Кај ќерче 4 до 5 години, 1500 за материјали, 250 за математика, за списание појма немам колку бараа, лани беше 900 ама годинава никој не се запишавме да земеме. Побогатите општини повеќе пари даваме, зашто во Карпош поскапи се материјалите него во Кавадарци....шала на страна ама кај нас секогаш е поскапо во споредба со Аеродром. Лани пакетчињата за Нова година беа 800 денари, во Аеродром 200 мислам...
Баш за материјали 1000 ден, секакви боици, хартии, ножици, крафтс материјали зимаат од овие пари. Плус има прирачник математика, валда секаде иста цена и плус месечно списание и тоа е сигурно секаде исто. И по потреба носиме хигиенски средства, тоалет, сапун, влажни, брисачи и чаши, ама може само два пати годишно да се случи да однесеме. 4-5 е мојата ама и лани беше исто.
Јас баш прашав вчера во градинка зошто не ни побараа пари за материјали и ми кажаа дека општината (Аеродром) субвенционирала. Инаку за пакетчиња секогаш ги зимаме од Тримакс таа најефтината комбинација - околу 400 денари. Тоа зависи и општината со која книжара има договор.
Да за материјали, влажни, чашки не се даваат пари во Аеродром. Ние во Карпош за се си даваме и плус 2000ки си плаќаме месечно за градинка и си носиме секој месец брисачи, влажни, чашки.
Во град во внатрешноста, група 4-5, 500 ден за 2 прирачници, еден математика еден нешто друго, 500 ден за материјали и 90 денари за Супер смешка ама тоа на посебна уплатница...влажни носиме на неколку месеци, и на почеток на година пластични чаши...
Мајки давајте совет. Синко точно 2години, бутка деца во градинка. Никој не се пожалил, он сам ми кажува дека девојчињата ги буткал. Го забележувам и надвор кога сме и со пријатели, иницијалната реакција е да бутне. Се зборува секој ден по 200 илјади пати, се дава заменско решение - дека се галиме. Нит се дереме, нит се буткаме, дома сме скроз љубовни. Секој ден сме 200% посветени, нема телефони/тв значи директно,целосно сме фокусирани на него. Ми е непријатно, не знам веќе како да реагирам и дали ќе се фати во главава ова повторување… Денес ми кажаа дека и поголеми деца тепал кога ги спојувале. Дома е мирен, смирен и трпелив не ми е јасно од каде излегува ова. Многу сум загрижена
Пробај и надвор од градинка да го дружиш со деца. Кога ќе бутне одете си од паркот или игротеката и така ќе сфати после некое време. А за во градинка баш и нема што да направиш зашто не си присутна одма да го коригираш во моментот.
Ако секое дете плаќа за книги, прирачници секоја година. Дали тоа значи дека кога ја завршуваат годината им ги даваат на децата за дома? Не ми е јасно, само прашувам.
Списанијата ти ги даваат ама тие не се во овие 800 ден, а не верувам дека и прирачникот е. Веројатно се само за тој потрошен материјал. Прирачник лани не ни дадоа не знам ни дали имаа. На крај на година во папка ни ги даваат сите изработки или скоро сите што ги правеле во тек на годината. А за книги не спомнале не сме имале.
Значи ги даваат. Дека јас ја прашав негувателката ако ги фрлаат да си ги земам за дома цртежите. Ама уште не ми кажа.
Минатата година ни ги праќаа дома како што работеле неделно, ова 2 годишници колку што може да работат де. За годинава не знам како ќе биде.
Прирачници нз дали имаат кај нас, 1200 ден плаќаме сега, лани беше 1000, наеднаш за материјали и посебно за списание кој сака да си зема, тие ги даваа минатата година месечно, 9 броја беа. И на крај на мај ни дадоа папки со сите цртежи на секое дете посебно.
Ние 1000 ден за материјали , 900 за списанија, 260 прирачник.. по 1500 месечно си плаќаме за децава, и плус влажни,чаши и брисачи.
Кај нас во Св.Николе, влажни, пелени и крема на секој од ранчето. Не ги мешаат. Во Штип снаа ми кажа си носат и од сите трошат. Е сега дали исти влажни и кремчиња или не, не знам. Тука е 1500 градинката, 100 денари месечно за вода даваме, а брисачи кажуваат кога им се при крај. Инаку, поарно да не го пуштев. 7 дена дома болен, се оправи едвај, 3 дена беше онаа недела, еве од вчера кашла, шмрка, мрсули, едвај дише. Добро е што нема температура и јаде. Стварно за никаде. А притискаат за ммр, одложувам веќе 3 пати. Поарно дома да си го чував.
За влажни и крема, во едната група кај ќерка беше предложено сите да носат исти влажни на база на вода што се и ист крем. Месечно ова, а памперси во ранецот. Генерално не се случило многу да е им имаат измешано памперси. Во 2 години што оди, дали 4-5 пати си дошла со туѓ памперс или ни толку. За настинки и ние бевме на страната 3 дена оди, 3 недели дома. Кај моево дете цела година траеше тоа. Можам да речам тек втората година се среди да настинува помалку, да и врви побрзо, да издржува подолго во градинка.
Охх, а јас мислев ќе тргне, се ќе биде ок, да барам работа. Изгледа ќе си поседам дома, ако дури наредната година се стабилизира малце.
