Мене се ова ме плаши ама ептен. Јас лично не пуштам дете во градинка. Моево е катастрофа, од растечено носе за 2 дена пнеумониа. Сега почнав сирупи за имунитет да давам што ќе седи дома, неќам ни да помислам да ја пуштам во градинка. Нашата градинка е мала и нема капацитет. Ходникот да го видите кај што им се шкафчињата г'з место, а е за 4 групи. Тоалетот за 4 групи е со 5 шољички и 3 чешми. Ќе се потепаат внатре. Жално е све ова и за децата, родителите како и учителките. И тие се дома мајки на дечиња, викаат со страв ќе одиме на работа.
Катастрофа. Ќе рече некој во други држави одат. Ама условите се далеку подруги. И кај мене да се 2 на 8 деца нема да ми е страв...
И моето е во јасли. Поднесов документи уште во Јануари. Прашав пред некое време дали треба пак, ми рекоа нема потреба, на список сме. А сега ни се немаат јавено воопшто. Јас вртев неколку пати, не дигаат.
Јас немам баба на располагање. Среќа уште се водам на породилно ама кај и да е и тоа ќе го укинат, а директорот едвај чека да се вратам на работа. За во Мимоза? Јас во Јуни потврдив дека сме за од Септември. Сега пишав на една колешка која се знае со некоја вработена, па штом имам инфо ќе ти пишам.
@Мариаа. @day.dreamer 072245311 - еве ви број од централната управа на Весели Цветови во Кисела Вода, јас овде вртев и ми се јавија.
А од кај па ти знаеш дека они ќе почитуваат протокол, па да знаеш дека не е нивна вина. Што се нема да им текне!
Епа редицирана група на деца, нема прием внатре во објектот надвор ќе оставаш, не смееш да влезеш, мора секој родител маска да носи, учителките и персоналот ќе носеле маски итн. Све сѐ сведува ако имаш муда пуштај дете ако не чувај си го дома.
Протоколот вика и одржување хигиена, чистење, миење, дезинфицирање, носење маски, дистанца. Од кај да знам дека го прават тоа?
Мене едно не ми е јасно, поврзано е со градинкиве ама и со потврдите од работодавецот. Приметив дека од сите кои користат мерки за деца кои одат во градинка, само некои вадат потврди дека мора да се присутни на работното место. Има и такви кои си ќутат и ќе си седат дома иако нивното присуство е повеќе од неопходно...еве пример работи на шалтер во УЈП (значи тој неможе од дома, мора на работа). Ним ќе им биде и понатака дозволено да си седат дома? До кога?!
Како ќе дезинфицираат под кога кај нас е етисон? Од крај до крај! Што со родителите кои се фриленсери? Не можеш да работиш од дома додека чуваш дете зошто детето не е саксија да се стави на под и да седи. Маж ми конкретно работи навечер и скроз му е сменет биоритамот, ама не може вечно така нели?! Нит спие нит јаде како што треба, нит функционира. Има ситуации кога не може навечер, мора одсабајле, дете кое не гледаше цртани стана зависно од цртани, мора да е уштекано на телевизор цел ден за да може да сработи он нешто. Ај кај нас ете има опција, а што со родители кои мора да се вклучат на работа во период кога се сами дома со дете? Кој ќе го чува? Има состаноци во живо и дете ти бара на пример нокшир среде состано?! Потврда од фриленсерство не се вади, не ти дава никој, потврда и од родител кој работи во странство исто... Многу неразмислена работа. Јас знам дека јасли нема да примаат, дури ни оние запишаните, а нови па нема шанси. Така кажаа мајкиве кои прашувале во градинка, муабет во школски двор, ништо официјално. Кај нас нема никакво известување за потврди и пак го наметнувам прашањето, што кога мм ќе тргне на работа нормално? Тогаш нема да важи потврдата? Зошто кога он остана дома јас тргнав на работа одма, не седев дома, дали тогаш ќе важи па мерката еден родител дома или и тоа папала маца?! Многу неодговорени прашања, дури и ако речеме се ќе биде во ред, нема да се шири болеста во градинките, дури и да нема други вируси и бактерии како досега, да замислиме дека нашите деца се најбезбедни на свет во градинка, а не се, дури и тогаш ќе биде нефунционален овој начин. А дека ми треба градинка?! Ооооо....
Зборевме со @An-na страни нананзад за фриленсери. Кога плаќаат данок ок е за државата, тогаш работат. Кога треба еве да смета дали работат или не, тогаш кој ве врти. Работа од дома и дете чување НЕ иде! Можеа да се смислат многу други критериуми за редуцирање на групите, а тие го смислиле најглупавиот. Ај да се деца од 7-8 год кога може сами да се ангажираат, ама вака?!
Во колку лоша ситуација сме доведени сите родители тоа чудо едно. Короната ни покажа колку на ниско ниво ни е социјалната грижа за најмалите, колку не сме се бореле да смениме нешто на подобро претходно. Да не ни беа хигиенските услови во градинките пред коронава такви какви што сите знаеме дека се, полесно ќе можеше да одлучиш да преземеш ризик и да го пратиш повторно во градинка. Конкретно ние сме растргнати денонојќно разговараме, дали да не го пратиме во градинка од септември, да го оставиме на чување на 70 годишен свекор, кој е дефинитивно карактерно лошо влијание врз малиот, да му го скратиме социјалниот живот и напредок следните година или две, или пак да го пратиме со тоа што со првата температура или растечено носе, ќе полудиме од грижи, ќе се молиме со работодавачи да ни дадат ден или два да го опоравиме и повторно во круг. Од друга страна може ако се почитуваат навистина протоколите да тргне на подобро работата и да се реши еднаш за секогаш проблемот со хигиената, па може ќе го снема клишето: почнува градинката, почнуваат мрсулите (знам дека е преоптимистичко сценарио ова ) Во секој случај знам дека ќе се покајам, која било одлука да ја донесеме. Тешки времиња!
По мое мислење од целава ситуација е дека потврди бараат да видат која е реалната бројка на деца кои би тргнала од септември и врз основа на тоа да одлучат дали ќе ги отворат градинките. А тие што ќутат, нека не се надеваат дека баш тие ќе седат дома ако отворат градинките . Со самото отварање автоматски мерките се стопираат. После нека се мислат кој ќе чува деца, ќе се бунат дека не им го примаат детето итн итн итн Искрено, сакам да се врати детето во градинка, ама од друга страна ќе се плашам на секоја тт, не само на моето дете, туку било кое од група да крене тт, сите ќе сме стресени. И не само тоа, на секоја настинка ќе трчаме тестови да правиме... Лудило ќе е, а башка, сите овие месеци седење дома ќе паднат во вода. Знам дека мора да прекине еднаш и седењето дома, ама баш во период на вируси на есен... Па и не мора.
