Дискутираме автор: Петре М. Андреевски

Дискутираме автор: Николас Спаркс

За претходниот автор Гијом Мисо имам само позитивно мислење. Тој е автор кој ветува многу, а и (мислам дека е жив) допрва има што да покаже.
Скоро сите негови дела ги имам прочитано, уште 2-3 дали треба да ги дочитам.
Воодушевена сум од книгите, мислам по мој ќеф се и ми се допаѓаат. Секоја книга си има своја приказна која те трогнува на посебен начин.
А за Николас Спаркс исто така имам пофални зборови. Немам нешто многу негови книги прочитано, т.е имам само две и така да не сум баш компетента да давам критика за него, ама од тоа што го прочитав Порака во шише мислам и Notebook ми се допадна. Мајстор за љубовни книги, штета што до сега сум немала време да прочитам повеќе негови книги, на полица ја имам Драг Џон која ќе треба да ја прочитам за некој период кога ќе и дојде редот, се на се, Спаркс ми има оставено позитивен впечаток со овие две книги.

 

Дискутираме автор: Николас Спаркс

За Николас Спаркс негативно немам што да кажам... ја имам досега само Порака во шише прочитано и веднаш се најде на листата на мои омилени...книгата е врв кој ја дума веднаш да фати да ја чита. Многу му е лесен стилот и читлив па не треба многу размислување се е понудено на тацна. Само пофалби ! Следна ја планирам Dear John па после да го гледам филмот, зошто ако е обрано никогаш не ќе ја прочитам..

 

Дискутираме автор: Николас Спаркс

Човекот задолжен да те разнежни, а потоа и да те расплаче.
Повеќето од неговите книги ги имам прочитано („Порака во шише“, „Чекори за сеќавање“, „Страници на нашата љубов“, „Одлука“, „Вистинскиот верник“, „На прв поглед“, „Последната песна“), а дома на мојата„Листа за читање во иднина“ ме чека и „Драги Џон“.
Можеби е вистина дека веќе по неговата 3 или 4 прочитана книга веќе станува „досаден“ затоа што е тој-тој стил низ сите книги (љубовта, романтиката, копнежот, а подоцна и болката), ама јас не можам да се откажам од него. Едноставно, знае со зборови да допре до срцето и да те разнежни и го сакам поради тоа, иако знам што да очекувам понатаму од книгата.
Досега не сум зажалила и не сум кажала „Џабе потрошив време за книга која однапред ја знам“. За негова книга-НЕ! Не му се ни нешто wooow книгите, не одрекувам. Но, грев е на листата „Прочитани книги“ да не се најде и некоја негова.

 

Дискутираме автор: Николас Спаркс

Ја имам читано само „Прошетка за паметење“ и не сум баш заинтересирана да читам било што друго негово. Прелигав ми е, некако hopeless romantic, што ме вадеше од такт на моменти додека ја читав книгата. Дури ни филмови не гледам, ако знам дека се адаптација на негови книги.

 

Дискутираме автор: Николас Спаркс

Од Николас Спаркс имам прочитано три книги-Олука, На прв поглед и Порака во шише.Ок е како автор, книгите му се лесни и интересни, а и филмовите му се одлични.Реткост е филмовите да се попознати од самите книги, како што е пример со неговите.Ми се допаѓа тоа што за разлика од другите филмови што се снимени по книги, неговите се блиски до барем мојата имагинација а и глумците се одбрани со внимание и се полн погодок.Исклучок ми е Мили Сајрус, не ја поднесувам како личност па затоа тој филм ми е со најслаб впечаток.
Мислам дека со последните книги станува досаден.Штом земам да читам некоја книга од него знам отприлика како ќе заврши.
Оценка од мене за Николас Спаркс е јака 4

 

Дискутираме автор: Николас Спаркс

“I am nothing special, of this I am sure. I am a common man with common thoughts and I've led a common life. There are no monuments dedicated to me and my name will soon be forgotten, but I've loved another with all my heart and soul, and to me, this has always been enough..”
― Nicholas Sparks, The Notebook

 

Дискутираме автор: Николас Спаркс

Сите книги ги имам прочитано.
Николас Спаркс има лесен стил на пишување, многу разбирлив.
Сите негови книги се пишувани на ист стил.

Значи неможам да кажам дека неговите дела ме оставаат без збор, бидејќи стилот е ист, а некако и додека ги читав делата како да знаев каков ќе биде крајот. И затоа што сум читала дела кои не ми се оставале од раце, каде што имало многу побогат вокабулар, поголема содржина и сл.

Лесни му си книгите и интересни. За лето, за на плажа, измислени се.

Добар е, добар е...џабе не сум ги читала сите негови дела.
Ама не оти ме навлече нешто посебно, туку така се зареков дека сите ќе ги прочитам.
Абе секоја книга со своја убавина...нели...

 

Дискутираме автор: Даниела Стил

Од Даниела Стил ги имам читано Да се сака повторно, Подарок, Втора Шанса, 5 дена во Париз и Ветување.Најсилен впечаток ми остави Подарок и таа ми е омилена книга од неа .Тоа беше воедно и првата книга која ја читав од неа.Книгата ме воодушеви, ме расплака.Има прекрасна порака книгата, ја препорачувам на сите.Ветување исто така ми се допадна, ја читав на хрватски бидејки незнаев дека ја имало и на македонски.5 дена во Париз едвај чекав да ја завршам незнам некако многу досадна ми беше книгата.Другите две исто така не ме многу воодушевија.Во план сум сега да ја читам Сестри бидејки имам слушнато многу добри коментари за таа книга.

