Денес дознав дека (I was today years old when...)

За овој генијален ум и иноватор дознав пред неколку дена преку медиумите и истражував на интернет.

Пред неколку дена во Париз беа одбележани 95 години од смртта на светскиот и македонски научник и доктор Анастас Коцарев.

Кој е д-р Анастас Коцарев? Роден во Охрид како дел од старо охридско семејство далечната 1890 година. Дипломирал на Медицинскиот институт во Женева и работел на разни проекти со нобеловката Марија Кири Склодовска како користење на радиум во дијагностицирање на ракот.

Д-р Анастас Коцарев е првиот македонски онколог, меѓу првите пионири во светот на радиотерапија и радиографија и првиот во светот кој направил рендгенографија на фотографска плоча на пациент заболен од рак.

Тој бил најблиску до Нобелова награда од Македонија, но за жал починал многу млад во 1931 година во Париз. За жал, најголем дел од македонската јавност ништо не знаеше за Анастас Коцарев до пред некој период, но разни здруженија и ентузијасти од Македонија помогнаа да се лоцира гробот на Анастас Коцарев во Париз (иако првично се сметало дека бил погребан во Женева), а претседателката Гордана Силјанова - Давкова во 2025 година посвети комеморација во чест на Анастас Коцарев и се заложи за подигање на негов споменик во родниот град Охрид, како и институции и улици да добијат име по овој голем научник.



https://mkd.mk/makedonija/vo-pariz-odbelezhani-95-godini-od-smrtta-na-d-r-anastas-kocarev/
https://mk.wikipedia.org/wiki/Анастас_Коцарев

 

Прв пат слушам за човеков, срамота! Дали се знае од што починал, дали од последици од радијацијата како и Марија ? Ете може по него да се именува Медицинскиот факултет или Државната клиника...

 

Да бе, при Александар, Филип, Букефал, мачката на Александар и слични варвари, по некој си научник ќе именуваат факултети, нема грешка...

 

10 години на ТВ се емитуваа документарци за оваа личност, од тие грујовите. Нам како деца на часовите по историја ни го спомнуваа.

 

Значи сепак имало и по нешто паметно во нив.

 

Д-р Анастас Коцарев имал два докторати. Едниот на Медицинскиот институт во Женева (каде одреден период бил професор асистент и доцент), вториот на Медицинскиот факултет во Париз. Подолг период бил десна рака на Марија Кири Склодовска на Сорбона во нејзината лабараторија за изучување на канцерот и заедно работеле на изучување на канцерот и експериментални лекови за лечење на истиот. Во тоа време американскиот дневен весник “Тајм“ предложил да му се додели Нобелова награда за допринос во онкологијата.

Д- р Анастас Коцарев бил верен со Французинката Сесил Перин со која имаат ќерка. Потомците на семејството Коцарев со помош на македонските друштва „Заборавени Македонци“ и „Македонци во Франција и Швајцарија“ пред неколку години ги открија потомците на Сесил Перин, кои чувале писма од нејзината баба за животот со Анастас Коцарев. Така дошле и до неговото вистинско почивалиште во Париз каде и неговата сопруга била погребана.

Во едно од тие писма таа опишува дека Анастас Коцарев пред 2 недели одбранил некој докторски труд, а дента пред да умре бил весел и чувстувал блага бол во стомакот. Официјална потврда од што умрел нема.

Претпоставка е дека умрел од срцев удар/мозочен удар или некој вид на брзорастечки канцер поради долгогодишна работа со радиоактивни материјали (повеќе веројатно) или дека бил отруен од безбедносните служби на соседните држави на Македонија (помалку веројатно).

Првиот документарен филм за Анастас Коцарев беше снимен во 2011 година по иницијатива на Божин Доневски наречен „Заборавени македонски умови“. Тој документарец беше посветен на неколку ликови, не само на Анастас Коцарев. Пред тоа буквално скоро и да не постоеше ништо јавно за него. Веројатно мал дел од научните кругови знаеле, но пошироката јавност немала појма кој е и што е.

Подоцна здруженијата „Заборавени Македонци“ и „Македонци во Франција и Швајцарија“ ги најдоа потомците на неговата сопруга во Франција, па така го лоцираа и неговиот вистински гроб, како и еден куп писма напишани од неговата сопруга.

https://sdk.mk/index.php/magazin/ot...olog-koj-sorabotuval-so-marija-kiri-vo-pariz/

Буквално до пред 14-15 години скоро ништо не се знаеше во Македонија за него, затоа и реков во поблиската иднина, а тоа резултираше со комеморација во чест на него од страна на Претседателката Силјана Давкова во 2025 година.

https://www.instagram.com/p/DHrLiqJs78J/

Снимање на некој документарец и пишување на 4-5 статии за него не е воопшто исто како со тоа неговиот лик и дело да го кренеш на државно институционално ниво.

 

Во ред, во Охрид одамна се чествува Коцарев, не верував дека до толку е занемарен и не го знаат на државно ниво, ама не ме чуди од ова општество.

Еве, јас минатата година научив дека основач на фабриката Европа - Скопје (прва работилница за кондиторски производи на Балканот воспоставена во 1882) бил македонски фармацевт, Теохар Икономов кој раководел со бизнисот заедно со соработникот Пане Димитров. Мислев дека компанијата била странски капитал, евентуално од турски газди или не знам, но сопствениците биле Македонци.

