Ме повреди златна, баш ми значеше мислењето на тотал стрејџер од форум. Сега ќе одам и ќе го сменам мојот мајндсет и ќе го присвојам твојот на светица која не купува поклонче од 200 ден бидејќи сочувствува со семејствата што немаат. Еве има гладни у Африка, земи не јади и ти дај им на нив бидејќи си вака преематична. Ако твоите пари се твоја работа кај ќе ги трошиш, тогаш што се фати дека ја сакам 1000ка да потрошам од моите пари на учителките? Да не требаше да те прашам случајно или да не ти побарав?
На страна од муабетиве.. Конечно ја пуштив малата, со тешки маки на точно 1 година (вториот дел славеше роденден), а требаше уште на 9 месеци. Започна се супер, дури неочекувано и од моја и од нејзина страна. Првиот ден и првата недела наместо 15 мин седеше 40-50мин. Супер и беше таму, играње со децата, воспитувачките, смеење и веселби. Петокот последниот ден почнала да приплакува и барала внимание од за нејзе поомилената воспитувачка ама го препишавме на умор и поспаност. Настина па понеделникот не беше, од вторникот (втората недела) започнаа маките да бара внимание и да сака да е само во раце инаку плаче на цел глас. Ја чуваа, не и даваа на плаче, немам замерка. Остануваше 2ипол часа, ручаше таму (за јадење никаде и со никого нема проблем фала богу). Е оваа недела, дали се свести, дали од скокот е поприврзана, рика на цел глас не сака да влезе во градинка, го знае патот за шетање во маало и за одење накај градинка па уште надвор почнува да кенка. Се мава од земја што не е обично случај, за ништо не прави така. Ми велат разделбата е таква, внатре е супер. Сега седи со спиење, заспива ама на кратко. Ја нишкаат, се и погодуваат со аспиратор пуштен со цуцла, ќе заспие ама брзо се буди. Повеќе мака имам јас, и јав веќе не сум среќна и радосна туку баш како на почетокот што мислев дека ќе бидам (а не бев). Ужасно ми е, тие саати не сум способна за ништо, ни ми се јаде, комуницира, не можам да заспијам да одморам, катастрофа со еден збор. За градинката и воспитувачките не смеам да се пожалам, во раце тинтрана, успивана со нишкање, внимание кон неа цело време, пресоблечена, чиста, на зимање секогаш насмеана она насмеани тие и добивам слики. Дали и на мене и на неа ни следи период на смирување и прифаќање на спстојбата? Можеби ми е тешко зошто сега ја гледам и слушам како плаче?! Исто ми викаат супер јадеше, ручек, ужинка, ја зимам одма после јадење дур да стигнеме дома (10мин) она е гладна. Која количина им ја даваат таму? Знам дека е блендирано и ми кажуваат каква манџа била или што грицкала и сл. Ама не ми е јасно дали моево е гладно толку или малку количински им даваат. Извинете на долг постне е некој голем проблем ама имав потреба да се искажам некаде (маж ми не ми ја разбира драмата околу разделбата зошто јас сум со неа сама од раѓање).
Кај нас беше слично. Првите денови беше супер, па пресврт - почнаа плачките. Почнуваше со плачење само оградата што ќе ја видеше. Па следно прекина со плачки, ама ни приреди штрајк со глад. И на крај преку ноќ реши дека градинката е прекрасно место да помине еден дел од денот Сега се радува кога ќе го види објектот, сам им звони на учителките, трча за да влезе и чао чао ни вика. На почетокот јас плачев кога ќе го оставев во градинка, имав така, грижа на совест. Маж ми ме зезаше дека се однесувам ко во војска да го праќам, а не во просторија со дечиња. Ама ми помина брзо и мене. За храната, порциите мали се да. Мојот редовно добива нешто плус со доручекот, дупла порција ручек, ама со ужинката до 16ч не издржува. Не може да дочека да стигнеме до дома за да јаде. Често грицнува нешто по пат и дома пак јаде фул ручек.
Кај ќерка ми лани донесе другарче по една мала гипсена фигура за секое детенце и бои. Пресреќни беа сите дечиња. Интересно и поразлично од другите родендени им беше. Обоената фигура секое детенце си ја зема за дома. Ќерка ми уште ја чува. Добра идеја е секако. Можеш да зборнеш и со воспитувачките претходно за мислење зошто сепак они се ѕие што ќе треба да го спроведат тоа таму.
