Дискриминација на жените во христијанската религија

Во потполност се согласувам со ЕвАнгелос. За жал, оние кои се во служба на религијата на искрен и чесен начин не можат да дојдат до израз од мнозинството како и системот кој ги злоупотребува Божјите зборови.

Зошто? Затоа што според Христијанството „левата рака не треба да знае што прави десната“ и наградата за добрите дела треба да дојде од Господ а не од луѓето. И каде тоа (кроткоста, скромноста) може на прв поглед да дојде до израз пред помпезноста, галамџиството и лицемерието?

А за жените. Факт е дека биле различни од мажите, но никако не биле потценувани или осудувани. Да беа, Марија Магдалена веројатно ќе била најосудувана и најсурово казнета во Новиот Завет, а не како стотата најдена овца од стадото на која пастирот се радува повеќе отколку на 99те незагубени. Луѓето, оние лицемерите и квази-верниците би и` одредиле поинаква судбина, како спалување, бесење и тн и притоа без трошка срам би го воспевале името Господово, несвесни колку го валкаат истото со тоа.

Жената во Новиот Завет ја имам доживеано како многу ценета, избраничка да носи уште еден живот во својата утроба, како потпора и другар со кој е благословен мажот.

Не само жените, на многу наврати може да се види дека според Христијанството не се прави дискриминација на луѓето ни по други основи. Напротив, единствено нешто кон кое се пристапува со осуда е самата осуда и дискриминација.

Од друга страна пак, да ја земеме римокатоличката црква неколку векови наназад. Таа отворено правела дискриминација. Светото Писмо било достапно само на старогрчки, латински и хебрејски (ако не се лажам, нека ме поправат), под изговорот дека тие се „избраните јазици“ на кои ќе се пренесува Божјата мисла. А во тоа време, такви познавања поседувале луѓето кои можеле да си дозволат такво образование (главно аристократски деца). А другите, му верувале на друг човек на „жими мајка“. Ете така аристократијата ги дискриминирала и контролирала “помалите“ од неа. Дискриминацијата (дури и кога лицемерно се воспева во Неговото свето име) ја вршел човекот побуден од сопствените недуховни интереси, ниту Бог, ниту Светото Писмо. А поупатените знаат низ кои маки, зандани и прогони поминувале оние кои ги преведувале истите на јазик разбирлив за сите (како нашите, словенски просветители)

 

Само јас ли не се чувствувам дискриминирано и не се противам на божјиот збор?

 

Како тоа не се противиш на Божјиот Збор а се поклонуваш на икони и се молиш на светци?

 

И тебе ти го испраа мозокот?
Инаку, си знам јас на кого и за што се молам.

 

Не би рекол дека ми го испрале мозокот. Фала му на Бога денес Божјиот Збор е лесно достапен (го има и онлајн на сите јазици) така што не дозволувам некој да ми пере мозок, макар се нарекувал светец, папа или баџанак на Господ

А за тебе знаеме дека се поклонуваш и молиш на светци затоа што јавно пишуваш за тоа на форумов. А за тоа е јасно дека е спротивно на Божјиот Збор. Знаеш и сама да не ги барам цитатите кај што Исус и другите велат само на Бог да му се поклонуваме и слично.

 

Идолот твој @EvAngelos што не ми контра-аргументира на ова ако ти и он сте во право? м?
Затоа што Вистината не е и никогаш не била на ваша страна?Ако знае да контра-аргументира.. замоли го,кажи му дека го чекам на таа темата
@Bitter-Sweet

 

Ништо вие не знаете за мене.
А јас знам што имам напишано на форумов, кој како ме разбрал негово си е.

 

Не ми е идол Евангелос. Ја ставам лајк на неговите коментари затоа што се разумно аргументирани и цврсто подржани со Божјото Слово (Библијата). А знам зошто ме клеветите дека ми е идол. Ве боли тоа што ние што не сме протестанти, па дури и некои атеисти се согласуваат и ставаат лајк на неговите аргументирани коментари, за разлика од вас 4-5 души од иста вера и деноминација кои сте принудени да си ставате меѓусебно лајк дури и на најпразните коментари (без никаква аргументација)

Инаку како што се гледа по темиве некако ти ми остана без зборови и стално те снемува кога ќе добиеш аргументирана реплика. И нема смисла и тука да збориш за него, туку оди на темите каде што си избегал од дисксуија, иначе ќе си помислат луѓево дека тебе ти е идол или опсесија или кошмар што навечер не те остава да спиеш па затоа по сите теми го спомнуваш

 

Ете јас ти дадов аргументација,што не ја побиеш? За која реплика не сум аргументирал.. еве сега пишувам една и ќе те означам на таа тема

 

Да, многу не боли тоа што атеистите кои појма немаат од вера се согласуваат со вас. Принудени сме биле лајкови да ставаме... хаха... кој не принудил се прашувам...

