Мислиш ти дека лесно им е во градинка На децата тоа. Сум слушнала објаснување од типот им фали време да поседат дома, им фалат родители/баби/дедовци. И така
Големото мислам дека има Варичела ама ќе видиме до вечер за сигурно дали е тоа, е сега малата дали да ја пуштам во градинка овие 2 недели??
Може е подобро оваа недела да ја пуштиш па следните две да не ја пуштиш. Кај нас така од дади и батковци кркнавме. Две недели дома со нив и таман еден,два дена во градинка и пријавуваат сипаници. Инкубацијата е до 21 ден а најзаразни се ден, два пред избување.
Искрено не знам што е смешно и за каков притисок зборите. Реалноста во нашите градинки е дека по две групи се спојуваат , по 20 да одат во група тоа се 40 деца и пола персонал , една негувател и една воспитувач, што значи една негувателка ќе остане после 13 за 40 деца. Секако дека е гужва. Кој му одговара детето да му биде во група од најмалку 40 деца или мора едноставно да го носи , ќе го носи, но јас лично не би носела мое дете во лето ако имам кој. Во лето градинките низ МК работат со пола персонал и тоа е вистина, бидејќи перосналот мора да го искористи одморот во јули или август(законски)
Не знам. Зависи од градинка до градинка. Јас си кажував за нашата конкретно. Не одат во 13ч дома. Од каде ова? Јас ќере ја земам кај 2:45, 3. Зависи кога како, и тогаш едната си оди дома, другата останува со другите до кај 4 и нешто мислам не знам точно до кога остануваат. Обично поголем дел ги земаат до кај 3:30. И од каде сега 40 деца кога ќере се 25 деца а во јасли 1 се помалку. И пола од нив не одат. Тие секогаш си бараа причина детето да ми седи дома. А во јули и август се две жени една од јасли 1 другата од јасли 2. Голем дел не одат во градинка. А другиот дел се по одмори. Кажувам од искуство од лани. Не знам зошто некој кога ќе пише мислење различно од вашето одма грнерализирате. Не е секаде така како вие што си мислите. Тие што ме имаат читано знаат многу добро низ што поминавме за време адаптација така да...
Ете видиш како не знаеш.Воспитувач оди во 13 дома, останува негувател во групите од 2-3 и нагоре. Не зависи од градинка до градинка, правилата се исти за сите. систематизација на работни места бо градинките во МК и работно време. Веројатно вашето дете е во група со негуватели само кои имаат клизно работно време. Од каде дека ке е споено со јасли 1?! А не 2 јасли со 1 мала?! Ако има во 1 мала исто деца колку во вашата групаколку деца ќе бидат вкупно на 2 негувателки? истото и го кажав од вкупно 4 персонал( две групи) , ќе бидат 2 на две групи на 40+ деца Не ве лажат воопшто жените дека е гужва, зошто е голема гужва , а особено за спиење.
Ќерка ми е во јасли 2 и исто така се во објект со јасли 1. Никогаш не ги спојуваат со поголемите групи. Само после 4 ако ги носат во дежурната просторија, тогаш се сите деца на куп. Инаку не знам како треба да биде по правило, но кај ќерка ми во јасли мислам дека нема воспитувачи, туку само негователи. Барем од тоа што е јавно достапно како информација на веб. Нејсе, што и да се по класификација, едната доаѓа порано, другата си оди покасно. Меѓувремено доаѓа уште една негователка што ротира во групите кога е гужвата за јадење и заспивање. Не знам како се снаоѓаат ама еве користеа јунски одмор и секогаш имаше доволно луѓе. Веројатно на крај се спојуваат двете групи 1 и 2 пошто и онака пола деца ги земаат после спиење. Досега никој не ми спомнал дека треба да ја носам поретко во лето. Веројатно иако на хартија е исто за сите градинки, во пракса не е.
Добро ајде сега ти очигледно знаеш повеќе од мене за градинката од ќерка ми. Лани она беше јасли 1 ги споија со јасли 2. Сега е јасли 2 ќе бидат споени со јасли 1. Не ги мешаат со поголемите. И не ми кажувај правила. Јас ти кажувам во колку часот си одат дома. Еднаш едната оди порано еднаш другата. Јас кога ја земам ќере облечена е едната од нив си заминува ми кажува чао, другата ми ја предава. Ова се случува пред мои очи. Не кажувам работи на памет. Ја имам земено и покасно од 3 тогаш беа префрлени кај поголемите ама пак една од тие две што и се на ќере беше тука. Таа ми ја предаде. инаку тие две ваљда двете како негувателки се водат, поима немам за тоа искрено. Ни па сум ги прашала.