@gothchick ,моево тргна од 9 месеци кога повеќе, кога помалку, настинки, се со ред и се собира 2-3 недели да оди во месец, недела или две да е дома. Одеше без проблем, за после роденденот скок или не, како што викаш уште на улица кога ќе завртиме за во градинка да плачи. За храна, викаат дека јади се и баш количински, така да кога ќе ја земиме не покажува знаци на глад. Инаку јас седам на работа со телефонот до мене и очекување да ми ја јават плачи, ова или она се случи. Што би се рекло јас понервозна од детето.
Majki mi treba info Konkretno za gradinka srnicka Aerodrom(Izvorce) Ni fali poslednata revakcina sto ja baraat so epidemijava ama ne ja primivme bidejki prelezavme varicela.Od utre sakam da go pustam vo gradinka.Dali ke ne primat so potvrda od pedijatar deka poradi varicela ne smeeme da primime vakcina sledni 3 nedeli. Nekoj od iskustvo kakva e situacijata vo aerodrom?
Дали ги пуштате децата в градинка ако кивнат неколку пати и ретко кога ќе кивне има само бели мрсулчиња? Вчера и денес игра надвор цело време, може и да е преладен. Моето оди еден месец само, не знам дали да го пуштам утре.
Да прашам како се справувате со сопруг кој е благо речено алергичен на настинки и грипови? Детево ќе тргне градинка една недела и почнува носето затнато,па следи тепмература и следен чекор е маж ми да ми кажува дека требало пауза од одење градинка оти многу вируси имало. Никако да му објаснам дека е нормално,дека одат и деца што се настинати и ние не можеме ништо против тоа. Како да не сака да разбери и го бира полесниот начин,дома да седел,имало кој да го чува. Да,има, баба му е тука ама јас веќе нерви немам да ги гледам како не прават ништо по цел ден. Вистина, сам си игра и се заигурва ама нели деца му требаат?? Јас моментално со новороденче дома не можам да му го посветам тоа внимание како порано колку и да сакам. Пред да се роди малава боевме,цртавме, со пластелин игравме..ова се само дел од работите, навистина се вложив со него. И сега го користам секое слободно време за да правиме нешто едукативно. Измеѓу туш за мене и играње си него го бирам второто. Глава не знам кај ми е од што ми е напорно дека не оди градинка. Не е диво дете, игра си деца дава играчки не гледам зошто да не оди па макар и настинувал и вируси фаќал. Еден од изговорите е дека вирусите ќе ги префаќало бебево,што ќе сме правеле ако се разболело бебе од 2 месеца.. Ете не можам да се разберам- кажете чаре.
Да. Ако ја чекам да не кива или да не се поткашлува, може да ја отпишам од одма. Ако го чува тој, а не баби кажи му да го отпише. Се додека не може тој лично да го чува, нека си ќути Јас тоа му кажав на мм. Ако сакаш да оставиш работа и да дремите дома двајцата ко мисири ајде, ќе ја отпишеме оти пази богати носот и течел. Големото чудо И мене ми тече па не ми викаат од работа седи дома, има кој да те чува
На мажите лесно им е да кажат нека седи дома и не само твојот 70 проценти истото го викаат ама они работа и дома после лаит варијанта. Ние работа дома деца ручек средување чистење и анимирање и дете ако не е издувано оди најди му крајот. Баш така ако го чува нека не оди а не најлесно ти си дома со мало и ќе си го чуваш. Баба сервис само кога е најнеопходно кога нема да може да оди од х причини во градинка. Се друго мора да си им природен тек и ако сега не ги помине детските болести кога? Во училиште ли ??
