Ја отварам темава за во неа да споделуваме фотографии од играчки, сликовници, облека, опрема и слични работи, со подетален опис зошто истите ни се допаѓаат или не ни се допаѓаат. Инспирација за темава ми е љубопитноста која ми се јавува кога ќе забележам нешто интересно на онлајн страна (а нема доволно фотки) или од фотографиите со тазе купени неотпакувани предмети во темите како што е "Последно што купивме за децата". Мислам дека фали ваква тема во која покрај што ќе си прашуваме за сè што нè копка, ќе може и да си даваме идеи и препораки што вреди да се купи, а што не. За почеток ќе споделам едни сликовници од Феникс - "Најубавите сликовници за најмладите" - кои моментално ми/ни се омилени. Спакувани се во поголема кутија. Има 6 сликовници со цртежи од домашни животни, шумски животни, зоолошка градина, морски свет, зеленчук и овошје. Ги има и овие 2 картонски постерчиња со разни информации. Сликовниците се малечки, таман за мали рачиња. Лесни се, но тврди, супер за малечки како мојата што сакаат сè да скинат. Имаат по 10 страни, со по една слика и збор на кирилица. Мислам дека е супер сет за малечки над годинка што допрва учат зборови и распознавање на разни нешта. Ми се допаѓаат димензијата на сликовничињата и материјалот. Цената на сетот е 370 денари. Не би било лошо нештата што ќе се споделуваат тука да бидат пристапни за купување во Македонија, за да можеме и ние останатите да си купиме доколку нешто ни фати око.
Се зависи од самото дете, од неговите желби и интереси, најбитно е ние како родители да ги осознаеме работите/играчките за кои пројавуваат децата интерес Ова е дел од нашето секојдневие сам си ги реди па потоа ги храни и на крај ги легнува да спијат, добра инвестиција според мене бидејќи му се развива фантазијата, чувството за простор и подредување. Потоа сложувалките кои токму денес ги купив бидејќи последнава недела гледав дека пројави интерес да ги реди и сложува старите кои ги имавме одамна. Според мене доста едукативни, се поттикнува детето на размислување и сложување на малите делови кои формираат една целина. овие ни се старите
1,2,3, 4 (нешто помалце од 150ден една) и последната (290ден) се од Vision Center имаат страна на фб вршат достава, часовникот е подарок, таа со зеленчукот е од Стокомак 119ден и таа со тезгата/пазарчето е од Дамбо Охрид за неа цена не ми текнува
Дали некој ги има овие од Просветно Дело да пушти фотче? Барам малечки занимации за патување во кола. Има со разни приказни, чисто ме интересира форматот и материјалот. И оваа со магнети:
Или овие: И сетчево ми фаќа око: Или можда нешто со стикери: Ако има некој било што од ова или слично ма ова, нека стави фотки, much appreciated.
@MissChievous не можам сега да сликам, ама овие едиции се со тенки страници и мазна хартија. Мене лично преводите на Топер бе ми се допаѓаат ама за вртење низ рака се ОК за поголеми деца.
Некој има ваква масичка? Колку се големи, на сајтов нема димензии? Ваков сет некој да има дали е корисен? За 2 годишно?
Си ги купив денес. За бебето од 9 месеци таман, ама и поголемото одма мерак им фрли. Супер што сподели и пред сѐ, ја отвори темава.
На која возраст ова? Имаме неколку ама сеуште фрла не ги реди. Да ги дигнам да не ги изгубиме, кога да ги дадам пак?
Постот сум го пишала во Јануари, тогаш имал 2год и 10месеци, пробувај ќе видиш како реагира, и вие дајте му стимул, аплаудирајте, радувајте се со него
Извини не видов дата на постот Аа мал е мојот. 12++ е. Имаше интерес да става предмети во калпи, па мислев и ова ќе го сака. Ќе почекаме уште пола година барем, фала ти
Убава е темава, зошто да е запоставена Кога купувам играчки, гледам каква намена и колку долго би се користела, затоа и потешко се одлучувам. Имам желба на детево да му земам нешто добро за возраста, за учење нешто плус, за да ја задоволи желбата за игра со улоги, и секогаш се двоумам и си одам празна. Денес ја зедов оваа играчка од Просветно дело. Што мислите, ќе ја користи повеќе? 500 и нешто ситно беше. Не баш најевтина ама тоа е.