Јасли2 се деца веќе кои се поблиску до 1 мала, а не со бебиња ид 9 месеци, затоа и зависно од просторот ги спојуваат со 1 мала или јасли 1. Јунскиот одмор се денови кои им останале од вкупно 5 работни дена кои можат да се искористат во текот на целата година до 30.06. Затоа и немало проблем , зошто користат малку денови. Додека летниот одмор јули/август сите мора да искористат 20 работни дена одмор. Затоа е премалку кадар, а деца во лето има многу. Измешан персонал, измешани групи и обемни. Затоа и не се препорачува поаѓање во градинка во јуни. Па сега сигурно дека знам повеќе од тебе кога надзорот на работа на градинки ми е работа. Твоето дете летово во најмала рака ќе биде во група од најмалку 30 деца на две негувателки. Ако ти одговара, носи го. Нема што да се надмудруваме. Само не те лажат намерно , вистина кажуваат.
Извини што се мешам ама малку е глупаво да кажеш ако ти одговара, носи го. Ако нема кој да и го чува детето, а треба да се оди на работа, што треба да се прави? Уште поглупаво ми звучи да имаат толку малку персонал, кога возрасните не одат три месеци на одмор. Но, проблемот е предлабок. Платите не се големи, персонал нема и тука и цената игра огромна улога. Но, кога веќе ти е дадено тоа што е на располагање, родителите не се должни да се прилагодуваат на условите, туку персоналот и општо државата да поведе некој ред, во смисла, вработување дополнителен кадар, кога веќе навистина е до тој степен критично.
Прати контекст. Веќе пишав, тој што нема каде и нема кој да му се најде, ќе го носи, зошто мора. Но оние родители кои не работат, се дома или има кој да им го чува во лето или ги носат заради социјализација со 40 деца во една просторија не е баш за носење. Проблем со кадарот во градинки има во цела Европа, поради недостаток на кадар и се затвараат градинки одреден период. Кај нас не сме дојдени до таму сеуште, а право на одмор кадарот секако има.
Ма нема врска јас не се замарам со тоа што го пиша. Мене ме испровоцира со тоа што ми кажува дека не знам како е во градинката кај ќере. Јас конкретно за таму кажувам. Пред мои очи си одат дома, затоа знам во колку часот одат. И лани знам колку деца беа во градинка. Ако генерално е така или на хартија е така. Тука на дело не е така. Јас кажувам како е. И не ме интересираат такви коментари кога сигурно нема да бидат над 30 деца. Кога во јасли 1 се помалку деца. Не знам што конкретно кој и како работи, може секој да ми кажува вака е така е. Ама за тука не може да ми кажува и да знае повеќе од мене кога секој ден јас ја носам ќере во градинка и знам како се работите.
Па број ги тогаш ако знаеш. Ако кај ќерка ти се 25, а во јасли 1 се еве 10 -12,колку деца во таа споена група ќе бидат летово? На 2 негувателки или 1 летово? Колку можат реално да им се посветат на две групи поготово ако се спојат со 1 јасли? Место да речеш фала што ми кажале дека ќе биде гужва, ти се буниш што ти кажале па уште инсинуираш дека лажат. Не лажат, тоа е реалноста.
@Cosmi како може една градинка да си дозволи да остави 40 деца на една воспитувачка? Те прашувам пошто очигледно си запознаена, сериозно ме интересира дали постојат соодветни правилници за тоа што смее, а што не смее да се дозволи. Кој ќе биде крив ако не дај боже се случи некаква несреќа или слично, пошто една жена трча по 40 деца? Викаш погоре во други земји се затвораат градинки за време на летни одмори пошто е утврдено дека нема капацитет да работат. Ние не сме биле стигнати до тоа дереџе. Па ако стварно е една жена со толку деца и треба да се затворат наместо да ставаме деца на милост и немилост. Не разбирам, зошто притисокот е ставен на родителите и тука се набива цела вина? Па уште благодарни да сме што не известиле дека ќе е гужва. И тие што не работат можеби имаат други обврски. Во суштина не е ни важно, треба да се направи соодветен модел градинката да функционира преку цела година како што доликува. Апсолутно треба да си го искористат годишниот одмор што им следува, но не на сметка на квалитетот на грижата што се дава. Што да прави човек кога ги чита муабетиве? Да се чуди цел ден дали има некој вода да му даде на детето, или не дај боже полошо. Јас сепак не мислам дека е толку лоша ситуацијата, барем не во градинката на ќерка ми, пошто и децата одат на одмори, се разболуваат, ги земаат порано како и преку цела година и слично. Но верувам има градинки каде што е поголема гужва и треба да се најде решение наместо да се набива грижа на совест на родителите.
А дали децата имаат програма за работа во летните денови додека ги спојуваат во групи или само слободни игри?
