Декларации на козметички производи и анализа на состојки

Здраво драга, еве ме. Најнапред за маската со цимет не би знаела да ти кажам затоа што не сум ја користела. Циметот ја зголемува циркулацијата, ама најискрено не го користам за лицето, само како антицелулитен третман или за нега на кожата во креми. Што се оденсува до производите кои ги стави во спојлер еве што мислам

првиот производ убаво почнале и формулата им е добра само ставиле еден силикон (амодиметикон) некаде долу во декларацијата значи некаде околу 1% или помалку. Е сега јас лично ги избегнувам силиконите без разлика на нивниот процент, ама ако тебе не ти пречи малото присуство тогаш е ок.

вториот и третиот производ имаат силиконска база и се доста синтетички имаат и нафтени деривати и ПЕГ ако не се лажам дури ПЕГ100.

четвртиот производ ми изгледа како гел за миење на лице за акнеична кожа според формулата со салицилна киселина и ментол. Е сега како формула производов содржи глукозиди што ми се допаѓа, иако има и алкохол меѓутоа би требало да е мал процент затоа што доаѓа после парфемот (според мене некаде околу 1% во целиот производ). Единствена состојка која е повеќе синтетичка и добиена (еден дел) од нафтен дериват е sodium acrylates c10 30 alkyl acrylate crosspolymer меѓутоа и неговиот процент е мал (1% или помалку од 1%).

Сепак изборот е твој. Поздрав.

 

@Biodevojka можеби ме имаш заборавено

 

Леле драга не те заборавив, јас сум сто посто сигурна дека одговорив на ова ама којзне каде завршил одговорот. Знам дека го напишав ама може не сум го пуштила. Како и да е се извинувам. Што се однесува до шампонот формулата е сосема ок во поглед на тоа што после сулфатот има прво бетаин па потоа морска сол, меѓутоа шампонов само измива, не гледам масла, протеини, пантенол итн. Има екстракт од бреза ама процентот е многу мал со оглед на тоа што се наоѓа под конзервансите некаде под 1% горе долу, со оглед што прв конзерванс е phenoxyethanol кој се употребува најмногу до 1% а може и помалку. Значи шампонов убаво измива, го прави она за кое е наменет ама нема некоја посебна функција за нега на косата да речеме доколку е сува или пак некои специфични масла. Поздрав.

 

Здраво девојки, еве една интересна статија за quaternium и polyquaternium кои најчесто се употребуваат во шампоните и се всушност кондиционатори. Во листата ќе ги најдете сите оние кои не се силикони. Се надевам дека ќе ви биде ос корист. Поздрав

Листа на quaternium и polyquaternium во шампоните кои не се силикони



Кога говорев за тоа како да ги препознаеме силиконите во шампонот http://biodevojka.blogspot.mk/2016/02/blog-post_9.html, ви реков дека ќе направам една листа на најчесто употребуваните quaternium и polyquaternium во шампоните кои не се силикони. За ова доста истражував и читав разни статии, и пред да ја видиме листата, само уште еднаш да објаснам што се овие и како всушност делуваат врз косата, а и да дадам додатни информации кои не ги кажав во претходната статија.

За разлика од ПЕГ каде бројот до него значеше колку молекули на етилен оксид се употребени во формулата (претставуваат ознака за хемиската структура на самиот ПЕГ), броевите кои ќе ги најдете до quaternium и polyquaternium едноставно се регистарски броеви на самата состојка и немаат никаква врска со нивната хемиска структура. Без да ве замарам за хемиската структура на истиве, ќе се задржам само на ефектот и влијанието врз косата, со оглед на тоа што ова е сигурно нешто што ве интересира.

Како што веќе напоменав во претходната статија quaternium и polyquaternium (барем поголем дел од нив, а во продолжение ќе видите кои), не претставуваат силикони, иако на некој начин имаат сличен ефект врз косата, односно служат како кондиционатори во еден производ за коса како на пример шампон или балзам.



Како што веќе добро знаете (доколку ме читате редовно) силиконите имаат таква структура да се лепат за влакното, создаваат еден вид на филм кој го задушува самото влакно и многу тешко се вадат, односно измиваат од косата. Единствен начин да ги отстраните (за ова е потребно повеќе време во зависност од тоа колку долго сте користеле производи на база на силикони) е да косата ја измивате без силиконски производи и, воопшто, да ги исфрлите силиконските производи како на пример балзами, шампони, силиконски капки, пена, лак, спреј итн.

