Здраво, оваа професија за мене е благородна и секоја чест на тие што се решиле да студираат на овој факултет. Годинава сум матурантка ми останаа уште неколку месеци за конечна одлука и упис. Ми се појави голема желба за овој факултет, ако има некој што студира таму или го има завршено факултетот би сакала да сподели информации поопширно за студирањето
Јас сум прва година. Оваа професија е навистина хумана, меѓутоа не секој може да ја работи. Треба навистина да имаш голема волја, емпатија и да бидеш цврста. Лицата со попреченост никако не треба да се сожалуваат, бидејќи така нема да им се помогне. Не треба да се гледаат нивните недостатоци туку задачата на дефектологот е преку рехабилитација да ги искористи преостанатите способности на лицето, во зависност од видот и степенот на попреченоста. Конкретно за факулетот како факултет, не е претежок и напорен, во смисла само учење, учење и да немаш време за ништо. Треба да се учи нормално, но еве да речам не е како медицински факултет, иако има и медиински предмети бидејќи и дефектологијата е поврзана со медицината. Мој совет единствено е да не слушаш никого и да се обесхрабруваш, тоа беше моја најголема грешка на почетокот. На пример ќе ти речат кај тој и тој професор шанси нема да положиш, прашањата врска си немаат, ни едно не е од книга, научна фантастика му се. Одам јас на испит и сфаќам дека се е од книга, само треба да учиш. Имај си желба, љубов кон професијата, учи си, за другото не се замарај. Ти посакувам успех каде и да одлучиш да се запишеш.
Имам прашање, дали смеам и дали можам да барам работа (приватно, придружник) како дефектолог иако сум 3та год и сеуште немам диплома?
Многу почнуваат со придружба од трета година, применувај она што се учи по реедукација и вежбај се процена, така ќе ти биде поинтересно.
Јас сум дипломиран дефектолог. Ова е најхуманата работа што можеш да ја работиш. Факултетот не е тежок ако редовно учиш (со исклучок на поедини професори кои бараат на памет да ја знаеш цела материја). Уште од самиот почеток, покрај предавањата има и пракса и навистина е тешко и ги сожалуваш. Меѓутоа со текот на времето сваќаш дека си им потребен, сваќаш дека не можеш многу работи да промениш кај нив освен да им помогнеш да функционираат подобро. Со текот на времето не ги гледаш како личности кои треба да ги сожалуваш, туку како личности на кои можеш да им помогнеш. Треба да се вложи многу труд за да се постигне минимален успех, на почеток е многу разочарувачки, но кога ќе успеете, чувството е непреценливо. Се радувате сите (јас најмногу). Јас премногу ги сакам и со многу љубов го работам ова. На крајот од денот сум пресреќна што секој ден правам добро дело и на некого му помагам и му го олеснувам животот.
Како се полагаат испити и колоквиуми? Усно или писмено? Некој што завршил да ми каже и нешто повеќе и за професорите
здраво, јас сум втора година на дефектологија 1,2 и 3 семестар се писмени до сега беше така а за на таму незнам сеуште
Методиките во 3 и 4 година се полагаат усно, во специјални училишта. Држите час по одреден предмет (математика, македонски...) во одредено одделение, професорот/асистентот ве снима и ве оценуваат потоа. Внимавајте кога одите на вежби, поготово на методиките, можете многу да научите.
Дали знаете дали прават трансфер на дефектологија? Јас студирам логопедија но тука се 3+2, мастерот сакам да ги запишам странство но не ме примаат со моите добиени 180 кредити од логопедија. Дали можам после дипломирањето да запишам уште една година на дефектологија да дополагам за да добијам уште 60 кредити и после да си запишам мастер странство? Ако некој е информиран нека ми пише. Фала ви
Мислење за професорите од прв семестар? Јас годинава се запишав и би сакала да знам "што ме чека". * се шегувам знам дека сечие мислење и искуство е индивидуално,но би ми било од корист ако ми одговорите.
Nesto povekje da mi kazete za smerot specijalna edukacija i rehabilitacija. Kako se polagaat ispitite? Kakvi se profesorite?
