Често одам на интервјуа по фармацевтски компании и баш приметувам како се облекуваат. Одат со висока чизма,баш горе како што објаснав со кошулка,џемперче...не знам веќе каде има онака баш стандард класика.Посебно кај младите на околу 20-30 години
Можеби по министерства и такви некои државни високи институции.Знам другарка ми работеше една година во дирекција на јака банка,се олекуваше класично ама не класика-класика Не фармерки,миничи и деколтеа. А сега скоро во сите фирми,каде што има и некој дрес код имаат Casual Friday,па дозволени се и фармерки.
Точно и јас во петок одам со фармерки и ги обожувам петоците, иако има колеги кои што не марат за дрес код.
^ Мене па некако ниту блузата и накитот не ми одговараат за на работа, некако премногу внимание привлекуваат. Инаку ни јас моментално не работам на место каде што мора да носам костим, но сепак почитувам некој општ дрес код. Доколку би требала секој ден да бидам официјално облечена сепак би сакала да излезам малку од границите на таа ултра формалност и да си дозволам малку индивидуалност, без при тоа да изгледа како да го прекршувам правилото на фирмата/инстуцијата. Или ако ете толку мора максимално да се почитува тоа дека мора бела кошула и неутрална боја на костим, тогаш сигурно ќе барам нешто со совршен крој, кој во исто време ќе ми ласка на фигурата без да ми ја истакнува, а ќе биде и по малку шик, со некој фин мал детаљ. Општо сметам дека не е воопшто страшно ако парчињата облека имаат некој дискретен принт кој ќе и даде малку живост на комбинацијата, а сепак нема да биде нападен, а и некако не се согласувам со тоа ограничување на најчесто овие 5 бои како црна, бела, сива, кафена и тегет, затоа што всушност не е толку проблем бојата колку што е нијансата. Исто како и за шминката и накитот. Не дека е проблем толку бојата, колку интензитетот и упадливоста на истата, треба да бидат едвај забележливи и само да ја крунисаат комбинацијата. Па така и за останатото, се додека е неупадливо и фино се вклопува не ми пречи, туку баш напротив мислам дека може да и даде шмек и топлина на една комбинација, а сепак да не пара ничиви очи и да биде пригодна за формални средби. Нешто што најчесто го приметувам низ градов како негативен тренд и појава помеѓу деловните жени/девојки се на пример претерано дезенираните хулахопки со разно-разни цветови, лисја и грмушки, чипки, дупчиња и што ли уште не, или пак носењето премногу масивен и упадлив накит, предолгите и пренападно украсените и обликувани гелни нокти, потоа превисоките штикли со платформи и секако во лето најголемиот хорор - ножни прсти на сите страни. Без разлика колку и да се убави и негувани стапалата (иако најчесто не се), никако не ми се уклопува отворена чевла во деловен изглед. Друга работа малку настрана од облекувањето, но исто едно нешто што доста често се греши е носењето прејаки и превпечатливи парфеми. Не ретко на работното место се бара и работа со странки или делење просторија со многу луѓе, па со оглед на тоа што парфемот е многу индивидуална работа, не треба сите во просторијата да го почувствуваат. Значи некој генерален заклучок би ми бил дека треба да се обрне внимание на целокупниот впечаток и на еден начин околината да ве доживува убаво без премногу да се запаѓа во нечии очи, туку се фино треба да си биде хармонично склопено. Без разлика какво е работното место и дали се бара костим или пак е дозволена посекојдневна облека како фармерки и џемперчиња, сепак мислам дека има некои општи правила што секаде треба да се почитуваат.