@LiquidLuna @karak Ама и јас тоа зборувам дека некогаш мора да тргне, јас кога ќе почнам со работа бабава не може двајцата да ги чува, ќе се шекне жената. Мислам , и таа сама си кажува дека ќе мора да го носиме тогаш,дека не зема таква одговорност за двајцата. Сакам сега да почне за дотогаш да има некој ред фатено и да е адаптиран. Да не мора јас денови од работа да земам и да го чувам тогаш, а и нема да ми дадат кај приватник сум не може да не толеритаат кога ќе ми текне мене. Од март има да оди, ќе преговарам. И само ми дава примери од блиски пријатели шти ги пуштиле градинка децата па се откажале. Другите примери не ги спомнува - само тие што му одговараат. Од каде тој страв од болести не знам. Не знам дали мене хормони ме пукаат или нешто друго е ама пренапорно е со двајцата.. Некогаш недела беше ден за одмор а сега кога ќе дојде недела ми се темни пред очи (машини пуштаење, пеглање, бањање децата, спремање оброци, плакари средување..)
@firequeenn , ќерка ми тргна во градинка од 9 месеци. И нос и течи често, и кашла, и антибиотик има пиено од кога тргна во градинка. Овие неколку месеци пола време е со баби дома, пола во градинка. Ама само ама не значи дека настинува од градинка цело време. Бабите кои ја чуваат имаат социјален живот, не живеат во изолација. Јас и сопругот работиме во големи фирми, со многу луѓе, па се случува и ние да си донесиме вируси дома, без разлика на тоа дали дете оди или не во градинка. Процесот на настинки и вируси не можеш да го спречиш. Лично за моево дете бирам градинка затоа што знам дека таму има ред на спиење, ред на оброци, игри, врсници. Дома имаш, ама ни беше жал да ја будиме, се зашетавме и наместо во 13:00 пример, јадеше во 15:00 часот, или опција каде што е прејадено и со пудинзи и со смоки, цртани на Тв повеќе од пола ден не споменувам. Јас само се молам да ги надмине настинките од аспект на тоа да не мора со баби да седи. Од друго, не.
Кажи му пример од ќерка ми, од 9 месеци е во градинка ниту се има разболено, ниту атб има примено, ниту инхалации у живот сум праела. Какви примери си бара, ќе си најде А болестите се секаде тука, еве маж ми на нас ни донесе корона. Бебе 2 месеци, ние двајцата дома неспособни од кревет да станеме, а не па за бебето да се грижиме. Факт е дека може во градинка повеќе да закачи и вирус и бактерија, ама не мора да значи дека ќе е така.
Да бидеш цврста на ставот дека на дете му требаат деца, не баби. Да научи да се бори за место под небото, да споделува, да се скара, да има другари. Болести се фаќаат и од мајка и татко, и од лулашки, а се фаќаат и во школо ако не се прележат во градинка. Само што потешко се надокнадува изгубена настава. Инаку имам ист ваков пример од најблиски другари. Таткото вика да не иде, мајката не се буни иако нејзините родители ја чуваат. 6 години наполни пред некој месец, и сама вика дека многу аака да оди во градинка, ама 'ја носат само 1 ден'. Пукната е за дружби, секако дека со децата од градинка се игра и дружи секој ден, од пријатели и комшии не можеш баш секој ден да проаѓаш по повеќе саати. На страна што и покрај тоа што е премила и преумна, не знае да се снајде во ситуација со повеќе деца, кога и се зема нешто, не се брани, одма иде кај мајка и се жали. Епа види сега како ќе и биде во школо без научен систем на комуникација со повеќе деца и одбрана од силеџии.
Кај мене обратно, мм вика ако треба ќе дадам отказ јас ќе го чувам.. ама јаки се на зборови нели.. Кај нас јас сум "алергична" на разболувања, за една недела треба да почнеме со градинка, луѓе паника и анксиозност ме фаќа. За годинка и 2 месеци што давате од суплементи, прочитав за диво оригано, секој ден прскате? И како ви се навикнаа деца што се дома со вас или со баба дедо неколку месеци? За јадење и спиење не е проблем, за тоа барем не се грижам ама доста темпераментен е и се жали за сѐ
А оти да даваш од сега? Пробајте, тргните па види како ќе оди. Јас оригано почнав да прскам пред некој месец оти почна со мрсули повеќе инаку... Ништо друго не давам освен д3 и молерс.. Мојата помала почна, ама до 9 месеци само за мене знаеше. Малку плачки, малку негодувања и се навикна за брзо. Чим не е проблем за јадење и спиење, не верувам дека ќе имате друг проблем Јас во поголемата група ко им кажав "знае да биде неподнослива, бесна, инает" рекоа ко 90% од децата, немај гајле
