Децата и градинките

Здраво на сите. Детенцето ми е година ипол, не оди во градинка. Мојот став за градинка е јасен иако не добивам поддршка од поблиската фамилија, дека до 3 години не сакам да го пуштам. Сум разговарала со повеќе педијатри и сите препорачуваат доколку имате услови до 3 години детето да не се пушта во колективи, и од здравствен и психолошки аспект. Е сега ме интересира мислењето на останатите мајки, оние чии деца одат во градинка и не одат. Како е подобро според вас? Цело време читам коментари ќе стекне имунитет, што од блиски примери гледам дека е сосем спротивно, сите имаат ден денес проблеми со бронхитис, пневмонија и слично како последица на премногу инфекции во рана возраст. Исто и од психолошки аспект, многу деца што одат во градинка не се баш така "социјализирани" како што велат. Агресивни, зборат/учат безобразно меѓу себе и слично. Не дека можам којзнае колку да го заштитам тие 3 години ама пак не ми дава срце уште сега да го пуштам. Ве молам за мислења и искуства

 

секој со својот став, знам дека ви изгледа страшно, ама верувајте дека нема подобро за детето од градинка. мојата оди од 8 месеци, нормално првата зима беше страшна, со болести, бронхити, спуштање на плука.. ама еве ја сега е 2 години веќе поретко се разболува, ептен сака да оди во градинка, таму си имаат ред, сеа во големата група си имаат активности, таму јаде се, спие, слуша. дома изводи нејќам ова сакам она, нема ред со спиење. мојот став е дека уште 10 деца да имам ќе ги пуштам од мали во градинка, ама секој со своето

 

Dali deteto ke se razboluva ili ne ne e faktor gradinkata tuku iminitetot. Dve deca porasnav vo gradinka vtorovo veke zavrshuva
Prvoto sekoj dve nedeli beshe bolno drugovo za 4 godini dali ne bila 2 nedeli. Isti roditeli isti vitamini ista gradinka.
Socijalizacija ima. Koj vi kazuva deka nema i kako ja opishavte gradinkata ednakvo na maciliste.
Deteto ke ja zasaka gradinkata samo dokolku roditelot go pusta deteto so doverba i so cisto srce. Dokolku roditelot pokazuva strav, nedoverba, nesoglasuvanje ili bilo sto negativno deteto po vas po vashiot stav po vashiot pogled emocija utrinsko steganje na srceto ke ve oseti. Toa dete nikogas nema da se navikne
Sepak se deca vo nivna sredina so drugarcinja i drushtvo kade bezbedno i bezgrizno si igraat vospituvaat i rastat.
Mojata odi vo 7 i moli sekoj den da ja zatvori gradinkata hehehheheh
@mona2022

 

Не опишувам јас ништо туку кажувам примери од мојата блиска околина. Ми се случи при прошетка во парк моето дете отиде да си игра со друго дете на негова возраст, неколку месеци поголемко и сакаше да го гушне. Детево му залепи шамар од нигде никаде, а мајката со оправдание па во градинка така се учат затоа што има поголеми деца и ги тепаат. Далеку е и од тоа вие како објаснувате, нити е толку безбедно нити некој им посветува внимание, ама општеството во кое живееме е такво и мораме да се носиме со тоа што ни е наметнато.

 

Види, шамар може да му влепи и дете пар месеци постаро од твоето што не оди в градинка, градинката не ги учи децата да лепат шамари, тука родителите играат клучна улога во начинот на воспитување, таа мајка место да го правда однесувањето на детето можела да му сугерира дека лепење шамари не е воопшто добро….

 

Чисто се сомневам во градинка да ги учат да се тепаат

 

Еднаш неделно час по боречки вештини

 

Па ваљда не ги учат воспитувачките, туку сами меѓу себе. Ама тие се таму за да им укажат дека не треба така нели. Јас на моето дете пробувам да му објаснам што чини и што не за кога ќе отиде таму се да пропадне во вода, тоа ми е муабетот

 

Се си мислам дека кога се удараат, тепаат не презимаат никаква одговорност (не чув, не видов)

 

Мило ми е што сите овде имате позитивно искуство, не знам дали јас налетувам на вакви примери баш дека сум скептик.

 

пак не ми е јасно како сте заклучиле дека не е безбедно и дека никој не и посветува внимание?? јас од воспитувачките и негователките во нашата градинка сум презадоволна. сто пати сум коментирала и тука, детето ми е среќно, најадено, наспано пресоблечено, нормално жените прават се што можат кога се 2 на 25 деца во група, алал да им е, воодушевена сум колку се посветени и секој ден со секој родител детално ни објаснуваат како прошол денот

 

Болдираните букви е тоа на кое треба да обрнеш внимание. Мајката го оправдала детето. Не може да постои насилство во градинка. И ако било во некој вид на игра сигурно било беболно допирање на лицето.
Ти како изнапиша се најнегативно за градинка, ова истото и за училиште ќе го пишуваш.
Мислиш дека е подобро да расте на улица ,наместо во градинка? Ова од аспект на социјализација на деца.

