Ај не ми ги извртувај зборовите и полека малку со тонот на дискусија. Не воспитувам пион што мора да ги следи општествените норми. И не реков да не слуша, кажав почит се заслужува! Ќе земам слика да и ставам дома и свеќа ќе и плаам нели, дека го учи моето дете. Боже со размислувањава. Од што толку ги бива сите дома со децата учат. Ќе слушаат, ама нема да почитуваат. Тоа се две различни работи. А шеф без почит на своите вработени ништо не постигнува. Тие го слушаат само затоа што мора и прва прилика метла од фирмата. Успех е почитта да им ја заработиш и да ти останат верни.
Се согласувам, ама зборуваме за деца кои се премали да ја праваат таа разлика. Затоа ги ставам двете работи во ист кош. Понатаму самите ќе сфатат кога треба да ги следат тие над нив, а кога да се спротистават. Во градинка мора да слушаат за да бидат безбедни прво и основно. Моето дете не би сакала никој да го малтретира зошто учителката нема контрола над групата, ниту сакам да малтретира други деца зошто тие трпат. Затоа е тој персонал таму, не очекувам да ги воспитаат ако ние родителите ништо не ги учиме дома, ама има правила кои мора да се следат. Ако мајка ти ти дава да ја маваш кога нешто не ти се свиѓа, не значи дека смееш да тепаш некој ако не ти дава играчка.
Пишав и претходно. Не поддржувам тепање, мавање и ко грев е кога некој ја бутка. Викање, седење во ќош не поддржувам. Мора да има друг начин да се задржи внимание и стекне почит. Слушање и почит дефинитивно не е исто за мене, па колку сака мали нека се.
Па кажи де ти како би постапила. Пишав и во првиот пост. Како мислите дека треба, ако детето не разбира кога му зборувате и објаснувате.
Пример, деца се тепаат. Прво ќе видам за што се тепаат. На таа возраст гарант за играчка, мече... Ќе ги смирам и ќе им дадам заедно да имаат активност, место едното во ќош да го пратам или во "затвор". И тоа активноста ќе биде поврзана со предметот кој ги "скарал". Ќе бањаат мече, ќе го нанаат, ќе го носат на лекар, боцкаат, шетаат, возат.. зависно од темата на дента/месецот.
Па не реков јас покорни, туку дека мора уште од мали да се учат да почитуваат ред и правила кои се поставени во одредена институција, дали дом, игротека, во случајов градинка/школо. А наставниците се поставени таму да ги спроведуваат тие правила и затоа треба од дома детето да го подготвиме за тоа дека треба да слуша што му кажува наставникот и да го почитува неговиот збор. Пак ќе кажам, не може дете од 2 години да расуди што е правилно, а што не, на тоа дете 1 бонбонче да му дадеш одма ќе потрча по тебе, иако на пример не ме познава и можам да му наштетам. Исто и обратно, ако некој му се скара не значи дека му мисли лошо и дека на тој некој треба да му се спротистави.
А зошто мислиш дека не е постапено така??? Ете за ова делам мислење со тебе. Ама сум имала ситуации, каде што мојава трпела такви " тепачки" па мајката место да постапи вака, го гали и мази детето, не плачи мило на мајка, а состојбата се влошува, почнува и неа да ја тепа.. не прифаќа тоа што некој пробува да го анимира, заигра, објасни... Иначе да, тој метод и јас го користам. Кај мојата некогаш проаѓа, некогаш не, ама за да не повреди некое детенце, ја тргам на страна... Не се сите деца исти.. и не се сите деца со родители посветени исто на воспитувањето. А какви се случки имам видено... подобро да не кажувам. Се трудат верувај, ќе си видиш по детето. Е сега има исклучоци, за кои сум била сведок. Е тоа не е ни до мерките, ни до карање дерење, казни... Ако некоја таму има проблем.. и да се децата мирни ќе најде да се жали.
Тоа е покорност. Секогаш има такви. На лулашки, се пика мојава преку ред. Ја тргам и и викам дека не е во ред. И на секое истото. Имаш родители кои на тоа ми винаат, остај ја, деца се. Тие се проблемот. Тие и за тепањр исто кажуваат, деца се.
@sofi2107 те читам и ко себе да се читам. Пред се, ќе кажам, ете може малце повеќе од некои други овде знам колку си посветена, тоа можам да го потврдам. Мојот ист ко твојот. Само да се гушка да се сака да се све. Јадеше здраво. Спиеше ко што треба. Откако оди во градинка се тргна наопаку. Вришти без врска. Јаде 3 јадења од кои ниедно не е здраво. Смути со очи не сака да види. И цело време кажува дека го караат. Не се замарам многу зашто го знам дека жива сила не врти и не се потресува на туѓо викање. Ама и дека се сјајни во градинка никад не би рекла. И што е најтрагично.. Кога ќе речам не така малце погласно крева раце и се брани... А од што се брани кога дома никој го нема удрено?!?
А зошто праќаш дете у школо ако не треба да слуша наставник? Гледаш дека од тебе почнува сето тоа и утре и со твое дете ќе биде исто ќе се жалат наставниците дека не ги слуша и ти што ќе правиш ќе одиш и ќе се расправаш со нив? Не мила, јас како наставник си ја знам работата, ниту сакам да цркам и да викам по децата. Ама од дома кога се вака воспитани да не можеш во ред да ги ставиш ние ќе тупиме глава а вие ќе идите ќе се расправате со нас и ќе фаќате врски по директори и најлошата услуга на детето ќе му се направи. За жал гледам мн такви примери секојдневно
@sofi2107 @LiliBoz Нормално е сето тоа што се случува,акумулирано стрес ,страв,лутење поради поаѓање во градинка но и учење социјални вештини кои се дел од социјалната компетенција на детето(Делење работи,помагање, соработка, разбирање на околината) Голем процес е пред нив.
Од такви муабети ако збореш пред детето здравје кога ќе порасне ќе зема сила да се понаша како сака у школо. Второ не моѓеш да вреѓаш дека не не бива секаде има исклучоци. Ако мислиш дека ти подобро ќе знаеш да ги учиш децата повели ќе ти отстапам работно место. Дома со 1 дете едвај се справуваш не па да дојдеш кај мене со 30 да се справеш, па и ако не те почитуваат, ајдеееее отиде возот
Па наставникот ако го бива за работата со соодветни мерки ќе го врзе детето да сака да слуша и да работи. На сила со сила авторитет не бива. Ова ти го кажувам. Јас очекувам наставниците/воспитачите да знаат како да ги анимираат/ангажираат децата со/во активност. Не тоа да е така зато што мора. Не може детето да мора да слуша, а наставникот да го зема тој однос ко здраво за готово. Мора да ме слуша. Не мора. Кажав, на работа шефот ќе го послушаш, ама само со почит ќе се задржиш во фирмата и ќе имаш поголем придонес. Така и децата. Нема што на сила да мора да те сака. Ќе те сака ако ти со твојот ангажман си посветена на одделението/групата. Лесно е да се казни. Тешко е да те слушаат без нив. Ти си учела ваљда како да се образуваат децата и дисциплина да се држи. Се учи тоа. Се дообразува, се читаат книги и по дипломирање. Психологија и слично. Сигурно никаде не пишува, децата мора да ве слушаат вие само предавајте. Ќе си најдеш начин да сакаат децата да соработуваат без тоа мора.
Ќе биде се во ред кога ќе се намали стресот. Ќе научи и социјални вештини со врсниците кои ќе му бидат многу потребни.