Од друга страна, quaternium и polyquaternium најчесто се користат затоа што придонесуваат косата подобро да се расчешла, даваат поголем сјај на влакното, ја омекнуваат косата и што е најважно полесно се отстрануваат од силиконите.

Меѓутоа внимавајте, поголемиот дел од quaternium и polyquaternium имаат т.н. ефект build up, односно со текот на времето се акумулираат на косата и го отежнуваат самото влакно. Ова може да го сфатите едноставно ако вашиот шампон кој не содржи силикон, меѓутоа содржи еден од долунаведените quaternium и polyquaternium, доколку по 6-то или 7-мо миење веќе ви ја отежнува косата, во тој случај овие состојки имаат build up ефект врз самото влакно, односно се акумулираат. Исто така девојките кои имаат виткана коса, можно е по долга употреба на овие кондиционатори да забележат дека локните им се помалку виткани што е секако дел од ефектот build up за кој веќе говорев и отежната коса.



Обично во шампоните процентот на quaternium и polyquaternium е низок, додека кога станува збор за силиконите се присутни во голем процент. Затоа и ви велам да ги гледате промените на вашата коса за време на употребата на одередени производи кои содржат quaternium и poliquaternium, со цел да знаете кој шампон или регенератор одговара за вашиот тип на коса.

Секако доколку ме прашате мене, јас би ви препорачала шампони без сите овие состојки (со убава органска формула), меѓутоа еве мора да бидам искрена и да кажам дека quaternium и polyquaternium се подобра варијанта од силиконите, иако имаат големо токсично влијание врз водниот свет штом ќе се исфрлат во водите.

Еве ви ја листата на несиликонски quaternium и polyquaternium

1. Несиликонски quaternium

quaternium 7, quaternium 14, quaternium 15, quaternium 16, quaternium 18, quaternium 22, quaternium 24, quaternium 26, quaternium 27, quaternium 30, quaternium 33, quaternium 43, quaternium 45, quaternium 51, quaternium 52, quaternium 53, quaternium 56, quaternium 60, quaternium 61, quaternium 62, quaternium 63, quaternium 70, quaternium 71, quaternium 72, quaternium 73, quaternium 75, quaternium 77, quaternium 78, quaternium 82, quaternium 83, quaternium 84, quaternium 85, quaternium 87

2. Несиликонски polyquaternium

polyquaternium 1, polyquaternium 2, polyquaternium 4, polyquaternium 5, polyquaternium 6, polyquaternium 7, polyquaternium 8, polyquaternium 9, polyquaternium 10, polyquaternium 11, polyquaternium 12, polyquaternium 13, polyquaternium 14, polyquaternium 15, polyquaternium 16, polyquaternium 17, polyquaternium 18, polyquaternium 19, polyquaternium 20, polyquaternium 22, polyquaternium 24, polyquaternium 28, polyquaternium 29, polyquaternium 30, polyquaternium 31, polyquaternium 33, polyquaternium 34, polyquaternium 35, polyquaternium 36, polyquaternium 37, polyquaternium 39, polyquaternium 42, polyquaternium 44, polyquaternium 45, polyquaternium 46, polyquaternium 47, polyquaternium 55

Се надевам дека и оваа статија ви беше од корист и дека ви се допадна.
Поздрав
Вики

 

Фалаа драга на одговорот.
Може ќе здосадам но и за ова ме интересира твое мислење.

 

Здраво драга не си досадна но проблем, производов содржи два силикони уште на почетокот и тоа cyclopentasiloxane и quaternium 80. Поздрав.

 

Ти благодарам на брзиот одговорот.
И ако можеш малку подетално.
Иначе производот е за коса , поточно unique one.

 

Еве го составот на многу препорачуваната mustela stelatopia ако може појаснување од @Biodevojka јас тука само го препознавам петролатум кој чинам е нафтен дериват.

 

Здраво драга, производов е на силиконска база (со двата силикона кои ти ги пишав во претходниот пост), има доста синтетички состојки единствено нешто убаво е пантенолот. Јас ти пишав така затоа што кога ќе видам два силикона на толку високи позиции знам дека базата е силиконска. Има и парабени како конзерванси. Ова е мое мислење секако, тебе доколку ти се допаѓа продолжи да го користиш. Поздрав.

Здраво драга, да петролатум е нафтен дериват, еве веќе и сами ги препознавате. Има и силикон циклопентасилоксан кој најверојатно е ставен за подобра структура на кремата а и затоа што претставува филм на самата кожа.Има и убави состојки како сончогледово масло и восок од невен, ама го знаете сепак моето мислење за нафтените деривати и силикони. Сепак крајната одлука ја оставам на вас. Поздрав.

