не се сеќавам, ама потврди за работен однос не ни бараа, копија од лични карти и извод и барање толку мислам дека поднесов на меил, одма ми вратија истиот ден. околу едукација не знам колку да ти помогнам, мојата е во јасли 1 кај што немаат многу активности, кога тргна беше најмалото бебе во цела градинка, иначе од негователките сум многу задоволна, ептен се фини и достапни за било што, имам супер однос со нив, ја адаптираа за една недела никогаш не сме имале било каков проблем, никогаш ми се немаат јавено да ја земам заради некаква причина, буквално од втората недела остануваше со спиење и редовно си оди од 8 до 4 во градинка. сега е веќе поголема и разбира, кога ќе ги види жива среќна со трчање влага, ги гушка ги бацува. генерално во текот на овие месеци ги имам запознаено сите во градинката, пошто ја зимаме касно и останува со дежурната, сите се многу фини. детето ми е секогаш пресоблечено, чисто, најадено, наспано. имаше еден период неколку пати беше потпарена, им кажав, од тогаш не се случи да ја потпарат. имаат доста дечиња, 26 се кај нас во група, сигурно не им е лесно. од септември ќе ја префлрат во градинка па ќе видиме тогаш како ќе биде. се надевам дека ти помогнав . ако нешто плус те интересира пиши ми
Мојов не сака ништо што е со мињони. Имаше едно блузе, плачеше кога ќе сакав да му го облечам. После неколку месеци смени и му беше омилено еден месец да можеше цело време ќе го носеше. Сега пак не сака. Што му текна пак да не ги сака незнам. Ги сака де, ама не да ги носи на облека Го прашував и почна нешто да ми објаснива некое другарче во градинка дека носело, ама ништо не го сфатив и баталив. Несака тоа е нема со сила да го терам. Инаку и мојов е цело време во тренерки. Само за сликање и поводи знам да му облечам фармерки и кошулче. Жал ми е мене да утегнувам дете во неудобна облека. Едит: сега се сетив кога имаше неполни 2 години плачеше од едни чизми. Ама тоа беше липање со солзи како преплашен. Не мораше ни да му ги облечам, само да ги здогледаше во некое ќоше почнуваше да липа. А ние се спремавме за зимовање на снег. На крај со кондури шеташе. Среќа некоја добра емитација на тимбрленд ама со квалитетен непропуслив материјал па се спаси.
Здравје, би имал 13-14 месеци кога ќе тргне, се мислам ммр да ја прими по годината, и да го пуштиме... Се мислам дали оваа или во Дебар маало кај круг кафичот, ама оваа е поблиску до моите за зимање... Ти благодарам
Мислам дека Сончогледи во Влае е подобра. И општо Пролет градинките сите се супер. Во Сончогледи за 2години дечиња се мн добри учителките ептен ги анимираат ги учат и сакаат децата да одат и по 3 се во група 2неговтелки и 1 учителка.
Имам кај мене во зграда што се води во Хром со живеење мажот и не е од ск и пак си е запишан таму. Да не зборам дека се примени со живеење од прилеп, пробиштип, велес итн.
Здраво. Дали може некој да сподели искуство со градинката Мајски Цвет во Тафталиџе 1? Благодарам однапред
Не сум поднела жалба зашто тогаш моето идеше во јасли ама видов како носат послужавник за поголемите групи со намачкани лепчиња со паштета. Бар убаво да беа намачкани, тоа за греота сув леб јадат. На менито на вратата пишуваше ‘намаз’. Мислам дека си наоѓаат начини да ги заобиколат правилата. И да бидам поискрена, мојот таа година ништо не јадеше, цело време е послабичок и не ми беше многу важно. Најважно ми беше дека таму јадеше дупли порции, па што сака нека има во нив.
Јас никогаш не сум ја видела храната,ниту колку количински јадат. Во првата градинка прашував колку е тоа во грамажа или кутлачи, но не знаеше да ми објасни воспитувачката. Во оваа градинка има мени по недели и воопшто не се придржуваат до менито што ме нервира, не сакам да му повторувам ист ручек дома. Гледам потпишана на менито е директорката, сама се фалеше како она го составувала. Скоро имаше најави дека ќе ја сменат,така што се надевам нитруционист ќе состави ново мени,без благо секој ден како замена за ужинка(пр.овошје).
Јас неколку пати сум видела зашто секогаш меѓу последните го носам, а за количината знаев зашто негователката ми го покажа тањирчето колкаво е. На менито гледам потпишана медицинска сестра ако не се лажам, плус на медицински факултет се одржуваа семинари со доктори и нутриционисти како да се подобри исхраната во градинките, па имаа презентација пред неколку месеци пред студентите како тоа децата имаат само здрави оброци…врска нема, ете и за други градинки знам што не се придржуваат до менито. На вратата пишува манџа, детето ми кажува сарма било и јадел само леб зашто сарма не јаде. За ужина оние благите на Винчини што исто не ги јаде, па му ги ставаат во ранче и кога ќе видиш само доручек јаде. Јас не знам што е толку проблем секој ден да има овошје наместо тие благи тортици за духовден (крипи знам ама стварно на тоа ме потсетуваат).
Исто и кај моево ги даваат тие и некогаш чокобисквит. Но ни едно ни друго не е наведено во менито. Од 5 дена во неделата само 2 дена има овошје. Да се прашувам јас "ужинката" чај (некогаш го даваат со појадок ,некогаш им е пишан ужинка) веднаш би ја заменила со овошје секојдневно. Еве го нашето мени:
Многу е слично со нашето, веројатно од министерството им дале некој правец, па секоја градинка си го направила по свое. Колку се смеев за тоа ‘јанија’, си направив некој филм дека боранија така скратено си пишуваат На толку идеи и рецепти тие јанија прават
А две ужини даваат? И на менито каде што е ќерка ми редовно има две ужини дневно, само што таа првата ужина никогаш не ја дале еве веќе 5 години. А инаку за секој ден кај првата ужина стои или некое овошје или зеленчук. Битно втората ужина со тортици и медењаци редовно ја даваат.
Искрено ме замисли сега. Секогаш го прашувам детето што јадело, знае да каже за појадок,некогаш ќе погоди за ручек и ја памти втората ужинка зошто ја јаде непосредно пред да го земам. Баш ќе прашам во понеделник дали им ја даваат првата што е наведена во менито.
Не ја даваат првата ужинка никаде изгледа. А намазите ги прават кај нас, варат зеленчук, риба, месо, блендираат со јајце и павлака. Јас сфатив дека пола од оброците на синко му биле сув леб, и тоа дури на крај пред да го отпишам. И сега во школо често јаде сув леб, пример не јаде мармалад, сув леб јаде, не јаде рестован компир зошто е зачинет, сув леб јаде... побогу кој дава рестован компир на деца, пикни ги таму испечи ги ајт на здравје.
