожата е индивидуално и според мене треба да ја пробате кремата и да ги следите промените на вашата кожа за да сфатите колкав процент на алкохол има во производот и како делува на вашата кожа. Доколку се одлучите за крема која содржи алкохол мој совет ви е да ја користите одреден период или наизменично со некоја која не содржи. Сепак имајте на ум дека во кремите алкохолот е помало зло со оглед на тоа што ги заменува на пример силиконите или тешките конзерванси.

Мое лично искуство

И јас користев производи со алкохол, меѓутоа еве за среќа (без да знам на времето) ги користев или наизменично со некој производ без алкохол или само одредено време па се префрлав на производи без алкохол. Со оглед на тоа што јас отсекогаш обожавав и сеуште обожавам чисти масла за лице, и ги користам или сами или како серум пред да ставам крема, можеби затоа и не сум видела некоја позначајна промена, или пак кремите имале низок процент на алкохол. Затоа и ве советував претходно да кремата ја користите одреден период или пак во комбинација со друга без алкохол.

 

2. Алкохол во шампоните за коса

Во шампоните алкохолот се користи затоа што испарува многу брзо без да ја отежни косата и без да остави преголема влага во неа, а секако и како конзерванс. Со оглед на тоа што алкохолот ги денатурира протеините, а со тоа и кератинот на косата, со честа употреба ја оштетува самата коса. За разлика од кожата која има телесна топлина косата нема, така да јас лично избегнувам било каков шампон во кој има алкохол на било која позиција. Ајде најнапред да видиме како всушност е направен еден шампон. За еден шампон добро да измива, односно да го врши она за кое е наменет, во својата формула мора да има сурфактанти. Овие се всушнот измивачи чија молекула е составена од два дела: едниот се врзува за маснотиите и нечистотиите во косата, а другиот за водата, така да кога ја миеме косата оној дел од молекулата кој се врзал за водата со себе го носи делот кој се врзал за маснотијата и резултатот е чиста коса.



Најнапред од основна важност е шампонот да не содржи само еден сурфактант (затоа што истиот ќе биде поагресивен), туку комбинација од сурфактанти, затоа што при правилната комбинација, истите се неутрализираат и надополнуваат со што се сведува на минимум агресивноста и иритирачката моќ на еден производ. Еден од сурфактантите треба да биде примарен, кој всушност и ќе ја дава измивачката моќ на производот, потоа секундарен(ни) кој ќе ја ублажат агресивната моќ на примарниот и останати сурфактанти кои ќе дадат густина, пенливост итн. Меѓутоа, ако ставиме само вода и сурфактанти во еден производ, истиот ќе претставува средство за миење на садови , па затоа за еден шампон да биде квалитетен и да има одредена хранлива моќ, да ја негува и прави косата полесна за расчешлување, треба да содржи и други состојки како на пример протеини, масла и витамини.

Кога во шампоните се додава и алкохол (најчесто како конзерванс или пак како растварач на некои бини екстракти во самиот производ) тој уште додатно обезмастува (а тоа веќе го прават сурфактантите), така да шампонот може да биде многу поагресивен, да доведе до сушење на косата и појава на првут. Исто така и лосионите и ампулите за коса кои содржат алкохол и делуваат против опаѓањето на косата (доколку тоа е проблемот) одлично ја стимулираат циркулацијата, меѓутоа сушат. Екстрактите кога се растворени во алкохол многу побрзо навлегуваат во нашата кожа отколку кога истите се растворени во вода и имаат подобар и побрз ефект, меѓутоа понекогаш е подобро да се оди полека но сигурно отколку да се има побрзи резултати ама сува коса.



Мое лично искуство

Од шампони имам пробано еден и со оглед на тоа што имам сува коса природно кај мене даде лош ефект. Она што со сигурност ми даде најлоши резултати беше употребата на еден тоник за стимулација на растот на косата кој се обидував да го нанесувам само на коренот (иако во поголем број на случаи завршуваше и на косата) од која забележав значајно сушење на косата (не веднаш ама по месец дена беше доста видливо). Употребата на овие шампони секако зависи и од типот на косата и со која фреквенција ја миете косата. Доколку јас ја мијам косата два пати неделно и еднаш ја мијам со шампон со алкохол а другпат без, во тој случај косата нема веднаш да се исуши, меѓутоа ако косата ја мијам почесто само со шампон во кој има алкохол, во тој случај секако дека како резултат може да имам сува коса, суво теме или во најлош случај и појава на првут. Затоа сѐ е индивидуално, иако јас би ви советувала да избегнувате шампони со алкохол без разлика на тоа како ги користите. Ова е секако мој совет и мислење, а не апсолутна вистина за вас и вашата коса, и секако вие сте слободни да изберете и користите она што според вас најдобро ви одговара и ви се допаѓа.

