Од утре го носам. Засега останува на мед со матичен млеч, понатаму ќе видиме. 15 месеци е, до сега 3-4 пати се има разболено. Најчесто вируси. Знам дека е индивидуално за имунитетот но се почувствував глупаво затоа што читам по групиве мајките сите даваат по некое сирупче. Јас не сум паничар ниту тресало. Откако е почната короната мои блиски пијат многу витамини, огромни дози, јас не. Ретко ако ми текне пијам вит Ц и тоа е тоа. Туку ништо ми немаат кажано, не знам колку време остануваат од почеток, нели период на адаптација имаат. Зарем може само половина час да седи?
Да, на почеток само по пола саат. Имунитетот многу зависи од општата состојба на организмот, дали јаде добро, пие течности, дали спие добро. Градинката освен што значи милион нови микроорганизми со кои ќе се сретне детето, значи и промена на неговата рутина. Ко прво, не е вообичаено дете што е околу годинка (ко моето) да има само една дремка дневно, и тоа да биде тек во 12:30. Тоа дете најверојатно е станато најкасно во 6:30 за да стигне во градинка во 7. Него му треба порано да си легне и многу често на оваа возраст му треба и втора дремка. Пола и повеќе од храната што ја даваат се базира на бело брашно без никаква хранлива вредност. За ужина често имаат чај (без никаква хранлива вредност, дури нема ни калории). Други течности слабо пијат. Па ајде ние како возрасни да пробаме да трчаме цел ден без да пиеме течности. А детскиот организам е далеку поосетлив на недостаток на течности. Пример дете од година што претходно пиело млеко на секои 3,4,5 часа сега е оставено без течности. Сепак не сум против сирупчињата за имунитет и витамини. Сакам само да доловам колку им е тешко на децата.
Уфф како бе пола саат.. Ми рекоа само дека немало цел ден да остане, не ми кажаа колку време.. Утре да прашам па да видиме како ќе биде за земање.. 15 месеци е, не знам што да очекувам..
Денеска на седница на Влада е одлучено да се зголемат групите во градинките, од 21 на 25 деца. Ова не важи само за јазлите од 0-2 години.
Првиот ден 30мин Вториот 45мин Третиот 1 час Четвртиот почна на време со појадок После некој ден остана и за време на ручек Веќе после 7-8 дена седеше до времето за спиење 12ч Од прилика од третата недела почна и да спие. Вака изгледаше адаптацијата на син ми,на 13м.
Како 24 часа пред тргање кога за копрокултура да излезат резултати треба 2 или 3 дена да пројдат, за брисевите исто? Пример да направиме испитувања во четврток, па пон/вторник да почне, може? Плус пишуваше откако ќе се извадат сите потврди/документи да се достават на увид пред да појде да ги види комисија, па после да тргне.
Потврдата од матичниот, а за копро и брисеви е друго. Ккао ви е кажано од управа так правете. Кај нас само потврда од матичен бараат.
Ајмо денес во втора мала синко, август одеше само 5 дена, денес плачки, плачки како од ново да почна, нова просторија и плус 5 нови деца
Денес ми рекоа да однесам хигиенски средства: бришачи, чаши и влажни марамици, ама имаше и уште нешто што не ми текнува, да не знаете што плус би требало?
Денес синко 15 месеци и прв ден во градинка. Мама поштено се изнаплака. Ни кажаа да дојдеме за 1 час по синко. Каснал само една лажица палента и малку плачки имало. Утре ќе видиме како ќе биде? Јас од пред неколку дена почнав да му давам на синко сируп за имунитет, Imunoglukan. Слава му на Бога за овие 15 месеци ниту еднаш не настинал. Како ќе биде понатаму ќе видиме? На сите дечиња, Среќен почеток во градинка.