Тие нормални ли се? Врски за што? За нешто што ти следува, да молиш, да се малтретираш. Пријавата ја поднесувавте во градинка? Или електронски?
Лично во градинка. Баш она директ кажаа и мм многу се изнервира. Вика 4 генерации родени, израснати тука, вие мене ми викате врски. И го тргнав да не се расправа. Ама во право е…
Па теоретски “не ти следува”. Градинка не е задолжителна. Градинкиве се правени според процент на вработување во минатото и популација што живее на одредена површина. Е сега како проаѓа време, се повеќе се намалува стапката на невработеност а одредени општини се препопулирани па од тука иде и немање место за сите дечиња. Реално Аеродром, Влае-Ѓорче тој регион, Кисела вода се проблем за места. Ние во Центар сме без врски, ми се јавија 2 недели после аплицирање дека е примен, 8 деца се во група. Уште не сме почнале ама бевме на разговор и документи кога носевме за од година. Сакам да кажам вината е многу подлабока од тоа што навидум нам ни се чини. Исто сум слушала дека во Чаир-Бутел не се чекало ред бидејќи кај албанците жените се уште се доминантно невработени. Автокоманда - Железара исто се помали групи и не ти треба врски бидејќи нема толку многу младо население што живее. Итн, итн. Демографски проблем е.
Ние од Влае не ни аплицираме за државна… зошто додека не викнат ќе треба листи за првачиња да чекаме па ај да не им прајме дупла работа еве сите комшики, познанички од регионов што немаат врски директ си разгледуваат приватна зошто баш се ефтинки и онака лабаво можеме да си одбереме шала на страна катастрофа ни е системов, не може сите у центар да живеат и не треба… проблемов е со години и години и на никој не му е гајле зошто приватни градинки се бизнис и се испоотворија еден куп
Се надевам и кај нас ќе се јават. Од септември треба да почне бебето во градинка. Како тоа "не ти следува"? Каде теоретски е пишано? Би сакала да знам па да те замолам да ми споделиш теорија или каде да најдам да прочитам. Секако дека ми следува. Особено кога двајца се вработени и работат во различни градови! Ако нема места, тогаш треба да обезбедат, да најдат начин, да излезат пресрет, да имаат предвид работни места, локации, да имаат разбирање......итн. Не сум во тек за други населби каква е ситуацијата, но во мојата е тешко запишувањето.
А што потреба од понашањево вакво? Многу фрустрации тука по бебе темиве. Апсолутно не ти следува, градинка е опционално нешто. Не е до нашиот систем, секаде во свет е така за жал. Се прават постојано нови градинки, но, никогаш нема да се направи да има доволно за сите бидејќи идеално сценарио е да не живеат сите во 3 општини туку да бидат распространети низ сите општини и градови. И дополнително, има различни модули на чување деца, дали еден од родителите, дали баби, дали дадилки, дали приватни градинки. Има родители кои не сакаат да си ги праќаат децата во градинка и следствено на тоа никогаш нема да има места колку што има деца во дадена општина. Бејби, никој не рече дека треба сите да живеат во Центар, кажувам дека ете Центар не е пренаселен и има место во државните градинки. Бунете си се на оние што дале маркици за толку згради во Аеродром и Влае без урбанистички план дека нема да може да се услужат сите граѓани на толку мала површина. Тука ви е вината, на погрешно место исфрлате револт.
А кај виде фрустрации мајка? Па и "понашање" Те замолив да ми кажеш каде да прочитам. Ако љубезно замолување е фрустрација, тогаш во ред. Да знам дека сум фрустрирана. (Овој збор го нема во мојот речник). Инаку, океј ти е поентата. Но, јас имам реален проблем (затоа е и темава нели, да се сподели и помогне) не ми треба градинка за социјализација на бебе/дете, туку некој да ми го чува додека сум 12 часа отсутна од градот на живеење. Дали некој знае дали може да се запишат деца во градинка во друг град? Има некој вакво искуство?
