Детска козметика

Здраво на сите, најдов една многу интересна марка на детска козметика Admiranda која е чиста и убаво избалансирана. На внука ми и го купив шампон/гел за туширање со Frozen. Декларацијата е навистина добра па реков да споделам со вас. Имаше разни опаковки со разни јунаци на Дизни, деновиве ќе ги ѕирнам сите да видам дали составот им е исти. Цената им е околу 190 денари (бар толку беше ова со Frozen). Штом ги разгледам сите ќе ви кажам дали составот е ист. Дај Боже сѐ повеќе убави колекции за дечиња да излегуваат секој ден. Поздрав.

 

@Biodevojka не знам како да ти се оддолжиме сите на форумов за несебичното споделување на корисни информации, особено за детската козметика. Ти благодарам најискрено, од срце
Инаку каде може да се најде оваа "нова" марка на производи Admiranda ?

 

Здраво јас ја видов во Рамстор, Веро и ДМ. Ја купив од Веро додека пазарев за храна, отидов во детскиот дел да ги шпиунирам состојките и декларациите и ја најдов. Имаше разни опаковки ама уште не сум била да ги проверам сите. Шампонот со барби и купката шампон со фрозен се ок. Чисти и убави. Не видов дали има креми затоа што земав само за бањање, а и бев со цела корпа јадење и побрзав. Утре максимум петок пак ќе свратам за да видам убаво сѐ и ќе ви пишам овде. Поздрав.

 

Здраво на сите мамици, како што ветив бев да ги проверам декларациите на скоро сите производи на адмиранда и еве ви листа кои производи се ок за дечињата со оглед на тоа што се благи, убаво избалансирани и без штетни состојки. Секако не се органски, ама за цената се одличен производ.
Еве ви го она што јас го купив за внука ми




Составот е прекрасен и многу благ за кожата. Нема сулфати што е одлично затоа што детската кожа е нежна, Сурфактантите (измивачите) во овој шампон гел за бањање се многу нежни, има масло од авокадо, маслиново масло, арган и шеа путер.

Горе доле овие што ќе ви ги наведам ги имаат истите состојки и формула (со мали измени) и се сигурни за да ги купите:

1. Шампон Barbie
2. Гел за туширање Cars
3. Гел-шампон Spiderman
4. Гел за туширање Mickey
5. Гел за туширање Minnie
6. Гел-шампон Frozen

Внимавајте има и едни на кои пишува дизни а одзади Admiranda со јунаци од дизни се ама се малку поагресивни. Најважно е да ги најдете овие три знаци на опаковката однапред, а одзади треба да пишува без силикони, парабени и сулфати.



Имаат фантастичен мирис а цената им е 190 денари. Вредат. Поздрав и штом откријам уште нешто интересно се знае овде со вас споделувам одма. Поздрав.

п.с. штета нема креми за мачкање на телото уфффффф

 

@Biodevojka , да си жива и здрава, колку само ни се наоѓаш и несебично не информираш, АЛАЛ ДА ТИ Е !!!

 

здр

 

Здраво биодевојка сакам да те прашам кое кремце за лице да го земеме за зимските денови? Ќерка ми има 1 год и 2 мес.

 

Здраво драга, најнапред едно наједноставно и најевтино решение односно шеа путер. Не постои подобра заштита за во зима за детската кожа. Доколку сакаш креми еве ти неколку предлози па ти одбери си кое ти одговара според цена и според место на живеење (не знам од кој град си може ги нема сите овие креми кај тебе).

1. Крем за лице и тело alverde baby (како сите германски компании и оваа има алкохол, меѓутоа со оглед на тоа што алкохолот доаѓа после глицеринот (а во кремите за лице е присутен најмногу до 5%, количината на алкохолот не би требало да биде повеќе од 5 %, иако е тешко да се каже од декларацијата колкав е процентот). Органски производ.
2. Крем за лице Weleda (одбери ја онаа без ланолин. Многу е тешко да се најде чист ланолин со оглед на тоа што овците сами ги собираат пестицидите шетајќи по полиња, дури и кога станува збор за органска козметика сепак ти советувам без ланолин). Органски производ.
3. Logona baby крем за лице има убав состав. Органски производ.
4. Крем за лице babylove (со оглед на тоа што оваа не е органска а има масло од соја на декларацијата прочитај на самата крема дали пишува без ГМО). За органските креми постојат тестови и маслото од соја е без ГМО. Не е органски производ.
5. Крем за лице Hipp (мислам дека веќе ја разгледав декларацијата во совети за мајки од 0 до 6 месеци) не е комплетно природен има една синтетичка состојка ама не е штетен.Доколку си од друг град каде тешко се наоѓаат други марки ова е сепак ок варијанта. Не е органски производ.