Мислам дека доволно напишав како за една статија (да не биде премногу долго) и секако, доколку има интерес, ќе продолжиме да говориме на оваа тема и за други производи.
Ви благодарам на сите за вниманието и се читаме наскоро.

Вики

 

Ти благодарам. Само да кажам дека се работи за сапунот на DOVE (темно сино пакување).
Поздрав

 

@Biodevojka Aко може анализа на состојките на карминот, се работи за кармин на Авон.

Ingredients: DIISOPROPYL DIMER DILINOLEATE METHYL TRIMETHICONE POLYGLYCERYL-2 DIISOSTEARATE/IPDI COPOLYMER ETHYLHEXYL METHOXYCINNAMATE SYNTHETIC WAX ISODODECANE OZOKERITE STEARYL/PPG-3 MYRISTYL ETHER DIMER DILINOLEATE ISONONYL ISONONANOATE LANOLIN DIISOSTEARYL MALATE NYLON-12 PHENYL TRIMETHICONE POLYISOBUTENE VP/HEXADECENE COPOLYMER HYDROLYZED WHEAT PROTEIN TOCOPHERYL ACETATE MICROCRYSTALLINE WAX/CIRE MICROCRISTALLINE PENTAERYTHRITYL TETRAISOSTEARATE ISOPROPYL TITANIUM TRIISOSTEARATE ACRYLATES COPOLYMER PARFUM/FRAGRANCE SILICA DIMETHYL SILYLATE WATER/EAU BETAINE. PEARL SHADES MAY ALSO CONTAIN: BARIUM SULFATE CALCIUM SODIUM BOROSILICATE SYNTHETIC FLUORPHLOGOPITE. MAY CONTAIN: IRON OXIDES MICA/CI 77019 YELLOW 6 LAKE/CI 15985 RED 7 LAKE/CI 15850 TITANIUM DIOXIDE/CI 77891 RED 6 LAKE/CI 15850 RED 33 LAKE/CI 17200 RED 27 LAKE/CI 45410 YELLOW 5 LAKE/CI 19140 RED 22 LAKE/CI 45380 CARMINE/CI 75470 RED 21/CI 45380 BLUE 1 LAKE/CI 42090 RED 6/CI 15850 RED 21 LAKE/CI 45380 ORANGE 5/CI 45370 RED 28 LAKE/CI 45410 RED 30 LAKE/CI 73360 YELLOW 10 LAKE/CI 47005 RED 40 LAKE/CI 16035.

 

@Biodevojka те молам види го следниов состав на пена за миење на масна кожа склона кон акни
Aqua, Gluconolactone, PEG-8, Decyl Glucoside, PEG - 8, Dimethicone, Ammonium Hidroxide, Sodium C14-16 Olefin Silfonate, Maltobionic acid, Arginine, Aloe Barbadensis Leaf Extract, Cucumis Sativus, Fruit extract, Chamimila Recutita flower extract, Althaea Officinalis Root extract, Rosmarinus Officinalis Leaf axtract, rosa damascena flower oil, glicerin, propylene glocol, triethyl citrate, caprylul glicol, methyldihydrojasmonate, Ethylene brassylate, polysorbate 20, Sodium bisulfite, chlorphenesin, phenoxyethanol.
Ti blagodaram.

 

@Biodevojka ,драга те молам за мислење за следната крема за лице:
aqua,undecane,glycerin,alcohol denat,nylon-66,tridecane,hydrogenated polyisobutene,ammonium polycryldimethytauramide/ammonium polyacryloydimethyl taurate,peg-100 stearate,linalool,geraniol,glyceryl stearate,dimethicone,camellia sinensis leaf extract,caffeine,saliylic acid,sodium hydroxide,phenoxyethanol,tocopherol,disodium edta,limonene,caprylylglycol,citral,malus domestica fruit cell culture extract,cetyl alcohol,acrylates/c10-30 alkyl acrylate crosspolymer,benzyl salicylate,benzyl alcohol,parfum/fragnance(f.i.l b158177/2).

Конкретно се работи за Garnier- Anti agening Essentials 35+-Wrinkles corrector day cream.
Штотуку ја купив онака импулсивно за секојдневна употреба со оглед на фактот што се појави по некоја брчка ,па те молам збор два за кремава.

 

Здраво драга, станува збор за традиционална формула со силикони, синтетички масла и нафтени деривати.

