Дневна и ноќна рутина - чистење и нега на лице

Имам нова рутина веќе две недели точно, мислам дека сега за сега ми е ептен погодена. Имам комбинирана кожа и неколку месеци наназад проблем со акни... Сакам да вметнам и витамин Ц на Revox па ако може некој да ми каже во кој дел од рутинава да го користам? И ако нешто не е добро во рутинава, поправете ме...

Наутро:
1. Зелената мисцеларна вода на Гарниер
2. Тоник на Зиаја Акаи Бери
3. Ниацинамид Revox
4. Крема Bioten Skin Moisture
5. Eucerin spf50 oil control

Навечер:
1.Зелената мисцеларна вода на Гарниер
2.Тоник на Зиаја Акаи Бери
3.Салицилна киселина Revox
4. Крема Bioten Skin Moisture
5. Не секоја вечер Сона на активните акни

 

Ако гледаш дека тебе ти прија тоа на твојата кожа и има подобрување мислам дека можеш да си тераш така, а за составот на производите и киселините најдобро обрати се кај @Biodevojka, najtocen odgovor kje dobies... Pozdrav

 

Мицеларната вода е пожелно да се измива од лицето - ќе си земеш гел или пена за миење лице и ќе ја користиш како втор чекор во вечерната рутина, а прв чекор во утринската рутина, бидејќи наутро нема потреба од мицеларна вода.
Серумот со витамин Ц може да го користиш наутро, наместо ниацинамид. Или наизменично со него. А можеби е подобро, наутро да ставаш серум со витамин Ц, а навечер наизменично да ставаш салицилна и ниацинамид. Не знам дали може и двата серуми да се комбинираат, тоа некој постручен ќе каже.

 

Може

 

Фала ти многу На почетокот ја измивав мисцеларната, ама после прочитав на неа дека не мора да се измива и мислев дека така подобро си ја врши работата.

Гел користев на Гарниер со салицилна киселина, ама премногу ми го исуши лицето и престанав да го користам.
Некоја пена да ми препорачаш?

 

На Балеа со плаво капаче пример?

 

Ќе земеш некоја понежна, за сува или осетлива кожа. Јас имам комбинирана, ја користам пената на Оливал за сува и осетлива кожа, со смиљ. Ептен ми одговара. Мицеларната вода е за чистење на нечистотии, растворање на истите, мора да се измие, барем јас не би ја оставала, недочистено ми е лицето само со неа.
Може да пробаш со гелот на Балеа што ти го предложи членката погоре. Гелови со салицилна киселина ја сушат кожата, имам користено порано, како тинејџерка.

 

Оливал производите можам да ги најдам во дм?

 

Да. Ама не сите, само дел од нив. Асортиманот на Оливал го има во Тесори ди маре, имаат веб страна, ги има и на фб и инста.

 

Фала ти многу, ќе ги побарам.

 

Малку глупаво прашање од мене ама навистина не знам како е правилно.
Значи се туширам околу 6-7 поручек а легнувам после 10 часот. Дали после туширање да ставам дневна хидратантна крема или да одам директно на ноќна рутина.

 

Девојки сакам да ве прашам за редоследот на користење на следниве продукти: гел за миење лице, тоник, пилинг, маска за лице, крема (логички на крај).

Колку често смејам да користам пилинг и маска?

 

Гел - тоник - крем е рутината.
Пилинг еднаш неделно, маска еднаш до двапати неделно. Ама зависи која е намената, најдобро е еднаш неделно, ама не истовремено.

 

Како што имам читано дека на зима пилинг два пати неделно, а на лето еднаш. Јас правам црла година еднаш. А баш се зачудив дека корејките правеле секоја вечер.

 

Еднаш до два пати неделно.Добар е редоследот само после тоник стави серум, па крема. А ако е рутина насабајле после тоник, серум, крема па спф.

 

Релативно едноставна рутина имам.
Млеко за чистење, ако имам шминка. Бидејќи не се шминкам често, секој ден користам само тоник или лосион. После тоа го мијам лицето со сапун Dove и многу ладна вода. На крај, секако, крем.
Еднаш или двапати неделно правам пилинг.

И наутро и навечер правам исто... Логично, освен делот со шминката

 

Дечки дали ако ставам серум пред кремата, може да го исклучам тоникот од рутината? Или може да се користи и тоник и серум? Доколку да, по кој редослед се нанесуваат?

 

Може да се користат заедно, прво се става тоник, после серум, па крем.

 

Какo иде редoследoт на нанесување: пена, мицелирана вoда па крема? Тoник пoтребен е и кoга се нанесува?

 

Мицеларна вода, пена, тоник, крем. Меѓу тоникот и кремот може серум, но и не мора.