Денес дознав дека (I was today years old when...)

Извини моја грешка. На 13 мислев. Најчесто 13 се.

 

Важно е дека бројот на скалите најчесто е непарен за да ни е поприроден одот, а дали ќе се 9, 13 или 15 зависи од факторите кои ги наброја @Mr.Limonko

 

Замисли да се најчесто и да мора да се 13 во еден крак и ставаш на 3м, два крака по 13 скали и висина на скала околу 11цм и ќе познаваш кој излегол од таа зграда гледаш некој со скршен нос и велиш "овој од мојата зграда оди штом е ваков".
Ако воопшто останеш жив кога армирачот ќе види колку и каква арматура треба да витка.
Или при земјотрес треба да бегаш а скалите први паднале, затоа што сигурно би биле претеши и преармирани.
А да ги ставиш во еден крак пола зграда ќе биде скалишно јадро.

 

Никад не сум размислувала за ова, ама сигурно е така ко што велиш.
Одам сега баш да ги бројам скалите

 

Дека некаде Македонија значи мешана овошна салата. Се чудев зошто на овошниот јогурт што го јадев пишува Macedonia.

 

! Дека жени можат да родат близнаци од двајца различни биолошки мажи. Тоа се случува 1 во 42 случаи. Кога ќе видите близнаци од ист пол што не личат еден на друг веројатно станува збор за биолошки различни татковци.

! Папата Клемент бил еден меѓу првите што пробал кафе во Европа на заповед од своите следбеници да провери дали во кафето има нешто „сатанско и маѓепсано“. Кафето толку му било слатко што дал папски амин за користење и кафето се проширило на територија на цела Европа.

! Во делови на Кина и Тајван за време на погреби честа е праксата да се изнајмуваат стриптизети/стрипери со цел да се крене тажната атмосфера. На еден погреб пред неколку години во Тајван семејството на починатиот изнајмило дури 50 стриптизети.

 

Јас гледав серија со таков случај, жена роди близнаци од два различни мажи. Одма зедов да истражувам дали може, статистиката вели дека може. Се изненадив
Мислев филм како филм

 

Мене ми искочи пред некој ден вистински случај за близнаци од двајца татковци, исто прв пат слушнав и бев фрапирана.

Поверојатно е да се двојајчани од ист татко.

 

Леле сега кога ќе ми текне дека близнаците на моја братучетка се различни едното плава коса а другото црна коса

 

- Мамо мамо, зошто не си личиме со бато кога сме близнаци?
- Леле ќути сине каква журка беше тоа, добро е што не лаете сега

 

Ова е супер, погребите ни се ептен депре и досадни, време е за источноазиски погребен модел. Веќе го замислувам мојот, Britney ќе рока у позадина.

 

Jас па после 3-4 години дознав дека комшииве имаат деца идентични близнаци. Цело време мислев дека е едно исто дете, се додека не ги видов заедно, се исплашив да не гледам двојно.

 

Годината без лето
1816 год. била година во која немало лето. Ова било поради вулканска ерупција во Индонезија, најголема во последните 1300 год. Имало глад во Европа и САД.
Во Швајцарија било толку ладно што на сред лето почнале да се формираат глацијални езера.
Во Америка започнале да гледаат дамки на Сонцето со голо око, а атмосферата била полна со црвена магла.
Во мај паднала слана во делови од Америка, а на 6 јуни заврнал снег во Њујорк и Мејн.
Во Њујорк 5 ноќи со ред имало слана , во крајот на Јуни.
Замислете во Јули и Август дел од реките замрзнале во Пенсилванија.
Или имало огромни дождови со студено време или зимско време на сред лето.
Ова ги сотрело земјоделските култури. Во Велика Британија и Ирска, пропаднале културите на пченица, овес и компир. Во Америка било скоро преполовено производството на пченка.
Ова довело до гладување и се смета дека е најлошиот глад во деветнаесеттиот век. Избиле епидемии на тифус.
Замислете, во Унгарија и Италија врнел кафеав и црвен снег во лето. Во Кина врнел летен снег, а снег и слана имало во Тајван, кој обично има тропска клима.

Интересно е што оваа временска аномалија довела до интересни историски настани.
- неможноста за транспорт до коњи , го натерала на германскиот иноватор Карл Драјс да измисли нови начини, со што ги креира тротинетот, дрезината и велосипедот .
- во јуни 1816 ова невреме ги принудува Мери Шели, Бајрон и други да се засолнат во вилата близу женевското езеро. Тогаш Шели ја пишува Франкенштајн, а Бајрон -Темнина, што ги дава основите на Вампир и Дракула .
- Големото селење на запад поради гладот создава дел од американските држави, а и семејството на Џон Смит се сели и се смета дека оваа преселба е иницијатива во создавањето на неговата мормонска религија.
- Јустус Либих кој го издржал овој глад како дете , станува хемичар и го измислил и вовел ѓубрењето со минерални ѓубрива.
- ако ги гледате сликите на тогашните сликари, ќе видите неверојатни црвени зајдисонца, кои всушност се вулканска пепел и атмосфера.

Подолго пост, ама ете како една временска неприлика довела до последователни големи настани.

 

Да, постојат и не се толку ретка појава. Скоро 1 во 42 случаи на близнаци се од двајца различни биолошки татковци. Не би рекол дека се двојајчани, туку дека се од различни мажи ако се разликуваат доста во физиономија.

Тајвански политичар беше погребан со 50 стриптизети качени на Ровери. Дел од кинеските и тајванските власти се противат на оваа традиција сметајќи ја за непочитување на мртвите, додека локалците во одредени региони ја практикуваат и ден денес.

https://www.bbc.com/news/world-asia-38528122

 

! Луѓето секојдневно внесуваат туѓи фекални бактерии со самото тоа што мијат заби во веце или чуваат четка за миење заби во веце. Едно истражување покажало дека дури 60% од четките за заби чувани во веце имаат туѓи фекални бактерии.

! Доматот не е зеленчук, туку овошје.

! Ајфеловата кула била предвидена за Барселона, а не за Париз.

 

Па каде би четкала заби, во кујна ли?

 

! Две истражувања покажале дека 90 посто од "фактите" што ги постираш се измислени.

 

Доматот е овошје а лубеницата зеленчук

 

Истражувањето било спроведено од страна на Quinnipiac University и презентирано на American Society for Microbioloty.

https://www.sciencedaily.com/releases/2015/06/150602130650.htm
https://www.infectioncontroltoday.com/view/data-confirms-toothbrush-contamination-communal-bathrooms

 

Јас ова го дознав некаде 2017 и ја чувам четката у собата кај што спијам.