Детска козметика

@Biodevojka a sto e toa peg ? Izvini vaka sto te prasuvam no me interesira da znam.i za dr raboti

 

Никаков проблам драга затоа сум овде. PEG (polyethylene glycol) се всушност еден вид на нафтени деривати кои се користат како емулгатори (на пример во креми за да ги спои маслото и водата кои инаку би се рздвоиле во кремот) или пак како сурфактанти најчесто во шампони или маслени гелови за туширање, со оглед на тоа што не прават многу пена а сепак измиваат. Е сега проблемот е во тоа што се производ на нафтата, односно на базата (која најчесто е хидрогенизирано рицинусово масло) се додаваат молекули на етилен оксид кој е нафтен дериват, и многу често во својот состав може да имаат и нешто што не треба токму од процесот на етиленоксификација (нечист или токсичен дел). До себе содржат бројче на пример PEG40, PEG 200, PEG 150 и.т.н. Колку овој број е повисок значи дека има повеќе етилен оксид и толку е полошо. Се надевам убаво ти објаснив. Поздрав.

 

@Biodevojka фала ти на исцрпниот одговор супер објаснето , ќе знам за др производи

 

Хип не содржат феноксиетанол

 

Фала што ме потсети на декларацијата (не можам сите да ги запамтам). Одлични се!!!

 

Денеска купив купка за бањање на Хип, стапчиња на уши и детска витаминска крема на Галафарм. Мислам дека и таа е убава.

@Biodevojka можеби некој те има прашано за кремата погоре, но не можам да барам сега. Ќе ти напишам состав па ти ми кажи добра ли е
Aqua, lanolin, petrolatum, paraffinum liquidum, hydroxiacetophenone, 1,2- hexanediol, caprylyl glycol, retinyl palmitat, tocopherol acetate, parfum, benzyl salicylate, coumarin, linalool.
Влажни марамици уште ми фалат. Млеко и такви работи за мачкање не купувам уште сега.

 

Драга јас лично за свое дете не би ја земала воопшто. Како прво ланолинот тешко е да се добие чист и треба да се има сертификат од производителот (односно од добавувачот на ланолин) што е ептен тешко. Второ и да е чист ланолинот, петролатум и парафинум ликвидум ти се нафтени деривати. Воопшто не се компатибилни со кожата. Кремава е на база на нафтени деривати. Изборот е секогаш твој, ова е само мое мислење. Поздрав.

 

Фала ти. Секогаш е добро да се слушне мислење од стручно лице. Мислев дека е добра, ама сум згрешила. Нема лутиш кога станува збор за бебе.

 

Денес од веро зедов крема за пеленска регија од Naturaverde. Сакав да си ја комплетирам козметиката арно ама во Битола ништо не можи да се најди. Во веро од Naturaverde има масло, шампон и крема само, купка нема. На друго место не сум видела. Ако некој знае на кое друго место можам да ја најдам оваа козметика ве молам да ме просветли.
Исто така никаде нема влажни на Хип. До кај шо влегов - веро, тинекс, неколку аптеки никаде немаше. Добро е шо ги пронајдов тие шо ги постирав пред некој ден

 

И јас сега последниот пат ја зедов истата. Сакав да сменам од Еуцеринот малку, ама изгледа сум погрешила. Не ја користам веќе, фала на советот.

 

Здраво драга ги има и во Космо и во аптеките од групација Бети. Поздрав.

 

Ти благодарам

 

Еве уште еднаш да ги повториме сите марки на детска козметика кои имаат убави декларации:

1. Alverde- органска козметика, сертифицирана природна, многу убав состав. Целата колекција е на база на камилица. Ја има во ДМ и цените се од 100 па нагоре (зависи од производот).

2. Hipp- не е органска ама одредени производи (оние кои ги рецензирав на претходните страни) имаат многу убав состав. Доста економична цените почнуваат од 90 мкд па нагоре, често се наоѓа и на попуст. Ја има по супермаркети, аптеки, каде се не.

3. Naturaverde Bio- одлична сертифицирана органска козметика, пристапни цени од 250 па нагоре. Без вештачки мириси или алергени од парфеми што е особено важно за бебињата и децата. Ја има во Веро, Космо, аптеките на Бети групација.

4. Weleda- прекрасна сертифицирана органска козметика на база на невен. Цените се од 300 или 400 мкд па нагоре. Ја има по аптеки.

5. Logona- многи слична на Weleda како цена. И оваа е сертифицирана козметика на база на невен. Одлична е и ја има по аптеките.

6. Gamarde- дефинитивно најскапа цената е 1100 мкд за купката за миење и 900 за кремот за пеленска регија. Органска сертифицирана козметика ја има по аптеките.

Исто така би можела да ви ги препорачам (ако станува збор за детенце +3) и производите на Адмиранда линијата Дизни со принцези и спајдермен, меѓутоа оние на кои ги има овие три знакчиња од лево како на сликава

има една линија која не е добра со силикони и нафтени деривати. Доколку ги има знакчињава формулата е супер, затоа што ги имам проверено сите. Имаат иста база ми се чини дека се менуваат само екстрактите на крај и секако јунаците на опаковката. Има шампон, гел за туширање, производ за тело и коса 2 во 1 и сапун за раце од оваа козметика. Навистина е доста убава, ние го користевме шампонот со Елза за поголемата внука. Цените се од 160 до 190 мкд (зависи од производот и јунакот на опаковката).

Значи мамички немате изговор, ако немате стандард за Logona или Weleda, ја имате Alverde. Ако немате ДМ ја имате Naturaverde Biо или Hipp. Шампоните на Адмиранда ги има скоро секаде по сите супермаркети, Космо.

Ете ова е она што со сигурност можам да ви препорачам, вие секако постирајте декларации на други производи, не се знае некој нов производ може секогаш позитивно да изненади.
Поздрав.

 

@Biodevojka би те замолила да ми кажеш мислење за производов за сончање, дали е безбеден за бебе. Пишува дека е за бебиња од 6 месеци, фала однапред

 

Vo Dm ima maramici suvi 100% pamuk teksturata e ista kako vlaznite babylove samo se suvi. Se vlaznat so voda i nikakvi iritacii nema em se najbezbedni. Jas gi koristam za oo dona izbegavam kolku mozam hemija. Kolku i da nemaat stetni sostojki sepak e hemija i kozata se naviknuva na niv i toa ne e voopsto dobro. Za nadvor koristam babylove. Isti ima na Tosama vo Zegin.

 

@Biodevojka би те замолила да ми кажеш дали производот е безбеден за бебе, на самата амбалажа пишува дека е дозволено но би го ценела и твоето мислење, благодарам

 

Драга кремов е на база на хемиски филтри и башка и еден силикон видов. Е сега дека може да се користи за бебе тоа не можам да кажам јас, почитувам тоа што производителот навел, така да сигурно може. Доколку ме прашуваш дали е природен или органски, во тој случај не. Доколку ме прашуваш дали јас би го купила лично, пак одговорот е не. Поздрав.

 

Крем со фактор од 0+ кој има? Alverde има? Немам дм не можсм да проверам. Дајте мами совет што да земам.. Бебето е 3месеци

 

Фала ти многу, пишуваше дека е тестиран на атопична кожа и дека е безбеден за бебиња ама очигледно јас ке го корисржтам наместо бебушот.

 

И јас чекам некој да ти одговори