Девојки, поготово тие што имате нежна и осетлива кожа - како се справувате со црвенилата и иритациите? Се депилирам сама веќе неколку години, не ми е прв пат и ги имам усовршено потезите со лентите, но секогаш иста песна - се исипувам како бебе, со ситни црвени мозолки, без разлика дали се депилирам сама или во салон. Ставам бебешка пудра секогаш, но и тоа не ми се покажало како идеално решение. Недела дена како помина од депилацијата, уште ми стојат црвените ситни брунчиња, се убив од ставање пудра и никако да помине ниту црвенилото, ниту тие малите грдосии. Со нозете немам ваков проблем воопшто, но со рацеве маки мачам веќе не знам колку време. Како се справувате со ова, жити Бога ?
И јас сакав за ова да прашам.Не ми се повлекува не знам што да ставам со топол восок се депилирав кај козметичар и тоа за прв пат но веќе 2 недели не ми се повлекува.Чаре?
Не верувам дека има личност која повеќе од мене се исипува на рацете после депилација Поготово на внатрешната страна од лактот (кај вената) срам ми е да излезам таква, па деновите после депилација ги поминувам на 30-40 степени со маица на 3/4 ракави Се' додека не го најдов решението во шеќерната паста и еден мелем кој го прави еден човек во нашиот град против изгореници (брат ми како мал се беше попарил со врело млеко и со редовно мачкање месец дена со овој мелем сега нема ни една лузна, а беа прилично страшни изгорениците едната страна цела рака, града, натколеница и стапало). Мислам дека мелемот е од бозел Мој заклучок е дека се исипувам од топлината на восокот, но сум пробала и со ладен восок и тогаш ми се јавува цренило и гнојаници, но не толку страшни. Најстрашни се со депилаторот. И задолжително бебешка пудра!
Znaci nikogas gi nemam depilirano raceve i mn malku vlakna imam ne se ni poznavaat ...Letovo ce se mazam neznam dal da gi pram...sto mislite vie ?
Штом не се забележуваат јас мислам да не ги правиш, бидејќи така ќе ти бидат многу густи и цврсти и после ќе треба секој месец да се малтретираш.
Мислам дека со депилација (ако е правилно изведена, да не се кинат влакната) не само што не стануваат погусти влакната, туку и може да се изретчат. Мене на пример од кога почнав да се депилирам пред неколку години до сега и на нозете и на рацете ми се изретчени. А, поцврсти не стануваат влакната, само така изгледа кога се употребува брич. Не би требало да е така во случај на депилација. glisa, ако еднаш ги издепилираш влакната на рацете, потоа само треба да издржиш некои 3 недели до 1 месец додека не пораснат, би требало да се вратат во оваа состојба, како што ти се сега.
Почнав неодамна со депилација на рацете, претходно ми беа едвај видливи влакната, ама годинава ко потемни и подолги ми се видоа, па решив да ги издепилирав (со депилаторот). Прв пат дури и крв пуштив, тенки влакненца, а подолги од потребното, ама сега дури и ги немам, многу ретко треба да поминам со депилаторот по рацете. Додуша се уште ми се вцрвенува и иритира местото, посебно на внатрешната страна од лактовите, ама се депилирам навечер, ставам талкот Бекутан и сабајлето е се во ред. Спојлер Рацете ми се најмал проблем, за две минути се средени, ама нозете... по 20 минута за секоја, ме утепуваат
Од колку години почнавте да ги депилирате рацете? Јас имам 12 години и ми се познаваат препрепремногу многу ми се црни и големи дури и срам ме фаќа..И на нозете ми беа исти и почнав да се депилирам со топол восок и фала богу почнаа да ми се ретчат,што мислите да пробам на рацете исто со топол восок?
Не можам да се оставам така без ништо, кожата ќе ми стане за никаде, лом. Ова со бебешката пудра ме вади од калта до некаде и засега ќе продолжам со неа. Ама спас за ситните бубулици кои ми излгеуваат уште не пронајдов.
Mishela пробај депилирај се почесто, на една недела пример. Јас ако ги оставам влакната убаво да ми излезат и после квалитетно сите ги извадам мака мачам уште 2-3 дена со ситните бубулички и многу грдо ми изгледаат рацете особено во пределот на внатрешната страна од лактот. Обично се депилирав на 3 недели ама еднаш решив со машинката да се поминам после една недела и приметив дека вака буквално ништо не ми излегува. Не знам, можда на кожата многу терет и доаѓа кога се чека подолго време и влакната се зајакнуваат, а вака малце по малце полесно се поднесува. Е сега обврска е секоја недела ама па многу побрзо оди кога се помалце влакна, плус рацете ми се чисти после тоа. Ако се решиш пиши ме интересира дали ова функционира и кај некој друг
Јас имам закажано вечер ќе се депилирам на раце, нозе и веги ќе се депилирам по 3 пат, првиот пат и јас бев цела со ситни мали бубулици ми кажаа со пудра ама ништо... После се депилирав кај друга девојка и таа откако ќе ме издепилира ме мачка со масло бекутан и да од тоа сварно ми поминува за 2 часа изчезнуваат... Така да девојки пробајте ...
Фала за советот, баш ќе пробам дали ќе делува и кај мене. Никогаш не сум ги чувала премногу влакната, ама иако ми се тенки и доста светли, пак тешко се вадат со восок. Ајде утре ќе пробам и јас со машинка и по недела дена ако подникнат, пак. Ќе пишам пак на темава, се надевам со позитивен исход.
Не ги чував ни јас да пораснат кој знае колку, ниту ми се густи, ниту пак темни Со восок имав пробано неколку пати и не ми ги вадеше воопшто. Вака за една недела едвај подраснува по нешто, што се вика не се ни приметува, ама мене повеќе ми одговара да се поминувам така "на празно" и почесто отколку да се нервирам после тоа. Се надевам и јас ќе успее оваа метода и кај тебе
Руски рецепт како да ги отстраните влакната од телото без болни депилации Овој древен руски рецепт помага при отстранувањето на влакната од целото тело, односно нивно постепено ретчење. Потребно е да соберете повеќе лушпи од ореви и да ги запалите додека не се претворат во пепел. 1 лажица пепел треба да ја прелиете со 1 литар вода. Оставете ја течноста да отстои 12 часа. Натопете парче памук во течноста и намачкајте ги деловите од телото каде што сакате да ги отстраните влакната. Постапката треба да ја повторувате неколку пати дневно, а можете и да направите облоги кои ќе ги држите по околу 30 минути. Набрзо влакната ќе почнат да се ретчат, а по неколку месеци целосно ќе исчезнат. Ако решите да го испробате овој рецепт, најдобро е облогите да ги започнете на помалку чувствителните места и да следите како ќе реагира кожата. Преземено
И јас имам светли влакна ама сакам да почнам да се депилирам. Мајка ми кога слушна ќе ме отепаше ми рече со овие зборови. Ти ненормална си да се депилираш на раце? Бог да сачува, па така да не ми дозволува и сега за сега не
Јас мнооогу долг временски период ги депилирам рацете со восок, во козметички салон. Воопшто не ме боли депилацијата и за 10-15 минути имам максимално мазни раце! Не можам да се замислам со влакна на раце, нозе, интима ни во зима, а тек во лето.