 

Дискутираме автор: Даниела Стил

Даниела Стил,од неа е имам читано само книгата Подарок.И ми стана омлиена,а сум во потрага кога ќе имам малку послободно време да продолжам да читам и други нејзини книги наредна во план ми е Да се сака повторно Ми се допаѓа начинот на кој таа пишува.Неможам да коментирам многу бидејќи имам прочитано само една книга.Така да неможам многу многу да кажувам. Со Подарок успеа да ме расплаче,е спомнав дека е имам читано еднаш,а сега е читам по втор пат.Во принцип несакам да читам книги што веќе еднаш сум ги прочитала,но мислам дека оваа вреди да се чита и безброј пати

 

Дискутираме автор: Даниела Стил

Јас ја имам само прочитато „Да се сака повторно“, ја прочитав во еден здив и се убив од плачење. Абе ја преплакав цела книга. А инаку го имам гледано „Накит“, и тој ми е еден од омилените филмови. (сега знам што ќе гледам викендов ) T.e. каков викенд го пуштам одма.

 

Дискутираме автор: Даниела Стил

Од неа ги имам скоро сите прочитано и можам да кажам дека е многу монотона во врска со тематиките. Лесни книгички, онака кога немаш што да правиш да ги читаш. Единствена нејзина што ми остави малце повеќе впечаток од останатите е „Наследство“ и ви ја препорачувам на сите што веќе сте ја читале оваа писателка.

 

Дискутираме автор: Даниела Стил

Лимонада- литература популарна во 80-тите и почетокот на 90-тите.
Нешто слично на оние кратки љубовни романчиња што ги имаше на времето, само во разводнета и развлечена верзија.
Скромен речник, нарација нула, уметничка вредност, исто така нула.
Имам прочитано неколку ,,дела,, од авторкава, ама за жал , од што толку ме воодушевиле, не се сеќавам ни на наслов, ни на содржина.

 

Дискутираме автор: Даниела Стил

Даниела Стил ја земав сосема случајно, кога во скромната библиотека каде сум зачленета никако не можев да си ја дочекам книгата што ја барав, па ја видов и реков ајт, и така многу е зборена, да видиме за што се работи. Ја земав Ангелот Џони. Не ја прочитав искрено, почнав, ме изреволтира, рипав страници и ја баталив. Можеби, ама можеби, да бев 8-10год. помлада ќе ми се допаднеше, ама сега само ме изнервира. Дали беше до преводот, ама стилот на пишување, изразите, фразите, карактерите толку беа прости и целата приказна звучеше како едно големо клише. Ако добро се сеќавам, почетокот идеше вака -тој беше најдобар сите го сакаа, таа беше најмила и највредна, тие најмногу се сакаа, сите можеа да им позавидат на љубовта бла бла бла- Ваков тип на книги, по вкус, не читам, порадо ми е да гледам филмови, ми немаат вредност, не ме збогатуваат со зборови, мисли, метафори, ниту пак душевно ми носат задоволство.
Не знам какви и се другите книги, немам намера ни да дознаам, ја пречкртав.

 

Дискутираме автор: Даниела Стил

Мојата единствена прочитана книга од Даниела Стил е Злоба.
Според мене писателкава е доста остроумна и женствена. Многу реално е опишана тематиката во книгава. Многу ми се допадна, но единствено нешто што ме разочара беше крајот на делово. Не очекував таков крај. Како и да е, бев доста импресионирана од книгата и едноставно неможев да ја испуштам од раце. Делово го резимирам како доста моќно, женствено и јасно. Да бидам искрена, доста мисли ми се вртеа во главата откако ја прочитав книгава, 'Како и на кој начин со луѓето?' .
Доста поучно дело, вреди да се читне.

 

Дискутираме автор: Даниела Стил

Книгата "Прстен" ја имам прочитано од неа. И стварно е добра, одлична е. За авторката дознав од оваа книга, и стварно ме воодушеви. Би рекла има единствен стил, се има убаво раскажано, јас би сакала да беше подолга книгата но океј беше и вака. Буквално се соживеав со ликовите, и сега засега таа ми е омилена книга. И ви ја препорачувам, јас успеав да ја прочитам за 2 дена многу беше интересна за жал немав време истиот ден да ја дочитам.. Ама сепак вредеше

 

Дискутираме автор: Даниела Стил

Имам доста нејзини книги прочитано, меѓу кои: „Ангелот Џони“, „Втора шанса“, „Да се сака повторно“, „Подарок“, „Накит“, „Враќање дома“, „Исчезнат“, „5 дена во Париз“, „Сестри“, „Сега и засекогаш“ и може уште некои.
Највпечатлива дефинитивно ми беше „Накит“. Таа книга можам да ја сместам и во моите топ 10 книги. Жалам што не можам да го најдам филмот, само некои сцени имам гледано на youtube.

Што се однесува до нејзиниот стил: Не можам да кажам дека ми оставила некој којзнае каков впечаток. Некои случки толку ми се филмски и во некои книги дури има и многу „лигавења“ во поглед на премногу романтични ситуации, а ретко кој доживува такви во реалноста. Ми смета и тоа што во повеќето книги (да не речам во сите) главните протагонисти се луѓе од високата класа чиј живот во материјална смисла секогаш е безгрижен. Па дај смени малце.

Сепак, од мене има некоја јака 3+ оценка. Сакам такви животни драми, но со малце повеќе возбуда, повеќе подеми и падови, која освен во „Накит“, во ниту една друга нејзина книга не ја сретнав.

 

Дискутираме автор: Даниела Стил

Моментално ја читам-Дебитантка- од проста причина бидејќи е мала а кратка сум со времето моментално , но гледам интресни наслови според вашите мислења ке се потрудам да ги побарам