Здраво драга, производов има убави екстракти, но штета што останатите состојки се доста синтетички. Поздрав.

 

Здраво драга станува збор за класична традиционална крема за лице со синтетички состојки, силикон и пег 100. Поздрав.

 

Сепак очекував барем малку поопширно објаснување,колку и да е лаички забележав и некои природни соостојки па поконкретно ме интересираше и таа застапеност,дали би ја препорачала кремата воопшто и сл.
Како и да е,благодарам.

 

Здраво драга, но проблем еве ти поопширно објаснување: значи во декларацијата веднаш по водата имаш нафтен дериват а тоа е undecane кој во кремите го ставаат како за мена за силиконот циклометиконе затоа што ефектот на козметичкиот производ е ист. Истото важи и за tridecane на шеста позиција. И помагаат на кремата побрзо да се апсорбира во кожата, меѓутоа во никој случај немаат убав ефект на самата кожа. За ПЕГ веќе имам говорено многу и во случајов имаш еден од поштетните 100 што значи дека се употребени 100 молекули на етилен оксид и можно е да ослободи некои поштетни состојки при хемискиот процес кои секако одат и во финалниот производ. Содржи и диметикон кој е уште еден силикон иако полесен.Точно е дека има и убави состојки како екстракт ос камелија, витамин Е (чудо како не ставиле BHT), кафеин и др, ама според тебе колку овие состојки ефективно имаат влијание со сите нафтени деривати и силикони кои ги споменав претходно. Ете зошто ти реков дека е класичен традиционален производ кој дава мека и нежна кожа и меѓутоа не знам колку тоа е вистински, затоа што многу состојки прикриваат. Се надевам дека си задоволна. Поздрав.
п.с. што се однесува до прашањето дали би ја препорачала би ти одговорила дека јас лично не би ја користела.

 

Здраво драга, извини што почека малку. Што се однесува до убави креми за комбинирана кожа со достапна цена еве ти неколку предлози:

1. Како најекономична може да ја пробаш Aqua 24h balance на алверде (околу 200/300 денари). Еве ја декларацијата

Aqua | glycerin | Helianthus Annuus Seed Oil ** | Glycine Soja Oil ** | ** Alcohol | Polyglyceryl-3 Dicitrate / Stearate | Myristyl Myristate | Xanthan Gum | Butyrospermum Parkii Butter ** | C10-18 Triglycerides | Olea Europaea Fruit Oil * * | Tocopherol | Helianthus Annuus Seed Oil | Fucus Vesiculosus Extract | Hydrolyzed Algin | Aqua Maris | Chlorella Vulgaris Extract | Sodium Lactate | Citric Acid | Alcohol | Coco-caprylate | Sodium polyphosphate | Cetearyl Alcohol | Parfum *** | *** linalool ** ingredients from certified organic agriculture *** from natural essential oils

Има алкохол на 5 позиција, ама според мене не би требало да биде повеќе од 5% со оглед на тоа што после водата има глицерин, а во кремите за лице обично се користи до 5% затоа што повеќе дава леплив ефект на самата крема (дури во кремите за масна кожа обично и до 3%) ама еве со сигурност не може да знаеме,секако. Има морски алги и минерали па би требало да хидрира без да ја отежнува кожата и дава мат ефект односно балансира. Според мене има флуидна структура.

2. Крем за балансирање на Fleurance цената не ми текнува околу 700/800 ден. (не сум сигурна)

INGREDIENTS : AQUA, ALCOHOL**, HAMAMELIS VIRGINIANA LEAF WATER*, COCO-CAPRYLATE, GLYCERINE, CETEARYL OLIVATE, ORYZA SATIVA HULL POWDER, SORBITAN OLIVATE, SODIUM STEAROYL GLUTAMATE, BENTONITE, BENZYL ALCOHOL, CI 75810, XANTHAN GUM, PARFUM, SODIUM BENZOATE, POTASSIUM SORBATE, ALOE BARBADENSIS LEAF EXTRACT*, GALACTARIC ACID, TOCOPHEROL, ARCTIUM LAPPA ROOT EXTRACT*, BENZYL SALICYLATE, HELIANTHUS ANNUUS SEED OIL, LINALOOL, QUARTZ

На втора позиција содржи алкохол кој според мене е замена за силиконите и е околу 5% со оглед на тоа што има и други два природни конзерванси односно SODIUM BENZOATE, POTASSIUM SORBATE. Според мене не би требало да се чувствува алкохолот. Иа вода од хамамелис која има астрингентно дејство, глицерин кој хидрира. Како состав не е лоша.