Здраво драга, и двете вака на прв поглед ми изгледаат убави, првата на сефора ми се допаѓа затоа што е едноставна како формула и доста функционална и конзервансите се ок. Втората има прекрасни екстракти многу убави состојки, ама конзервансите знаат да предизвикаат алергиски реакции кај чувствителна кожа.
Едит. штотуку забележав дека има магнезиум, значи дека конзервансите се стабилни во формула со магнезиум, ама сепак јас кога би требала да бирам за себе би ја земала сефора, поедноставна ми е а сепак функционална. Поздрав.

 

Здраво драга ја префрлам поракава во оваа тема за декларации,
најнапред гелот за миење како формула е убаво избалансиран во смисла не е агресивен.
Секако според мене да ги немаше PEG-7 Glyceryl Cocoate,и PEG-150 Distearate ќе беше подобро со оглед на тоа што се нафтени деривати односно имаат на пример ПЕГ 150 дури 150 молекули на етилен оксид.
Млекото за тело е подобро од многу други млека кои сум видела иако не е комплетно природно. Единствено нешто што мене лично не ми се допаѓа (ама и ова е секако мое мислење) се состојките 1,2-Hexanediol и Acrylates/C10-30 Alkyl Acrylate Crosspolymer. Меѓутоа еве за среќа не содржи течен парафин или силикони, ниту пак парабени.
Сапунов ми е малку чуден не знам како да го класифицирам. Домашен во смисла природно домашен како на Ла Сој не е, има и некои синтетички состојки.
Поздрав.

 

Ti blagodaram mnogu.

 

@Biodevojka да прашам дали YVES ROCHER е природна козметика? Дали ја препорачуваш?

 

Здраво драга, една друга феминка ме праша за козметички производи од оваа линија и ми прикажа декларации кои не беа лоши (оди погоре во постовите од оваа тема). Поттикната од нејзиниот пост бев во продавницата во гтц да разгледам што имаат. Има производи од оваа марка кои ми се допаѓаат и се убаво избалансирани (има и една органска линија), но има и такви кои не се во склад со мојата филозофија. Поздрав

 

@Biodevojka ајде кога ќе си послободна погледни го составот на оваа крема за лице. Ти благодарам однапред.

 

еве ме мене со нови производи кои одамна сакав да ги купам, па сакам мислење.

 

Здраво драга, си го искривив вратот додека ја видам декларацијата .
Шала на страна кремава е убава, состојките ми се допаѓаат, особено изборот на масла. Како структура треба да е доста густа меѓутоа убаво да се размачкува и што е најважно е доста хидратантна. Според состојките би требало да има анти ејџ ефект или да е специфична за таа намена против брчки. Поздрав.

Здраво драга сигурно станува збор за германски производи со оглед на тоа што има алкохол како конзерванс. За жал не може да кажам колкав е процентот со сигурност. Јас лично избегнувам шампони со алкохол затоа што во комбинација со сурфактантите доста ја суши косата (ова е мој личен избор). Во шампонот за среќа нема сулфати па не би требало да биде агресивен, ама еве ти сама процени по неколку употреби па кажи како ти одговара. Доколку е добар продолжи да го користиш затоа што сите останати состојки се супер.
Вториот производ ми личи на балзам за коса според состојките (се надевам не грешам). Овде алкохолот е присутен на втора позиција ама не би требало да пречи затоа што балзамот и онака е масен (целта му е да ја “извалка“ косата). Во формулата не гледам кондиционатор, па сигурно кокосовото масло е ставено токму со таа цел да ја омекнува косата. Структурата би требало да биде многу густа нешто слично на путер или маска за коса. Доколку ги користиш овие два производи пиши импресии. Поздрав.

 

Земав маст од невен
Состав
Petrolotum
Parafinum Liquidum
Glycine Soja oil
Calendula
Flower extracts
Parfum Ci 40800
Малата имаше многу сува кожа на обравчињата , мустелата не помогна но оваа маст за два дена даде резултати,какво мислење имаш за оваа маст @Biodevojka ?

 

Здраво драга уште од првите две состојки може да ти кажам дека овој производ е комплетно на база на нафтени деривати (петролатум и парафинум ликвидум). Има и убав екстракт од невен, ама го знаеш мојот став за производите на база на нафтени деривати. Поздрав.

 

Dali moze preporaka za deo stik bez prisustvo na aluminium?