Воопшто не се согласувам и не го поддржувам твојот став кон градинката.
Градинката има воспитна и образовна цел.
Во градинка моето дете научи да јаде само, да се облекува/соблекува уште пред да му покажам јас како треба,мислејќи дека е мал.
Со голема соработка и поддршка на учителките успешно без ниедна грешка се одвикна од пелени.
Се научи да дипли алишта,стекна добри манири,дисциплина. Собира играчки веднаш кога ќе му кажам.
Во градинка покажа интерес за боење,дома не сакаше ни едно јаболко да обои.
Другарува, споделува, покажува трпение, почитува авторитет и ако продолжам да пишувам малку ќе биде една страна колку е добра градинката од секаков аспект на детето. Особено развојно и психолошки.

Сите имаме по некој пример,јас имам пример каде што деца одеа во градинка повремено до 4години. Сега се девојки речиси тинејџерки,откако тргнаа во училиште нема болест што не ја закачија. Така што не ти е гаранција возраста 3 години дека ќе наполни и потоа магично дека нема да се разболува и е подготвено за во градинка

 

Дека не може да постои не се согласувам. Детето на тетка ми јадеше ќотек од исфрустрирана воспитувачка и почна да мокри во кревет од страв. Негативна сум, да но со причина. И затоа ме чуди што сите тука имате позитивни искуства и мило ми е можеби нешто во меѓувреме се менува/сменило. Дека на улица нема да се социјализира за тоа воопшто не се согласувам ама пак тоа е само мое мислење. Доколку градинката е како што вие опишувате нормално дека е подобро да оди во градинка, само колку се тие стандарди запазени во сите градинки тоа е знак прашање

 

Дете на тетка ти по некоја логика е на твоја возраст, што значи пишуваш за пример од пред 20 и кусур години?

 

Пишувам за пример од пред 6-7 години. Затоа реков можеби во меѓувреме нешто се сменило

 

Види,ќе прочиташ и поедини случаи за некоја градинка ,што не значи дека тоа е општа слика за сите.
Во еден клон од нашата градинка воспитувачка му нанесе повреда на глава на дете со лажица. Но тоа не значи дека ниту една воспитувачка не ја бива од градинката. Баш напротив јас сум многу задоволна од нашите.

Така да случки има колку сакаш,но генерално детето многу(позитивни) работи ќе научи од градинката што тебе баш нема да ти текне во одреден период да му ги кажеш.

Неодамна беше празникот 13 Ноември. Знаев само дека во градинка ги прашувал децата за објекти и знаменитости на градот,каде биле што посетиле.
Одиме во парк, на Школка нацртана Мајка Тереза. Ме прашува детето која е таа. Почнав да му објаснувам и ме прекина, знам "Васе" ни кажуваше за неа.
Тебе дома ќе ти текне да му објаснуваш за Мајка Тереза на детето? Или на улица ќе свртат таков муабет?

 

Се согласувам. Сепак е образовна установа. Деца и во училиште одат па не учат ништо паметно зошто тие не сакаат, а не дека некој не им објаснил. Ама ете од лоши примери, случки, имам стекнато некој страв и недоверба и се двоумам. Фала ви на сите. Сакав само да слушнам искуства ама малку ме нападнавте како јас да измислувам нешто за да ми биде интересно

 

Чисто околу искуството.
Јас имам и неубаво искуство и преубаво. Кога увидов дека не чини, сменив градинка. Му верувам на детето, го познавам и битно ми е да е среќно.
Одамна ни е песна одењето, дури и во сабота бара.

 

Ко веќе имаш негативно мислење и сметаш дека градинките не се безбедни, зошто прашуваш за туѓо мислење? Очигледно дека туѓите мислења ништо нема да ти променат.

 

Меме ми личи на посесивно заштитничко однесување на родителот.
Како за пр. Моја блиска другарка ја пушти керка во градинка на скоро 3 години зошто исто како тебе се плашеше и беше под влијание на родителите и сопругот дека има кој да ја чува. Кога и да збориме се кае за одлуката, градинката е установа за деца. Таа интеракција, воспитување, социјализација нема да ја добие од баба и дедо па макар секој ден да е детето во мааоло со други дечиња.
Од друга страна моето оди во градинка од 1 година. Од кога почна да оди знае да се заигра сама дома, доби некоја весела нота на карактер, со дечињата си игра.
Мое мислење е дека треба да оди па макар во 12 да го земаат пред спиење.