Нема каде да прочиташ затоа што не е задолжително дете да посетува градинка. Значи опционално е, желба на родителите е да иде детето во градинка. Државата обезбедува градинки, меѓутоа законски не е регулирано за секое дете да е обезбедно место во градинка, како што е случај за училиште.
Основно и средно образование е задолжително. Истото е обезбедено за секое дете. Градинка не е задолжителна, затоа и ти не можеш никого да тужиш и добиеш, без разлика што сте вработени и ти и сопругот. Јасно им е на многу родители дека во некои општини нема место. Но, проблемот е доста комлексен, како што опиша членката погоре. Секако виновна е државата, никој не го спори тоа.
Фала ви на сите. Јасно ми е и мене се ова, а верувам и на сите други кои се соочуваат со ваков проблем. Но, тоа не е никакво оправдување. Навистина е голем проблем и покрај тоа што некои градинки ги проширија. Држете ми среќа.
Градинката не е задолжителна во склоп на образовниот систем на р.м ама како да се изгледа дете ако не работат двајцата родители во оваа држава … да не зборам за две деца илиииии за најхрабрите три. Од финансиски аспект имам колешки што пола плата ја даваат во градинка пола плаќаат сметки и кредит а сопругот обезбедува храна и што треба за дома. Мн е тажно што ова општество форсира да мислиме дека треба да ги оставиме во градинка за ние да одиме на работа за да ја платиме градинката. Премногу изместени вредности…премногу отиден циклус на еволуција во некој погрешен правец. Али шта је ту је … идемо даље, секој ќе тера како може. Условите во државните градинки се трета тема за која и се сомневам дека би нашла одговор на сите мои прашања пред некој ден отидов до најблиската и во дворот три негувателки пушеа цигари додека децата играа во тревата па застанав и набљудував… дојде едно дете да праша нешто… па второ па уште две други они си пушеа цигари, децава си трчкаа ништо не им фалеше ама така сликата ми беше ко да се случуваше сценава во некој неубав филм
Не сум сигурна дали истово важи и за друг град, но за во Скопје, може да се аплицира и во друга општина, т.е во општината во која работи родителот. Со тоа што, пак предност прво би имале деца кои живеат во општината, па потоа деца чии родители работат во општината.
Значи Македонија ви е Инстаграм и Фејсбук. Гледате дека најважна работа е да се сликаат. Идеш кај градоначалникот на профил и на некој пост му пишуваш коментар или пишуваш статус и го тагнуваш. Ти гарантирам дека детето ќе ти го примат утре во градинка. Само јавно и ќе видите како се се може.
Абе ќе се најде начин. Само да не доаѓаме до таму е работата. Без разлика дали е задолжителна или не градинката места треба да има, на крај краева со тоа лопатите само се сликаат и како се менува власт така се караат кој ветил и не направил. Па направете де. Мислиш наталитет има 500% па се драматизира.
@Mimmi39 Можеш да го запишеш детето во било која градинка кај што има место. Строгата реонизација е само за општините кај што нема место ни за децата што живеат во таа општина. Моиве деца се во Срничка, таму живееме. Не ми се јасни родителите што ʼсе тепаатʼ да запишат дете таму, а не се во Аеродром по адреса. Зошто некој би сакал бебето да му биде во група со 40 деца и две учителки? Да, јасли се 43 деца и сеуште примаат нови, немаат капацитет, креветчиња, вработени ама нема врска, мора да се напикаат сите.
Се тепаат зашто има многу што држат стари адреси за да има баба/дедо ги зимаат од градинка они ако се до 4,5 на работа. Во нашата во Карпош е таков случај, повеќето се преку Партизанска/Тафталиџе или Ѓорче а ги носат тука бидејки бабите и дедовците се тука. Па после затоа има градинки со групи од по 10 деца (Центар) и градинки со по 30 деца во група (Карпош)