 

јас па за носот не сум

 

Додека сме кај македонските иноватори, кафетинот го измислил Македонецот Ангел Симов. Всушност тој спојува четири лека за да го добие кафетинот.

 

Немало сигурносна контрола и скенери на аеродромите пред да се случи 9/11.

Одиш, покажуваш пасош, сe качуваш во авион. Во куферот си можел 10кг експлозив да носиш, nobody checked.

 

Дека ѕвездата Деница е всушност планетата Венера

 

Бритни Спирс е роднински поврзана со Мерилин Монро, имаат заеднички предци. Знам дека не се единствени роднини меѓу познатите, но нивното сродство ми е осoбeно интересно зашто и двете доживеале најголема слава која дошла со многу проблеми, злоупотреби...

 

Денес дознав дека за бебињата е побезбедно седиштето во автомобилот да им биде обратно свртено, затоа што главата им е многу потешка од остатокот на телото а коските, лигаментите и мускулите не им се силни за да ја држат и во случај на член удар или нагло кочење ја штитат главата, вратот и рбетот од повреди.

 

Денес дознав дека постоела формула со која преку броење на свирежите од штурците може да се пресмета температурата на воздухот. Релацијата е прикажана со т.н. Dolbear's law и ако сакаме да ја одредиме температурата во Целзиусови степени треба да изброиме колку пати ќе свирне за време од 25 секунди па тој број се дели со 3 и на крај се додава 4. Нормално дека тоа е приближна вредност која зависи од надворешни фактори и видот на штурец, но е многу интересен факт и при прва прилика ќе се обидам да пресметам

 

Дека Кина се обидела да ги истреби сите врапчиња

За време на Големиот скок напред, за време на Мао Це Тунг, била донесена одлука да се отстранат четирите штетници : стаорците (бидејќи ја носеле чумата ), мувите, комарците (бидејќи носеле маларија) и на крај врапчињата (бидејќи го јаделе семето, житото и овошјето).

Кампањата што се спроведувала била страшна. Сите деца над пет години имале слободен час и излегувале надвор да ловат врапчиња. Правеле скали за да им ги уриваат гнездата, удирале со тапани и го гонгови за да не им дозволат да се одморат во гнездата. Од 4 до 7 сабајле кога врапчињата пробувале да се вратат во гнездата, луѓето излегувале да ги бркаат.
Луѓето ги ловеле врапчињата со раце, ставале отровни стапици, ги рушеле гнездата, ги кршеле јајцата и ги убивале младите врапчиња. Луѓето користеле тапани, огномети, пушки, камења, стапови, стапила, кафези и петарди за да ги убијат врапчињата или самите тие паѓале од преголема премореност.

Интересно е што врапчињата нашле привремено прибежиште во дипломатските претставништва и амбасадите, бидејќи луѓето не можеле да влезат таму. Кога полската амбасада одбила да учествува, луѓето се собрале пред амбасадата и со тапани тропале постојано. После два дена тропање, луѓето во амбасадата морале со лопати да ги чистат мртвите врапчиња.

Мао спровел агресивна кампања, и им велел на луѓето дека им е патриотска должност да ги убиваат врапчињата. На телевизија оделе џинглови и имало флаери за луѓето да учествуваат во кампањата.

Последиците биле катастрофални. Без врапчињата, бројот на скакулци и други инсекти станал неверојатно голем. Ги сотреле житарките во Кина. Ова ќе биде една од главните причини за Големиот глад во Кина, при што изумреле десетици милиони луѓе. Се смета дека само со убивањето на врапчињата се довело до смрт на два милиони луѓе.

На крајот Мао се согласува да ги замени врапчињата со болвите во кампањата. Бидејќи врапчињата биле истребени, Кина морала да увезе 250 000 единки од Советскиот сојуз.

Така една политичка кампања довела до колапс на еден цел природен и еколошки систем.

 

^ the circle of life. Сѐ е поврзано, и тој што пробува да го уништи балансот му се одбива од глава.

Јас неодамна дознав дека тој звукот на тркалање на џамлии во зградите е всушност од самата градба, материјалите од кои е изградена. Не е дека комшиите над тебе си играат со џамлии во 2 ноќе или 7 наутро. (нека ме поправи некој ако грешам или да објасни подобро ако се разбира во градби)

 

Поради разлика на температурите е тоа, ден е топло и се шири бетонот и арматурата, кога температурата опаѓа се собираат и се создава триење и се ослободува енергија што го предизвикува звукот, а бетонот одлично пренесува акустични бранови.
Исто може да биде и од цевки за парно во бетонот што се тријат поради различни дилатации на бетонот и цевките,кога се исклучува и вклучува.
Може и од водоводни цевки да јави звук.
Она првото најмногу звучи како џамлии, ова второво е крцкање, а третото е колку што помнам е како нешто метално да паднало ако е поради притисок, а ако некој пушта вода шушти.

 

Оти бе ми прајте вака сеа? Шубо си ги пцуев комшиите, баш беше терапевтски.

 

Мисли ги ти дека се тркалаат комшиите, тоа шо да ти било

 

И јас мислев дека не се нормални со што се занимаваат толку доцна/рано, ама ете што ти било.