Поздрав. .

Мислам дека ја имам видено ама не знам зошто не ми фати око. Ај уште еднаш ќе ја разгледам да видам каков беше составот. Тогаш кога го купував фрозен за внука ми, ги разгледав сите детски производи во Веро, ама не ми текнува точно за оваа што видов. Ќе ти пишам деновиве.

 

Денес бев во ДМ и баш видов дека има една крема специфична за ладно време за деца. Цената е 105 денари. Формулата и е супер уште подобра од таа што ти ја предложив во претходниот пост.
И замислете си, до алверде најдов уште една нова линија за деца се вика Earth Friendly Baby декларацијата ја разгледав и е супер. Има гелови за бањање и лосиони за тело. Цената е од 389 до 500 денари. Ми се допадна многу како декларација и состојки. Ете уште една нова baby friendly линија јупиииииии!!!!

 

Би те замолила ако не ти е тешко да ми пишеш како се вика таа зимската крема во ДМ.

 

@Biodevojka da ne mislis slucajno na ovaa krema?

 

Здраво кремата е оваа



Крема за заштита од студот и ветерот за лицето на дечињата. Беше некаде 105 или 150 денари не се сеќавам точно ама нешто со петка беше

 

@Biodevojka , bi sakala da te zamolam za mislenje za sostavot na vlaznite maramici Baby care: aqua, glycerin, polysorbate 20, allantoin, chamomilla recutita (matricaria) flower extract, phenoxyethanol, sodium benzoate, parfum, potassium sorbate, citric acid. Blagodaram odnapred, pozz!

 

Здраво декларацијава би била супер доколку не беше присутно polysorbate 20 за жал. Оваа состојка е добиена со тоа што за една молекула на polysorbate користени се 20 молекули на етилен оксид кој е нафтен дериват кој содржи нечисти состојки како на пример диоксан. Другите состојки во овие марамици се сите ок. Поздрав.

 

Ако има некоја мајка што ја користи кремата за газе на алверде без цинк оксид само заштитна и не и е тешко да ја сликни и да стави слика за да си ја порачам од скопје од дм да ми ја купат,за сигурно да не ми ја утнат.

 

@Biodevojka сакав да ве прашам за купката за бебе Becollino не се гледа слика убаво па ќе пишам што пишува : дека содржи gliceril oleat кој природно се наоѓа во кожата на штотуку родени бебиња така што освен што ја штити и ја обновува и природните липиди на кожата содржи и екстрат од невен кој помага кај сите врсти на осипи екземи...СОСТАВ : Agua,Magnesium Laureth Sulfate, Cocamidopropyl Betaine, Disodium Laureth Sulfosuccinate,Polysorbate 20, Sodium Cocoyl Glutamate, PEG-90 Glyceryl Isosterate, Sodium Chloride, Coco- Glucoside, Glyceryl Oleate,DMDM Hydantion, Glycerin,Laureth-2, Disodium EDTA,Calendula Officinalis Flower Extract, Citric Acid. Пишува дека е дерматолошки тестиран прозводство Dahlia d.o.o Belgrad srbija. Ве молам за одговор ваше мислење однапред Ви благодарам

 

Здраво драга, состојките кои не ми се допаѓаат се Polysorbate 20 која е добиена со тоа што за една молекула на polysorbate користени се 20 молекули на етилен оксид кој е нафтен дериват кој содржи нечисти состојки како на пример диоксан. Потоа PEG-90 од истата причина, содржи дури 90 молекули на етилен оксид и дефинитивно DMDM Hydantion кој испушта формалдехид. Може да најдеш многу подобри и пред се почисти производи за пристапна цена (веќе набројав неколку колекции). Поздрав.

 

Ти благодарам мила а што би ми препорачала за капење синко минатата недела направи 40 дена?

 

Јас го капам со hipp купка, мислам дека @Biodevojka смета дека има добар состав. И преубаво мириса плус.
@Biodevojka јас да си прашам за бекутан сензитив влажните марамици. Еве го составот: Вода, Феноксиетанол, С12-15 Парет-12, Бензоева киселина, Дехидрооцетна киселина, Лимонска киселина, Дипропилен гликол, Етилхексил глицерин, Пентадекалактон, Aloe Barbadensis екстракт, Полиаминопропил бигванид, Калиум сорбат, Натриум бензоат. Како ти се чинат?