Цевка панталините и јас ги мразам, особено што прават задникот да е невкусно голем. Такви само кај девојки со мали задници. Кардишјанки не Инаку, скоро се што сте ставиле тука од слики, е прекрасно и кај нас, ако не може да се купи, може да се сошие и секогаш да се биде уреден. Мене, на пример, не ми смета фармерки во петок, или џемперче понекогаш, но многу ми се неубави комбинациите на палто и панталони или здолниште кога материјалот и боите не се совпаѓаат. Исто дезенирани хулахопки, сандали, супер високи штикли, куси здолништа, хеланки, деколте. Многу сакам класика фустани, како овој на сликава, оти може да се носи во лето, со раличен накит или колан и штикли, а во зима со различна кошула и чевли и излегуваат многу комбинации со едно парче, а секогаш е прибрано и фино за око.
Све си има своја убавина ,па така и деловната гардероба и деловните аутфити. Иако сеуште не сум во работен однос,често сум размислувала кога ќе се вработам каква деловна гардероба би носела. И здравје кога ќе го завршам факултетот мојата работа сигурно би била канцелариска,во некоја фирма,банка или слично.Па затоа јас во овој стил би се облекувала.Да не биде многу официјално,но да не биде ни премногу опуштено. А и не би сакала исто така многу да отстапува од мојот стил на облекување.
И јас сум голем љубител на деловната облека и мило ми е што струката ми е тесно поврзана со истата, па веќе и почнав да си го надоградувам плакарот со поделовни и озбилни парчиња облека. Моментално сум приправник во адвокатска канцеларија, се случува да се појавам и во фармерки, ролка, џемперче и патики, нормално кога само имаме работа у канцеларија, без судења или работа надвор од канцеларија, заедно со братучед ми така идеме, и тој полежерно, дури си имаме и влечки домашни под биро , за да си бидеме опуштени повеќе, ова ако работиме поручек или навечер, ако куцаме нешто. А за преку ден, обожавам да си се дотерам, или фустан до над колена како што погоре има постирано со сако или наметка, кошулки или ролки во неутрални бои и црни, или па од појаките бои - тегет, имам и темно виолетова, и лилјакова, и циклама, заедно со сиви офис панталони како што Мимс ги зборе, или па со црни обични панталони, некогаш и потемна фармерка, со чевла или чизма сега со минимална штикла, пошто не можам да одам на високи штикли ич, а нонстоп сум во движење, сако(црно, сиво,праска боја, беж), или па некоја паролина/наметка, како таа една црна од Дуки Дасо што ја ја имам постирано, со ролка под неа, марама убава, елегантна, или нежен накит. Мило ми е што сум си послободна тука, пошто не секаде е така, но не би ми претставувало проблем ни строго деловно да се облекувам ако некогаш работам за таква фирма која тоа би го барала. И сметам дека не е грешка ако внесеш мала доза на анимал принт или некоја појака боја, ако е паметно складно и вкусно на око. А она што ни една не смее да си го дозволи кога се работи за деловно облекување според мене е длабоко деколте, прекратки фустани или сукњи, неуредна коса и неуредни нокти. Еве со анимал принт прекрасни комбинации кои јас лично би ги носела. А еве најблиску до мојот вкус деловни комбинации - со доза на слобода, не оние стрикно деловните. (Kои исто така ми се преубави и со задоволство би ги носела - иако се доста ограничувачки)
Гардеробата oд серијата Suits ми е одличен избор за ваков тип облекување. Кој ја има гледано знае дека се снима најчесто во канцеларија и девојките кои работат таму се секогаш тип топ облечени, ретко со минимални утки. Spoiler Spoiler
Се зависи од тоа каде работиш, јас сум студент, но се надевам кога ќе завршам и ќе почнам да работам да се облекувам вака:
Не работам (сеуште средно не сум завршила), но сакав нешто да искоментирам. Не сакам да бидам сфатена погрешно, но глупо ми е кога ќе видам деловна жена, средена тип-топ, а нема ни грам шминка. Сега знам дека не сите сакаат да се шминкаат, но подочниците, несредените веѓи и сувите, безживотни усни мислам дека не идат со овој стил. Малку маскара, некое лабелце или нежно сјајче, со коректор под очите мислам дека е доволно за деловна шминка.