 

Немирот во срцето ве принудува. Си велиш: можеби Божјиот Збор не е на моја страна, ама барем овие 4-5 души ме подржуваат, имам повеќе лајкови, значи мора да сум на правиот пат
Иначе некои од атеистите како @Bender Rodriguez знаат многу повеќе за верата (и тоа непристрасно и неиндоктринирано) од мнозинството верници тука.

Кога дебатираат човек од ВМРО и СДСМ, сите вмроовци ставаат лајк на човекот од ВМРО, а сите сдсм-овци на СДСМ, без разлика што ќе пишат они, тие се во право без разлика дали ќе понудат издржани аргументи. Тоа е по дефиниција субјективност и пристрасност. Затоа едно е кога православен ќе рече „се согласувам“ на пост на друг православен, или протестант на друг протестант, или муслиман на друг муслиман, а друго е кога муслиман ќе стави лајк на православен или атеист на муслиманин. Сите го знаат ова, и затоа тоа ги гневи и затоа велат дека мене Евангелос ми е идол затоа што се согласувам со неговите издржани и аргументирани коментари. Од врв на Водно се гледа дека Hunk и Bulgarian се разгневија до бесвест до степен да дури и навредливи зборови употребуваат и нивниот гнев и омраза зрачи од нивните постови. Hunk ќе се изеде жив кога непристрасните форумџии му поставуваат прашања за верата на Евангелос (кој има докажани познавања за Библијата и христијанството), а не него. Беше и ти сведок кога јавно се лутеше за тоа

 

Станува интересно. Од религија во политика

 

Кај мене лично нема простор за гнев. Во моето срце е вгнезден мир. И не ми требаат лајкови за да знам дали сум на правиот пат.
Тоа што другите се навредуваат едни со други јас не можам да го оправдам. Тие си знаат зошто е тоа така и што толку ги лути.

 

Се држам на филмов , пак ќе кажам , немам читано Свето Писмо . Евангелос и останати може ќе се пронајдете во клипов,

 

Приметувам дека страдаш од недостаток на заедништво.. неколку пати по ред потенцираш колку ти е криво што се лајкуваме меѓу себе.. Ајде.. ќе почнеме и тебе да ти лајкуваме.. да не се чуствуваш толку отфрлен Патем не се плаши да ме означиш.. не касам..
Еве се јадам жив,левата рака до пола,сега почнувам ребрата..
П.С јас неможам да се нервирам зошто не го мразам твојот другар

 

Гледам, спомнат сум во темава и, иако се развила интересна дискусија, приметувам дека бајаги се забегало од темата.

Еве неколку прашања кои се надевам дека ќе ја вратат дискусијата у права насока:

Христијанството постои 2000 години, а жените добиле еднакви права со мажите пред само нецел век. Зошто, ако според христијанството жените навистина се еднакви со мажите, жените чекале толку долго време за да ги добијат своите права? Зошто христијанството, како доминантна и влијателна религија во многу земји, не им помогнала или не се заложила за жените да бидат еднакво третирани во општеството порано? Зошто, ако христијанството навистина на мажот и на жената гледа како на еднакви, немо стоело настрана, додека жените со векови биле маргинализирани, обесправени, угнетувани и потчинети. Зошто, ако мажот и жената се еднакви во очите на христијанството, на жените им е забрането да учествуваат во црковната хиерархија и поредок?

 

Самата природа не овозможува(ла) мажот и жената да се еднакви. Зошто, затоа што жената раѓа, а мажот е должен да се грижи за неа и за децата. Да бидеме реални, ретки се жените кои се физички способни да сечат дрва или да ораат (не со трактор, туку со ѕевгар волови).
Во Христијанството, мажите и жените од секогаш имале главно еднакви права. Но, разликите во половите и развојот на општеството си го правело своето. Замисли си да пратиш војска од жени од Константинопол до Италија да одат пешки и тоа половина од нив трудни. Од друга страна во Христијанските земји имало и многу царици жени, кои самостојно владееле, или пак владееле преку своите мажи, синови, внуци итн.
Жената не може да биде свештеник, затоа што Бог нејзе и` дал можност да биде мајка. Па така кога ќе им даде Бог на мажите можност да раѓаат, тогаш и жените ќе можат да бидат свештенички.

@Херкул , знаеш ли што? САС на МПЦ во полн состав, дополнет со бискупот Киро Стојанов на 35. август 2016 година донесе одлука на Фемина сите православни (и римокатолици) да си се лајкаме едни со други, за инает на атеистите и друговерците. Само еден митрополит беше против одлуката, ама потоа ја прифати.

 

Што верници се тие бе душичко. кога треба поради ИНАТ на некого да лајкнуваат?? Поголема глупост и срамота од ова немам чуено...од инат!???

 

Си чула/прочитала за сарказам?