3. Доколку сакаш крем комплетно без алкохол околу 983 ден.Sebo Control Gamarde

INCI:
Gamarde aqua (Gamarde Water), cetearyl alcohol, Lavandula angustifolia (Lavender) flower water*, Corylus avellana (Hazel) seed oil*, parfum (fragrance), Elaeis guineensis (Palm) oil*, Glycerin (vegetable glycerin), Argania spinosa (Argan) kernel oil*, cetearyl glucoside, glyceryl stearate citrate, glyceryl caprylate, Thymus vulgaris (Thyme) flower/leaf oil*, Lavandula latifolia (Lavender) herb oil*, Lavandula angustifolia (Lavender) oil*, Citrus medica limonum (Lemon) peel oil*, Rosmarinus officinalis (Rosemary) leaf oil*, Origanum majorana (Sweet Marjoram) flower oil*, Eugenia caryophyllus (Clove) bud oil*, Cupressus sempervirens (Cypress) oil*, Citrus aurantium amara (Bitter Orange) leaf/twig oil*, Cinnamomum zeylanicum (Cinnamon) bark oil*, Boswellia carterii (Olibanum) resin extract, Cymbopogon martini (Palmarosa) oil*, xanthan gum, citric acid and ingredients naturally present in the essential oils : cinnamal, citral, eugenol, farnesol, geraniol, limonene, linalool.

Без алкохол со вода од лаванда и масло од лешник кое е анти акни, со 12 билки кои имаат антибактериско дејство и делуваат против прочирени пори и акни, митесери итн.

Тешко е да се најде пристапна цена за комбинирана кожа (освен алверде) за сува има повеќе линии, ама еве се надевам дека си задоволна. Поздрав.

 

Јас мислам дека најдобра е кремата на Gamarde. Малку е поскапа, ама гледајќи според составот вреди да се проба. Ќе пишам подоцна импресии од истата.
Ти благодарам многу @Biodevojka ! Поздрав до тебе.

 

Ja имам користено, одлична е. Фино се впива, многу убаво мириса, многу е лесна на лицето и не ствара нови акни/црнки. И јас имам комбинирана кожа со помасна т-зона, акни, комедони и проширени пори. И плус осетлива, кремата на Gamarde е една од ретките што воопшто не ми го иритира лицето.

 

@Biodevojka Какво мислење имаш за phenoxyethanol како состојка во козметиката?

 

Здраво драга, phenoxyethanol е конзрванс кој е растворлив како во вода така и во масло и доста често се користи во козметичките производи. Од она што досега го имам научено овој конзерванс е еден вид на средина помеѓу многу полоши како на пример оние кои испуштаат формалдехид и секако некои подобри. Мислењата се поделени има хемичари кои сметаат дека е штетен како состојка (иако нема научни докази за ова), а има и мислења дека е многу подобра варијанта од многу други конзерванси на пазарот. На пример Германците како систем на кознервирање користат алкохол со етерични масла кој знаеме дека прави разградување на протеините а со тоа со текот на времето ја суши кожата (иако како што напоменав важен е процентот), Французите најчесто користат комбинација на sodium benzoate и potassium sorbate кои се одлични и природни меѓутоа кај доста луѓе иритираат и создаваат црвенила или алергии. А да не правам муабет за оние кои користат конзерванси кои испуштаат формалдехид, да не трошиме зборови. Како што гледаш секој кознерванс или метод на конзервација има добри и лоши страни (а и мора затоа што треба да ги уништи бактериите во кремата) и затоа велам дека phenoxyethanol е на средина. Има и подобри варијанти како salicylic acid, benzoic acid, sorbic acid, dehydroacetic acid. Рhenoxyethanol има благо иритирачко дејство, од синтетичко потекло е, меѓутоа се смета за посигурен од многу други (барем според италијански стандард, а јас сум од нивната школа). Со самото тоа што според еден од најголемите италијански хемичари овој конзерванс е ок (ни добар ни лош туку на средина), не ми останува друго освен да се согласам со човек кој 14 години истажува и прави козметички формули за многумина. Инаку признаен е како конзерванс за органска козметика од италијанскиот ICEA и англиската SOIL. Во Франција и Германија мислам дека е забранет. Поздрав.

 

@Biodevojka Здраво мила, сакам да ми дадеш твое мислење за користење на органско масло од арган за лекување на акни и спречување на нивно создавање. Сакам да купам од Зегин но се двоумам дали масло ми одговарало на масна кожа склона кон акни. Поздрав и ти благодарам за сите досегашни одговори